آسر قلبي ولدمعي آسيل

23

********الفصل الثالث والعشرون**********

انصدم الجميع من حديث سليمه ونظروا لآيات متسائلين هل هذا صحيح ام لا قلقت آيات ولكنها حاولت استجماع قوتها
آيات توجه حديثها لسليمه: وانتى عرفتى الكلام دا منين!!؟
سليمه: عرفته وخلاص . المهم انى عرفته وانتى جايه تستهبلي الناس اللى هنا انك جايه زياره لاخوكى وعشان تشوفيهم.
آيات: على ما اظن انى دى حياتى مع جوزى ومفيش حد له الحق انه يتدخل فيها  واكيد لو الكلام اللى حضرتك بتقوليه دا صحيح فانتى ياعمتى آخر واحده يشغلك
الجده: سليمه انتى عرفتى الكلام دا منين !!!؟
آيات   يا جدتى انا......
لتقاطعها الجده : آيات اسكتى انتى
الجده: سليمه الكلام دا چبتيه منين انتى بطلعى فى بنت اخوكى كلام عفش محصولش
سليمه : لااااا مبطلعش حاچه وانا فيها وانا ايه مصلحتى من اكده انا سمعتها وهى هتقول لآسر
آيات: بس انا ياعمتى قولت لآسر واحنا قاعدين فى اوضتى وبابها كان مقفول علينا
سليمه: انتوا صوتكم كان عالى وانا سمعتكم
آيات : احنا صوتنا مكنش عالى خالص والا كان حد غيرك سمعنا
سليمه: انتى تقصدى ايه يا آيات!!!؟
الجده: تقصد انك يا كبيره يا عاقله كنتى بتتسنطى عليهم مش اكده
سليمه: چرى ايه يا اما انتى هتركبي عليا عيله زى دى
الجده: انا مهركبش انتى اللى تصرفاتك بقيت واعره وبقيت كيف العيله الصغيره. هملينا بقا ياشيخه مهتچيش الا بالمصايب بقيت اكره چايتك
سليمه: انا اهنه فى ملكى وملك ابوى ومههملوش غير بكيفى
نظر لها الجميع بكره وسارت امامهم لتخرج ولكنها تتفاجئ بدخول مازن ليقف الجميع باستغراب ويراقبون الموقف بين آيات ومازن  ولكن آيات كانت انصح من سليمه فتركت كل المشاكل على جانب آخر وذهبت سريعا الى زوجها ترحب به وتحتضنه استغرب الجميع من مجئ مازن وتصرف آيات معه على حسب ما قالته سليمه
وايضا استغرب مازن كثيرا من مقابلة آيات له فهو يعلم جيدا ان وراء هذا التصرف شئ ما ولكنه تعامل بشكل طبيعى ورحب به الجميع بحفاوة حتى استغرب ايضا من ذلك فهو كان يتوقع معامله جافه من الجميع وبعد الترحيب والضيافه
نادت الجده على آيات فذهبت لها فاخبرتها الجدهبان تصعد الى غرفتها مع زوجها ليستريح من السفر الطويل
اومأت آيات رأسها موافقه وهمت لتذهب ولكن اوقفتها يد جدتها وهى تمسك بيده قائله: آيات متتركيش الزعل يبات بينك وبين چوزك والمسافات تبعد يابتى لو اتعود يبات ليله من غيرك هيتعود على بعدك طوالى ومهما كان الغلط ولا الزعل لازم تيچى على نفسك شويه وكمان لازم تعطيه فرصه يتحدت وياكى وتتحدتى وياه وتبدأى معاه من چديد
اسمعى الكلام يا بتى  ومتشمتيش فيكى حد واصل
آيات : حاضر ياتيتا
صعدت أسيل الى غرفتها مع زوجها وعندما اغلقت الباب اقترب مازن منها قائلا : كنت عارف انك هتصدقينى وتسامحينى . ازاحت يده من عليها قائله: ان كنت مفكر انى سامحت وان اللى حصل دا انا عديته تبقا غلطان انت وجعتنى وكسرتنى
مازن: آيات بلاش تقولى الكلمه دى انا معملتش حاجه وربنا اللى يعلم انى فضلت محافظ على حبك وحقك وكرامتك لآخر لحظه للحظة ما دخلتى وقبلها وحتى بعدها
آيات: والله ماهو اضح بعد اللى شوفته. دا احنا لسه متجوزين وانت وعدتنى وانا قولتلك انى انا هسامح ومش هفكر فى اللى فات بس اللى بعد كدا لا وانت مهمكش كلامى
مازن: قولى اللى تقوليه انا عاذرك بس صدقينى انتى هتندمى على كل اللى بتقوليه دا وربنا اكيد هيظهر الحقيقه وهتعرفى انى مغلطش فى حقك .. ليقاطع حديثه صوت طرقات على باب الغرفه فيتفح الباب ليجده آسر
مازن: تعالى يا آسر
آسر: مالكم فى ايه !!؟
مازن: انا بحلف لآيات انى محصلش منى حاجه وانها فهمت غلط الموقف كله اصلا كان غلط البنت دى فعلا انا كنت اعرفها زمان زيها زى اى واحده عرفتها بس دى كانت ارخص واحده فيهم بنت جشعه ميهمهاش غير الفلوس وعملت كل دا عشان اديها قرشين بس طبعا لو كنت وافقت وعملت كدا يبقا انا كدا غلط وخايف من حاجه وكانت هتفضل تستغلنى
بس انا كنت قايلك على كل حاجه ومضحكتش عليكى ووعدتك وانا راجل يا آيات ومبرجعش فى كلمتى
آسر: آيات مازن عنده حق صدقيه وانا عندى الاثبات
آيات: من غير اثبات يا آسر انا مصدقاه
فرح مازن كثيرا لثقتها به
آسر:بس برده لازم تشوفى الدليل على كلامه عشان قلبك يرتاح وعشان تعرفي هو قد ايه بيحبك
مازن. باستغراب:دليل!!؟ دليل ايه!!!!؟
آسر: طبعا حضرتك  ناسي ان فيه كاميرات فى المكتب وصورت كل حاجه
مازن : ايوه صحيح انا مفكرتش خالص
آسر: عموما انا طلبت من سالم يبعتلى الفيديو وعلى فكرع يا مازن انا واثق من الاول بس انا عشان هى تطمن وعشان انت تتكلم بجرأه وهى على يقين انك صح
آيات: انا بثق فيه بس دا رد فعل اى واحده تشوف جوزها فى موقف زى دا
مازن: عارف ياقلبي والله وعاذرك
شغل آسر الفيديو لترى آيات كل ماحدث وتفرح كثيرا عندما رأت صمود مازن امام غيرها وطريقة معاملته وردوده لها وصفعاته على وجه هايدى بعد ذهاب آيات
نظرت له آيات بخجل  واطفأ آسر الهاتف قائلا: يلا أسيبكم انا بقا
آيات: ايه رايح فين
آسر:هشوف أسيل اكيد زعلانه من كلام عمتك
آيات: طيب روح وراضيها. ياحبيبي
نظر لهما مازن باستغراب فهو لا يفهم شئ
آيات: هفهمك بعدين
آسر: يلا انا هروح اشوف أسيل
بعد ان خرج آسر اغلق مازن الباب وخرج سأل مازن آيات عما حدث فقصت عليه كل ماحدث من عمتها والعائله
مازن: امممم انا قولت برده المقابله غريبه يعنى
آيات: آسفه يامازن بس انا اخدت الموضوع على اعصابي وكنت تعبانه ومنهاره
مازن: حبيبي سلامتك بس انا عايزك لما تزعلى منى تتكلمى معايا وتستنى تعرفي ردى وموقفى
آيات: حاضر ياحبيبي
مازن: وحشتينى .  بقولك وحشتينى
آيات. :انت كمان وحشتنى
مازن : وحشتنى بس كدا حاف
آيات: وحشتنى بالجبنه . وحشتنى بالكاتشب
مازن : ايه يابت العسل دا . انا بقا عايزه وحشتنى بحضن . وحشتنى ببوسه . وحشتنى ب
آيات: بسسسسس
مازن: ههههههههههههههههه . عسل ثم قبلها على شفتيها حتى ضاعت بين احضانه فى عالم خاص بهم 😍😍😍😍😍**********************************************
ذهب آسر الى غرفته ليجد أسيل تقف فى الشرفه ودموعها تسيل على وجنتيها وينتفض جسدها من شدة البكاء ولكنها حاولت التوقف حين رأته حتى لايسعر بشئ ويحزن على حزنها.ذهب آسر ناحيتها وهى تحاول ان تمسح دموعها بيدها
يمسك آسر يدها قائلا: متمسحيش دموعك سبيهم ينزلوا قدامى وارتاحى منهم عيطى يا اسيل عيطى .
انهارت اسيىل امامه من شدة البكاء اخذها آسر فى احضانه وظل يمسح على شعرها وهى تزداد فى بكائها قائله: يعنى انا ماليش اهل  بقيت يتيمه وماليش حد .
تصدق اول مره احس بدا واخد بالى بالرغم من كل اللى حصل
آسر: يعنى انا مش كفايه انا جنبك انا ابوكى وامك واخوكى واختك . ايه دا لا اخوكى واختك ايه اللى انا بقوله دا
انا ابوكى وصاحبك وجوزك وسندك وضهرك واللى اهم من كل دا حبيبك وعشقك ومفيش مانع اكون امك 
ابتسمت أسيل على كلامه ومزاحه
آسر: عارفه بقا انا بحس وانا جنبك وفى حضنى بايه
بحس بخوفك وحنيتك زى امى لما بتهتمى باكلى ولبسى وتعبي وراحتى ولما بتصحى بالليل تغطينى وانا نايم مع ان الدنيا بتبقى حر  بحس بيكى  ولما بتاخدينى فى حضنك بشم فيكى ريحة امى الله يرحمها بجد بحس نفسي لسه طفل وبحس ببامان كانى نسيت كل المسؤليات والهموم
ولما  بحضنك او ابوسك بحس انى ملكت الدنيا ولما بكون معاكى فى عالم تانى بحس انى طاير فى السما من فرحتى بيكى وانك فى. حضنى ولما بفتكر انى أذيتك قبل كدا بموووت وبحس نفسي بيروح وجسمى بيتقطع
احتضنته أسيل بشده قائله: آسر انا من غيرك كنت ضعت مش بس السند والضهر والحمايه. لا ايد بطبطب حضن حنين كلمه حلوه. اهتمام واحس باحتياج شخص ليا زى ما انا محتجاه يمكن ربناحرمنى من حاجات بس عوضنى بيهم كلهم فيك انت ربنا يخليك ليا وميحرمنيش منك
آسر: ويخليك ليل ياقمرى وتعيشي العمر كله معايا وفى حضنى وتبقي ام عيالى .الا بمناسبة موضوع ام عيالى دا هنسيبه كدا مش هننهيه
أسيل بخجل: آسر
آسر وهو يحتضنها بشده ويقبلها : قلب آسر
😍😍😍😍😍😍😍😍😍😍😍😍😍😍😍😍
*********************************************
وبعد مرور وقت طويل حضر ياسين وجلس مع جدته ليخبرها انه اتصل بعمة نورهان لياخذ منها معاد اليوم للخطبه
بس مستنى آسر ينزل عشان نروح انا باعتله رساله معرفه
يارب ميكونش نسي
آسر : وهو ينزل الدرج انا اقدر انسي فرح اخويا لا طبعا جاهز وسايب أسيل بتجهز فوق وآيات ومازن كمان
ياسين: مازن!؟  هو هنا. جه امتى الواد  المخبل دا
لينزل مازن ومعه آيات قائلا: هااا سامعك بتشتمنى
يذهب اليه ياسين سريعا ويسلم عليه قائلا :يابنى حرام عليك مبهدلى الملفات كلها وعمال تبعتلى ورقه من الشرق على ورقه من الغرب چننتنى وياك
مازن: ايه ياعم انت خليك محضر خير عايز تضيع منى الشغلانه ولا ايه وآسر ما هيصدق
ضحك الجمييييع
وتقف اعينهم معلقه على الجميله التى تنزل من على الدرج ترتدى فستان أسود وحجاب احمر شديد الجمال نظر لها آسر بلعجاب وابتسامه ثم نظر للجميع ليراهم مازالوا معلقين عينيهم عليها
آسر: احممممم يلا بينا .يلا يا جدتى
الجده: لا ياولدى روحوا انتوا ويا بعضيكم شباب انا مقدرش
مازن: ازاى ياحاجه بقا دا انتى الخير والبركه ولازم تروحى عشان ربنا يبارك فى الجوازه دى
الجده : تسلم يا ولدى ياحبيبي  ثم تنظر لآيات قائله چوزك راچل ودمه خفيف يا آيات ربنا يهنيكم يارب
الجميع: امين يارب
ياسين: يلا يا چده عشان منتاخرش . صحيح هى وينها امى
نظر له الجميع باستغراب 
ليرد قائلا: امى افكار وينها ياچدتى لازم تاچى معايا
افكار: انا اهنه يا ولدى بس عشان خاطرى خد ام ياسين وسيبنى المره دى عشان متزعلش
ياسين: ام ياسين انا كلمتها ورفضت تيچى ومهتمتش بيا ولا لفرحتى وغرورها كان اهم من ابنها عندها حتى اختى اميره
اميره تدخل مقاطعه: لا انا جايه يا ياسين ولا ماليش مكان
ياسين: لا ازاى بقا انتى اختى حبيبتى وفرحتى تكتمل بوجودك . يلا بينا نظرت أميره بغيظ وكره  الى اسيل التى كانت تمسك بيد آسر ومميزه بجمالها ولبسها
وانطلق الجميع بسيارتهم الى بيت نورهان ليتقدموا رسميا ويحددوا ميعاد للخطوبه
عندما دخل الجميع رحب بهم أهل نورهان ترحيب حار وقاموا بضيافتهم بااشهى الحلويات والمشروباتدخلت آيات وأسيل الى نورهان التى كانت فى قمةخجلها كانت أسيل تجلس بجانب آسر ولكنه لم يلاحظ انها قامت من جانبه ولكن فور قيامها من جواره جلست اميره فامسك يدها فشعرشئ غريب ولكنه كان مشغول بالحديث مع والد نورهان فرأى أسيل تخرج مع نورهان وتقف امامه تنظر له بحزن وغضب شديد وكانت اميره تنظر لها بمكر وشماته فنظر بجانبه ليجد يده بيد اميره فتركها سريعا ونظر لاميره بغضب وكان قد اتفق الجميع وعلت الزغاريد والاصوات والتهانى هم آسر وذهب الى أسيل قائلا : والله ما خدت بالى انا فكرتك انتى اللى جنبي وحتى لما مسكت ايدها حسيت بحاجه غريبه وقبضه فى قلبي  بس كنت مشغول فى الكلام مع الراجل اسيل صدقينى ... وضعت أسيل يدها على فمه قائله: شششش انا بثق فيك ومتاكده انها بتحاول توقع بينا
وعارفه انك بتحبنى انا وبس
حضنها آسر تحت ذراعه  وظل واقف بجانبها
لتهتف افكار: آسر واخد أسيل زى ما يكون هتتخطف منه
ليرد آسر بلهفه: تتخطف دا انا مممن اقلب الدنيا كلها واولع فيها لو حد بس يبص لسولى
ابتسم الجميع ودعوا لهم بصلاح الحال والذريه الصالحه اما اميرة فكانت تنظر بغيظ وتبتسم بداخلها ابتسامة استهزاء قائله : وحياتك انت عندى لحزنك عليها وقبل ماتفكر هى راحت فين هخليك تنساها خااالص
ظل الجميع يتحدث ونورهان وياسين يجلسان بجانب بعضهما  وبينهم مسافه قصيره
ياسين: مبروك يا نور
نورهان بخجل: الله يبارك فيك يا .
ياسين : يا ايه !؟
نورهان : ياسين
ياسين: اسمى طالع منيكى كيف الشهد
ابتسمت نورهان بخجل ونظرت الى الارض . لتقطع حديثهم اميره وانتى بقا ياعروسه ناويه تعملى الفرح فى انهى قاعه!؟
نورهان :قاعه!؟وليه قاعه احنا عندنا ارض ورا البيت كلها شجر وورد جميله جدا ممكن نقعد فيها
اميره: ارض !؟ ارض ايه انتى عيزانى ادعى صحابى وندعى سيدات المجتمع الراقي على ارض وييجوا يشوفوا بيتكم دا والمنطقه اللى انتى عايشه فيها دى والريحه المقرفه دى
ياسين: ااااااااااميره
الجده: اخرصي يابت يا مجصوفة الرجبه انتى بلاش العوچه اللى انتى فيها انتى وامك دى . انا معرفش ايه اللى چابك
والدة نورهان: هى ام ياسين مش موافقه عالچوازه دى ولا ايه يا حاچه عاليه
الجده عاليه:بصي يابت الناس بنتى سليمه لحالها وهى من زمان ملهاش صله بياسين ولا بتدخله فى حاچه واصل
ياسين : انا امى افكار هى اللى ربتنى وهى دى اللى تسألى عنها وچدتى وعمتى سميه ومرت خالى سناء هتشوفيهم وتتعرفى عليهم ميتخيروش عنيكى وعن امى افكار
والدة نورهان: ربنا يخليهملك يا ولدى
ياسين : ان شاء الله ابوى المره الچايه هيحضر بس هو مسافر دلوقتى
والدنورهان: ان شاء الله ياولدى
ثم سلم الجميع على بعضهم البعض وتبادلوا التهانى وركبوا. سياراتهم وتوجهوا الى منزل الشرقاوى
فدخل الجيع المنزل ماعدا هذه الشيطانه التى تدبر المكائد ذهبت الى هذه الغرفه التى تخبأ بها هذان الشيطانان
ثم طرقت الباب ففتح لها فاروق لتهتف : هنفذ الخميس يوم فرح ياسين اخويا عشان اخلص منها والفرح يتقلب وابقا ضربت عصفورين بحجر واحد