#زواجي_مجرد_تضحيه
الحلقة الثانية عشرا
للكاتبة ملاك الشريف
خشت مرت عمي رقدت اما انا قعمزت نستنى في قصي في الجنان
خش سراج
سراج: خير
انا: خيرات
سراج: شن الجو
انا: تمام الحمد الله وانت
سراج : الحمد الله ...خيرك مقعمزه برا بروحك
انا: نستنى في قصي ...شفته
سراج: راجلك وتعرفيه شن اكيد مقعمز ع البحر ويسكر ..هذي العاده
انا: سراج قصي فيه شي متاكده انا ...مش هاذي طبيعته وتاني حاجه اتفقنا انه يوقف شرب ووعدني
سراج : هه وعدك ....هذا قصي يامنار افهمي
انا: سراج....انا متاكده ان قصي قد وعده
سراج : مستحيل
انا بحده: سراج بالك تبي تكلم خطيبتك ولاعندك شغل
سراج : لا ...لكن مدامني عصبتك ...تصبحي ع خير
انا: وانت من اهله
وانا مقعمزه نتفرج ع النجوم خطر عليا موقف حلو من سنتين وكانت قبل الحادث
انا مقعمزه في البالكونه ونتفرج ع النجوم ونقرى في كتاب
خش عليا بابا
بوي: قاعده فايقه
انا:ايه مخاطريش نرقد ...علاش
بوي :الساعه1:30 راه
انا: نكمل الصفحه خذي بس باه
بوي: باه انتي شن تقري وانا نقولك نكملوا ولا لاء
انا: تذكر الكتاب متع مكتبت جدي يالي يحبه
بوي : ايه اذكرته
انا: باه شن اسمه ترا
بوي: كاليلة ودمنة
انا: ههه صح
بوي: مستحيل ننساه وانا قريته كله
انا: باه شن رايك تقرا انت وانا نسمعك
بوي: اممم باه
وقرالي وصفحه بعد صفحه وانا نسمعله ومركزه معاه وهو منسجم في القراءه لدرجت انه كملنا الكتاب
انا: بابا كملناه حني
بوي: مش احسن هكي
انا: زعما نقرو كتاب تاني
بوي : باه بس المره هذي انا بنختار
انا:باه نقول واحد ولو ما عجبك اختار انت
بوي: باه ...شن هو
انا: كتاب قصة عابره
بوي: قداش مره بنقراه هذا
انا: ههه كتابي المفضلةماه
بوي: لانه كتابك المفضل بس بنقراه
انا: هه نحبك
بوي: شفشه ههه
انا: حرام عليك
فقت من الذكرى ع صوت سراج
انا: نعم
سراج: خشي ليل
انا: بنستنى قصي
سراج جي قعمز تحت الشجره
انا: علاش قعمزت
سراج : لاني منقدرش نخليك بروحك برا وعارفك معانده ومش ح تخشي
انا: اها به
سراج : شن رايك نعرفك ع خطيبتي سحر يمكن تحبوا بعض
انا: اسمها سحر قصدك
سراج: ايه علاش
انا: لاشي بس زمان تعرفت ع بنت هكي اسمها
سراج: اهي تتصل ... عن اذنك دقيقه
انا: اذنك معاك
ورد سراج عليها لو تعرفوا كمية القهر يالي حسيت بيها
كيف كان سراج مهتم بيها ويسئل فيها ع كل شي صار معاها اليوم ويتغزل فيها قعدت نفكر علاش قصي مش زي سراج مع انهم خوت بس الفرق بين السماء والارض كان قصي قاسي ويحب الوحده معاملته جافه وعصبي اما سراج كان حنون ويحب اللمة معاملته حلوه وضحوك
وما حسيت الا ب سراج وهو يقولي
سراج: اسمعي
انا: نعم
سراج: كلمت سحر وقالت تبي تتعرف عليك فالو تبي رقمها
انا: عادي براحتك
سراج :هذا رقمها وانا عطيتها رقمك
انا : اوكي
ورن الفون وطلعت سحر
سراج: عن اذنك توا بنخلي السلفات يتعرفوا
انا: ابتسمت ورديت
انا: اهلين
سحر : بيك ...كيف حالك معاي منار صح
انا: الحمد الله ....ايه وانتي سحر صح
سحر: ايه ...حسيت صوتك مش غريب عليا الحق
انا: حتى انا ...شن لقبك
سحر: سحر علي ال....
انا: شنووو؟؟؟قصدك انتم يالي تسكنو في .... جنب السوق الكبير
سحر: ايه ...كيف تعرفيني
انا: انا منار ...... يالي انا كنت نخدم عندكم
سحر: قصدك انتي امك ...... يالي كانت خياطه
انا: ايه هيا
سحر: تعرفي ماكنت نعرف
انا: صدفه
