#زواجي_مجرد_تضحيه
الحلقة الثالته وعشرون
للكاتبة ملاك
طلع قصي وانا نهرت بكي ...لاني في نهاية المطاف حبيته ...حبيته بكل عواطفي وجوارحي ومع كل محاولتي لكرهه مقدرتش لان الحب شي منقدروش نتحكموا فيه
دق الباب وخش زكرياء
زكرياء: اسف ع الازعاج بس عطوك خروج
وجي قعمز
انا: احسن اصلا منحبش المستشفى
زكرياء: كلامك م....
قطعته : انسى كلامي يازكرياء اسفه بس انا قلته لاني مانبي قصي
زكرياء : ....تمام عن اذنك توا
ناض زكرياء
انا: زكرياء اسفه اسفه بس مقدرتش نحب غير قصي ...وانت تستاهل شخص يحبك بجد
زكرياء:..... تمام ..يالي تشوفيه ياطفله وابتسم وطلع
انا: حسيت بشعور غريب ...حسيت روحي في دوامه ...حسيت باني صرت مريضا بمرض اسمه حب قصي
بعد مرور 3ايام ...اتصلت ب مرت عمي بنخبرها اني جبت
انا: الو صباح الخير ...شن حالك مرت عمي
مرت عمي: صباح النور ...الحمد الله شن حالك انتي
انا: بخير الحمد الله شن حال عمي
مرت عمي: الحمد الله كويس ...شن حال خوتك
انا: الحمد الله ...بنقولك
مرت عمي:نعم
انا: مبروك وليتي جدة
مرت عمي: هههه حقا ...امتى جبتي
انا: ليا 3 ايام بس لهيت وماخبرتكم
مرت عمي: هه الحمد الله ع سلامتك ويتربي في عزك ...شن حاله
انا: سلمك ...الحمد الله كويس لكن عياط
مرت عمي: هههه طالع لبوه اكيد
انا: هههه ...شن حالكم
مرت عمي : بخير شن حالك انتي عاد اكيد تعذبتي
انا:هلبا
مرت عمتي:تهون لما تشوفيه ...لمن يشبه بالحق
انا: لتوا مش باين مع اني نشوف فيه رامي نسخه مصغره
مرت عمي:ههه ايه شن جوهم معاه
انا: قريب يهبلوا عليه
مرت عمي: وشن حال قرايتك
انا: اهو مزالي سنه 6شهور ونتخرج
مرت عمي: ان شاء الله تفتكي ...تبي الحق يابنتي ...لو كنتي مع راجلك خيرلك
انا: .....مرت عمي ...لو سمحتى ماخاطريش فيه الموضوع هذا ...
وقعدنا نهدرزوا وبعدين كلمت سحر خبرتها وطول اتصل بينا سراج مكالمة فيديو
انا: هذا كله مستعجل تبي تشوفه
سراج: مزال ....اصلا توا بنحجز اول طياره وجايه
انا:هههه ان شاء الله نشوفه عندك
سراج: ان شاء الله ...شن سميتيه
انا: هذي مهمتك يافالح
سراج: كيف؟؟؟قصدك بنسميه انا
انا: ايه
سراج : علاش
انا: هكي جي خاطري تسميه انت
سراج: ياستي باهي لكن متقوليش مش حلو ومعجبنيش
انا: قول هيا
سراج: عبد الرحمن
انا: خلاص هذا عبد الرحمن قصي ال....
سراج: يالي عمه سراج ال...
انا: هذا فاش فالح
سراج:هههه صقع عليك
انا: بنقولك انت كنت تعلم ان قصي هني
سراج: ايه ...هو طلب مني انه يكون قريب عليك لعند ماتجيبي ...كان خايف عليك ونادم على كل شي داره ...اول مره نشوف قصي منكسر
انا: حتى يالي داره فيا مش شويه
سراج: باه فوتينا من موضوعه عارفك معانده
وريني العسل هذا
انا: رقد خليه ...توا بنسجله عبد الرحمن محلاه الاسم منين جت منك
سراج: بعد تسجليه نحكيلك
انا: علاش مش توا
سراج: ماه بنسكر توا سلام ....
انا: سلام
سكرت من سراج وبالي مشغول بقصي يالي مارجع زعما وين يكون توا ...اخخ قداش استاحشته
وانا نفكر ناض عبد الرحمن يعيط
رفعته لداري ورقدته وطلعت نجهز في الغدي
تسريع الاحداث تاني يوم مشيت للبلديه بنسجله
بس ماصار لانه ضروري يبو الاب وكتيب العائله
اتصلت بسراج بش يخبر قصي وفعلا هذا يالي صار ....مشيت بعدها ولقيت قصي جاي .
قصي: احم احم كيف حالك
انا: الحمد الله وانت
قصي: الحمد الله
انا: بس يالي باين العكس خيرك هكي ضاعف ....وين مشوا عضلاتك
قصي: ههه مبردك...شن تبي تسميه ياريت تسم...
انا قطعته: اسمه عبد الرحمن ان شاء الله
قصي: وقف وضحك ...
كانت اول مره نشوفه يضحك بصدق وفرحه هكي كانت الدنيا مش سايعته
خشينا وسجلناه وقصي طول الوقت ماسكه ويبوس فيه ....كان مستاحشه موت
سخفني حاله ومشيتله
انا: هه خيرك قريب تاكله
قصي: ...لا ...لابس ...مستاحشه
انا: اها ....تحبه
قصي:نحبه؟؟؟ هلبا ...بس شن قصدك
انا؛ بش قتلي قبل انك ماتبيه وو
وقطعني قصي : اششش الكلام هذاكا انسيه معش نبيك تقوليه انا ناااادم نادم صدقيني
انا: .....
ورجع قصي يلعب فيه ...وحني ساكتين ...لعندما جي زكرياء ...وقصي مش قادر يعطيني الولد
انا: زكرياء تقدر تروح توا نروح مع قصي
زكرياء وقصي في حالة صدمه
انا: يالي سمعته ...انا منبيش نظلم قصي او ولدي
..هو من حقه يشوفه لهذا ياريت تروح معاي اليوم وتلعبه براحتك وتحت عيوني
قصي بفرحه: اكيد
وناض قصي
زكرياء: من جدك انتي
انا: لا من عمي ...انا نعرف شن ندير
روح زكرياء وانا وقصي وراه...في الطريق اتصل بيا سراج
انا: هلا شن الجو
سراج: اهين شن جوك انتي
انا: تمام
سراج:شن صار ...
انا: تم كل شي ....
سراج : معناها توا نقدر نحكيلك
انا: اي احكي
سراج: سميته عبد الرحمن لان قصي طول عمره يحلم بي ولد ويسميه عبد الرحمن
انا: سرااااج مبردك ...وانا نقول
سراج: نحمد في ربي انك مسافره والا متت
انا:مبردك ....سلام توا
سراج: سلام
قصي: هذا سراج
انا: ايه ...خيرك
قصي: لاشي ...
انا: ...مبكري علاش تضحك
قصي: لاشي بس كانت خاطري في نفس الاسم
انا ابتسمت ع الجنب
قصي؛بجدتبي تتزوجيه هذا يالي اسمه زكرياء
انا: ......
قصي خبط الدومان بقوة: جوابي بجد تبي تتزوجيه ...مستحيل لا
انا: قصي مش بكيفك هيا مش لعبه عندك انا راه انا انسانه زيك ونحس
قصي: ......
انا مستحيل نخليك تتزوجيه
انا بصراخ: انت متدخلش اصلا
قصي شد فرين بقوة: متدخلش معش تقوليها
انا : مدخلكش ...فهمت مدخلكش
وكيف جي قصي بيتكلم ناض عبد الرحمن يعيط
قصي: عجبك هكي كله من عياطك
انا: قصي اسكت وبسرعه
وصلنا للحوش وخشيت مع عبد الرحمن لداخل وقصي وراي خوتي اول ماشفو قصي مشوله يجروا خشيت لدار رضعت عبد الرحمن وغيرتله وطلعته لقصي
ومشيت نجهز في الغدي ...
وقت الغدي جيت خديت عبد الرحمن من قصي وهما مشوا يتغدو وانا نضحك ع نظرات قصي وزكرياء لبعض
بعد الغدي خشيت نغسل في الماعين ... وقصي ماسك عبد الرحمن وهو راقد
انا:قصي حطه مادام راقد
...
يتبع
