#زواجي_مجرد_تضحية
الحلقةالسادسا عشرا
للكاتبة ملاك
خش قصي علينا وكان معصب
قصي :مش اول مره يامنار ...علاش هكي
انا: قصي والله كان يوري فيا في صور فرفة نوم يبي يخترها
سراج: تحشم ياقصي وين الثقه خوك انا وهي بنت عمي ...وثاني شي شوف المسافه بيناتنا
قصي مسك يدي وكرني معاه: قتلك معش تقربي منه وله قتلك ونبهتك الف مره
انا: قصي بدون حركات اطفال والله مافيه حاجه بينا
قصي: هذي ثاني مره والثالته ثابته يامنار
انا: افففف باه باه تمام
ومشيت وقصي وراي
عمتي: مشاء الله هذي العاده شوره
قصي: عمتي معنديش خلوق للنقاش
عمتي: .......
مرت عمي: خيرك ياقصي شن فيه
قصي: من متكلم ع موضوع الصغار امس
عمتي: مشاء الله امتى لحقتك تحكيلك
قصي: عمتي فاديه بنتك حكتلي مش منار
عمتي : ......
قصي: عموما يالي حاب نوصله نخلف منخلفش مدخلكمش
وقطع حديتنا ان الصغار روحوا من المدرسه
وتم باقي اليوم عادي ليوم الخميس وكان يوم حفلة فاديه
نضت الصبح بكري دوشت وجيت انوض في قصي
انا: قصي
قصي : هممم خليني راقد
انا:قصي نوض بس ترفع فاديه للمزين
قصي شبحلي بنظره حاده ورجع رقد
انا: قصيييي نووووض هيااا
قصي جبدني وطيحني عليه : تعرفي تسكتي
انا: لا مش ...وقبل مانكمل كلامي سكتني ببوسه
وانا تفاعلت معاه وقطع علينا طقت الباب نضت فتحت ولقيتهم التوام وقصي طول ناض يهزب فيهم
وبعدين ناض بدل ونزلت انا وهو
قصي وانا:صباح الخير
الكل: صباح النور
عمتي: هيا قصي بش ترفع فاديه ومنار للمزين
انا؛ بس مانبي نمشي انا
قصي من تحت الطاوله قرصني بش نسكت
عمتي: لا بري كيف تمشي فاديه بروحها
انا: اوكي خلاص
ركبت بعدها لبست عبايتي وجهزت حاجاتي وبعدين ركب قصي وراي بدل ونزلنا مع بعض
قصي: لو استحقيتي حاجه كلميني
انا: تمام ....رد بالك من رامي
قصي: متشغليش بالك بيهم
فاديه: هيا وقت
قصي شبحله بحده ورجع يكمل
قصي: اول ماتكملي كلميني
انا: اوكي ...وانت حوايجك وين نجي نطلعهملك
قصي: باه خلاص ...اصلا منمشي توا مع الولاد
وطلعنا ....
تسريع الاحداث
مع الساعه8 في الليل طلعنا من المزين ومشينا لصاله
فاديه: مش كان عطلنا
قصي: هلبا عطلتوا ...مش عارف علاش هذا كله
انا؛ مش مني من يالي مش عاجبها شي
فاديه: ياحبيبتي هذا يوم عمري منبيش نطلع زي الشحاته زي بعض الناس
انا ؛ وربي مانقتلك ساد تحملتك اليوم كله
قصي: هييي منااار اهدي عيب
انا: خلوني عليها بس
قصي: ياسر ياطفله
انا:اففف
وصلنا وقصي لين دموعه نزلوا من الضحك على الموقف يالي صار ...نزلت فاديه اما انا وقصي روحنا بش نطلعله حويجه ونلبس فستاني
قصي: بنخش ندوش مابين مالبستي
انا:تمام
خش قصي وانا نحيت عبايتي ولخمار
ولبست فستاني يالي جابه قصي في عيد ميلادي وكان اسود وطويل ومرسوم ع الجسم لبست عليه كعب احمر وشعري فكان سريحه بسيطه ومن الخلف مفتوح ودكنت الروج ووقفت ع المرايا نلبس في التعليقة
ع طلعت قصي وكان لابس سورية حنيه ع جاكيت سوداء وسروال اسود وكندرته الحنية
قصي: احم احم شن رايك
انا:حلوة
قصي : البسي عبايتك بسرعه وقت
انا: تمام ...وكنت مستغربه انه ماعلق ع شكلي
لبست ع السريع وطلعنا وحسيت قصي فيه شي
وماكنت نعلم بكلامه هو وفاديه
نرجعوا للخلف شويه
قصي: خلاص انتهي كل شي وبتنزافي لغيري
فاديه:هذا النصيب
قصي: نحمد في ربي لان عرفت انك ماكنتي تحبيني بجد
فاديه: ......
قصي: ومع هذا حاس اني بنفارق روحي
فاديه: .....
قصي: شن بنقول غير ربي يهنيك يابنت عمي
نرجعوا لوقتنا الحالي ....وصلت واول ماخشيت الصاله لقيتها كيف زحمت
خشينا وتعرفوا انتم اجواء الاعراس الليبيه وطول الوقت ومرت عمي تعرف فيا في العيلة
وجي وقت طلوع فاديه لحوش العريس
طلعت انا وهناء مع عز الدين وانا طالعه شفت قصي واقف ويشبح لفاديه كان موقف مستحيل ننسه كان عيونه يدمعو ...وقتها بس عرفت اني بالنسبه لقصي حاجة تسليه ومستحيل في يوم تكون بينا مشاعر ركبت لسيارة وانا ماسكه دموعي ..
هناء: خيرك شن فيه
انا: لا مافيه شي
هناء: والله فجاءه جوك انقلب
انا: مافيه شي بس نبي نقولك ع حاجه
هناء: قولي وسرك في بير ان شاء الله
انا: شاكه اني حامل
هناء: واللله مبرووك
انا: ياحاله قتلك شاكه
هناء: خلاص وين نروحوا دكريني نعطيك اختبار
انا: خلاص
ومشينا معاهم وانا خايفه يطلع يالي في بالي صح
خصوصا انا في شي كنت مفكره فيه حايقلب الاحداث كلها
ودقايق ووصلنا ..نزلنا وكانوا ناس في قمة الذوق والرقي بس مكانش عقلي معاهم
قعمزنا نص ساعه ورنوا علينا
طلعت واول ماطلعت قابلني قصي يالي اشرالي نجيه
ركبت في السياره وانا مش قادره نشوفله
قصي: خيرك ساكته
انا: .....
قصي: نكلم فيك
انا: نعم كنت سرحانه
قصي: بنروحوا للحوش اليوم
انا: لالا منبيش
قصي : علاش
انا:كيف نخليهم ونروح تاني شي تلفوني عند هناء
قصي: عادي وتلفونك توا نخطم عليهم لان حتى هما بيروحوا للشقه
انا: امم باه
وخطمنا ع هناء
قصي؛ خودي شن تبي بنكلم عز الدين بسرعه
انا: تمام
خشيت مع هناء وحاسه روحي بنموت
هناء: ترا نشوف النتيجه
انا وقتها حسيت برعب
هناء: هه مبروك حامل
انا:.......
هناء: هه خيرك مصدومه صح
انا: .....
ع رنت قصي
انا: شكرا تعبتك معاي
هناء: مش بيناتنا
ركبت
وانا في حالة صدمه وخاطري نبكي ونكسر الدنيا كلها خاشه في حالة صراع داخلي بين قلبي وعقلي
وصلت وطول ركبت دوشت وبدلت وطلعت لقيت قصي مقعمز يستنى فيا
اناوقصي في نفس الوقت؛ عندنا موضوع نتكلموا فيه
انا: ابدا انت الاول ...
قصي: انا بنسافر يوم الاربعاء
انا:.......
قصي: احتمال نقعد شهر عندي شغل ...وانتي خيرك
انا: قصي ...انا...اناااا
قصي: خيرك؟؟؟
انا غمضت عيوني : انا حامل
قصي: هههه تبصري صح
انا نزلت راسي
قصي وقف وبصراخ: انتي تبصري صح لالااا انا منبي....
انا:هه كمل ...كمل شنو ...انا خلاص تعرف شن قرررت قررت ننتحر
قصي: البسي عبايتك ...توا بنمشوا نتاكدو
وفعلا هذا يالي صار
وقصي تحت تاتير الصدمه
يتبع
