#زواجي_مجرد_تضحيه
الحلقة الرابعه والعشرون
والاخيرة..
قصي: وين نحطه
انا: الدار يالي ع يمينك حطه في سريري مش سريره
قصي: باه ...ومشي حطه وهو يشوف للغرفه ...ركز ع صورة ولما قرب عرفها ...ضحك وطلع
قصي: ....الصورة جنب سريرك تعرفيها لمن
انا برتبك: ايه نعرف
قصي: قصدي البيبي يالي شاده
انا: لا منعرفش من هو
قصي: هذي كانت اول مره نشوفك فيها
انا شبحتله بصدمه : انا؟؟؟
قصي:ايه انت ....عموما مش هذا كلامي ...
انا: علاش مزال فيه كلام بينا اصلا ...
قصي: منار...اسف اسف ...ارجوك ارجعيلي
انا:يالي انكسر ياقصي معش يتصلح
قصي : علاش؟؟؟
انا:انا خلاص كرهت كل شي كرهت عيشتي ياقصي خلاص تعرف شن نبي ...نبي نموت
قصي خبط يده ع الحبط بقوة: علاش انتي هكي علاش
خش زكرياء وكان يبي يضرب قصي
انا بصوت عالي ؛ قصي زكرياء خلاص ....ياسر وتلفتت لقصي: انت خلاص اطلع من حياتي معش نبي نشوفك ومستحيل نرجعلك نجوم السماء اقربلك ...وتلفتت لزكرياء: وانت انا مستحيل نحبك ولانفكر نكون زوجتك افهم ياانسان يابني ادآم انت ماتعنيلي شي ...انا خلاص انا كرهتكم كرهتكم شن هالبشر هاذم
انا مجنونه مانبي حد يحبني نبيكم تكرهوني خلاص شن هاذا
وطلعت برا وقصي وزكرياء في حالة صدمه من كلامي
وانا طالعه حسيت بوجع في قلبي وطحت من قبل مانوصل في اقرب حيط
وبي الصدفه كان رامي خاش للحوش ...وقعد يعيط لما شافني وخش يجري لداخل
رامي:عمي قصييي عمي زكرياء ...تعالوا منار طايحه
قصي وزكرياء: شنو؟؟!!
وطلعوا بسرعه ...مشي قصي قامني وزكرياء جابلي عبايه
ومشيت للمستشفى ...طول للطوراى ..
اما قصي وزكرياء يتعاركوا برا
زكرياء: كله منك انت جايها توا ودروحك بتصلح غلطك
قصي:مني انا؟؟؟ كله منك انت يالي مداير فيها سوبر مان وتبيها تحبك بالسيف
الدكتور: معليشي ياجماعه ...اهدو في مستشفى انتم
قصي: كيف نهدى وام ولدي داخل الله اعلم شن صاير فيها وكله من هال....
زكرياء: توا تفكرتها ام ولدك يا ...
وفورا قصي اضرب زكرياء ع وجهه
وبدوا في بعضهم ضرب لعند ماوقطعهم الدكتور بصوت عالي
الدكتور: ياهو انت وهو ...المريضه لداخل تعاني ولازمها عمليه مستعجله ممكن تاجلو مشاكلكم توا
قصي : ؟؟؟؟علاش وعملية شنو
الدكتور:المريضه عندها ثقب في القلب ولازم نعالجوه باسرع وقت
تسريع الاحداث
بعد 5 ساعات وانا في العمليه
قصي:هذوا علاش عطلوا لداخل
زكرياء : استغفر الله هذوا شن يديروا بالزبط
قصي كيف بيخبط ع الباب انفتح الباب يالي يدخل ع حجر العمليات
الممرضه: عظم الله اجركم
قصي بصدمه : شنووو
الممرضه: يالي سمعته يااستاذ
زكرياء واقف ومصدوم
اما قصي انهار ع الارض ويبكي
قصي: مستحيل تموت لا ...تكذبوا انتم هي اكيد بخير مستحيل تخلي خوتها وولدها مستحيل هي قالت حنخليك مكسور ياقصي حنخليك تبكي وحنشوفك ...قولوها انا انكسرت ونبكي ...خلوها تطلع تشوفني ...والله حنمشي ونخليها بس تكون موجوده وتريحني
انفتح الباب من جديد وطلع الدكتور ع صوت قصي
الدكتور: خيرك شن فيه
قصي مسك الدكتور من سوريته: علاش خليتها تموت علاش
الدكتور: بالشويه اهدى المريضه كويسه ...اصلا من قاللكم ماتت
قصي: شنو؟؟؟الممرضه قالت
قصي: الممرضه ملخبطه ...انت زوجتك يالي دارت عملية القلب صح... هي في حجرة المراقبه وحالها كويس
قصي : تنهد وطلق الدكتور
زكرياء:نقدروا نشوفوها
الدكتور: ايه بس معليشي بدون عراك
قصي: هيا خيرك واقف
