آسر قلبي ولدمعي آسيل

الحلقة 1

************* الفصل الاول ******************

فى احدى الاماكن الراقيه بالقاهره حيث توجدفيلا الشرقاوى وهى عائله كبيره ذات نفوذ من اصل صعيدى من الاقصرولديهم سلسلة لشركات السياحه وفنادق وقرى سياحيه واهم هذه الشركات هى شركة محمود الشرقاوى وهو اول من قام بتاسيس شركات السياحه بالقاهره ولكن من يدير هذه الشركات هو ابنه آسر الشرقاوى الذي عمل جاهدا لتطوير اعمال ابيه بعد وفاته آسر شاب وسيم فى مقتبل الثلاثينات يتميز بقوة جسده وعضلاته وايضا بعينيه العسليتين وشعره البنى ليس له اخوات سوى واحده وهى اخته آيات وهى ايضا فتاه جميله بشرتها بيضاء كالمرحومه والدتها وعينيها عسليتين وشعرها بنى ناعم جدا تتميز بخفة دمها تحب اخيها جدا فهو من تبقى لها من والديها يهتم بها ويرعاها ويثق بيها كثيرا فهى بنت على خلق ولكن دائما هناك من يريد ان يشكك بسمعتها واخلاقها وهى عمتها سليمه فهى امراه فى مقتبل الخمسينات ولكنها تعيش حياة شابه بعمر العشرينات تعشق الموضه فهى اتت الى القاهره لتعيش لتهرب من تقاليد الصعيد والاحكام التى تقع علىىاى امراه مطلقه فهى طلقت من زوجها وابن خالها وابو اولادها ياسين ووائل واميره وسنتعرف عليهم مع باقى احداث القصه سليمه تبحث دائما عن المال والرفاهيه وعاشت فى فيلا اخيها محمود الشرقاوى بحجة رعاية آسر وأسيل بعد وفاة والديهم. وتدبر دائما لزواج ابنتها من آسر وزواج ابنها وائل من آيات لتتاكد من حصولها على المال والرفاهيه .
فى غرفة آيات تجلس على جهاز اللاب توب فاذا بشخص يطرق الباب بهدوء ترد آيات. : اتفضل
ليدخل شاب وسيم جدا وانيق وهو اخيها آسر قائلا :يويو حبيبة قلبي بتعمل ايه
آيات: ولا حاجه مليت قاعده من الصبح عالنت بكلم صحباتى فى واحده صاحبتى بتحكيلى مشكلة واحده جارتها وصاحبتها بس مشكله جاامده
آسر بابتسامه جميله :امممممم صحباااتك ومشكله جامده طيب انا نازل اتعشي بره وكنت بفكر 🤔🤔
آيات سريعا: كنت بتفكر تاخدنى معاك صح صح ثوانى واكون جاهزه
آسر : طيب وصاحبتك ومشكلتها
آيات:عادى اكلمها عالفون وانا ماشيه ياقلبي وتاخذ ملابسها من الخزانه وتذهب مسرعه الى المرحاض لتغير ملابسها
وهى بالداخل سالها آسر :امممم مقولتليش مشكلة ايه دى بقا بتاعة صاحبتك؟
آيات : دى مشكلة بنت عمها معذبها جدااا هو وابنه ووالدها متوفى ووالدتها مريضه
آسر : يشعر بحزن لو فى نقدر نساعدها بيها ابقي عرفينى
تخرج آيات من المرحاض بعد ان ارتدت ملابسها قائله لاااا دى مشكلتها كبيره هحكيلك عليها فى الطريق يلا بينا انا جاهزه
آسر :طيب يلا
وذهبا آسر وآيات للعشاء وهى تروى له قصة صديقتها وبعد ******************************
وبعد مرور ليل طويل ملئ بالقلق والحزن والمرض تشرق الشمس على فتاه جالسه بغرفتها لم تنم فكانت طوالةالليلةبجانب والدتها المريضه ثم تخرج من غرفتها على صوت والدتها المريضه التى تناديها
والدة آسيل. ليلي. :آسيل آسيل
تخرج لها آسيل :ايوه يا ماما انا صاحيه ياحبيبتى
ليلي: قومى اتوضي وصلي عشان تنزلى شغلك ياحبيبتى
آسيل :مش هينفع اسيبك لوحدك ياماما انتى تعبانه
ليلي:لا متقلقيش عليا انا كويسه لازم تروحى شغلك عشان الدكتور ميزعلش منك
أسيل : حاضر يا ماما وتذهب أسيل تتوضأ وتصلى وتدعى ربها ان يشفي والدتها وان يرحمها من يد عمها وابنه ثم ترتدى ثيابها وتنظر فى المرآه لترتدى حجابها فتنظر لجمالها الشديد الذي كان دائما ومازال سبب تعبها وعذابها فأسيل فتاه شديدة الجمال بيضاء وشعرها طويل لونه ذهبي كخيوط الشمس تدرس بالطب وتعمل بصيدليه لتتعلم اكثر وتصرف على نفسها فهى بالرغم من جمالها لا يجرؤ احد على الزواج منها بسبب ابن عمها عادل وهو شاب فاسد وخلقه سيئه واعماله مشبوهة ودائما يضربها ويهينها لعنت أسيل هذا الجمال فما فائدته لفتاه فى حكم وحش وليس لها عائله تدللها وتخاف عليها فوالدها توفى علي يد عمها منير ليسرق ماله ومنير هو عمها وابو عادل وهو وحش فمن شابه اباه فما ظلم
ثم اكملت لف حجابها وذهبت تودع والدتها
أسيل: انا نازله ياماما هتعوزى حاجه
ليلي:سلامتك ياحبيبتى خدى بالك من نفسك
أسيل : وانتى كمان ياحبيبتى لو فى حاجه كلمينى
ليلي:ماشي يا اسيل اسيل حبيبتى كنت عايزه اقولك على حاجه
أسيل: خير ياماما
ليلي: والدموع بمقلتيها وبحزن شديد .اسيل انا اللى باقي من عمرى مش كتير ودا واقع ولازم نرضي بيه والعلم عند ربنا بس اها يابنتى خايفه عليكى من عمك وابنه عمك نزل هنا امبارح وهددنى انك لو موافقتيش على الجواز من عادل ابنه مش هيرحمنا وانا مفيش فى ايدى حاجه اعملهالك
أسيل بغضب شديد:عمى عايز مننا ايه تانى والله كدا حرام مش كفايه اللي عمله زمان وان هو السبب فى موت بابا انتى يا ماما عارفه عادل اكتر منى وعارفه انه شيطانومجرم ورد سجون وطول عمره بيكرهنى ويهنى ارجوكى ساعدينى تزداد شقات أسيل وتحتضن والدتها بخوف وقلق من مصيرها الذي ينتظرها على يد هذا الشيطان وابيه. تبكى ليلي وتحتضن ابنتها قائله:أسيل اسمعى اللى هقولك عليه كويس اووى انتى لازم تهربي من هنا ولازم تمشي هار الشارع يابنتى ولاجنة عمك وابنه. روحى اى مكان اى دار ايتام اى مستشفى اشتغلى فيها بس تكون بعيد عنهم
أسيل باستغراب وحزن : انتى بتقولى ايه يا ماما !!؟اسيب بيتنا مش كفايه اللى خدوهومننا اسيبك لهم ازاى ليلي تمسك بذرع اسيل. وتشد عليها قائله امشي ومتخافيش عليا لازم تلاقي راجل كويس يقف جنبك ويحبك ويجيبلك حقك وحق ابوكى منهم
واذا باحد يترك الباب بكل عنف طرقااات عاليه لترتعش ليلي واسيل خوفا ثم تمسح أسيل على كتف امها لتطمئن وتنهض لتجده عمها.
أسيل :اتفضل ياعمى
منير ينظر لها باشمئزاز ثم يدلف الى الداخل قائلا :انتى ياست الدكتوره اعملى حسابك ان النهارده قراية فتحتك علي عادل ابنى
أسيل : فى حزن بس ياعمى ب بعد ما اخلص الكليه عالاقل
منير : بقسوه علام لاااا الجواز ستره. مش احسن من المرقعه. هنا وهنا وفى الصيدليه استناكى لما تجيلى بمصيبه
اسيل : لو سمحت ياعمى انا بابا مربينى كويس
منير :واهو ابوكى مات ياحلوه ومبقاش ليكى كاسر
أسيل : بحزن شديد ياعمى لو بابا مات فانت موجود
منير : اه ماهو عشان كدا لازم استرك قبل ماتفضحينى جواز البت ستره
اسيل والدموع تتجمع بمقلتيها : اللي تشوفه ياعمى
ثم يهظر لها ولملابسها قائلا:وانتى رايحه فين ان شاء الله
اسيل :نازله الصيدليه
منير من هنا ورايح مفيش صيدليه بلاش قلة حيا
اسيل : لا والنبي ياعمى على الاقل اجيب علاجةماما
يفكر قليلا ثم يرد قائلا :قدامك اسبوعين وهنكتب الكتاب وبعد كدا مفيش زفت تانى فاهمه
اسيل تنظر له بفزع عما سمعته. فبعد اسبوعين ستوضع فى سجن عادل المظلم ليتحكم فى حياتها الباقي من عمرها
ثم يهتف منير بصوت عالى هاااه فاهمه
ترد اسيل بانكسار :فاهمه ياعمى ليتركهم ويذهب ويشد وراءه الباب بعنف
تبكى اسيل بشده وتبكى ليلي وتنظر لابنتها ليتمزق قلبها المريض الضعيف عليها
ثم تودع اسيل والدتها لتذهب حتى لاتنهار امامها فهى مريضه ولا طاقه لها على هذا الحزن وتفتح الباب وتنزل الدرج لتجد امامها هذا الشيطان فتنتفض وترتجف

ياترى هيقولها ايه ؟
وياترى أييل هتقدر تهرب. ولا هيكون مصيرها سجن عادل؟كل دا هنعرفه الحلقه الجايه.