#زواجي_مجرد_تضحيه
الحلقة الرابعة
للكاتبة ملاك الشريف
ثاني يوم نضت الصبح وانا في سرير قصي
تلفتت يميني مالقيتاش وسمعت صوته في الحمام
طلعت من الدار متحشمه لما اذكرت كل شي صار امس
قصي طلع ومالقاني استريح خدي تلفونه واتصل بفاديه
قصي:صباحو ورد يااميرتي
فاديه بدون نفس:اي خير واي اميرة مع بنت الحرام يالي خداتك مني وقاعد تطلع انت وهي
قصي :حبيبتي فوتيها راه انا نحبك انتي بس هي ماتعنيلي شي
فاديه: لو تحبني بجد اليوم نبي ايفون الجديد كيف نازل ونبي نغير سيارتي
قصي:حاضر حاضر ياقلبي اما منار صدقيني هي بالنسبه ليا كانها خدامه راه انا شفقت عليها مش اكثر اصلا تقرف فيا عايفها انا
فاديه:حتى انا نشوف فيها هكي ...انحبك ومتنساش يالي قتلك عليه
قصي:حاضر نحبك باي
وانفتح الباب ع كبره قبل مايسكر قصي
وكنت انا ونشبحله بحقد بعد كلامه
قصي :انتي كيف تخشي هكي شن تحسابي روحك
انا :.......
واكتفيت نقرب منه ونزل راسي ونقيم يدي ونعطيه كف كان بمثابة بداية حرب بيناتنا
كان كف جسد ردي ع كلام قصي كله
لدرجة انا قصي قعد ع حالة الصدمه وانا كتفيت نقرب منه ونهمسله بطريقه تخوف
انا: انت غلطت ياقصي لما بدية حرب مع الشخص الغلط
انا:اياك ياقصي تلعب بيا لاني حنفجاءك ولما تمد يدك صدقني حنلويها
قصي بتوتر:هه انا بنخاف من طفله زيك انتي شن شفتي لين تتكلمي بكل هالثقه
انا بضحك: ههه شن شفت وتسئل شن شفت حتى تاني يوم العرس برا اسئل شخص اسمه نور الدين ال ..... وتعالى قولي شن شفت تمام ...وسلام توا
قصي مزال في وضع الصدمه وشاف لمكان الكف
وحط يده وشافها
مع رجعتي انا من جديد
انا بابتسامه بارده: اي نسيت فوني ... وع فكره اشفق ع نفسك قبل الناس وغمزلته وطلعت
قصي لحقني وكان بيضربني
انا :لالالا يااستاذ قصي بتضربني انا متحسابش ان ديما حتاخد الغلبه عليا ودفيته وكملت طريقي وقصي رجع لغرفته وسمعته لما قربع الباب
نزلت لعمي ابراهيم في المكتب
انا:صباح الخير
عمي ابراهيم :صباح النور ...قعمزي
انا:معليشي مستعجله ياعمي
عمي: انا نبي نكلمك في موضوع الورثه
انا: الورثه؟؟؟معليشي عمي بس متحاولش تضحك عليا انت ولا غيرك
انا :عارفه كل شي ع القصه وماعليكم مني الا الصبر وحقي حناخده ثالت مثلت غصبا عن الكل
عمي:........
انا:يالي ماقدر بوي الله يرحمه ياخده لانه كان يحبكم ويعزكم انا موجوده بش ناخده
عمي: .....سامحي...
قطعته انا:نسامحكم انا ساهله ...بس زعما ربي يسامحكم بعد كل هالسنين ...في هذي منعرفش
وتوا عن اذنك
وطلعت
تسريع الاحداث ...
مر باقي الاسبوع عادي وجي اسبوع العرس
وكنت نتصرف وكاني عايشه احلا عيشه واخده شخص قلبي يحبه ....
بس كل شي بالعكس 💔
جي يوم الاربعاء وكانت الفاتحه كنت لابسه الردي ومقعمزه وكانوا موجودين عيلة محمد كلها اما انا ماكان عندي حد كانوا خوتي فرحانين والشي هذا بالدنيا ومافيها بالنسبه ليا
شويه وسمعوا صوت رجاله يباركوا لان قروا الفاتحه والنساوين بدو يزغرطوا
وانا ضحكت لاني عرفت اني خلاص خشيت حبس من نوع تاني
ودقايق وجت مرت عمي تبارك وبعدها عمتي وبعدها فاديه يالي كانت حركاتها وكانها فرحانه بشي بس شن هو محد يعرف
وبعدين جاني عمي ابراهيم بارك وقالي خشي للصالون لقصي
خشيت وكان هو لابس زبون اسود وكان عادي مع اني عارفه ان وراه شي
قصي:مبروك
انا: ع شن ...ع الحبس الموبد مثلا
قصي: ......
انا قربت منه وحطيت يديا ع صدره :عموما انا متاكده انك حدير شي ..ورد بالك ياراجلي وضحكتله وطلعت
