زواجي_مجرد_تضحيه
الحلقة السابعة
للكاتبه ملاك الشريف
ومع العصر نزل قصي وكان رايق بشكل غريب وقالي
قصي:شن رايك ناخدو الصغار ونطلعو
انا:شنو ¿¿¿
قصي:قتلك شن رايك نخطموا ع خوتك ونطلعو
انا: مانعرفش عليك انت
قصي:خلاص نوضي البسي عبايتك وهيا
انا: باه ونضت بكل برود
ركبت لبست بالطو ازرق كحلي للركبه وتحته سروال دجينز ازرق وخديت وشاح وشنطي وبخيت عطر ونزلت
قصي :اثبتي نشوف وجهك
انا بنص عين: اصفى وانظف من حياتك
قصي:خلي باقي النهار يمشي ع خير ....تاني شي شن هالريحه القويه يالي باخيتيها
انا؛معليشي فكنا من الدراما الزايده مستر قصي
قصي تعصب وطلع
طلعت انا وراه وبكل ثقه ركبت السياره ولا كان واما قصي طلع بالسياره بدون تعليق يذكر
وعم الهدوء لحد ماكسرته
انا: ولع اغاني راديو اي حاجه كساد
قصي؛اهو قدامك ولا ايديك محنيات
انا: 😒😒
فتحت الراديو وقلبت قلبت ومافيش اي حاجه حلوه ولقيت وصله تتوصل في الفون خديتها
ولعتله ع اغنية لفرقتي المفضله Bts اسمهاIDoL
قصي:شن هالمجانين يالي تسمعيلهم
انا:دخلكش اصلا نحبهم لان اغانيهم مافيهاش الوهم متع الحب ...
قصي:وهذي ع شن تحكي
انا: ع حب نفس ...اصلا اكثر كلمه قالوها لايمكنك ايقافي عن حبي نفسي الصراحه يمثلوني معاهم
قصي: هه لكل مقام مقام
انا:وانت مقامك تحت الارض بالسالب
قصي وهو ضاغط ع سنونه:وصلنا لحوشنا انزلي
انا:نازله بدون متقول
نزلت ولقيت خوتي مبدلين وفرحان
رامي:منار حقا منمشو في السياره
انا:ايه
ريان:حني من زمان معش ركبنا في السياره وطلعنا نتفرجوا
قصي كان ماسك ريناد ورنا ويشبحلنا
انا:خلاص توا بنطلعوا
قصي : وين تبوا تمشوا
رامي: نبو نمشوا للبحر ...اصلا معش مشينا من لما
انا قطعته بعصبيه وتكشيخ :رااااامي سكت خلاص
رامي سكت وعيونه دمعو
اما قصي شبحلي بتعجب : خيرك ...علاش كشختي عليه
انا: قصي ارجوك فوتني معنديش خلوق نذكر شي فات💔وطلعت
قصي مشي لرامي: رامي انت شاطر متزعلش من منار هي مريضه بس
رامي: منار مريضه لا...
وطلع رامي وراي
رامي جي يجرى حضني وهو يبكي
رامي: منار اسف ...متمشيش زي ماما وبابا
انا: اشش خلاص اصلا بنخليك انت يامجنون
رامي: نحبك يااحلى اخت وماما في العالم
انا ضحكت: وحتى انا نحبك يااحلى ولد في العالم
وكل هذا تحت انظار قصي يالي واقف قدام الباب
مرت عمي: رد بالك تزعلها ياقصي
قصي تلفت:امي من امتى هني
مرت عمي:من لما قلت لرامي ان منار مريضه
قصي: اها
مرت عمي: منار مش جسمها مريض ....هي قلبها مريض
قصي: امي شن تقولي
مرت عمي: قصي بدون غباء ...هي تعذبت هلبا وراهي طفله تربي في اطفال
قصي: انا بنطلع
مرت عمي: في امان الله
قصي ابتسم وطلع مع انه مش من عوايده الابتسامه
ركبنا السياره وكان هدوء
رامي: منار تاي
انا: رامي تحشم معش تقولها
قصي: رامي
رامي : نعم
قولي شن معناها تاي
انا : تتكلم نقتلك يارامي
قصي: كان قتلي نشريلك بلاستيشن
رامي شبحلي بخبت: هي في واحد اسمه تاي كوري تحبه هلبا وديما تحط ع صوره وتقعد تبوس فيهم وتقوله حبيبي وتقوله انت راجلي
انا خدودي راحو حمر ونزلت راسي
وتلفتت لرامي: واللهي مانقتلك غر نروحوا بس
قصي وكان واضح انه غار: حبيبها وراجلها الله يادنيا
رامي خنب تلفوني : شوف ها حاطه صورته في الخلفيه وعندها هلبا ملفات فيهم صوره وتنزل في اغاني الفرقه يالي فيها
قصي :هات نشوف ترا
وخدي قصي التلفون ويتفرج ع الصور وقريب يفترش الفون
قصي: مشاء الله شن هذا ياابله ...توا نروحوا ونتفاهمو فيه الموضوع هذا
انا شبحتله وخديت الفون : دخلكش
قصي يتكلم بالشويه : خليني هادي قدام الصغار
انا: هههه وحركت راسي بطريقه مستفزه
طبعا ريان كانت مركزه معانا وحست ان في شي غلط
