#زواجي_مجرد_تضحيه
الحلقة التانيه وعشرون
للكاتبه ملاك
سراج: هه خيرك بتبكي انتي
انا: لا منبكيش عيني توجع فيا بس
سراج: هذي منار يالي نعرفها ...البطه
انا:مبردك ...وابتسمتله
سراج : جهزي روحك ....
انا: تمام تصبح ع خير
سراج : وانتي من اهله
مشي سراج وخشيت انا لخوتي
رامي:علاش سيبتي حوش عمي وحوشك
انا:رامي هذاكا مش حوشي لا كان ولاحيكون
رامي: باه علاش
انا: بش بابا يبدا فرحان ومرتح ان حني بخير هو وماما
ريان: بس هما خلاص ماتوا
انا: هما عند ربي توا ...هما في مكان احسن
وتوا عندي ليكم مفجاءه حلوة
ريان ورامي بحماس : شني
انا: بش زمان خاطركم تركبوا في الطائره خلاص بنسافروا
ريان ورامي: حقاااا وين وكيف
انا: سراج ساعدني نحصل منحه برا بما اني نجحت الاول في الشهاده الثانويه ... وزكرياء قدر يطلعلي حقي من ورث بابا ويوم الخميس بنمشوا ل دبي
ريان ورامي: واخيرراااا ولامتى بنقعدوا
انا: لين نكمل قراية ...واصلا نفكر لو حصلت عمل نقعدوا
تمت الليله بدون احداث
جي يوم الخميس .....
نضنا الساعه 4 صبح ..وكان المفروض نطلعوا من ليبيا لتونس ومن تونس للامارات
وقفنا نسلموا عليهم ووصل الدور في قصي
انا ببتسامه : انا توا مشيت ... صرت ذكرى عندك وفاديه معاك...بس ياريت ماترجع للشرب من جديد...ومتخافش ..لانك حتى بعد هذا كله حنخليك تقعد ذكرى حلوة قدام ولدك ...مع السلامه
قصي: ...... واكتفي بنظرة كلها ندم
طلعنا للمطار وطول الوقت وانا سرحانه ...ومستغربه ...
وبعد رحله طويله وصلنا دبي
انصدمت بالشخص الواقف قدامي
انا: زكرياء ...شن ادير هني
زكرياء:...جيت بش نرد بالي من بنت خالتي
انا:بنت خالتك؟؟
زكرياء :ايه انتي بنت خالتي من نفس الام .. عرفت الشي هذا لما بديت المحامي متاعك
انا: وعلاش مقلتش
زكرياء:هذا سراج
انا: مش مصدقه ...حسيت روحي في مسلسل هندي
زكرياء : دراما ليبيه وسيناريو هندي والمكان اماراتي😂😂
انا:ابتسمت ..ومشينا مع زكرياء انا وخوتي وسراج وسحر
وكان في حوش كبيررر
زكرياء: نورتي الحوش
انا:قصدك هذا لينا
زكرياء ايه
سراج: شن رايكم ندهوروا
انا: ياريت ....
زكرياء: يعني هيا .
....طلعنا لحديقه قريبا ...زكرياء وسراج يلعبوا في خوتي وانا وسحر قعمزنا
سحر: اي متبيش تحكي شن صار معاك
انا: هههه قصتي تمشي مسلسل راه
سحر: احكي احكي
انا:تذكريةلما جيت نخدم عندكم ....هذاكا الوقت بابا ليه يومين كيف روحنا بيه من المستشفى بعد الحادث
سحر ؛ وكيف صارله الحادث
انا:وقتها كنا ناجحين وانا واخده الشهاده الاعداديه طلعنا رحله للبحر كانا فرحانين وخصوصا انه مزالنا مع بعضنا ...وتاني يوم الظهر جينا بنروحوا ....واول مامشينا لنص الطريق نزل للمحل في الجيهة التانيه ...ولما طلع ...
وسكتت
سحر: اسفه نكدت عليك
انا: لا عادي ...واول ماطلع انا قمت عيوني وماشفت شي غير الناس يالي ملثمه ع بوي والسياره يالي ضربته هربت
مشي للمستشفى ...ولما طلعت امي كانت مش قادره تتكلم انا توقعت انه مات
بس مع هذا فرحت لما شفته معانا ...بدت المعاناه امي كانت تخدم خياطه اما انا قررت نكون معاها وبديت نخدم بعد لمدرسة ....وبعد سنتين توفى بابا وهو يعني ...وفي اقل من7 شنور لحقت عليه امي ..وانا قعدت انعاني في خوتي وطلعوا عليا فجاءه حوش عمي وعمتي وفي اقل من شهر انجبرت من عمتي ع الزواج من قصي واخيرا اطلقت وتوا انا هني ....
قطعنا زكرياء: انتي نوضي معاي ....وانتي بري لراجلك
انا: ها شن تبي
زكرياء: تعالي شوفي شن لقيت
انا: شني
زكرياء : ملاهي ياطفله
انا: ووووه الله نحبها هيا نمشوا ..
زكرياء: باه ...
تسريع الاحداث
مرو 5 شهور علينا في دبي ...سراج رواح
انا بديت نقرى ...وخشيت في شهري وزكرياء طول الوقت وهو يحاول يكسب قلبي ويرضيني
لعند يوم جيابي
كانت الساعة11الصبح خوتي في المدرسه وانا من اول مانضت حاسه بالم ... وع اساس زكرياء في العمل ...قعدت نلود لعند ما حسيت بالم قوي قعمزت نبكي لين حسيت بيد تقيملي في راسي
زكرياء: خيرك
انا: حاسه روحي بنموت خلاص
مشي زكرياء بسرعه جابلي عبايتي ورفعني لاقرب مستشفى وانا خاشه ونتالم جت عيني في عين شخص متوقعتش نشوفه بكل وهو خاش وكله دم وشكله يخوف توقعت اني نحلم ولما تلفت من جديد اختفى ...فرحت لانه حلم
بعد ساعتين فتحت عيوني بتعب ع صوت بكى بيبي جنبي ولما شفته قعدت مترنحه فيه لفتره ودقايق وخشت الممرضه
الممرضه: الحمد الله على السلامه
انا: الله يسلمك ...ممكن تمديهولي
الممرضه: اكيد ...تفضلي ...وفي برا شخصين قالوا انهم يعرفوك
انا: شكرا.. اي اكيد خليهم يتفضلوا
مسكت الولد وقعدت نشبحله تصدقوا اولا كان نسخه من رامي ... حضنته ودموعي ينزلوا
وطق الباب ...توقعته زكرياء
انا:خش يازكرياء
خش زكرياء
زكرياء: الحمد الله ع السلامه ...مبروك ياطفله
انا: الله يسلمك ....طفله في عينك
زكرياء: لمن يشبه ...
انا: حسيته زي رامي ...بس مزال صغير مش معروف
زكرياء : عيونهزي عيونك بالزبط
انا: وحتى هو ولدي
زكرياء: شن بتسميه
انا:مش حنسميه انا
زكرياء: امالا من
انا: ح يسميه سراج
زكرياء: علاش؟؟؟
انا: لان سراج اكثر شخص كان معاي وساندني وقت احتجته سراج ختار روقف مع الحق على انه يوقف مع خوه
زكرياء ابتسم
وقطع علينا الباب
انا: تفضل
وفجاءه انفتح الباب وانا انصدمت من الشخص يالي واقف
انا بصدمه: ق..قص...قصي...شن ادير هني وعلاش شكلك هكي انا لما شفتك كنت نحساب روحي نحلم
قصي: انا كنت هني من اول ماخشيتي في شهرك نراقب فيك من بعيد ولما شفتك طالعه وتبكي اليوم للمستشفى لحقتك ...لكن صارلي حادث في الطريق
نرجعوا للخلف شويه
الدكتورة: ممكن اثم الاجراءات
زكرياء: اكيد
الدكتورة: بس حظرتك شن تكونلها
زكرياء:انا ...
وقطع عليه صوت جاي
قصي: انا زوجها وين نوقع
زكرياء: انت طلقيها مش زوجها
قصي: وهذا ولدي
زكرياء: ......انت شن ادير هني وعلاش شكلك هكي
قصي: مش وقتك توا
قصي:عفوا يادكتوره بس المريضه عندها القلب للعلم
الدكتورة:تمام تقدر توقع هنا
قصي: تمام
نرجعوا للوقت الحالي
انا: مديتله البيبي شفته صح توا تقدر تطلع وتسكر الباب وتمشي من قدامي
قصي : ممكن دقيقة
انا: زكرياء اسفه ..بس ممكن تطلع شويه
زكرياء قرب من قصي: رد بالك تزعجها حتى بكلمه لان نهايتك حتكون ع ايدي بعدين
قصي: وبصفتك
انا: صفته ولد خالتي وقريبا زوجي
قصي وزكرياء انصدموا الاتنين وشبحولي
قصي: شنوووو.
انا: يالي سمعته ...زكرياء معليشي اطلع شويه
طلع زكرياء
قصي: تكذبي انتي صح
انا: لا ...زكرياء طلب مني الزواج اكثر من مره بس انا كنت نرفض ...لكن تعرف شي ...عمرك ماحنيت عليا او حبيتني او حتى تعاطفت معاي زي زكرياء انا متاكده اني حنكون غبيه لو رفضت شخص دار كل شي بش نكون معاه
قصي: بس اني ...
انا: بس انت شنو ...قصي انا حاولت معاك هلبا ...مش مره او اتنين ...لكن انت ...
قصي: ......
انا: وتوا ياريت تطلع وتخليني ارجوك مش متحمله ...
قصي : ممكن نشوفه للمره الاخيره
انا: تفضل ...
طبس قصي باسه وبعدين قعد يشبحله
قصي: يشبه ل امه يالي ضاعت مني لاني كنت غبي
وعطهولي وطلع
يتبع💜උ
