#زواجي_مجرد_تضحيه
الحلقة العشرون
للكاتبه ملاك
مروا اربعه شهور بحلوهم ومرهم اما انا بديت نتجنب في زكرياء وقصي وجي وقت عرس سراج
.....
روح قصي يوم الفاتحه .....خش بدل وسلم ع امه وطلع ..اما انا ماشافني ...
تم يوم الفاتحه وجي يوم الخميس روحت من المزين وكنت لابسه فستان دمي متع حوامل ..وقايمه شعري فوق ونحوس معاهم في الخيمه .... لحدما
مرت عمي: منار النبي سلم بنتي شوفي قصي شن يبي
انا: تمام ...ومشيت لاقرب مرايا ساويت شكلي ودكنت الروج وطلعت
هناء: هذا كله ع خاطر قصي اضرب
انا ابتسمت وفي سري: طالعه بش نقهره لااكثر
طلعت لجنان الخلفي لقيته واقف
انا: نعم شن تبي
قصي واقف مترنح ويشبحلي : ....
انا: معليشي مستعجله شن تبية
قصي: .....
بعدين فاق وهز راسه: وتيلي الحلويات من توا للرجاله وجماعة السهريه
انا:طلبات تانيه؟؟.....
قصي: معش تطلعي بدون عبايه
انا: مدخلكش
ولفيت بنمشي شحني قصي ليه وفقدت توازني ولو ماشدني لطحت
انا: هييي انت شن مزال عند تفكيرك التعب مزال مش راضي بيه العيل هذا
قصي: ..... مزالتي زي ما انتي ام لسان وعبيطه وطفله
انا: وانت مزلت واحد كذاب ومستفز وتافهه
قصي: وكيف طلعت كذاب
انا: ماكنتش ماشي عمل ....انت كنت جبانه لدرجة انك حاولت تهرب من الواقع يالي كنا فيه ونتوقع انك درت هلبا حاجات في سفرتك من انك شربت لحد انك ههه واضني فهمت عليا شن نقصد
قصي بغضب : شن قصدك مفهمتش
انا: لا فهمت يااستاذ قصي ...عن اذنك توا ...اي وعندي ليك موضوع مهم غدوا في الليل
قصي: انتي ع شن ناويه
انا: اممم ع شني صح ...ناويه اني نفذ كل الوعود يالي قلتها من قبل
ومشيت ...تم اليوم عادي ... روح سراج هو وسحر زكرياء كان كل الوقت مركز ع قصي وقصي كان مستغرب من الشخص يالي يراقب فيه
تسريع الاحداث تاني يوم روحوا خوال وخالت قصي وفضي الحوش .... وبعد المغرب قعمزنا في الجنان نهدرزو كلنا ماعدا قصي يالي كان طلع وفجاءه سكت الكل ...استمر الهدوء لعند ما
عمتي: شني فاديه ...مزال مش جاي راجلك
فاديه: .....
عمي: اصلا وينه امس ويوم الفاتحه ماجي
فاديه: ااه ...ماه ...هو ....
عمتي: خيرك يابنت شن فيه
فاديه بدت تنزل في دموع التماسيح: هو يبي يطلقني ياامي قالي انتي متجيبيش في صغار وحتى مد يده عليا ..( كله كذب طبعا)
عز الدين: شنو ....شن يحسابه معندكش رجاله وراك لين يمد ايده انا نوريه
هناء: اهدى ياعز الدين خلي نفهموا قبل
عمي: صح ياعز الدين مرات حتى اختك غالطه في الراجل
فاديه: لا ياخالي اهييي اهييي ... امه ديما نضملها ونطيبلها وفي النهايه تقعد تكشخ وتهزب فيا ...وهو ديما يضرب ويسب فيا ويقولي انتي متجيبيش في الصغار وتوا بيطلقني
عمي: لاحول ولاقوة الا بالله توا نشوفو حل
وفعلا طلعوا عمي وعز الدين ومشوا لحوش فاديه
وبعد ساعة ونص خش عمي ومعاه عز الدين يالي يهزب والكل خايف ومصدوم عمي خشش عز الدين للصالون وطلع
عمي : هناء ومنار ...ارفعو الصغار وفاديه ورجاء وفتحيه تعالوا ...
مشيت انا وهناء والصغار لحوش هناء
هناء : يستر الله اشبح شن صاير
انا: تعرفي يخوف عز الدين لما يكشخ
هناء: ههه يخوف وسكتي ...انا نبدا نبكي لما يفصل
انا: مصحك ههه انا منحبش نبكي قدام حد الحق
هناء: حتى قصي
انا: حتى قصي
هناء: لحق انا بكايه
وشوي وخش عز الدين
عز الدين : منار قصي وعمي ومرت عمي وامي في الصالون وقال قصي عندك موضوع مهم بتقوليهلهم
انا بصدمه : شنوو؟؟؟
عز الدين: قصي هكي قال
انا: تمام ماداما هو هكي يبي ومشيت وانا معصبه
هناء : يستر الله شكله في مصيبه جايه
عز الدين: انا من كلام قصي حسيت فيه شي
اما عندنا خشيت ولقيت الكل واقف ومنصدم وقصي يتكلم بكل تقه
قصي: ها يا ابله بش تتوعدي يالا نفدي وقدام الكل
انا اكتفيت بكف خلا الكل يشبحو ومصدومين انا طلعت للدار ودقايق وجيت وانا ماسكه ورقه فيها كل اجراءات الطلاق
عمي: ش...شن ...يالي...قاعد يصير توا وهذي ورقة شني
قصي:....
انا قربت من قصي: اهو نفذت ياقصي ...نفذت كل وعودي يالي قلتها ...عموما هذي اول مفجاءه وما خفي اعظم
وقفني صوت عمي : مناااار هذا شنو ...علاش ورقة الطلاق ...وشن فيه
انا: ببساطه ولدكم الموصون ...مع احترامي ليك يا عمي بس ولدك مش راجل ولا حيكون راجل
قصي قرب ومد يده
انا مسكتها وهزيت راسي بالنفي: وهذا الدليل ياعمي ...ولدك ضربني اكثر من مره اعتدي عليا وهو سكران ... واخر شي داره حاول يقتل ولده شن مزال تبي اكثر من هكي
عمي: ......
انا: مش معنا اني يتيمه وبنت فاحنسكت ع حقي وانا حاليا بديت الحرب يالي حنفوز فيها ونتسارجع حقي ثالت مثلت
عمتي رجاء: وين ماشيه بالكلام يابنت احترمي عمك وعمتك
انا: عمي محترامته لاني عرفت كل شي عرفت انك سبب زواجي من قصي لانه يحب فاديه وانتي ماتبيه
قصي فتح عيونه بصدمه: شنو
انا: عرفت ان بنتك حبت قصي بس ع خاطر الفلوس
وعرفت انك هددتي عمي لو ماطلب حصة بوي من الورث انك ح تفضحي بقصي لانه يشرب عرفت انك مش اخت بوي وعمي من نفس الام وهذا سبب مقنع يخليك تهددي خوتك الزوز
عرفت انك انتي وبنتك تحبو الفلوس ولاشي اكثر
وبعد هذا كله تطلبي مني نحترمك
بجديات شن شعورك
الكل: ......
وفجاءه تكلم عز الدين
معقوله ...معقوله امي تطلع هكي بعد هذا كله
انا: اسفه ياعز الدين ...بس هذا قليل من كثير
عز الدين: الله يسامحك ياامي
انا : عموما نحب نقولك ...غدوا جلسة الطلاق وكل جلسه حتتهرب منه حتحصل غرامه وتنتهي الجلسه لمصلحتي
والصراحه انا مغلطش لما قلتلكم انكم تلعبوا مع الشخص الغلط وتوا تصبحوا ع خير
طلعت والكل مصدوم من كل كلمه قلتها
عز الدين وعمي مصدومين من عمتي والحقيقه يالي طلعت ومن جيهة تانيه عمي موضوعي انا وقصي
اما مرت عمي مصدومه بكل شي سمعته
انا ركبت ولاول مره نرقد مرتاحه وناسيه همومي لحد مانضت الصبح ع رنة تلفوني
انا:الووو صباح الخير
زكرياء: صباح النور ...وينك راه تاخرتي حتى قصي جي
انا: حييي نسيت ... توا ربع ساعه ونجي
زكرياء باه اصلا مزال نص ساعه ع وقت الجلسه بس لازم تجي بكري
انا:تمام
وبعد ربع ساعه وصلت لقيت قصي يشبحلي تجاهلته ومشيت لزكرياء
انا: صباح الخير
زكرياء: صباح النور غريبه مش من عوايدك تتاخري
انا:امس اول مره نرقد مرتحه هكي
وقطع علينا قصي
قصي: وانا نقول يوم الخميس تركيزك كله عليا يازكرياء يارفيق خوي
زكرياء: لزوم الشغل ياقصي
قصي: بالله شن موقف سراج لما يعرف صاحبه شن دار
زكرياء: اولا انا نقوم بشغلي لااكثر والشي الثاني
انا: الشي الثالت والرابع والمليون ...سراج يعرف وهو يالي كان معاي تعرف علاش لانه راجل مش بالاسم بس لكن حتى الفعل ليه دور
قصي:....انتي ....
يتبع
