آسر قلبي ولدمعي آسيل

24

******الفصل الرابع والعشرون********

اخبرت اميره عادل بمعاد التنفيذ ليجيبها عادل:انتى ناويه على تنفيذ ازاى وانتى معملتيش اللى اتفقنا عليه
اميره: ايه اللى اتفقنا عليه !!؟
عادل: انتى مش قولتى انك لازم تعملى مشكله بينهم بانك لا مؤاخذه هتخليها تشوفك انتى وآسر أفندى فى السرير
اميره: ااحمم انت غبي ولا ايه ماهو دا لازم يحصل ساعتها عشان ميبقاش فى  فرصه لآسر انه يتكلم او يوضح اى حاجه هديك مفتاح عربيتى تاخدها فيها وترجعلى العربيه مكانها وحسك عينك حد يشوفك او حد يقدر يوصلها  فهمت يابنى آدم انت ولا بتوصلك متاخره زى العاده
ثم تتركه وتذهب. ليزفر عادل بضيق قائلا: انا سايبها بس وصابر عليها على ما تخلص معايا المشوار دا وبعد كدا هكسرها واربيها واخليها تعرف هى بتكلم مين بنت ال......
فاروق: المهم انت هتاخد بنت عمك دى فين
عادل: فى الاوضه اللى كنا مأجرينها اهى بعيده شويه ومتويه لما يدخل الليل هنروح الاوضه نظبط الجو فيها والمخارج والداخل بتاعتها ونأمن المفروض الموضوع هيتم  بعد بكره 
فاروق: بقولك ايه يا عادل انا مقلق من البت اللى اسمها اميره دى ومن آسر .
عادل : اميره دى هى اللى روحها في ايدينا اما آسر المره دى بالذات لو طالنا هيخلص علينا
فاروق: ايه يخلص علينا !!!! بقولك ايه يا آسر ما تفكك من الحوار دا ونرجع احنا وكداكدا البت دى هتخلص عليها لوحدها دى الغيره بتاكل قلبها وان كيدهن عظيم يعنى تخلص هى بمعرفتها وانت تورث
عادل: غبى جوزها اللى هيورث . انت يااض انت نخيت ولا ايه خايف!!!!!!؟
فاروق: ياعم العمر واحد والرب واحد. عمرى هيضيع بقولك ايهدى برده بنت عمك ماتحاول تكلمها يمكن تكتبلك الحاجه وسيبها انت مشفتهاش فرحانه مع جوزها ازاى ومهنيها ومبصش معاها ايه يعنى مش هتعترض اقولك نخطفها ونمضيها وسيبها لحالها .
عادل: ياااض انت اتجننت ولا قلبك حن اسيبها لمين دى كانت طول عمرها بتاعتى ولو مش هتكون ليا يبقا متبقاش لغيرى وكمان يافالح لو سيتها ورجعتله تانى تفتكر ان الامضا دى هتضلعه هيعمل اى حاجه وهيجيبنى وهياخد كل الورق دا ايده طايله وممكن يودينى ورا الشمس متخافش احنا عدينا كل حاجه وفاضل عالحلو تكه  يدوب ناخدها همضيها واخد منها اللى فضلت عمرى كله بتمناه وهخلص عليها وارميها فى اى حته
فاروق: لو كانت عايزه تعمل كدا من الاول كانت خلته عمل كدا خصوصا انك لسه واخد فلوسها وحاجتها وكمان آذيت اخته قبل كدا يعنى اكيد هى اللى بعداه عنك
يضحك عادل ضحكه شيطانيه : هههههههههههه  دا انت حنيييت خااالص بقااا اه بقولك ايه اتعدل بدل ما اقلب عليك
فاروق: لا ياعم وانا مالى اعمل اللى تعمله المهم حصتى
عادل: هه. اااه امال ايه ياصاحبي حصتك فى الحفظ والصون عينياااا
فاروق يحدث نفسه قائلا: انا بلعب مع شيطان اذا كان عمه قتله وبنت عمه هيقتلها عشان الفلوس امال انا هيبقا نصيبي ايه معاه انا لازم اخد حذرى منه
*********************************************
بعد ان صعد الجميع الى غرفهم فى غرفة آسر وأسيل خلعت أسيل حجابها وبدلت فستانها بروب احمر ناعم  وايضا آسر غير ملابسه بملابس للنوم
آسر: أسيل انتى لسه زعلانه منى !!!؟
أسيل: لا طبعا انا مزعلتش منك اصلا عشان انا واثقه فيك
آسر: أنا بحبك اوعى تشكى فيا فى يوم
أسيل: آسر انا بحبك وبثق فيك اوعى تخون الثقه دى يا آسر عشان لو فقدت ثقتى فيك مره يبقا كدا كل شئ انتهى
وضع آسر يده على فمها سريعا قائلا: ششش متقوليش كدا انا عمرى ما اخونك وانتى عمرك ماتسبينى انتى كل حياتى بجد مش مجرد كلمه لادا بكل معانى الكلمه بقولك انتى حياتى
أسيل: عارفه يا آسر وعارفه ان فى كتير بيحاولوا يوقعوا بينا وانا هحاول ابعدهم عننا بس انت كمان لازم تساعدنى
آسر: انا جنبك طول عمرى ياروح قلبي. بس الحلاوه دى
أسيل: بجد كنت حلوه
آسر: بصراحه جداااااااا ومكنتش قادر اشيل عينى من عليكى
والكل كان بيبصلك وانا طبعا كنت مخنوق وعايز اخدك فى حضنى عشان اخبيكى عن عينيهم
أسيل: بتغير عليا اوى كدا
آسر : طبعا بغير عليكى من الهوا لو يلمسك
أسيل : بس الفستان مش ضيق يا آسر انت عارف انى براعى ربنا فى لبسي
آسر: عارف ياقلب آسر بس اعمل ايه جمالك غصب عنك لازم يبان حتى لو لبستى ايه بتبقي جميله وملفته انا هفكر انقبك
اسيل: اللى تشوفه ياحبيبي
آسر: ياااه عادى كدا مفيش اى اعتراض خالص كدا
أسيل: اعترض انك عايز تحافظ عليا وتصونى ومتخلنيش اسيل ذنوب وبعدين انا مش عايزه اظهر حلوه فى عيون حد غيرك انت وبس
آسر: انتى ونعم الزوجه انتى بجد دعوة امى ليا ونعمه انعم بيها ربنا عليا
أسيل: حبيبي انت اللى نعمه مكنتش احلم بيها وخايفه اوى تضيع منى ثم بكت أسيل قائله: آسر انا خايفه اخسرك وتبعد عنى انا خلاص بقيت جزء منك مقدرش ابعد عنك ثانيه
اخذها آسر فى حضنه قائلا: حبيبتى بتعيطى ليه بس دلوقتى انا جنبك ومش هسيبك ايه خلاكى تعيطى كدا بس
آسيل: قلبي مقبوض يا آسر وخايفه تبعد عنى اصل انا كل لما بفرح بحاجه اوى واتعلق بيها بخسرها
آسر: متخافيش ياقلبي المره دى انا اللى متعلق بيكى اوووى عشان كدا عمرك ما هتخسرينى
أسيل: ياااارب
آسر: الاصحيح سولى احنا عدينا الشهر جواز وكل يوم اتكلم معاكى فى حوار ابننا دا ومش شايف حاجه
أسيل: هههه قصدك ايه يا آسر
آسر: ياحبيبتى يعنى لازم نتكلم النهارده وانتى زى القمر كدا
أسيل: آسر هههه لا انا ...
قاطعها آسر بعد ان حملها بين يديه ليذهب معها فى عالمهم الخاص
💖💖💖💖💖💖💖💖💖💖💖💖💖💖💖💖
فى غرفة آيات ومازن بعد ان غيرت آيات ملابسها الى بيچامه ستان ناعمه من اللون الوردى واسدلت شعرهاوغير مازن ملابسه ايضا
آيات: بس عارف يا مازن ياسين كانت باينه عليه الفرحه اوى ونورهان كمان كانت فرحتها مخلياها زى القمر
واهلها طيبين جداااا بس واليوم كان حلو بس اللى عكر مزاجى المتخلفه اللى اسمها اميره دى انا مش عارفه ازاى هى عندها جرأه تهين الناس فى بيتهم وتزعل اخوها انسانه غريبه بج لا والا آسر وأسيل أسيل كانت زى القمر وعسوووله وآسر كمان شفت ازاى كان مهتم بيها وخايف عليها تبعد عنه ثانيه .     هو انت مش بتتكلم ليه
مازن: هو انتى مديانى فرصه انطق عماله لوك لوك لوك لوك ايه راديو اتفتح
آيات بغضب طفولى : انا يامازن لوك لوك انا راديو شكرا بس متكلمنيش تانى
يحتضنها مازن سريعا فتعطيه ظهر ها ليعيدها مازن اليه مره أخرى حبيبي مقصدش ازعلك والله انا بهزر معاكى انا بس ساكت عشان اسمع صوتك وانتى بتحكى عن الكل بالحب اللى جواكى دا بس كنت مستنى تتكلمى عن زونه حبيبك اى كلمه
آيات: انت يا مازن كل كلمه حلوه ينطقها قلب ويدق بيها مش لسانى وكل نظرة حلوه تشوفها عينيا وكل لمسة حنان فى حضنك .انت كل حاجه حلوه فى حياتى
مازن : ياقلب مازن انتى اللى احلى حاجه حصلتلى فى دنيتى انتى دليل رضا ربنا عليا وغفرانه لاخطائي .عارفه انا كنت بدعى ربنا دايما يهدينى ويغفرلي ويسامحنى واكيد عشان ربنا يسلمنى قلب واحده فى جمالك وحنيتك وحبك يبقى سامحنى ورضي عليا وخلاكى تكون سبب هدايتى
آيات : بحبك يا زوز
مازن : قلب الزوز .انتى قولتى انك بتحبينى هه
آيات: ايوه طبعا . ايه عندك شك !!!!؟
مازن: هااا لا بس احب اتاكد بنفسي
آيات: انت مجنوووووووون والله
مازن: بيك ياقمرى
ثم ذهبوا الى عالمهم الخاص ايضا 😜😜😜😜😜😜😜***********************************************
فى غرفة سليمه تتفق سليمه مع اميره عما سيحدث
سليمه : وانتى بقا  واثقه فى الچدعين دول
اميره: انا ياماما مبثقش فى حد بس كل الحكايه ان هو روحه فى ايدى هو طماع وجشع وعايز فلوس وجاى هنا يدور عليها وادينى بقدمهاله على طبق من دهب
سليمه: اباااى لو حد حس بحاچه من اللى هتقوليها دى ولا لو مصدقوشي ان آسر يعمل اكده
اميره : لا هيصدقوا وساعتها مش هيقدر يحط عينه فى عين حد منهم وهيتجوزنى غصب عنه وانا عليا الباقى بقا
سليمه : ساعات بخاف منك يابت بطنى
اميره: هههههههههههههههههههه
بكره تندم انها وقفت قدامى وخدت حاجه تخصنى
************************************************
فى غرفة مازن شعر مازن بحرارة الجو بعد ان نامت آيات فى ثبات عميق على ذراعه مازن فوضع رآسها على الوساده بهدوء وقبل رأسها ثم خرج الى الشرفه لليشم الهواء ولكن عندما وقف قليلا شعر بحركه غير عاديه بغرفه بسيطه صغيره فى جنينة المنزل ارتدى مازن سريعا ونزل الى هناك فى هدوء ليرى ماذا يحدث هناك ولكنه عندما اقترب رأى كشاف هاتف يضوى فى الغرفه ليرى وجه عادل تحت هذه الاضويه الخفته
انصدم مازن وتحرك فاصدر صوتا سمعه عادل ليخبر فاروق قائلا: فى حد برا اخرج شوف مين
فاروق: يمكن البت اللى اسمها اميره دى
عادل : اميرة ايه بس بالليل كدا
فاروق: قادره وتعملها
استغرب مازن من وجودهما هنا وحديثهم عن اميره وكانها تعلم بوجودهم هنا وشعر بخروجهم من الغرفه فتسلق الشجره المجاوره له سريعا فهبأته غصونها حتى خرجا الاثنين ليكتشفا من فى المكان فلم يجدا شيئا فهتف عادل بهدوء :  احنا لازم نروح نشوف الاوضه ونقفلها كويس عشان لما ناخدها هناك متقدرش تخرج ولا تطلع صوت
فاروق: طيب يلا
ثم ذهب الاثنين الى الغرفه ولكن كان ورائهم مازن يتسلل بهدوء ليراهم وبعد ان مشيا مسافه طويله فى الليل الدامس المظلم المخيف وصلا الى الغرفه وفتحا الباب ودخلا وتركهم مازن هناك ليرجع سريعا ووصل الى المنزل بعد مده من الزمن صعد الى غرفته سريعا ووقف بالشرفه بعد ان اطفأ اضويتها واضوية الغرفه ليراقب عودتهم وبعد فتره عاد عادل وفاروق ودخلا الى هذه الغرفه البسيطه مره اخرى
دخل مازن الى فراشه واحتضن آيات بقلق ونام بجانبها غلبه النوم
وفى الصباح استيقظ مازن على صوت رنين هاتفه ليجدها والدته
مازن والنوم يسيطر عليه : الو ماما
والدة مازن: ايوه يا مازن انا قربت اوصل المحطه انا ووالدك
آيات سابتلى رساله عالتيليفون وقالتلى اننا لازم نيجى نحضر فرح ياسين ونورهان صاحبتها
مازن: حاضر يا ماما هبعت سواق من هنا يجيبكم
والدة مازن: لا لازم تيجى انت عشان عيزاك ضرورى ضرورى يا مازن
مازن: اوك يا ماما حاضر هجيلك
والدة مازن : يلا متنامش تانى عشان متتاخرش
مازن : حاضر ياماما

💕💕💕💕💕💕💕💕💕💕💕💕💕💕💕💕💕💕💕💕💕💕💕💕💕💕💕💕💕💕💕💕