آسر قلبي ولدمعي آسيل

29

*****الفصل التاسع والعشرون *****

وقف آسر امام الغرفه ووجد فاطمه تقف وتسلم فستان أسيل فامسك به ونزعه من يدها قائلا الفستان دا بتاع مراتى كانت لبساه ساعة ما تخطفت والطرحه دى بتاعتها. الخاتم هى فين
الموظفه: حضرتك هنا تسليم اغراض المتوفيين وال..
آسر: انتى بتقولى ايه
فاطمه: اهدى يا أستاذ مراتك كويسه هى فوق فى الدور الرابع غرفه ١٢ لم يستمع آسر الى باقي حديثهم وجرى سريعا وخلفه مازن وياسين ووقف امام غرفتا وقلبه يدق بسرعه شديده من القلق والخوف سمع آسر صراخ أسيل فدخل سريعا وجدها منهاره وتصرخ عاليا باسمه آاااااااااسر الحقنى يآاااسر
ذهب اليها سريعا و حضنها وظل يمسح على رأسها ويهدأها ويقبل يدها و رأسها بلهفه وو يبكى قائلا: انا جنبك انا جنبك ياقلبي متخافيش انا معاكى يا أسيل انا حبيبك وجوزك معاكى ياقلبي
أسيل: آسر آسر انا خايفه خليك جانبى عادل يا آسر عادل هيموتنى . هيموتنى لا لا عادل موت اللى فى بطنى منك كنت عارف عارف يا آسر عادل مات ماااات انا شفته ميت عالطريق وجاى عشان عايز ياخدنى انا خايفه يا آسر خايف
آسر يحضنها بشده كاد ان يدخلها بين ضلوعه
الدكتور : لازم تخرج من الحاله اللى هى فيها دى بسرعه
فكرها باى حاجه حلوه عدت وعاشتها
آسر: أسيل حبيبتى انتى فاكره لما كنت فى الحرم فاكره وانتى بتصلي وتدعى ربنا فاكره يوم فرحنا لما شيلتك وغنيتلك وكانت اول مره تقوليلي بحبك وتحضنينى برضاكى يومها وعدتينى متسيبينيش ابدااا مهما حصل صح
أسيل: ايوه ايوه يا آسر انا بحبك انا بحبك انت امانى وضهرى وبدات أسيل تهدأ حتى فتحت عينيها ووجدت آسر فى احضانها فامسكت به بشده
الدكتور : كويس ان حضرتك جيت فى الوقت المناسب خدت مهدئات كتير جدا ومكنش ينفع اديها تانى
آسر: انا كنت هتجنن عليها ووقفت قدام الاوضه دى وكنت حاسس انها فيها ثم ينظر لياسين قائلا: مش انا قولتلك يا ياسين ان مراتى هنا
ياسين: الحمدلله على سلامتها يا آسر يا خوى
آسر: الله يسلمك يا ياسين
مبروكه: بركه انك لقيتها يا ولدى وربنا چمعكم على خير
آسر: الحمد لله يا حاجه
الدكتور زياد: دى تبقى الحاجه مبروكه ودا جوزها الحاج اسماعيل وبنتهم الدكتوره فاطمه دول اللى جابوا مرات حضرتك المستشفى
آسر: لقيتوها فين يا حاجه
مبروكه: دى هى يا ولدى اللى خبطت علينا وكانت ياحبة عينى غرقانه فى دمها وسقطانه
آسر: سقطانه يعنى ايهوكانت حامل !!!!!!؟
مبروكه: ايوه ياولدى ربنا يعوض عليكم
چبتها اهنه عالمستشفى ومن ساعتها وهى نايمه تقوم تصرخ وتنام ولا نعرف عنها أى حاچه واصل لحد ما انت چيت يا ولدى
الدكتور زياد: البركه فى العيله دى بصراحه هما اللى راعوها وشالوها بجد ناس طيبين
آسر : انا بجد مش عارف أشكركم ازاى انا تحت امركم فى اى حاجه تطلبوها
مبروكه: ايه اللى هتقولوا دا ياولدى دى كيف فاطمه بتى تمام
ثم تنظر لاسيل قائله : حمدالله على سلامتك يابتى
اسيل بتعب وارهاق: الله يسلمك يا حاجه ام فاطمه. انا بجد مش عارفه اشكرك ازاى
مبروكه: بردك هتقولى اشكرك
يضحك الجميع
ثم يستاذن آسر الدكتور بخروج أسيل
الدكتور زياد : ممكن بس على بالليل على ما نطمن عليها وتكمل المحاليل بتاعتها
أسيل: آسر خليك معايا متسبنيش
آسر : انا جنبك ياحبيبتى متقلقيش بس لازم اوصل لحد البيت فى حاجه لازم اعملها قبل رجوعك
أسيل: حاجة ايه اللى ضروريه اوى دى
آسر: لازم انضف البيت واطهره قبل ما ترجعى
تنظر له أسيل باستغراب فيرد آسر وهو يقبل رأسها قائلا: لما ترجعى هتفهمى كل حاجه
ثم قبل يديها والتفت الى مبروكه قائلا: حاجه مبروكه هسيب أسيل امانه معاكى لحد ما ارجعلها بس واخدها بيتها
مبروكه: فى عينيا ياولدى متقلقش عليها
ثم يذهب آسر مع مازن وياسين الى المنزل ليجد الجميع على حالة حزنهم واميره ما زالت جالسه بالارض وبجانبها امها
فيدخل آسر ويلتف حوله الجميع متسائلا عن أسيل
ليطمئنهم ياسين قائلا:الحمد لله لقيناها وكويسه هتطلع بالليل ان شاء الله
آيات: بجد يا مازن أسيل بقت كويسه
احتضنها مازن قائلا: ايوه ياحبيبتى والله هى كويسه
آسر:مبدئيا كدا انا هاخد مراتى وارجع القاهره
الجميع : ليه
الجده: ليه يا آسر انت ياولدى كل شويه هتقول الحديت دا
آسر: لازم اقول كدا لما حيلة بنتى تكون مهدده بالخطر لما يدبروا لقتلها مره واتنين وكمان مين السبب فى كل دا عمتى اللى المفروض تكون مكان امى عايزه تقتل مراتى وبنتها قتلت اللي فى بطن مراتى
الجميع باستغراب : قتلت اللي فى بطن مراتك
آسر: ايوه مراتى كانت حامل وبسبب اللى بنتها عملته مراتى فى المستشفي وتعبانه وسقطت الحمل
بس احب اعرفك يا اميره هانم ان الايه اتقلبت عليكى وعادل مات وفاروق اتسجن وانتى هتدخلى في سين وجيم وفى قضيه تانيه طبعا وهى شروع فى قتل لمراتى أسيل مدام آسر الشرقاوى وانا اول واحد مش هتنازل عن حق مراتى
اميره : ابوس رجلك يا آسر ابوس رجلك سجن لا هعيش خدامه ليك وليها هبوس رجلها قبل ايديها
آسر : من ناحية هتعيشي خدامه فانتى هتعيشي خدامه
الجده: سليمه تاخدى بنتك وتطلعى بره تقعدى فى اللى ملكك المقاعد القديمه تاكلى وتشربي نفسك لحالك وتتقطعى مننا نهائي
اميره: طيب والسجن
آسر: كفايه عليكى سجن البلد واهلها وجوعك ولماتتشردى وتبقى زيك زى اى فقير فى البلد يمكن ساعتها بس تقدرى النعمه اللى كنتى فيها
يلا اطلعى برا
الجده: سليمه اطلعى بره والبيت دا متحرم عليكى وعلى بنتك احنا اهنه كلياتنا عيله ومفيش بينا حاقد ولا كايد يعيش وسطينا
سليمه: يا اما ...
الجده : متقوليش يا ما انى متبريه من خلفتك
والكل يبقا عارف اننا ملناش صالح بسليمه وبنتها
يلا اطلعوا برا اطلعوا برا
تخرج اميره وهى تهتف بصوت عالى انتى السبب انتى السبب انتى اللى قولتيلى هنملك كل حاجه وخسرتينا كل حاجه
وذهبوا من المنزل فى خزى امام الجميع
سليمان : خلاص يا آسر يا ولدى الشر غار رجع مرتك
آسر: انا لازم أبعدهم من هنا خالص ياعمى
سليمان: ازاى ياولدى هسفرهم تانى هبعت اميره مكان شغلها بس المره دى امها معاها ودا طبعا مش عشانهم دا عشان خاطر ياسين وخاطر  أسيل تعيش وهى مرتاحه وقلبها مطمن
بس لو فكروا يرجعوا تانى يبقا هما اللى جابوه لنفسهم
سليمان : عين العقل يا. ولدى
آسر : بس كل دا مش قبل ما يردوا لها حقها قدام الكل
سليمان: ساعتها هتعرفوا
آيات نورهان تعالوا عشان عايزكم
ذهب كل من آيات ونورهلن ومازن الى الخارج
آسر يحدث نورهان قائلا : اولا يا نورهان انا آسف على انا حصل فى الفرح وهعوضهالكم ان شاء الله كلها ٤شهور وتتجوزوا وهعملكم اجمل فرح واجمل شهر عسل عليا انا
نورهان: انا اهم حاجه عند أسيل والفرح انا مفكرتش فيه انا كل اللى فكرت فيه هى أسيل
آسر : كنت متاكد من حاجه زى كدا والله
المهم اللى عليكم دلوقتى هقولكم عليه تظبطوه وفى حاجات انا هكملها
آيات : ايوووه حاجات ايه بقااااااا
آسر : هقولكم
***********************************************
بعد غروب الشمس ذهب آسر الى أسيل فى المستشفي ليجدها نائمه ويحاول افاقتها باحدى الوردات الناعمه الحمراء
لتفيق أسيل وتجده بجانبها ويداعبها بالورود التى ملأت الغرفه ويقبلها من رأسها قائلا: يلا بينا
تومئ رأسها بالموافقه
ليهمس لها آسر قائلا : اهون عليكى تبينى ابات ليله من غير حضنك
أسيل: صحيح انت نمت ازاى !!!؟
آسر: نمت انا طول الليل بلف عليكى فى الشوارع والمستشفيات والمراكز كنت هموت يا أسيل ضحكتك وصوتك ونظرتك وصورتك مفارقونيش ثانيه كنت بتقطع كل لما احس انك لوحدك وخايفه وبعيدةعن حضنى ولما اتخيل ان حد بيأذيكى كنت اموت انا بكيت بجد ومتخيلتش ان دمعتى تنزل قدام حد نزلت عشانك
أسيل: حبيبي انا كنت هموت صدقنى كنت هموت من الخوف كنت محتاجه حضنك
آسر: حبيبتى صدقينى مش هسيبك لحظه تانيه بعد كدا أسيل صدقينى انا محصلش حاجه بينى وبين اميره انا والله...
أسيل: بس متتكلمش انا كنت متاكده من كدا بس مقدرتش اشوف الموقف وخرجت بسرعه
آسر: اللى حصل حصل وخلاص هننساهيلا بينا عشان حضنك وحشنى بجد
أسيل: يلا ياحبيبي .
ثم ينظر آسر الى مبروكه قائلا: حاجه مبروكه انا بيتى مفتوحلك فى اى وقت واسيل بقت زى فاطمه خلاص اى حاجه تحتاجيها تيجى علطول
يلا عشان  العربيه مستنياكم هتيجوا معنا عشان نتعشي سوا
إسماعيل :واچبك وصلنا واحنا هنبقوا ناچوا لاسيل بتنا
تسلم اسيل على الجميع وعلى فاطمه
أسيل: اتشرفت بيكى يا  دكتوره فاطمه
فاطمه: الشرف ليا انا  انا حبيتك جدا وكنت خايفه عليكى اوى
أسيل: تعرفى انى انا كمان كنت طب بس ححصلت ظروف ومكملتش كان حلم بابا وماما ابقا دكتوره
آسر: وان شاء الله هتحققي حلمهم وانا اللى هساعدك واقف جنبك
تبتسم أسيل لآسر بحب وتهمس لها فاطمه قائلة :على فكره بيحبك اوى وكان هيتجنن عشانك
أسيل: انا كمان بموت فيه  دا سندى ورضا ربنا عليا ودعوة امى ليا
فاطمه : ربنا يخليكم لبعض
الجميع : امين
ثم تنظر أسيل الى مبروكه قائله: هستناكى يا ماما مبروكه تجيلي وانا كمان هزورك
مبروكه: اچيلك على عينى يا حبيبتى وتنورى عندنا وعقبال ما اشيلكم عوضكم وربنا معوض عليكم
أسيل: آمين ثم تقبل رأسها

الحلقه قصيره بس معلش كانت اتكتبت وضاعت منى وقعدت كتبتها تانى واستنونا فى الحلقه الأخيره حلقة الدمار الشامل
دمتم بالصحه والعافيه 💕💕💕💕💕💕💕💕💕💕💕💕💕💕💕💕💕💕💕💕💕💕💕