آسر قلبي ولدمعي آسيل

20

**********الفصل العشرون**********

فى احصان الليل الدامس المخيف فى احدى الغرف التى لاتصلح للمعيشه التى يملأها الغبار والعنكبوت والحشرات يجلس عادل وصديقه فاروق يتآمرون ويدبرون مكائدهم لهذه الفتاه التى يظن انها مازالت ضعيفه
عادل: بقولك ايه بقا احنا النهارده لازم نروح نطقس ونشوف ظروف البت دى ايه هنعرف حاجه عن آسيل ولا لا
فاروق: هههههه دا تبقا مصيبه بقا لو هى مش هنا يبقا كل المشوار والفلوس والبهدله دى على فاشوش
عادل: ياعم ارحمنى بقا ان شاء الله هلاقيها ولو وقعت فى ايدى يبقي يا ويلها يا سواد ليلها .المهم انجز يلا خلينا نخرج نراقب البيت يمكن نعرف حاجه
فاروق:  ياعم انا جاهز يلا
عادل :يلا
وذهبا الاثنين الى بيت نورهان ليراقباه من بعيد ليرى عادل والد نورهان يخرج من البيت فاقترب اكثر لتضح امامه الصوره اكثر ليجد عمتها تتحدث فى الهاتف ليسمعها عادل تقول،: ايوه يانور ياحبيبتى بتقولى ايه مش سامعه
نورهان:..................................................
العمة: اه ياحبيبتى هنجيلها بكره نطمن عليها
نورهان:...................................................
العمه: يعنى بقت بتقدر تمشي يا نور
نورهان: ...................................
العمه: طيب الحمد لله يا قلب عمتك عقبال دراعها مايخف وتبقا زينه وربنا يهنيها
نورهان:.......................................
العمه: ربنا يباركله يابتى اسيل بنت حلال وطيب وشافت المرار مدة عمرها ربنا يفرحها ويسعدها
نورهان :...…...............
العمه : حاضر ياحبيبتى  الصبح اچيلكم سلميلي على أسيل وكل اللى عندك على ما اچيلك
نورهان: ......................................
العمه: مع السلامه ياحبيبتى

نظر عادل لفاروق بابتسامة مكر وشرقائلا : مش قولتلك ياغبى انها هنا
فاروق : طيب  وناوى على ايه ؟
عادل : ناوى ابات هنا الليله دى لحد ماتخرج الوليه دى وهى اللى هتوصلنى انا ياض حظى فى رجليا اجى واعرف مكانها علطول دا كله نصيبي وحظى اللى بيضحك فى وشي
فاروق: بس ياترى هى قاعده عند مين لما دا بيت نورهان
عادل : اكيد حد يقربلهم وانا يشغلنى ايه انا اللى يهمنى اخدها من هنا وخلاص وامضيها بالتنازل بعد ما اتجوزها وابعتها الخنكه
فاروق: طيب ماتبعتها لامها علطول
عادل: ياااض ياحمار هيبقى فيها سين وجيم واحنا عايزين نبعد عنناالشبهة ومتنساش الناس لحد دلوقتى مفكرين انى انا السبب فى غيابها وسحبونى عالمركز كام مره وابويا اللى كان بييجى يطلعنى
فاروق : انا مبقتش فاهم حاجه
عادل: مش مهم . المهم انى انا فاهم
فاروق:يعنى احنا هنفضل بايتين هنا الليله دى فى الشارع
عادل: مش انضف من التربه اللى مأجرينا وظل الاثنين ملثمين مختبأين بجانب منزل نورهان طوال اللي
***********************************************
وفى صباح يوم جديد تحت انظار هذان الملثمان المختبأن تقف سياره ضخمه امام منزل نورهان وتركب عمتها ليستغربا هذان الشيطانان
عادل: غريبه ايه العربيه الفخمه اللى الوليه ركبتها دى
فاروق: يمكن بتاعتهم
عادل : بتاع مين ياغبي دول على قد حالهم
دا لو باعوا اللى وراهم واللى قدامهم ميقدروش يستروها عجله منها
فاروق: هنعمل ايهةدلوقتى
عادل: شوف لنا التاكسي اللى هناك دا بسرعه قبل ما العربيه تطلع .
ذهب فاروق واوقف سيارة الاجرى سريعا واخبراه ان يسير خلف هذه السياره الضخمه حتى وصلا الى منزل ضخم وفخم نزلت عمة نورهان ودخلت الى  بوابة ذلك ا لمنزل لتجد نورهان تنتظرها وتسلم عليها وتدخلها الى المنزل
اما عادل وفاروق فاختبئوا فى احدى الاراضي الزراعيه المحيطه بالمنزل فى استغراب من فخامة المنزل والسياره متسائلان لما كل هذا
فاروق: شفت يااض البيت والعربيه ياترى كل دا بتاع مين وايه اللى جاب ناس على الحديده زى دول بيت كبير زى دا ويركبهم عربيه عمرهم مايحلموا يركبوها
عادل : ماهودا اللى مستغربله بس اللى مستغربله اكتر ايه اللى يجيب أسيل عندهم
فاروق: يمكن بتخدم عندهم
عادل : بتخدم عندهم ويبعتوا يجيبوها فى عربيه زى دى
فاروق :عادى فى ناس كتير بيبعتوا عربياتهم تجيب الخدم بتوعهم يمكن ناس طيبين
عادل: طيبين!!!!!!؟ ياخبر بفلوس شويه بس هيبقا ببلاش
**********************************************
اما داخل المنزل عندما دخلت عمة نورهان رحاب بيها الجميع ترحيب حار وشكروها على وجود نورهان مع أسيل وعلى مجيئها لرؤية أسيل لترد قائله : أسيل دى بنتى انا مربياها امها كنت اخت ليا الله يرحمها طول عمرها طيبه ونفسها هادى وكل الناس تحبها
الجده: كيف ما احنا بنحبها دى والله بقيت كيف بناتنا وفى معزتهم ربنا العالم
سعاد عمة نورهان: والله عارفه انتوا اهل خير والكل يعرفكم زين ربنا يباركلم
لتنزل اسيل الدرج ومعها آسر وهو يمازحها ويمسك انفها بمزاح ويضحك لتراها سعاد تبتسم وتحدث نفسها قائله: ارتاحى ياليله يااختى بتك بقيت زينه وربنا عوضها بولد الحلال اللى عوضها عن سنين الذل والتعب ربنا يهنيكى يابتى .  فتقترب اسيل منها بلهفه قائله: خالتى سعاد عامله وحشتينى ثم تحتضنها بشده وهى تبكى قائله : خالتى سعاد انتى اللى فاضله ليا من ريحة ماما الله يرحمها
سعاد: متبكيش يا ضنايا متبكيش يا أسيل انتى ياحبيبتى ربنا عوضك بچوزك واهله هما بقيوا اهلك انتى متبكيش ياحبيبتى
يحتضنها آسر بشده ويقبل راسها قائلا: ايه بس يا اسيل مالك ما انا جنبك اهوه ياحبيبتى ثم قبل يديها وراسها مره اخرى وهمس بأذنها قائلا: هاااا انا قولتلك قبل كدا لو شفتك بتعيطى تانى هبوسك هااا الكل موجود وخالتك واقفه وانا بصراحه مش هتكسف
تبتسم اسيل وتضربه على كتفه لتضحكه سعاد فيهتف آسر شوفتى اخرتها براضيها واطبطب عليها وتضربنى هااا اخدك بونيه انيمك فى الجبس اسبوعين كمان ههههههههه
يضحك الجميع لترد سعاد : لا ياولدى دى بتهزر معاك  محبه يعنى وعشم
آسر : عارف والله دى اغلى من حياتى
سعاد : ربنا يباركلك ياولدى ويسعدكوا ويبعد عنكم الشر
الجميع: امين يارب 
سميه عمة آسر: قومى يانورهان يابنتى خدى عمتك تستريح فى اوضتك على ما الوكل يچهز
نورهان : حاضر ياخالتى سميه هطلعها وانزل اساعدك
سميه :يحضرلك الخير ياقمر  وتنظر لسعاد قائله: والله نورهان متتخيرش عن اسيل مؤدبه ومحترمه وقلبها ابيض
سعاد: هما متربيين سوا وكيف الاخوات وكيف الابنته حداكم تمام ميتخيروش عنيهم ربنا يحميم
سميه : امين يارب
ثم صعدت نورهان وعمتها الى غرفتها وخرج آسر وأسيل الى مكانهم المفضل. وذهبا الى الارض تحت اشجار العنب يتمازحون ويلعبون سويا وياكلون حبات العنب ولكن هذه المره لم يكونا بمفردهم فكانت هذه العيون الحاقده خلفهم من غرفة المنزل لترى حركة هذان الشخصان الملثمان ورائهما
فكان عادل وفاروق رآهما وذهبا خلفهما
فاروق : العب يامعلم البت بنت عمك مع واد من البيت ورايقين مع بعضهم
عادل والشر يتطاير من عينيه : دا الواد اللى خدنا وربطنى وخلى رجالته كسرونى
فاروق: ههههههههه كسرك وخد المزه منك بلعب معاها
عادل: انا مش فاهم حاجه بس كل اللى اعرفه انى هاخدها يعنى هاخدها لو هقتله هاخدها وهطلع روحها بايدى بقا كانت بتعمل عليا انا محترمه وهى سيباهيعمل ما بداله معاها ومش مكسوفه من الناس حد يشوفها ورحمة امها وابوها لبعتها لهم بس بعد ما اخد اللى عايزه كله منها وهمضيها على كل حاجه
ليجدشخصا خلفهم يمسك لياقتهم فيرتعبا ليجدوها اميره  التى كانت تراقبهما من شباك غرفة المنزل وتمسك بيدها مسدس وتسألهم انتوا مين وجايين هنا ليه !!!!؟ وماشيين وراهم من بدرى ليه !!؟
عادل بقلق: هه مااشيين ورا مين تقصدى ايه !!؟
اميره: انت فاهم كل حاجه انطق ايه اللى. ممشيك ورا آسر ابن خالى والحربايه اللى معاه
فهم عادل ما تكنه هذه الفتاه لاسيل وعلم جيدا انها ستكون سلاح له بالبيت ارتاح صدره وتنهد قائلا: انا هقولك : البت دى تبقى بنت عمى وخطيبتى والمفروض كنا هنتجوزويوم كتب كتابنا سابتنى وهربت مع الواد دا عشان تاخد فلوسه وانا جاى ارجعها عشان اهل الحاره بيتهمونى فى تلها من ساعة ما اختفت والبوليس كل يوم فى سين وجيم وانا عايز ارجعها عشان اثبت برائتى
اميره بمكر: امممممم طيب وانت ناوى على ايه
عادل: هاخدها منه بالذوق بالعافيه هاخدها منه
اميره: لا انت تتقل وتنفذ كلامى بالحرف الواحد وانا هعرفك تعمل ايه انا لازم اخفيها من هنا بس قبل دا لازم اكرهه فيها عشان ميدورش عليها تانى
عادل: مايدور انا هخفيها
اميره: انت فكرك انك لو خفيتها آسر ميقدرش يجيبك متبقاش غبى وغير كدا لازم يكرهها عشان ميفكرش فيها تانى
عادل : شكلك بتحبيه ااووووى
اميره: مش شغلك انا دلوقتى هوديك مكان تستخبى فيه انت والبتاع اللى معاك دا وهعرفك تعمل ايه واياك تتجرأ وتعمل حاجه من غير ما اعرفها فاهم
عادل : تمام يا مزه انا تحت أمرك
اميره: اتكلم كويس
يلا قدامى وسارا الى مكان لتخبئهم به بعيد عن الانظار ويكونا قريبين مز المززل ايضا
اما عند آسر وأسيل بعد ان قضيا وقتا سعيدا معا ذهبا الى المنزل  ليجد الجميع ينتظرهم على طاولة الطعام
ودخلت ورائهم اميره لتسألها زوجة خالها افكار : اميره كتى وين يابتى فضلت انادى عليكى  مترديش
اميره بقلق وتوتر لاحظه آسرردت قائله: ابدا كنت بتمشي شويه . ظل آسر ينظر لها بغضب فهو يعلم جيدا انها السبب فيما حدث لحبيبته ويعلم ايضا ان تدبر لمكيده اخرى  وحينما كان الجميع يأكلون طعامهم كان آسر كعادته يطعم آسيل بيده
وكانت سعاد تبتسم سعادة أسيل وحب آسر لها وبعد ان انهى الجميع طعامه وجليوا سويا يتمازحون ويضحكون حتى  دخل عليهم  الليل وصعد كل منهم الى غرفته  اما اميره فتسحبت بهدوء لتذهب الى عادل لتتفق معه على خطتهم
وعندما وصلت ودقت الباب رد عادل بقلق : مييين
اميره: افتح يابنى آدم انت انا اميره هانم
عادل باستهزاء،: هانم وفتح الباب
لتدلف اميره الى الداخل : ايوه هانم ايه مش عجبك تحب اجيبلك الغفر ييجوا ياخدوكم ويعرفوكم انا ابقا مين
فاروق: هااااا ياستى هانم وست الهوانم كمان ياعم خلينا نخلص اللى جايين عشانه ونروح فى امان الله
عادل: قولى ياستى
اميره: فتح ديماغك معايا واعرف هقولك ايه عشان تنفذه بالحر الواحد

* ياترى هتكون ايه خطة اميره!!؟