( بقلم : نهال عبدالواحد)
جاء شادي بالأكل، أكلوا ثم جاء والديها و أمه، فانصرف الأصدقاء، نامت سلمى وقتها فحكي لهم سليم ما حدث، طبيعة حالتها، كانت تفيق من حين لآخر، تجييء الممرضات وتعلق مزيدًا من المحاليل و الأدوية.
ركبت الفتاتان مع شادي في الخلف، وصل شادي رنا أولًا كان الصمت يسود الطريق، بعد أن غادرت رنا ابتسم شادي إلى ياسمين قائلًا: كل ما افتكر شكلكم بعد ما عرفتوا إن الدكتور هو سليم.
أجابت ياسمين: أصلها كانت مفاجأة، ربنا يقويها بأه!
- والله إنتو ظالمين الراجل هو مش وحش كده.
- عمومًا ده اختيارها وهي حرة.
فضحك و قال: ده انتِ مش طايقاه خالص.
فضحكت ، فاستكمل: بتفكري ف إيه بعد التخرج؟
سكتت قليلًا ثم أجابت: مش عارفة، أنا بجيب جيد بالعافية، و العملي لولا مساعدة سلمى كان زماني ضعت.
فضحك وأكملت: إيه؟ ماانت كمان بتساعد زمايلك.
ثم توقف بسيارته على جانب الطريق ونظر لها وقال: إنتِ جميلة أوي يا ياسمين.
فقالت بفزع: إنت وقفت ليه؟
- ممكن تهدي، أنا مش قاصد أي حاجة وحشة والله!هو بس في كلمتين عايز أقولهم.
- ماتقول وانت سايق زي ماكنت.
- أنا عارف إني بالنسبة لك مجرد ولد فسدان ضيع سنين من عمره ف غلط أشكال و ألوان.
- لا مش كده، يمكن ف الأول كنت متحفظة ف التعامل معاك، بس بصراحة سلمى شجعتني.
- بركاتك يا سومة يارب تقومي بالسلامة و تنجحي ونفرح بيكِ إنتِ والدكتور!
فضحكت، فأكمل شادي: ولما هو كده إيه الزعر ده؟! أنا سألتك هتعملي إيه لما تتخرجي؟ حابب أنا كمان أقولك، أنا دلوقتي مشغول بدراستي و نفسي أخلص و أكمل دراسات عليا، دكتور عبد السلام قالي ينفع حتى لو مااتعينتش معيد، و بشغل شركة والدي و أخويا الله يرحمهم ونفسي أنجح و أكبرها زي ما كانوا عايزين، ونفسي أفرّح أمي بي، هي فرحانة فعلًا دلوقتي، بس نفسي أفرحها أكتر، ياسمين لو اتقدمتلك توافقي بي.
فسكتت على إستحياء فأكمل: شكلك مش قادرة تشوفيني غير واحد فسدان.
أومأت رافضة وقالت: لا لا مش كده خالص، إنت لو فعلًا فسدان كنت كملت ف الفساد ده بس إنت رجعت و كملت سكتك وبتحاول تصلح اللي فاتك، إذا كان ربنا بيتوب إحنا اللي هنقف ف سكتك.
فابتسم وقال: طب حلو أوي أهو.
- بس الموضوع محتاج وقت ماينفعش يجي كده، لازم الأول نخلص دراسة.
- ماشي وإيه كمان؟
- وآخد وقتي ف التفكير، مش من حقي يعني!
أنت تقرأ
(ولا في الأحلام) By:Noona AbdElWahed
Romansaرومانسية سلمي&سليم من رؤيا في منام للقاء صدفة ثم بعاد طويل وصبر سنوات وسنوات...ثم لقاء جديد، سليم:عارفة مشكلتك إيه...... إنت ماعندكيش ثقة في ولا ف بداية جديدة..... و دايما حاسة إنك هتجازفي مجازفة غير محسوبة العواقب و يوم ما تقدري تجازفي هتلاقي نفس...
