آسر قلبي ولدمعي آسيل

3

*********الفصل الثالث*************

يابنات انا آسفه على الاخطاء الاملائيه واللخبطه اللى بتحصل فى الاسماء الفون هو اللى بيغير
وكمان الفصول هتكون طويله بس على ما اظبط الكمبيوتر لانى بكتب عالفون والتاتش بتاعه بايظ بيغلبنى وبفضل اكتب الفصل فى اكتر من ساعتين.  ان شاء هحل الموضوع دا  والنهارده هنزلكم فصلين زى ما وعدتكم

**********************************************
نبدا حلقتنا بسم الله الرحمن الرحيم

ظلت أسيل حبيسه فى شقة والديها  لا تخرج ولا يدخل عليها اى احد تندب حظها ومصيرها الذي ستلقاه على يد عادل
ولكن عادل انشغل بايات التى رآها من بعيد تقف مع نورهان. وهو يراقبها.
اتت آيات الى نورهان لتسال عنها وعن أسيل فنورهان قد اخبرتها سابقا على الهاتف ما حدث وان والدتها توفيت وانها محبوسه ولم تراها منذ وفاة والدتها
ايات : يا حبيبتى يا اسيل  انا نفسي اقدم لها اى حاجه بجد واساعدها
نورهان: انا مش قادره اشوفها ولا اعرف عنها حاجه  عمها وابنه مانعين اى حد من انه يشوفها او يدخلها او حتى تفتح شباك
نورهان تدمع عينيها قائله. وحشتنى اوى خايفه يكون حصلها حاجه وكمان موت امها اكيد تاعبها ومعذبها كان لازم حد يكون جنبها فى وقت زى دا.
أيات: مش انتى قولتى هتهربيها
نورهان : ايوه بس من يوم موت امها والمشكله اللي حصلت وانا مش شفتها خالص وحتى العزا منعوا اى حد يطلعلها فيه
ايات:هما ايه دول وحوش مفيش فى قلبهم رحمه دى مهما كان من دمهم .  عموما يا نور لو فى اى مساعده ممكن اقدمها كلمينى ولو عرفتى عنها اى حاجه او شوفتيها عرفينى.
انا بجد زعلانه عشانها اوى
نورهان: شكرا يا ايات على اهتمامك وسؤالك
ايات :يا بنتى انتى اختى واسيل كمان ربنا يعلم حبيتها قد ايه وكل شويه افضل اتكلم مع آسر اخويا عنها
نورهان: وآسر عامل ايه دلوقتى مع بنت عمتك الرخمه دى لسه بتبعتله برده وبتتصل بيه
ايات:ايوه طبعا هى وراها غيره. هتموت وتتجوزه
دى معندهاش دم  وهو مش بيحبها  ولا بيحب اى واحده ولا بيفكر فى الجواز اساسا كاره الجواز عموما ويوم لما يتجوز يتجوز دى
نورهان :ان شاء الله ربنا هيخليه يقابل بنت كويسه تليق عليه وتغير فكرته
ايات:ان شاء الله. وأسيل كمان اكيد ربنا هيبعتلها الراجل اللي يقف جنبها ويجيبلها حقها
نورهان: فين بس وهى مش بتخرج ومفيش حد بيشوفها ولا كان فى حد يتجرأ يتقدملها قبل ما عادل يعلن خطوبتهم هيبقى فى دلوقتى
أيات:ان شاء تهرب وتبعد عنهم وتلاقى الانسان دا
نورهان: يارب يا آيات دى عايزه معجزه
ايات: مفيش حاجه بعيده عن ربنا
نورهان: ونعم بالله
آيات: انا همشي انا بقا عشان متاخرش
نورهان: ماشي يا يويو خدى بالك من نفسك
آيات: وانتى كمان. وحاولى توصلي لاسيل ولو في جديد عرفينى. يلا سلام
نورهان: حاضر يا حبيبتى . سلام
وذهبت آيات وهى ما زالت تحت انظارةعادل الثاقبه واتجهت بسيارتها باتجاه النادى  وهو كان ورائها بدراجته
دخلت آيات النادى ووقف عادل بالخارج يسال عنها احد عمال الامن والنضافه وعلم منهم انها فتاه ثريه جدااا ومتواضعه ومحترمه.  فاهز راسه بمكر ونوى لها ان تكون فريسته القادمه 😱😱استرها يارب  عملتى ايه يا أيات عشان تقعى في ايد شيطان زى دا 😱😱
**********************************
وفى شركة الشرقاوى يدخل آسر الشركه ويقف له كل الموظفين ليحيوه باحترام ثم يدخل الى مكتبه يجلس وبيده بعض الملفات  وبعد وقت قليل يطرق الباب احد ما  فيسمح آسر  له بالدخول قائلا  : تعالى يامازن
مازن صديق آسر من عائله متوسطة الحال. فوالده دكتور هشام ويعمل بمجال الطب وله عياده خاصه ووالدته معلمه بمدرسه خاصه  مازن شاب وسيم له لحيه جميله تزيد من وسامته وعينيه تميلان الى اللون الاخضر و شعره بنى ويعشق المزاح كثيرا  محترم جداا وصديق آسر بالجامعه ووقف آسر والمرحوم والده معه منذ صداقتهم ويحب آسر كثيرا
مازن :افرق شربات ولا افرش الارض ورد. البشمهندس آسر الشرقاوى بجلالة قدره اخيراا نور فرع شركتنا
آسر: يابنى مليون مره اقولك انى لازم اكون دايما فى الفرع الرئيسى للشركه بلاش الزفه بتاع كل مره دى   . عموما تعالى اقعد كدا عرفنى الجديد
مازن : اااه انت جاى تخنقنا بقاااااااا قوم ياعم اتكل على الله على شركتك الرئيسيه  قوووم
آسريضحك قائلا: يابنى اعقل بقا مره فى حياتك
مازن: اعقل.  هو انا مجنون
آسر: لا طبعا انا اقدر اقول كدا انت متخلف عقليا بس
مازن يتصنع الزعل: شكرا ياصاحبي هى دى اخرتها  نسيت سندوتشات الفول اللى على العربيه اللى كنت بخدك عليها ايام الجامعه
آسر: خلااااص انت هتزلنى كل دا عشان بقولك قولى الجديد فى الشغل ان غلطان قوم اطلع بره
ثم يطرق احد الباب  فيسمح آسر بالدخول  السكرتيره امانى و هى  سيده بعمر الاربعينيات كانت السكرتيره الخاصه لوالد آسر وظلت تعمل بعد وفاته وهى تهتم بالكثير من الاعمال لعمق فهمها واخلاصها لهم
امانى: يا آسر بيه الاستاذ ياسين بعت لحضرتك كتير عشان تشوف الفاكس دا فيه كل حاجه تخص صفقة السعوديه
مازن: ايوه صح دا كلمنى
آسر: ايوةصح كلمك وعمال اسالك ايه الجديد
مازن : مش انت اللى من  ساعة مادخلت عمال تهزر
آسر: دا انا برده صح
مازن: ايوووه.  عموما مدام امانى هتروح دلوقتى وتبعتلنا عمى سيد بكوبايتين عصير فريش وورك فرخه ومفيش مانع لو حلة محشي صغيره كدا وانا افهمك كل حاجه  على رواقه
آسر : ورك فرخه وحلة محشي !! وبالمره هاتيلوا غطا يمكن يتقل بعد الاكل ويحب يريح شويه. 
مازن : يكون كويس برده
تضحك امانى وتخرج وهى تقول هبعتلكم عصير علشان تخلصوا بسرعه وتردوا على الاستاذ ياسين بخصوص الشغل
مازن :اوك متنسيش ورك الفرخه
آسر :يابنى اعقل بقا وفهمنى الشغل دا ياسين ابن عمتى مستنى الرد
مازن : خلاص  ياعم يلا وانا هفهمك كل حاجه عيله زنانه صحيح
يبتسم آسر ويندمجا الاثنان بالعمل .
******************************************
فى فيلا الشرقاوى تنزل آيات الدرج لتذهب الى النادى كعادتها وتاخذ مفتاح سيارتها لتستعد للذهاب ولكن وقفتها عمتها سليمه.
سليمه: راحه على فين ياآنسه أيات
آيات:هكون رايحه فين يعنى يا عمته رايحه النادى زى كل يوم وتستعد للذهاب  ولكن توقفها سليمه مره اخرى
سليمه بصوت عالى : آيااااات
تنظر لها آيات بكل برود  قائلة.   نعم
سليمه:انتى ليه مبترديش على وائل ولدى 
آيات: ارد عليه  ليه. !؟آسر اخويا مانعنى ارد على حد غريب
سليمه: غريب وهو وائل ولدى غريب دا ولد عمتك   وهيبقى خطيبك
آيات: انتى بتحلمى ياعمتى انا عمرى ما اتجوز وائل وانتى عارفه كدا كويس ياريت بقا تشيلى الموضوع دا من ديماغك  بقا وبالمره شيلي موضوع اميره وآسر دا مش ممكن يحصل ابدا .
سليمه:بقا اكده يابت محمود والله لربيكى
تنظر لها أيات بدون مبالاه لحديثها  وتتركها وتذهب الى النادى.
ولكن عندما تدخل تجد شابا يجلس فى مكانها المفضل فتنظر له آيات لو سمحت المكان دا بتاعى انا دايما باجى اقعد هنا
ليرد الشاب بكل برود. حضرتك انا قعدت تقدرى تقعدى فى اى مكان تانى.
تنظر له آيات بغضب وتقول: لا حضرتك ممكن تقوم انت تقعد فى مكان تانى
لينظر لها هذا الشاب ويهم يقف قائلا : تمام انا هقوم بس عشان العسل دا ميتعصبش عليا  بس
تبتسم أيات  وتجلس ويذهب هو الى مكان آخر ليجلس ويراقبها  فمن يصدق انها كانت منذ قليل تقف مع هذا الشيطان الذي ترتعب من سماع اسمه. نعم فهو عادل الذي تكرهه وتخافه دون لن تراه
***********************************
ومرت ايام على آسر وهو مشغول بعمله  وأسيل التى تتعذب ولاترى احد ولا تخرج ابدا ومرضت وهزل جسدها فلا طعام ولا هواء ولا احد بجانبها سوى الذكريات التى تدمرها فاصبحت فقط تنام وتهلوث وتقوم بفزع من كابوسها على صوت الكابوس الذي يخيفها من الخارج و نورهان التى تظل تسير امام بيت أسيل لعل تراها او تعلم عنها اى خبر  وعادل الذي يدبر فى راسه لعبه لآيات لتقع فريسته ويبتزها فهو تقرب منها كثيرا واخذ رقم هاتفها  بحجة الاطمئنان فهم ساروا اصدقاء .
ولكن تقع المصيبه الكبرى فوق راس أيات ففى يوم دخلت أيات لتغير ملابسها بعد يوم رياضي بالنادى وكانت لا تعلم انه موجود بالداخل فقد دخل ورائها ليقوم بمهمته ويصورها
**********************************
وفى صباح يوم جديد فى فيلا الشرقاوى ينهض آسر ليذهب الى عمله فيرتدى ملابسه الانيقه وينزل على الدرج ليجد آيات تنتظره على طاولة الطعام ليفطروا ثم يذهب اليها ويقبل راسها قائلا صباح الخير يا يويو
آيات : صباح الخير يا قلب يويو يلا عشان نفطر فيجلس آسر ويطلب من الداده ان تحضر له قهوته
آيات: يا آسر حرام عليك كفايه شرب القهوه دى بقا نفسي تبطل تشربها عالاقل افطرالاول. وبعدين اشرب قهوه
آسر : ششششششش سبينى اشرب القهوه بمزاج عشان امشي
ثم تنزل سليمه من على الدرج وهى تقول باستهزاء اخيرااا شفنا وش آسر بيه فى الفيلا
فيزفر آسر ضيقا من حديثها  فتنظر لهم  سليمه بغيظ وتذهب الى الجنينه
ثم تقص آيات ما حدث بينها وبين عمتها سليمه ويبتسم اسر على اسلوب حديث اخته وجراتها  ثم يرد على آيات :حاولى تتجنبيها يا آيات مش عايز مشاكل وصداع معاها فتومئ آيات راسها بالموافقه
ثم  يسالها آسر : صحيح ايه اخبار صاحبتك الى كنتى بتحكيلى مشكلتها  فتنظر له آيات باستغراب لسؤاله عنها ولكن يشعر آسر بحزنها فيسالها مره اخرى والدتها عامله ايه دلوقتى انا اتكلمت مع دكتور صاحبي يدخلها المستشفى عنده ويعملها كل اللازم
تنظر له آيات وتدمع عينيها.  مالوش لزوم يا آسر هى خلاص ماتت فيصعق آسر ويشعر بنغزه فى قلبه وتذكر يوم وفاة والدته
ثم سالها مره اخرى على حال آسيل .
آسر : طيب وأسيل صاحبتك عملت ايه مع عمها وابنه  ؟
أيات : ولا حاجه  خطبها وهيتجوزها بالعافيه ودلوقتى حابسها فى البيت ومنعرفش حاجه عنها
يظهر الغيظ والغضب فى عين آسر. ويرد بانفعال:قائلا: ازاى يتجوزها غصب وهى وافقت ازاى والخطوبه دى حصلت امتى وازاى وليه مبلغتش عنهم  الشرطه
لوت آيات شفتيها وهزت راسها بالنفى قائله : هى ضعيفه يا آسر ومفيش حاجه بايديها وهما خطر ورد سجون هما السبب فى قتل ابوها وموت امها قدام عينيها
نظر لها آسر باستغراب : قتل. ابوها وامها
ثم قصت عليه آيات ما حدث يوم خطبتها وماحدث لوالدة آسيل امام عينيها وانكسارها بعد وفاة امها اختنق آسر كثيرا ثم هم واقفا ليذهب الى عمله ودع أيات قائلا : طيب خير ان شاء الله انا رايح الشركه لو عوزتى حاجه كلمينى  اوك
ايات: اوك. خد بالك من نفسك
اسر: وانتى كمان يا حبيبتى واتجنبي عمتك نهائي  مفهوم
آيات حاضر
ثم قبل راسها وودعها وذهب
وذهبت أيات نحو الطاوله لتحضر هاتفها وتفتحه لتتصل بنورهان ولكنها عندما فتحته كانت الكارثه  شعرت أيات بدوار ظلت تترنح مكانها حتى اغشي عليها  ووقعت على الارض مغمى عليها

*ياترى أيات لقت ايه ؟
*ياترى أسيل هيفضل دا حالها ولا هتقدر تهرب ؟ 💖💖💖 💖💖💖💖💖💖💖💖💖💖💖💖💖💖💖💖💖💖