آسر قلبي ولدمعي آسيل

14

******** الفصل الرابع عشر**********

بدأ احتفال الحنه وكانت أيات وكل النساء بالفيلا يحتفلون والرجال كانوا بمضيفه خارج الفيلا يحتفلون ايضا لا يفرقهما غير سور عالى يحجب الرؤيه وكانت أيات فى قمة جمالها وكل النساء لبسن اجمل ثيابهن وخلعن حجابهن فلا حاجه له طالما لا يوجد رجال ثم ارتدت أسيل فستانها باللون النبيتى وحجاب باللون الذهبى ووضعت القليل من الكحل وملمع الشفاه فقط فبشرتها وجمالها لايحتاجان لاى تجميل وجلست بجانب أيات وظل الجميع يزغرد ويصفق وكانت اميره فى قمة غرورها ترتدى الچينز وبضى حمالات يكشف اكثر مما يسطر وظل الجميع ينظر لها باشمئزاز على طريقة لبسها
لتمزح عليها جدتها قائله: هو مكنش فى عندك حاچه اقصر من اكده تلبسيها يا اميره
اميره:لا يا تيتا مفيش بس اوعدك اشوف بكره لو فى ابقا البسه فى الفرح
الجده: واه وانتى بدك تلبسي اكده قدام الناس اياك عاوزه تفضحينا فى وسط البلد دا كان خوالك واولادهم وآسر قطعوا رقابتك
اميره : وليه ان شاء الله انا متعوده عاللبس دا بره وكل واحد يحكم على مراته لبس مصر مش زي لبسكم هنا ياتيتا
الجده: بس يا قليلة الربايه انتى هتتكبرى كمان على رجالة العيله هو دا اللى ناقص يابت سليمه بكره تتحشمى قدام الناس وتلبسي لبس زين يليق بينا وبعدين لبس مصر يفرق ايه عن اهنه ماهى عندك مرت آسر اهه من مصر ومتربيه مدة عمرها هناك ولا كانت تعرف عنا شئ واصل ولا عن عاداتنا ولبسها محتشم ولابسه الحچاب طوالى معتقلعوش
اميره :هههههههههه تلاقيها قرعه ولا شعرها وحش ومش عايزه حد يشوفه
ايات: هى مين دى اللى قرعه ولا شعرها وحش ثم ازاحت الحجاب بسرعه عن شعر اسيل وخلعت رابطة شهرها لينسدل بسرعه ونعومه ويظهر لونه الجميل ليتفاجئ الجميع من جمال شعرها الذي زادها جمالا وانوثه
الجده : ماشاء الله ماشاء الله آسر مايقعش غير واقف واللى وقعته بدر البدور
تبتسم أسيل وتخجل كثيرا ثم يبدأ الجميع بالرقص والزغاريد وتظل ايات تشد يد اسيل لترقص معها ولكن اسيل ترفض وبعد محايله وافقت اسيل فربطت نورهان حجاب اسيل الذي كانت ترتديه على خصرها النحيف لترقص وتتمايل والجميع لا يصدق جمال رقصها وكانت اسيل تتمايل بهدوء وخفة وخصلاتها تسرح بين يديها وعلى ظهرها ولكن كانت عيون عاشقها عليها تلمع ويتمنى ان ياخذها من بين الجميع لتتمايل له فقط فكان آسر قد صعد الى غرفته من الباب الخلفى ليجلب اوراق مهمه لياسين لياخذها قبل ان يذهب ولكنه توقف عندما راى جميلته وحبيبته بهذا الجمال ترن اقادمها ورنة خلخالها ويتمايل خصرها كموج البحر على النغمات تاهت عين آسر على أسيل حتى لمحته بعينيها فتوقفت وازاحت الرابطة من على خصرها وظل وجهها يتوهج كالنار من شدة خجلها وبعد ليلة حناء جميله ذهب الجميع الى بيته وظل اهل البيت فقط مع بعضهم فجهزوا طاولة طعام لياكل الجميع مع ايات قبل ان تودعهما غدا ظل آسر معلق عينيه على حبيبته ولكن كانت أسيل تهرب منه وتبعد عينيها عنه فهى فى خجل شديد منه وظل آسر يبتسم على تصرفاتها التى كانت تقوم بها بغير وعى من شدة توترها وبعد العشاء والحديث ذهب الجميع الى غرفهم وصعدت أسيل الى غرفتها قبل آسر الذي مازالت عينيه معلقة على اسيل ودلفت لتغير ملابسها وتمشط شعرها وتصنعت النوم قبل ان يصعد الى الغرفه ووضعت وسادة على وجهها وغطت نفسها بالكامل فتح آسر باب الغرفه ودلف الى الداخل ليجدها هكذا فابتسم على تصرفها وظل يضحك حتى علت ضحكته كثيرا وكانت أسيل فى خوف وتوتر بان يزيح الغطاء من على وجهها وتتقابل عيناها بعينيه ولكن آسر تركها ودلف الى المرحاض ليبدل ملابسه ثم خرج واطفأ الانوار جميعا ونام بجانبها وهو يبتسم قائلا: الجو حر شيلي الغطا من عليكى انا طفيت النور كله عشان متتكسفيش اووى كدا ازاحت اسيل الغطاء من عليها ببطئ وتركت الوساده وهى لم ترى اى شئ من العتمه فمد آسر يده ناحيتها ليجدها قد ازاحت الغطاء من على راسها فابتسم قائلا:ممكن انام بقا ؟
اسيل: طيب ما تنام هو انا كلمتك !!؟
آسر : طيب قربي منى
آسيل باستغراب : ليه!!؟
آسر:عشان اعرف انام انا مبقتش اقدر انام من غير حضنك ادمنته خلاص
اقتربت اسيل منه ونامت على زراعه فظل مازن يمسح على شعرها قائلا: عارفه يا اسيل انا عندى امل انك هتحبينى وقريب هتقوليلي انك بتحبينى
أسيل: يا سلام وايه اللى مأكدلك اوى كدا
آسر: لو مكنتيش انتى كمان ادمنتى حضنى قبل ماتنامى مكنتيش وافقتى تحضنينى بسرعه كدا لما طلبت منك
اسيل: لا عادى انا حضنتك بس عشا...............
يقاطع حديثا آسر قائلا: اسيل مفيش واحده بتنام فى حضن واحد غصب بارادتها لمجرد انه طلب منها كدا الا لو كانت بتحبه ولو انتى كنتى ناويه على طلاق ومش بتحبينى مهما حصل مكنتيش نمتى جنبى مش فى حضنى
أسيل: يعنى انا غلطانه يعنى انى بعملك اللى بتطلبه مقابل مساعدتك
زفر آسر عاليا بزهق: اسيل
متتكلميش عن نفسك كدا عشان تهربي من فكرة حبك ليا انتى عمرك ما هتبيعى نفسك عشان ارجعلك حقك انا عارفك كويس اوى متحاوليش تشوهى صورتك في عينى عشان تهربي منى انتى بتحبينى عارفه يعنى ايه بتحبينى وانا لو انتى مفكره انى مقابل مساعدتى ليكى هى انك تملكينى نفسك تبقي غلطانه انا عمرى ما هقرب منك غصب عنك وعمرى ما فكرت لحظه انى ازعلك منى تانى او انى استغلك انا بحبك وبحب قربك منى وحضنك عشلن بس اطمن زى ما انتى بتطمنى لما بكون جنبك
اسيل: انت فاهم غلط انا مش بحبك يا آسر وعمرى ماهحبك
آسر: قولى اللى تقوليه بس انا متاكد من حبك ليا زى ما انا متاكد من عشقى ليكى لو مش بتحبينى زى ما بتقولى تقدرى تقوليلي لما اخدتك فى حضنى فى الطياره اطمنتى ليه وهديتى وتانى مره استنيتى امسك ايدك مع ان أيات كانت جنبك عشان بتحسي انى سندك وبتحسي بدا لانى جوزك وحبيبك تقدرى توليلي لما قربت منك وبوستك ليه ممنعتنيش عشان انتى كنتى حاسه بنفس احساسي تقدرى تقوليلي ليه غيرتى من اميره لما حضنتنى وعينيكى احمرت من كتر الغيره عشان بتحبينى لما جت قعدت جنبي قومتيها وقعدتى عشان انتى عارفه انى دى مكانتك انتى ومينفعش حد يكون مكانك تقدرى تقوليلى ليه مش بقيتى تعرفي تاكلى غير لما ااكلك وتاكلينى عشان بتحبينى يا اسيل واللقمه من ايدك طعم تانى ولمسة شفايفك وانا باكلك احساس تانى وتقدرى تقوليلي ليه نايمه فى حضنى دلوقتى برده عشان بتحبينى وبتطمنى فى حضنى
أسيل: لا لا انا بعمل كدا بس عشان ارضيك
آسر باستهزاء: عشان ترضينى. هههههههههههه عارفه ليه انتى بترضينى برده عشان بتحبينى وحبك ليا باين فى عينيكى اللى بتفضل تدور عليا لما بغيب ولسانك اللى بيفضل يذكر اسمى ويسال عليا وانا ببقا شايفك بس بخبي نفسي عنك عشان اشوف لهفتك عليا فى عينيكى وسؤالك واول ما بتشوفينى بتجرى عليا كانك لقيتى روحك
أسيل: كفايه كفاااايه بقا انت فاهم غلط انا بكرهك يا آسر. بكرهك بكرهك
آسر: ماشي يا اسيل اكرهينى وانا هفضل احبك لاخر يوم فى عمرى لاخر نفس هيطلع منى
ابتعدت أسيل عن حضن آسر وظل يتقلب وهى اعطته ظهرها وظلت تبكى وتنوح وهو قلبه يتمزق على بكاء حبيبته وبعدها عن حضنه ولكنه لم يستطيع مقاومة نفسه بالرغم من اعترافها له بكرهها الشديد له اقترب آسر منها واحتضنها بشده قائلا: اعذرينى حتى لو بتكرهينى عايز انام ومش هعرف انام بعيد عن حضنك انا آسف بس خدينى فى حضنك عشان انام ممكن !!!؟
اتفتت له أسيل واحتضنته حتى نام فى ثبات عميق فهو الآن اثبت لنفسه انها تحبه وتعشقه وكل ما فعلته كان فقط لتخبئ حبها عنه وفى اليوم التالى استيقظ آسر فوجد أسيل تصلي وهى تبكى فلم يتحدث معها بكلمه واحده وقام ليدلف الى المرحاض وتوضا وصلى فرده ونزل الى اسفى حتى يهتم بالمعازيم و بامور الفرح ولكن عندما رآه الجميع سالوه عن أسيل ليجيب : نازله ورايا
نزلت اسيل الدرج لتجد آسر يجلس وبجانبه اميره وهى ترتدى بضى حمالات وبنطلون چينز وتتحدث مع آسر ولكنه ينفر منها ومن حديثها ولكنه عندما راى أسيل اقترب من اميره وظل يتحدث معها وتعلو ضحكاتهم وبالجانب الأخر كانت سليمه تغمز لابنتها اميره بفرح انها بدات تقوم بما خططوه ليوقعا به اما أسيل فكانت الدماء تغلى بعروقها ولكنها تخفى ذلك الشعور الذي كاد ان يقتلها ولكن انقذها دخول ياسين اخو اميره فخافت منه اميره وحاولت الاحتشام امامه بعد ان ارتدت چاكيت وابتعدت قليلا عن آسر ولكنها كانت زفر بداخلها غضبا من مجئ ياسين
آسر: اهلا ياسين كويس انك جيت دلوقتى كنت عايزك ثم يهتف عاليا. اعملوا. كوبايتين شاى وبعد مرور وقت قليل كان آسر يتحدث مع ياسين بامور العمل تقدمت أسيل منهم بصينية الشاى فشكرها آسر ونظر لها ياسين باستغراب فول ه يراها فى البيت ففهم آسر نظرته ليقدم له أسيل قائلا : دى أسيل مراتى يا ياسين
اسر: دا ياسين ابن عمتى سليمه وكمان ابوه يعتبر عمى من نفس العيله
أسيل: اهلا وسهلا اتشرفت بحضرتك
ياسين: انا اللى اتشرفت بحضرتك والف مبروووك معلش جايه متاخره شويه
أسيل: لا ولا يهمك الله يبارك فيك .عن اذنكم اروح اشوف أيات
ايات: انا اهوه مين بينادينى !!؟.ايه دا ياسين ابن عمتى بجلالة قدره جاى يحضر فرحى . ثم ينهض ياسين ليسلم عليها قائلا: مبروك يا يويو ثم ينظر خلفها ليجد نورهان
فيغضب قليلا. ويعقدحاجباه قائلا: انتى !!!!!!!!!!؟انتى ايه اللى جابك هنا !!!؟
نورهان خجلت وقلقت ولكنها حاولت ان تقوى امامه : انت اللى ايه جابك هنا
آسر وايات فى نفس واحد : انتوا تعرفوا بعض
نورهان : ايوه يا ستى من كام يوم كان هيشيلنى بعربيته وبدل ما يقف ويعتذرلي نزل يزعقلى وكان هيضربنى
ياسين: انا برده اللى كنت غلطان ولا انتى اللى ماشيه تتمرجحى وانتى بتتكلمى فى الفون ومأن مفيش حد ماشي فى الشارع غيرك
آسر: بس بس اهدوا يا جماعه حصل خير دى نورهان صاحبة أيات اختى ثم ينظر لاسيل بحزن. وصاحبة أسيل . مراتى
تنظر له اسيل باسف وحزن
تقطتع ايات شرودهم قائله ودا يا ستى ياسين ابن عمتى سليمه زى آسر بالظبط هو اللى مربينى مع آسر
نورهان : اهلا اتشرفنا وآسفه على اللى حصل
ياسين : لا ولا يهمك انا اللى متاسف اوى على ن
اللى حصل قبل كدا وعلى اللى حصل دلوقتى
نورهان : حصل خير
ثم يسالهم آسر :انتى كنتى رايحه فين يا آيات
آيات: كنت رايحه اجيب شوية حاجات نقصانى ونورهان كمان هتجيب فستان تحضر بيه الفرح النهارده
آسر: طيب تمام متتاخروش
آيات: اوك . اه صحيح وانتى يا اسيل مش هتيجى تجيبي حاجه تلبسيها النهارده
يرد آسر سريعا : لا مش هتيجى
ينظر له الجميع باستغراب وتخجل أسيل من رده وتحزن بداخلها ثم تستأذن لتذهب وتساعد النساء
ولكن تساله ايات : ليه كد يا آسر دى مفيش حاجه تلبسها بالليل
آسر: متشغليش انتى بالك هى هتلبس اى حاجه
أيات: بس يا آسر .
يقاطعها قائلا : أيات انا قولت خلاص ومتقلقيش انتى عليها
حزنت ايات وذهبت وهى تفكر باسيل وحزنها
لتقاطعها نورهان قائله : هو ليه قال كدا وحرجها وزعلها
ايات: مش عارفه بس اللى متاكدمتاكده منه ان مش هيقدر يزعلها واكيد هيصاالحها
ولكن بالفيلا ظلت اميره تلف بجانب آسر لكى توقعه فى شباكها وظلت تضحك معه حتى لاحظ الجميع وكانت أسيل غاضبه وحزينه تكتم دموعها بشده ولم تاكل شيئا ولا تشرب شئ وظلت تعمل مع الجميع بجهد وهى تشعر بدوار من حين لأخر بسبب جوعها فهو لم يطعمها اليوم ولم تاكل شئ
لاحظ آسر تعبها ودوار راسها الذي كان سيوقعها ارضا اكثر من مره
فلاحظتها ايضا الجده ولاحظت تلاعب اميره وتقربها من آسر
فنادت الجده على أسيل فذهبت اليها اسيل مسرعه قائله : نعم يا تيتا الحاجه
الجده : اسيل ياحبيبتى مالك حاسه انك تعبانه ومدايقه النهارده مش عوايدك متهزريش وضحكينى
اسيل: مفيش يا تيتا بس تعبانه شويه
الجده : اسمعى يا اسيل انا ست كبيره وفاهمه كويس وعارفه لازم ناخدى كلامى وتحطيه حلقه فى ودانك
الراچل اللى مرت بتهمله وبتبعد عنه بيبعد عنها وبيدور على حضن تانى ينام فيه وخصوصا لو فى عقربه بتحوم حواليه راچلك يا بتى مالوش غير حضنك متبعديش لتلوف عليه حيه وتاخده منيكى
اسيل: ماهى الحيه عجباه يا تيتا
الجده: لااا معچبهاوش بس لقاها محوطاه وانتى بعيده عنه وبيحرقك انتى بيها لچل ما تغيرى ودمك يفور وترچعى لحضنه اسمعى يابتى مهما كان المشكل بناتكم لازم تخليكى چار چوزك وماتتركيه وماتتنازلى عنه واصل وتكونى قويه قدامه وقدام الحيه فهمتى يا أسيل. يابتى
اسيل : فهمت يا تيتا الحاجه
الجده : يلا قومى وكلى چوزك مداچش الوكل اتعود على ايديكى تطعمه قومى يابتى اطعميه وابعدى الشيطان عنكم
قبلت اسيل يد الجده وهمت لتذهب الى المطبخ ولكنها شعرت بدوار وكادت ان تقع ولكن آسر امسكها من خصرها وكانت عين اميره عليهم تغلى بكل حقد سند آسر أسيل وحملها وصعد الى الغرفه ثم امر باحضار كوب من العصير وطعام لها وبعد ان اجلسها على الفراش همت اسيل تنهض
لكنه منها قائلا: رايحه فين
أسيل: هنزل اساعدهم
آسر: لا مفيش نزول الا لماتاكلى
أسيل: ماليش نفس اكل سيبنى انزل
آسر : قولت مفيش نزول الا لما تاكلى انتى مفطرتيش ليه
أسيل: انت كمان مفطرتش
آسر: ملكيش دعوه بيا انا اقدر استحمل انتى مفطرتيش ليه
أسيل: لنفس السبب اللى انت مفطرتش عشانه
نظر لها آسر بحزن ثم سمع طرقات باب الغرفه ليجدها عمته سميه ومعها صينيه بها طعام وكوب عصير
سميه:مالك يا اسيل ياحبيبتى الف سلامه عليكى كدا مش تفطرى الاول يا اسيل وانا قولتلك متجهديش نفسك
مبتسمعيش الكلام خليك چارها يا آسر يا ووكلها زين
آسر: متقلقيش عليها ياعمتى انا هاكلها وهتبقا كويسه ان شا الله
سميه: ماشي ياولدى ربنا الشافى
ثم تذهب سميه ويغلق آسر باب الغرفه ويجلس بجانب أسيل يطعمها بيده وهو يتجنب لمس شفايفها فكانت تاكل وهى حزينه جدا فتوقف عن الاكل فجاه
ليسالها آسر: ايه مش بتاكلى ليه !!!؟
أسيل: اصل الاكل مالوش طعم النهارده
ففهم آسر مقصدها فقطم لقمه صغيره واطعمها لها وهو يلمس شفتيها بنعومه فابتسمت اسيل وظلت تطعمه ايضا حتى انتهيا من طعامهما وبعد مرور وقت قليل بدا يحل الليل وكانت أيات ومعها نورهان يرتديان ملابسهما فارتدت أيات فستانها الابيض وصففت شعرها ووضعت تاج ميل عليه وكانت جميله جدااا وايضا نورهان التى ارتدت فستان من اللون الوردى باكمام جميل وانيق وبزيل طويل قليلا وصففت شعرها ايضا فانهت ايات لبسها هى ونورهان بمساعدة كوافيرات وذهبت نورهان الى غرفة أسيل فوجدتها لم ترتدى حتى الآن وما زالت تبحث عنشئ ترتديه ولكنها لم تجد شئ مناسب فسالتها نورهان: اسيل حبيبتى انتى لسه ملبستيش
اسيل بحزن: مش عارفه البس ايه مش عارفه آسر ليه عمل كدا ومنعنى اجيب حاجه البسها وقاطعها صوت دقات الباب لتجد احدى الخدم معه كڤر فستان وشنط كثيره وواحده من الكوافيرات تطرق اللاب لتدخل قائله : حضرتك مدام آسر بيه
أسيل: ايوه
الكوافيره : طيب حضرتك اتفضلى البسي الفستان وتعالى عشان اجهزك
أسيل: مين اللى باعت حضرتك والفستان دا بتاع مين!!؟
الكوافيره : آسر بيه موصي السنتر بتاعنا على الفستان دا من امبارح وقالى اجى اجهز حضرتك
دخلت اسيل لترتدى الفستان ومعها نورهان تساعدها ففتحت الكڤر لتجد فستان سواريه ابيض فخم له زيل طويل منشغول بوردات جميله هادئه فارتدته وكان معه حذاء ابيض بكعب عالى وخرجت لتصفر لها الكوافيره ونورهان على جمالها وجلست لتضع لها بعض مساحيق التجميل الخفيفه جدا ولفت لها حجابها ووضعت لها طوقا من شريط الستان المرصع بالوردات البيضاء بسيطا وجميل على حجابها ليزيدها رقة وجمالا وعندما انتهت كان قد حان موعد نزول ايات فكانت الفيلا مزينه بالانوار والورود والكوشه كانت فى الجنينه وحمام السباحه به الكثير من البالونات والنوار حوله تضئ وتعطى منظر رائع وفخم وقد حان نزول العروس ليستقبلها عريسها الآن
👰👰👰👰👰👰👰👰👰👰👰👰👰👰👰👰👰👰👰👰👰👰👰👰👰👰👰👰👰👰👰👰👰👰👰👰👰👰