#زواجي_مجرد_تضحيه
الحلقة الخامسة عشرا
للكاتبة ملاك الشريف
وصلنا للحوش وحسيته مظلم
انا: افففف شكله الضي هارب
قصي: يمكن ...خشي تواو
انا: اوكي ...
وخشيت وكان قصي وراي
واول ماخشيت للصاله ولع الضي وقال قصي وخوتي مع بعض: كل عام وانتي بخير
انا: عيد ميلادي اليوم نسيته
ريناد: كل عام وانتي بخير
انا: بطه كل عام وانتي احلى بطه وطبست حضنتها
رامي: كل عام وانتي بخير مناري
انا: حليلي من وخي كل عام وانت معاي
ريان: كل سنه وانتي امنا وبونا وكل حياتنا
انا: ربي يخليكم ليا نحبكم يا عيوني
قصي وهو منزل راسه: كل عام وانتي بخير
انا بطريقه طفوليه حضنته: شكرا
قصي شاف لمعة في عيوني
قصي: العفو مع ابتسامه حلوة.
وقعمزت معاهم وكانت حفلة حلوة ...وجي وقت الهدايا خوتي اشترولي فستان يجنن وبسيط
وبعد ما كملنا خشوا رقدوا وقعدت انا وقصي
انا: فكرت من الحفله
قصي بارتباك: خوتك
انا: اها ....شكرا
قصي : ولو ....انا بنخش نرقد توا
انا : تمام ...تصبح ع خير
وناض قصي ركب اما انا كنت فرحانه لابعد حدود وقعمزت شويه وبعدين ركبت واول ماخشيت للغرفه لقيت بوكس كبير ع السرير
وجيت فتحته وكنت متشوقه نشوف شن فيه واول مافتحته لقيت فستان اسود طويل وشكله
يجلط كان حاجه راقيه وفخمه ... وبعدها لقيت البوم كبير وكانوا فيه صور العرس ...واخر شي كان فيه خاتم ذهب حلو وبسيط ومعاه تاكم بسيط ضحكت بصوت عالي وكيف بنمشي لقصي وبنفتح الباب فتحه قصي
قصي: كل عام وانتي بخير .... اسف ع كل شي غلط درته ليك قبل اسف لاني كنت انسان حقير وتافه اسف اسف اسف ...كنت طول هالفتره نقنع في نفسي اني منحبكش وهذي الحقيقه لاني كنت نعشقك
انا واقفه في حالة صدمه
قصي: واخير كل عام وانتي طفلتي الصغيره
انا: مش مصدقه شي الصراحه حد يقرصني
قصي : مش حنقدر نقرصك بس نقدر ندير شي تاني
وقرب مني و باسني ع .........
قصي: طفلة
انا: 🙈🙈🙈 قصي هذا حلم ولاعلم ع قولت سراج
قصي : مناررررر مش لازم تفسدي اللحظه
وتعالي معاي حاليا
انا؛ وين بنمشي
قصي: اششش انا توا نرفعك
انا: قصي اطلقني
قصي : لا
وقامني ونزلني للجنان الخلفي يالي كان مزين كله
قصي: ها شن رايك
انا: ياربي انت مش قصي
ياناس يالي خطف قصي يرجعه
قصي: مبردك الزح مش متع رومنسيه
انا: ع اساس
وقعدنا نهدرزو مع بعض وتعشينا وكان جايب قاتو تانيه كلينها
وبعدين
قصي : مزال ماتبي تنوضي وغمزلي
انا بتوتر لان فهمت قصده: اااه لالا
قصي فهم عليا واضايق نوعا ما: عندك الحق في يالي تبيه ...عموما بنرقد انا ....تصبحي ع خير
انا: قصي ...عارفه انك اضايقت بس انت عارف ان الشي يالي صار مش شويه و...وهذا حيقعد هاجس لفتره ....مش عارفه شن نقول بالزبط
قصي: مش لازم تبراري
(في من بنات ح يقولوا كيف تعاملت معاه عادي وكيف سامحت بها السرعه ... مشكلتنا حنى البنات لما نحبوا بصدق مهما كانت قوتنا نضعفوا قدام مجرد كلمه من الشخص يالي نحبوه ...والكلام هذا موجه لي قاصفت الجبهات هاجر وهي تعرف روحها 😂😂😂الله يسامحك)
وكمل قصي طريقه للفوق ....وانا طول الوقت مقعمزه ونفكر كيف انقلب قصي هكي ..لازم يكون فيه سبب مقنع ...وكان الشي الوحيد يالي خطر في بالي انه يبي ينتقم من فاديه
وبعد وقت ركبت لغرفتي ولقيته راقد قعمزت جنبه ونفكر ...علاش بس يصير هذا كله معاي ...علاش شخص بصفاته يطلع لي حياتي فجاءه ومهمته يعلقني فيه ويخليني نحبه ويعذبني بهالشي
وين راحت قوتي لما اعتذر مني ...فكرة بالغباء يالي نزل عليا فجاءه ... ومع تفكيري هذا حسيت بدوخه نضت لفراشي وغمضت عيوني ...واول شي فكرت فيه ...زعما هذا هو الحب يالي يحكوا عليه ....هذا هو ....بس علاش مش مع الشخص الصح...اصلا حظي زفت مكنتش متوقعه شي كويس
وغميت راسي ورقدت بعد ماصدعت من التفكير
نضت تاني يوم وفتحت عيوني ع صوت قصي يتكلم في التلفون
قصي: باه تمام ....خلاص نشوفك مع الساعه4 سلام سلام
انا: صباح الخير
قصي:صباح النور
انا: في من كنت تكلم وكنت متوقعه انه حيهزبني
قصي: دكتور صاحبي
انا: اهااا ...اسمع بنمشي لحوش عمتي اليوم
قصي: باه ...بعد الظهر نلقاك واتيه
انا: تمام ....
وخش قصي يبدل وانا نضت الحمام دوشت وبدلت وطلعت لبست فستان حوش خفيف لركبة ونزلت ندير في الفطور
قصي:...اسمعي
انا: نعم
قصي : نبي نقولك حاجه بس مش قادر
انا: ان شاء الله خير وانت حاجاتك كلها تخوف
قصي : من الاخير سمنتي
انا: شنووووو انا سمنت
قصي: ايه وهلبا
انا؛ حييي عليا مش ناقصني توا في العرس
قصي : لكن نقولك حاجه تانيه
انا: نهاري احرف ...قول
قصي:وانتي سمينه احلى
انا: لالا منبيش نسمن شن بندير بيه السمن
قصي: شني امالا عاجبك شكلك هكي زي الهيكل العظمي
انا: استغفر الله ...اسكت قصي افطر واسكت تربح
قصي:😒😒
انا:بنمشي نبدل توا
ونضت ركبت وانا خانقتني العبره لانه قالي سمنتي
لبست جمب سوت اسود تحته سوريه بيضاء وكمامها كلهم لولي ودرت كحل
وطلعت ....
قصي:قصدك بتلبسي هذي
انا: ايه
قصي: اركبي غيري
انا:علاش مش حلوه
قصي:لا حلوه
انا:امالا علاش بنغيرها
قصي؛ اركبي غيريها قلتلك
انا: لا
قصي بعصبيه: نوضي غيريها الزح قصدك تبيني نخليك تطلعي قدام سراج وعزو بيها
انا؛ عادي ولد عمي ولد عمتي
قصي: تي خيرك الزح شوفيها كيف مفصله عليك راسمه جسمك رسم اركبي غيريها
ولا قعمزي في الحوش ....وامسحي خربت الكحل
انا؛وووواك كحل هو
قصي: توا تشوفي
وركب طلعلي فستان اسود طويل بس كان مخصر
قصي البسيه وتعالي وريني
انا: ها شني
قصي: مخصر هلبا
باه جربي هذي وطلعلي فستان وردي هادي بسيط وعليه جاكيت جينز
قصي: هذا كويس ...البسي واطلعي هيا
انا: والصغار قول للباص يحطهم في حوشكم
قصي: قتله
وطلعنا واول ماوصلت استقبلتني عمتي
عمتي: الحمد الله يالي شفناك
انا؛امس كنت هني انا
عمتي ؛هالساعه يالي قعدتيها قطع ملام بس
انا؛ عمتي مش فاضيه انا
عمتي: كبرتي ودرتي حتى لسان
انا: استغفر الله ....بنشوف مرت عمي ونجي
ومشيت لحوش عمي
سراج: وين ياصقع يالي طارح
انا: ههه خزي عليك ذوق خوك هذا
سراج: شني بدي يلبس فيك هو
انا: كله مش عاجبه هذي قصيره وهاذي ضيقه وهذي مخصره وهذي لونها فقع وهكي
سراج: هههه مبعدك ..بلحق شوفي دار النوم هذي شن رايك فيها
انا : ترى نشوف
وكنت قريبه من سراج ع خشت قصي
يالي كان .....
يتبع
