آسر قلبي ولدمعي آسيل

19

********الفصل التاسع عشر*********

وفى الليل الدامس فى منزل الشرقاوى بالاقصر صعد الجميع الى غرفهم للنوم فكانت سليمه وأبنتها فى غرفتهم يتآمرون كعادتهم وايضا نورهان التى نامتى فى غرفة آيات وايضا  اسيل وآسر فى غرفتهم  بعد ان وضعها على الفراش بدل لها ملابسها ومشط لها خصلاتها ودلف الى المرحاض ليبدل ملابسه ايضا ثم ذهب وجلس بجانبها يتحدث معها ويمازحها
لتهتف أسيل بهدوء: شكرا
آسر: شكرا!!!!!!؟ على ايه؟
أسيل: على اهتمامك بيا وتفكيرك ازاى تسعدنى وتفرحنى .
آسر: طيب وايه شكرا دى ماهو دا واجبي
أسيل:  عادى يا آسر دى على سبيل التقدير
اقترب آسر منها حتى انفاسه سارت تلاحق انفاسها قائلا وهو المفروض مراتى تقدرنى بكلمة شكرا
تخجل اسيل قائله: امال المفروض ايه
آسر: يعنى المفروض تقولى كلمة حلوة بحبك بعشقك تدينى بوسه حلوه او ...
أسيل: اممممم او ايه !!!؟الدكتور قال ايه
آسر يزفر بضيق : امممم دكتور ؟ بس الدكتور ممنعش بوسه اوكلمة حلوه هو ايه بالظبط هو عايز يعالجك ويجننى انا
أسيل: بعد الشر عنك ياقلبى
آسر ،: قلبك. انا قلبك يا روح قلبى
أسيل: طبعا قلبي وروحى كمان
آسر : بحبك يا سوووووسوووووو ثم ينقض عليها بقبلات جعلتهم يضيعان فى عالمهم الخاص 💖💖وهى متجبسه اه خليكى فى حالك ياحاجه دول برده عرسان😂😂💖💖
*********************************************
وفى هذه الاحيان كان عادل قد وصل الى بيت نورهان ليترقب المكان جيدا فيقاطعه عبد الرازق قائلا: ايه ياشبح انا كدا عملت اللى عليا خلاص دبر حالك انت بقا وانا هخلع عشان الحق ارجع 
عادل : طيب عالاقل شوف لنا مكان نبيت فيه الليله دى وخليك للصبح الطريق وحش اوى ياعم لاترجع ويحصلك حاجه وتجيبلنا نصيبه
عبد الرازق : لا متخافش ياخويا عليا  المهم انت ناوى على ايه اوعى تكون ناوى على مصيبه وتجرجر رجليا فيها وافتكر انى قولتلك قبل كدا ان الناس هنا صعب واى غلط في حقهم او لو شكوا فيك بس ديتك طلقه وهيدفنوك ومش هيبقالك عندهم ديه انت فاهم ولا مش فاهم
المهم انا هوديك عند راجل معرفه هنا هيشوفلك اوضه ولا حاجه تاجرها منه يلا بينا
عادل : طيب يلا
ثم يذهبوا الى احد الاشخاص معرفة عبد الرازق ليستاجر منه غرفة فى احد المخازن يظهر عليها العفن ويغطى ارجائها العنكبوت وتراب ارضيتها المبلله تملاها حشرات
ولكن هذه ما يستحقونها
عبد الرازق: انا عملت اللى عليا كدا ولازم امشي
عادل: عملت ايه ياعم دا انت اجرتلنا تربه
عبدالرازق: لا بقولك ايه متتنطتش عليا هو دا الموجود وانا كان اخرى اوصلك لحد هنا وماليش اجيبلك ولا اجرلك يلا اطلع بالمعلوم والآخر مره هق لك لو حد عرف حاجه عنى هخلص مش هسيبك اتفقنا ياشق
عادل : ماشي ياعم وادى الباكو اللى اتفقنا عليه اهوه
اخذ عبدالرازق الاموال وذهب ليتبقى فى الغرفه عادل وفاروق
فاروق: انا مش عارف هنام هنا ازاى !!!؟
عادل: اتخمد وخلاص مش يعنى هناك كنت قاعد فى صرايا عابدين انجز نفسك واترمى فى اى حته لحد الصبح
فاروق: ماهو دا آخرتها 
عادل : بقولك ايه انا مش عايز زن كتيير وسيبنى كدا افكر هعمل ايه  وهوصل للبت دى ازاى  لو عرفوا ان انا هنا ممكن يهربوها فى اى حته بس مين مش همشي منا غير وهى معايا حتى لو هيبقى على جثتى
فاروق: جثتك انت ماشي ياعم انما جثتى انا لا انا عايز اعيش
عادل: اجمد ياااض ومتبقاش خرع واصبر هنتنغنغ بس نمسكها بس
فاروق: ربنا يسترها بس ياعم
عادل: ههههههههههههههههههههههههههههه ربنا يسترها انت طالع تجاهد دا انت رايح تخطف واحده عشان ناخد فلوسها
فاروق:عارف ياخويا وبرده ربنا يسترها مع انى عارف ان ربنا هيولع فينا
عادل: هيولع فينا ليه انا رايح ادور على عرضي وبنت عمى مش يمكن الواد البيه دا عمل فيها حاجه ولا خلص عليها ولا يمكن عيل ابن............. ضح عليها
فاروق: دا على اساس انك انت اللى ابن حلال وخايف عليها
عادل: اكتم ياااض بقا واتخمد
فاروق: هتخمد. هتخمد
وذهبا كل منهما الى مكان لينام به فى ثبات عميق
***********************************************
وفى صباح يوم جديد فى منزل الشرقاوى جلس الجميع على طاولة الطعام ماعدا آسر واسيل فمازالا نائمان وايضا نورهان ايضا النائمه فى غرفة آيات.يدخل ياسين ليلقى تحية الصباح على الجميع
ياسين: صباح الخير عالكل
الجميع : صباح النور يا ولدى
الچده: صباح الشهد يا ولدى تعالى قرب عاالفطور وسطينا بقيلك زمان ماقعدت معانا على لقمه من وقت ما اتنقلت فى الشغل الچديد دا ويا ابوك  الاقولى صحيح كيفه ابوك مهيچيش معاك. ليه كنه زعلانه مننا فى حاچه
يهمس ياسين فى اذنها : لاوالله ياچدتى هو مافى شئ زاعچه منكم ولا حاچه بس كل الموضوع ان امى چت وانتى عارفه لما بيياچى. وهى اهنه مهيبطلوش عراك واصل فبيقول يفضل بعيد اليومين دول على ما ترجع هى منعا للمشاكل
الچده: عنده حق يا ولدى ربنا يعينه ابوك راچل امير وطيب بس امك ربنا يهديها ويهدى خيتك
ياسين :اللهم امين
الجده:يا افكار  ياغاليه تعالى ياحيبتى زيدى القشطه والعسل لياسين
افكار: واه ياسين كيفك ياولدى اتوحشناك جوى بقالك فتره ياياسين مقعدتش وكلت معانا لقمه
ياسين: وانا اتوحشتكم قوى والله يامرت خالى واتوحشنى وكلك كتير بس اعمل ايه الشغل على راسي كد اكده معرفش اتحرك فى اى مكان
افكار : ربنا يعينك ياولدى ويزيدك من نعيمه انت طيب وغلبان وتستاهل كل خير . اكفياك انك عملت حالك لحالك
سناء:عايزين نفرح بيك بقا ياياسين كيف مافرحنابآسر چابلنا عروسه قمر مؤدبه وطيبه وزينه وتنظر حولها قائله: بس ربنا يبعد عنا العين العفشه بس يا ولدى
ياسين: اه بالمناسبه هو فين آسر قعدتكم الحلوه نستنى انا چاى ليه
ينزل آسر الدرج وهو يحاول مساعدة اسيل فى النزول دون ان يحملها لتتعود على ذلك وهو يبتسم قائلا: انا اهوه ياياسين
ياسين :واه مالها مرت اخوى
الجده: اتفركشت ووقعت من عالسلم
بعد ان اجلس آسر اسيل على مقعدها وتركها للفتيات يهتموا بها هتف قائلا : تعالى ياياسين عايزك وجلسا الاثنين معا فى  مكان آخر 
آسر: ها ياياسين اخبار الشغل ايه
ياسين : الشغل زين ياخوى بس قولى الاول كيف دا حصل لمرتك وليه مقولتليش
آسر: يوم ماكنت بكلمك لما كلمت عمتى سليمه وقولتلها خلى آسر يكلمنى ضرورى خرجت انا اكلمك انا مسكت الفون واتصلت بيك سمعت صرخة اسيل رحت لقيتها واقعه من عالسلم والكل حواليها ميعرفوش وقعت ازاى
ياسين:اه الحديت دا من يومين تلاته لما كلمتنى والخط قطع وفضلت اتصل بيك موبايلك كان مقفول واتصلت بامى قالتلى انك طلعت تنام بس انا يومها مقولتش لامى تخليك تكلمنى ولاچيت اهنه واصل
تاكد آسر من شكوكه ولكنه حاول ان يخفى الغضب من عينيه وفور دخول سليمه وابنتها ورؤيتها لياسين وآسر ارتجفت وشعرت من نظرات آسر انه فهم كل شئ الآن
فغمزت لاميره فى هدوء قائله: احنا لازم نمشي من اهنه قبل ما آسر يعمل حاچه آسر قعد مع ياسين يعنى اككيد سأله وعرف منيه كل حاچه وهيطربجها فوق راسنا
اميره: اهدى انتى بس وسيبيها عليا وطالما هو سكت كدا فى وجود ياسين يبقا كل واحد هيلعب عالمكشوف ويا انا يا هى
سليمه: ربنا يستر شكلك هتودينا فى الحديد انا ايه اللى سمعنى كلامك من الاول
هتفت سناء  يلا يا آسر يا ولدى يلا ياياسين اقعدوا عشان تفطروا چهزنا الوكل اهه
افكار: وينها صاحبتك يا اسيل  عشان تفطر انا هنادى عليها
يانورهان  نورهااان تعالى يابتى عشان تفطرى مع اسيل
تنزل نورهان الدرج وهى فى قمة جمالها ترتدى عباءه من اللون الاحمر وتترك العنان لشعرها الاسود الناعم منسدلا عليها وكان ياسين معلق عينيه على الدرج فور مناداة افكار اسمها
يبتسم ياسين وهو مازال ينظر لها وهى فى قمة خجلها وجلست بالمقعد المقابل له بجانب أسيل وايضا آسر جلس بالناحيه الاخرى بجانب اسيل ليطعمها كعادته وياسين فى قمة سعادته
وآسريطعم أسيل العسل على شفتيها ليسيل عليهما ويجن آسر من جمال العسل على شفتيها ويهمس لها قائلا:يخربيت جمال العسل على شفايفك بصراحه مبقتش عارف انهى فيهم اللى عسل .
تبتسم اسيل خجلا ولكن مازالا العاشقين الآخرين فى دنيا بعيده عن الجميع  وبعد ان انهى الجميع فطاره هتف ياسين وهو ينظر الى نورهان  قائلا: فعلا ياچدتى الفطار عندكم له طعم تانى وبقى اطعم من الاول انا من هنا ورايح لازم افطر كل يوم معاكم عشان تفتحوا نفسي اكده
ابتسم آسر واسيل وغمز الى بعضهما على حديث ياسين ونظراته الى نورهان وخجل نورهان وابتسامتها التى تعبر عن مدى حبها له ولكن كانت عيون سليمه معلقه على ياسين ونورهان بغل وغيظ وعيون اميره الكارهة معلق على اسيل بشر ومكر وتفكر كبف تزيحها من طريقها وتبعدها عن حياة آسر نهائيا
***********************★**********************
وفى شركة الشرقاوى حيث يجلس مازن فى مكتبه منهمك فى مراجعة اعماله المتاخره ويتفحص بعض الاوراق والملفات واذا باحد يطرق الباب  فيسمح له مازن بالدخول دون الاهتمام لرؤية من الطارق فتدخل السكرتيره قائله: مازن بيه استاذ ياسين بيقولك كل الملفات اللى حضرتك طلبتها على مكتب ساعدتك يتذكر مازن هذا الصوت فهو يعرفه جيدا فينظر لها فى استغراب قائلا: هايدى !!!!!!!!!؟
انتى بتعملى ايه هنا !!!؟وفين مدام امانى !؟
هايدى : مدام امانى بقت السكرتيره الخاصه لآسر بيه وانا هنا بشتغل السكرتيره الخاصه لحضرتك
مازن: وانتى مين بقا عينك فى المنصب دا ان شاء الله
هايدى بدلع: سالم بيه
مازن: اااااه سالم بيه اكيد لعبتى عليه لعبتك القذره اللى متعوده عليها ما انتى طول عمرك بايعه نفسك للى يديكى اكتر وتعملى اى حاجه للى يديكى الفلوس
هايدى بدلع : يعنى انا غلطانه انى بقرب منك عشان اكون فى خدمتك ونرجع ايام زمان
مازن: ههههههههههههههه نرجع ايه ياحلوه !!!!!؟
انا راجل متجوز وبحب مراتى جدا ومش ممكن اخونها ولا اخلى وعدى معاها
هايدى : متجوز وبتحب مراتك. ههههه ودى انهى كسر  وشمال من اللى كنت تعرفهم ماهما دوا اخرك يامازن بيه
صفعها مازن على وجهها صفعه قويه كادت ان تحطم اسنانها قائلا بزهق وغضب: انا مراتى انضف واشرف من اهلك اللى معرفوش يربوكى  ومتستنضفش تشغلك  تمشحى جزمتها لانها متعرفش الاشكال الشمال والكسر اللى زيك
يلا اخفى بره وانا حسابي مع سالم لما اشوفه ازاى يشغل واحده زيك فى شركه محترمه زى دى
هايدى : ياااااه ودى مين اللى غيرتك اوى كدا يا مازن بيه ماكنا زمان بنعجبك
مازن: ايووووه اديكى قولتى زمان يعنى خلاص وقت وراح لحاله ايام ماكنت بحاول اعمل منك انسانه محترمه بس منفعش .ويلا اخفى اطلعى بره
خرجت هايدى وهى تتوعد لمازن على اهانته لها

★ياترى بقا اميره خطتها الجايه ايه !؟
★ياترى آسر سكت ليه ومفضحش امرهم !؟
★ياترى هايدى هتقدر تنفذ اللى اتوعدت بيه لمازن!؟
★ياترى عادل هيعمل ايه !؟
الاسئله كتير وهنعرفها انشاء الله فى حلقاتنا الجايه منتظره تعليقاتكم 💓💓💓💓💓💓💓💓💓💓💓💓💓💓💓💓💓💓💓💓💓💓💓