آسر قلبي ولدمعي آسيل

12

********الفصل الثانى عشر********

فى اليوم التالى تشرق الشمس لتعلن عن يوم جديد وتبعث اشعتها الذهبيه التى تضئ غرفة العاشقان وتزيد الحبيبه النائمه جمالا وتعطى خصلاتها الذهبيه جمالا وتداعب عينيها الجميلتين لتفتحهما ببطئ لتجد نفسها فى احضان آسر ويمتلكها داخل احضانه وخصلاتها الذهبيه تغطى وجهه فتزيحها عنه لترى وجهه النائم يزيد وسامه تبتعد أسيل عنه بتوتر ونهضت من جانبه لتتفاجئ به يمسك معصمها ثم يعتدل ويقبل راحة يدها قائلا : صباح الخير
آسيل بقلق ويدها ترتجف:صباح النور
آسر: مالك فى ايه ايدك بتترعش ليه كدا !!؟
أسيل:انا. لا مفيش حاجه
آسر:متاكدة ؟
أسيل:ايوه . قوم بقا يلا عشان نفطر ونروح الارض
آسر: ههههههههه ارض. ارض ايه
أسيل بطفوليه:نجيب بلح
آسر: ههههههههههههههههههه بلح هو انا خلاص بقيت بتاع بلح يابنتى انتى هضيعى هيبتى هنا انا هنا كبير عيله عيزانى اروح اجيب بلح
أسيل بحزن : متنساش ان كبير العيله دا يبقى جوزى قدام العيله ومينفعش يبقا حد غيره معايه وانا بقا مصممه اروح
يهم آسر ويقف ورائها بسرعه ولهفه يسألها :انتى قولتى جوزى
أسيل بقلق: هاا.
آسر: انتى قولتى جوزى صح
أسيل: ايوه  قولت جوزى بس برده قولت قدام العيله
آسر: اممممم. قدام العيله . طيب ابقي خلى العيله توديكى ارض النخل
ثم اخذ منشفه ودخل الى المرحاض ليسحتم وارتدى ملابسه ونظر لاسيل وهو يتصنع الزعل ونزل الدرج ليجد العائله كلها مشغوله فى اعمال البيت 
العمه سميه: وينها مرتك يا آسر ياحبيبي
آسر : نازله ورايا ياعمتى
احدى الفتيات الصغيرات: يا ابيه آسر يا آبيه
آسر: ايوه
الفتاه: عمى سليمان بيقولك هات الاوراق لابيه ياسين هيعديهم عليه وهو رايح يچيب عمتى  سليمه وصلت وهو رايح يچيبها وهيقابل أبيه ياسين
آسر  باستغراب: عمتى سليمه !!!؟.   طيب لحظه ثم يصعد الدرج مره اخرى ويفتح باب الغرفه ليجد الجميله ارتدت ملابسها وتمشط شعرها فيقف ورائها ويمسك خصلاتها وياخذ منها المشاطه بكل هدوء وهى تنظر له بقلق ثم يمشط لها شعرها ويميل خصلاتها على ووجهها ثم يرفعها بيده
فسالته بقلق: انت بتعمل ايه يا آسر !؟
آسر:هشششش وظل يمشط شعرها
أسيل: آسر بسالك بتعمل ايه
آسر: مش شايفه يعنى بعمل ايه !!؟ بسرحلك شعرك
أسيل: وانا مش عيزاك تسرحلى شعرى
آسر: هنا انا بس اللى بقول وبعمل اللى عايزه وحضرتك تقولى  حاضر ونعم
أسيل: نعم. !!!؟ يعنى ايه ان شاء الله
آسر: يعنى يا تسمعى الكلام يا بلاش اقلب عالوش التانى وانتى لسه متعرفهوش
أسيل : لا عرفاه يا آسر بيه ودا اول وش شفتك بيه بس على مااظن انك وعدتنى انك مش هتأذينى صح
آسربحزن شديد: انا مكنتش اقصد كدا وانا وعدتك انى مش هأذيكى وياريت متفضليش تفكرينى باللى حصل لانى انا فكره كويس
أسيل: مش انت اللى قولت اقلب عالوش التانى
آسر: بس اكيد مكنتش اقصد كدا
اسيل: خلاص انا آسفه
آسر : عادى بقا اتعودت منك على كدا
أسيل تمسك يده قائله : آسر انا آسفه
آسر: أسيل انتى خايفه على زعلى !!!؟
أسيل: هااا. . اكيد محبش حد يزعل منى
آسر: حد !!؟. طيب انا هعرفك اذا كنت حد ولا ااا..
أسيل: ولا ايه !!؟
آسر :ههههه بقولك ايه  تحبي تاكلى بلح. ولا عنب
أسيل: عنب. !!!؟
آسر وهو يغمز لها : ايوه عندنا ارض العنب تحبي تروحى !؟
أسيل : اكيد
آسر: طيب جهزى نفسك عشان نروح انا وانتى
أسيل: بجد !!؟ هنروح ونروح ارض النخل نجيب بلح لينا وللجماعه
آسر: ونروح نجيب بلح دا
تبتسم أسيل ويقترب منها آسر ويمسك خصلاتها ويحاول ان يضع قبله على خدها فيخفق قلب أسيل بقوه ثم يقاطعهم احد يطرق الباب فيبتعد آسر بزهق ويشير لها ان تدخل الى المرحاض ليفتح الباب ليجده ابن عمه الصغير يطلب الاوراق
الولدالصغير : اآسر :الاوراق لعمى سليمان
آسر : اوه. نسيت. استنى ويدلف الى الداخل ليحضر الملف
ويعطيه له ثم يغلق الباب وينادى على أسيل ان تخرج فخرجت أسيل تساله : مين يا آسر !!؟
آسر: مفيش دا عمى باعت ياخد ملف للشغل
على فكره عمتى سليمه وصلت وعمى راح يجيبها
أسيل يظهر على وجهها القلق: انا خايفه منها يا آسر بصراحه مرتحتلهاش خالص من ساعة ما شوفتها
آسر: ملكيش دعوه بيها وبعدين هى اكيد جايه عشان فرح آيات وهى لما بتكون هنا فى وسط العيله مش بتقدر تعمل حاجه بس انتى اتجنبيها بس وانا هفضل جنبك علطول
انا مستنيكى تحت انزلى يلا بسرعه
أسيل: حاضر
آسر: صحيح كنت عايز اقولك حاجه بس متزعليش منى
فنظرت له أسيل بقلق قائله :ايه
قبلها آسر على وجنتها وابتسم لها ثم غمز لها قائلا : متتاخريش عليا ثم خرج واغلق الباب وتركها فى صدمتها
ابتسمت أسيل وامسكت خدها ثم ذهبت الى مرآتها لتنظر الى نفسها قائله : انا اللى لعنت جمالى فى يوم بسبب كل الناس وبسبب الطمع اللى كنت بشوفه فى عيون كل اللى حواليا
انت اول واحد خلانى احب جمالى واحس بيه اول مره اشوف ان عينيا حلوه عشان شيفاك واول مره اخد بالى من جمال شعرى لما لمسته ثم تبتسم ابتسامه قويه وتنظر لخدها بالمرآه ثم ارتدت حجابها ونزلت على الدرج لتجد سليمه تدخل من الباب ومعها فتاه ترتدى الچينز وتضع الكثير من مساحيق التجميل والجميع يرحب بهم
افكار زوجة سليمان: يا مرحب يامرحب بام ياسين نورتى يا غاليه ثم تنظر الى الفتاه التى تقف بجانبها واه اميره اتغيرتى يابتى  بقيتى زى القمر عامله ايه وتسلم عليها بحراره
فتسلم عليها اميره بكل غرور وتحاول الابتعاد عنها ترد سليمه قائله: اميره بتى بقيت باش مهندسه واللى يناديها يجولها يا باش مهندسه
احرجت افكر كثيرا ولكنها اخذت الموضوع بضحك حتى لا تشعر بالسوء امام الموجودين
لترد الجده الجالسه بعيد : معندناش عيال يتكبروا علينا ولو بتك بقيت مهندسه هتفضل العيله الصغيره اللى كانت بتلعب وبتجرى وبتعملها على حجر افكار ولا انتى نسيتى ياسليمه لماكنتى بتسبيها عيله صغيره  لافكار تربيها
سليمه : امى ازيك يا حاجه
الجده : لساكى فاكره امك يا سليمه . ياترى ايه اللى فكرك بينا بعد سبع بس ور من آخر مره چيتى تاخدى نصيبك من محصول الارض ان كنتى چايه عشان اكده فالسنه لسه معدتش
سليمه : مالك يا حاجه ليه الحديت دا انا چايه لفرح بت اخوي اللى ربيتها ولا هو انا اكبر واربي وهى تتچوز هنا بعيد عنى من غير ما احضر فرحها
سناء: لا كيف دا انتى امها والخير والبركه يا ام الغالى
الجده: لا أيات اتربت على يد اخوها آسر لما كانت سليمه بتتركها عيانه وموعوكه ومبتعبرهاشي كان آسر اللى بيجعد بيها
سليمه بتمثيل البكاء : اكده يا اماى دى اخرتها بعد ما جعدت معاهم وسيبت بلدى واهلى وعيالى عشان اربيهم
الجده عاليه تزفر عاليا : سليمه كلياتنا عارفين زين انتى روحتى هناك ليه ولو على التربيه نتى جعدتى على ربتيهم
سميه: خلاص مالوش لزوم الحديت دا يا اما
سليمه : وليه يا خيتى معچبكيش الحديت اللى مخلى قلبك مرفرف مانتى بقيتى الزينه وانا اللى طماعه ووحشه
سميه : انا مهفرحش لزعل حد يا ام ياسين
سناء زوجة على : اي ياجماعه احنا دخل بنا شيطان
الجده: الشيطان دخل مع دخلة سليمه اللى مجلتش السلام لجل تبعد عنا الشيطان لا داخله تعدل علينا وتتمرجع ببنتها على افكار مرت ابنى
على : خلاص يا جماعه حصل خير وكفياكم بقا
تقف أسيل خائفه فهى بدايه غيرمبشره
ثم تنزل لتقف بجانب جدتها وهى تبحث بعينيها عن أيات وآسر ولم تجدهم فتفاجئت باميره تقترب منها قائله : روحى هاتيلى كوباية مايه وطلعيلي الشنط دى فوق
لتنظر مالوش لها اسيل بصدمه قائله :انا
اميره بمكر : ايوه انتى امال انا انتى مش الخدامه 
لينظر لها الجميع بصدمه
وتجد صوت بخلفها كالرعد : اميره.  تنظر له اميره بارتجاف تحاول ان تخبأه ثم تجرى عليه لتحضنه وتقبله آسر حبيبي عامل ايه والجميع ينظر لها بصدمه على تصرفها واسيل تنظر لها بغيره وتتابع  رد فعل آسر  ولكنها تفاجئت برده
ازاح آسر يدها من عليه قائلا: دى مش خدامه دى تبقا أسيل مراتى مرات آسر الشرقاوى
اميره بمكر : آسفه يابيبي اصل لبسها يعنى
آسر : انا مش بيبي وبكره الكلمه دى. ثانيا ماله لبسها  على الاقل محتشمه محدش بيتفرج عليها انتى فهمانى طبعا
نظرت له اميره بغيظ
ترد أيات: أسيل مرات اخويا  زى القمر ومش محتاجه اللبس او المكياچ عشان تكون حلوه يعنى جمال ربانى ومش ممكن تسيب آسر عشان اى حاجه تافهة
تنظر اميره لايات بغيظ وتحدى  قائله لنفسها : وانا هخليه هو اللى يسيبها
ثم  تقاطعهم سناء : ايه يا جماعه هنفضل نتحدت اكده لامتى يلا نچهز الوكل لعمتى سليمه وبتها يلا يابنات. يلا يا اسيل انتى وايات
أيات: معلش يا مرات خالى اصلى تعبانه شويه وهطلع ارتاح
سناء : براحتك يا حبيبتى
آسر ينظر  لاسيل : حبيبتى مش يلا بينا نروح بقا
الجده : على وين يا ولدى
آسر : يبتسم وينظر لأسيل  اصل سولى حبيبتى  عايزه تروح ارض النخل والعنب ثم يغمز لاسيل اصلها راحت امبارح وحبتها اوى
يضحك الجميع ماعدا سليمه وابنتها كانوا ينظرون بغل وغيظ شديد
فامسك آسر يد أسيل وذهب الى الارض تحت انظار الجميع
وعندما وصل آسر الى مجرى الماء نظرت له أسيل بخجل فابتسم آسر وحملها وعدى بها المجرى ولم ينزلها فنظرت له أسيل باستغرابقائله: نزلنى بقا
آسر: لا
أسيل: نزلنى بقولك.  عايزه انزل
آسر: بس انا مش عايز انزلك
وظل يمشي بها حتى وصلا الى مكان جميل يكسوه اوراق العنب ليخفيهم عن الانظار انزلها آسر وظل ينظر لها  ثم خلع حجابها ببطئ وازاح رابة شعرها لينسدل شعرها سريعا بنعومه على ظهرها فتنظر له أسيل باستغراب  فيرد آسر: بتبصيلي كدا ليه !!!؟
اسيل: مفيش بس مستغرباك مهتم بشعرى اوى ليه كدا
آسر: اصلي عمرى ماشفت خيوط الدهب من قريب ولمستها بايدى
أسيل باستغراب: خيوط الدهب !!؟
آسر : طبعا شعرك زى خيوط الدهب. زى اشعة الشمس لما بتكون قويه وتنور الدنيا
تخجل أسيل وتبتعد قليلا ولكن لم  يتركها آسر ذهب ورائها يمسكها من خصرها  النحيف  قائلا : زعلتى منى ولا ايه  أسيل  اناا انااا
اسيل : انت ايه يا آسر !!؟
آسر: انابحبك  بحبك اووى
أسيل كانت فى صدمه  فالبرغم من انها تشعر بحبه واهتمامه الا انها انصدمت من اعترافه لها بحبه
ردت عليه بقلق وتوتر : آسر انت حاسس بس بالذنب من ناحيتى وقربنا من بعض الفتره دى اللى خلاك تحس بكده
آسر : ذنب !؟ لا يا أسيل انا بحبك بجد الذنب دا انا ممكن اكفر عنه بحاجات كتير انى اساعدك او ارجعلك حقك واخلص من عمك وابنه فى لحظه بس انامش هديكى قلبي واخليكى ملكه على عرشه وامكنك من حياتى وروحى وقلبي وكل ما املك عشان ذنب عموما لو انتى مش بتحبينى دى حاجه تانيه بس على الاقل سبينى احبك واثبتلك حبي فى المده اللى هتكونى معايا. فيها ولو حبتينى انتى هتيجى تقوليلي بنفسك بس اوعدينى يكون المكان دا شاهد على حبك ليا زى ما شهد على حبي ليكى  اتفقنا
فاهزت أسيل راسها بالموافقه  فتفاجئت بقبله قويه على شفتيها تاهت بين ضلوعه وهو يحتضنها ثم تركها آسر لتلتقط انفاسها وظلت تنظر له بصدمه ولكن شعورها كان فى قمة السعادة فاول مره يقبها بهذا الشغف واللهفه من شفتيها
ابتسم آسر قائلا : مالك. !!؟
أسيل: مفيش حاجه.
آسر : مفيش حاجه ازاى هى البوسه مأثرتش يبقا مكنتش حلوه لازم نعيدها
أسيل: لااااا  مش هناكل العنب بقا
آسر: انا عن نفسي كلت عنب وفراوله وتفاح وموز ومانجه وعسل و ...
أسيل : حيلك حيلك ايه دا كله
آسر: دا اقل حاجه
ابتسمت أسيل لا بجد يلا ناكل عنب
آسر : يلا ياستى ناكل عنب وبلح وكل حاجه بس اوعدينى نيجى ناكل عنب تانى بكره  فهمت أسيل ما يقصده فابتسمت بخجل وجريت بعيدا وظلت تجرى وهو يجرى ورائها ويضحكوا وجمعوا الكثير من العنب والبلح وذهبوا الى البيت
****************************************
ولكن كان هناك من يجلس فى غرفة سليمه يتحدث بغل وغيظ
اميره : شفتى ياماما كلهم مهتمين بيها ازاى وقابلونا ازاى
سليمه: اصبري انتى بس وانا مبقاش سليمه بت الشرقاوى لو ماخليتهم كلهم يطردوها من اهنه طردة الكلاب وخليت آسر يطلقها
اميره : ازاى يا ماما بس وامتى
سليمه : صبرك عليا بس وانا هدبر لهم مصيبه اوجعها فيها
ليقاطع حديثها صوت سناء زوجة اخيها : يلا يا ام ياسين الوكل چهز والكل مستنيكم
تنزل سليمه واميره فتجلس سليمه على مقعدها ثم تجلس اميره بجانب آسر واسيل تحضر الطعام مع الفتيات فتاتى لترى ان اميره جلست مكانها بجانب زوجها فنظرت له  فى غل وغيظ شعر بهم آسر ولم يتحدث ليرى اذا ستفعل هل ستحافظ على مكانها بقربه ام ضعفها سيسيطر عليها  توجهت أسيل الى مقعد فاضي فرآها آسر فغضب لانها اختارت ان توافق على بعده وان تجلس بجواره غيرها ولكنه تفاجئ بانها تضع وسادات عاليه ثم تجلس ابن عم آسر ذو الثلاث سنوات وتقبله ثم ذهبت باتجاه اميره لتشير اليها بان تقوم من جانبه
فنظرت لها اميره بمكر وغل قائله: فى حاجه
أسيل : عن اذنك اتفضلي اقعدى فى مكان تانى لان دا مكانى
اميره : هو احنا فى مدرسه يا شاطره هنقى الاماكن
أسيل: لا ياحبيبتى هنا فى البيت دا كل واحده بتقعد جنب جوزها تاكله وياكلها بايده عشان يحبوا بعض اكتر وآسر حبيبي مش بيعرف ياكل غير لما ياكلنى بايده وانا ااكله اتعودنا على كدا صح يا تيتا الحاجه
الجده : صوح ياقلب تيتا الحاجه يامرت الغالى  اتنقلي انتى يا اميره يابتى الكرسي دا بتاع أسيل. خليها تقعد چار چوزها
تزفر اميره عاليا وتنتفض من على المقعد فى غيظ وتجلس فى مكان آخر تحت انظار الجميع وهم يضحكون عليها
فجلست أسيل بجانب آسر ولم تاكل لقمه واحده وهى تنظر له وهو ياكل فنظر لها آسر وفهم ماتريد فاطعمها بيده وظلت تطعمه ويطعمها تحت انظار الجميع وهم يتمنون لهم الخير والحب دائما اما سليمه وابنتها كانت نيران الغيرة تاكل قلبهما
وبعد العشاء ظل الجميع يتحدث ويتساير ويمزحون جميعا اما اميره كانت تمسك جهاز اللاب توب الخاص بها وهى تلقى انظار الكره من حين لاخر على آسر  الذي اجلس اسيل ونام على حجرها بالارض وهى تلعب بشعره بيدها وباليد الاخرى كان هو يمسك اصابعها
والجميع ينظر لهم ويتمنى دوام الحب بينهم وأيات تضحك على حب اسيل الذي يظهر فى عينيها وتحاول ان تخفيه
وبعد وقت طويل صعد الجميع غرفهم وصعد آسر ممسك بيد أسيل وهو فى قمة سعادته وبعد ان دخلا الى الغرفه دخلت اسيل الى المرحاض لتغير ملابسها الى بيچامه ستان ناعمه كماتحب دائما باللون النبيتى تفتنه وتظهر جماله وشدة بياضها ووجمال شعرها المنسدل عليها باللون الذهبى فما جمال هذان اللونان معا  وخرجت ظل آسر ينظر لها بوله. قائلا : يااانى على القمر على فكره انتى كدا هتسحرينى بجمالك وتخلينى اعمل تصرفات هموووت واعملها ضحكت اسيل  قائله: طب ادخل ياعم المسحور غير هدومك 
ابتسم آسر ودلف الى المرحاض وغير ملابسه وخرج لينام على الفراش وهى ايضا كانت نائمه فشدها آسر الى حضنه ولكنها ابتعدت فشدها مره اخرى واحكم قبضته عليها : قائلا : خليكى فى حضنى اصل كدا كدا هخليكى تنامى واخدك فى حضنى تانى وبعدين اتعودى عليه مش يمكن تحبينى وتفضلى تطلعى منه تانى
ابتسمت اسيل واسترخت فى حضن آسر حتى انتظمت انفاسها ونامت فى ثبات عميق
فقبلها آسر قبله قويه شعرت بها وجعلتها تتململ وتفتح عينيها ولكنه تصنع النوم سريعا وهو يبتسم ويخبئ ضحكاته حتى لا تلكمه ابتسمت اسيل وعادت الى نومها وظل آسر يفكر بها ويمسح على شعرها حتى غلبه النوم ونام فى ثبات عميق

* ياترى اسيل هتعترف بحبها لاسر ؟
* ياترى سليمه هدبر لايه وهتنجح فيه ولا لا؟
مستنيه اراكم وتعليقاتكم وآسفه على التاخير واستنونى فى السهره هكتب حلقتين وانزلهم  ويارب الحلقه تعجبكم وشكرا على الاهتمام والدعاء
💕💕💕💕💕💕💕💕💕💕💕💕💕💕💕💕💕💕💕💕💕💕💕💕