آسر قلبي ولدمعي آسيل

26

*****الفصل السادس والعشرون*****

فى غروب الشمس قبل آذان المغرب بقليل استعد الجميع وارتدوا ملابسهم وكانوافى قمة اناقتهم وارتدت أسيل فستان باللون الذهبي مع جمال عيناها ووجها فكانت تشع مثل أشعة الشمس ووضعت بعض مساحيق التجميل الخفيفه وارتدت حجاب ناعم جميل فكانت مثل الاميرات وكالعاده دائما كانت عين آسر تعلق بجمالها الفتان ليغازلها قائلا: ياااه بقاانا الجمال دا كله بتاعى انا ملكى انا لازم افضل احمد ربنا واشكر فضله عوضنى فيكى كل حاجه حنيه وطيبه واخلاق وتدين وجمال واحلى جمال يشد العيون أسيل متزعليش منى لو طلبت منك تلبسى النقاب بجد المره اللى فاتت كنت بهزر معاكى بس المره دى انا بتكلم جد نفسي اخبيكى عن عيون الناس خايف حد يحسدك او حد غيري يحلم بيكى
أسيل بخجل شديد تنظر الى الارض ليرفع آسر راسها اليه مره اخرى قائلا: كسوفك دا ووشك اللى بيحمر دا بيموتونى بجد بيخلونى عايز افضل ابصلك واشوف ابتسامة الخجل اللى بتخلى خدودك مورده وغمزاتك تبان اكتر وعينيكى تبتسم بحس انى مش عارف اعمل معاكى ايه افضل ابصلك ولا اشيلك والف بيكى ولا احضنك بجد مش ببقا فاهم شعورى واحساسي عايز اعمل ايه . بحبك
أسيل: تكفينى اسمع منك اجمل كلمه قولتها .بحبك بتعبر عن كل حاجه جواك وبتفكرنى بكل حاجه عملتها عشانى بتفكرنى بوقفتك جنبي وحنانك عليا واهتمامك بيا وبتفكرنى بخوفك عليا ولما بتجبلي حقي من اى حد حتى لو كان يخصك من غير ما بطلبه بتفكرنى بحضنك اللى بنسي فيه العالم كله بيوم فرحنا ايوه يوم فرحنا لما لبستنى فستان ابيض عشان كنت حاسس بيا لما وقفت اتفرج عليهم واتمنيت انى كنت البسه يوم فرح آيات عملتلى اجمل فرح خلتنى اجمل عروسه مع ان دا كان بينى وبينك اننا بنحتفل بفرحنا متعرفش سعادتى لما حضنتنى ورقصت معايا وغنتلى بعشق صوتك وكلامك وحضنك وكل حاجه فيك فيك تفاصيل بحبها لما بتنام فى حضنى زى البيبي ولما بتحب تلعب فى شعرى لحد ماتنام كنت بحس بيك دايما حتى قبل ما اقبل اكون زوجتك كنت دايما حاسه بايديك على شعرى وبتمسك خصلات شعرى وكنت بحس بدراعك محاوطنى وكنت ساعتها بحس بالامان
آسر: بجد يعنى انتى من الاول كنتى عيزانى كنتى حاسه بيا
أسيل: بحبك حتى قبل ما اشوفك ولما شوفتك حبيتك اكتر لما قولتلك انى بكرهك كنت بحبك وكنت بعاقبك عشان متوقعتش من حبيبي اللى فضلت احلم بيه قبل ما اشوفه انه يعمل فيا كدا وتكون دى مقابلته ليا بس كنت بتعذب لما اسمعك تصلي وتبكى على اللى عملته معايا عشان اسامحك انا اصلا كنت مسمحاك آسر لنا بحبك وعايزاك دايما تحبنى وتكون امان ليا واوعى فى يوم تخونى او تهز ثقتى فيك
آسر: اوعدك انى هفضل احبك وافضل امانك وافضل قد ثقتك فيا يا احلى واجمل واحن أسيل فى الدنيا
آسر : انا قلب مقبوض وخايفه تبعد عنى خليك دايما ماسك ايدى
آسر: متقلقيش ياروحى دايما هتلاقينى ضهىك وسندك  جنبك
ثم لف ذراعه لتتمسك به قائلا يلا بينا ياقمر
ابتسمت أسيل بخجل : يلا ياحبيبي وامسك يدها وهبط على الدرج تحت انظار الجميع واعجابهم بهذان العاشقان وظلوا يقرأوا آيات من القرآن لتبعد عنهم الحسد
عمته سميه: بسم الله ما شاء الله ربنا يحميكم يا ولدى وحفظلك مرتك من كل مكروه
افكار : ماشاء الله ماشاء الله مرتك كيف البدر اللى بيضوى يا آسر يا ولدى وانت ياحبيبي تستاهلها
الجده: مرت الغالى ولد الغالى لازم تكون كيف البدر  تعالى يا أسيل لما ابوسك
تذهب اليها أسيل لتحتضنها الجده وهى تتمتم آيات من القرآن لتبعد عنها الحسد ثم تلبسها سلسله بها مصحف كبير من الذهب الخالص لتقول لها الجده: دا يا اسيل يحميكى مفيش احسن م من كتاب الله يكون چنبك وحاميكى اوعى تقلعيها واصل خليها فى رقبتك طوالى
أسيل:بس دا كتير اوى يا تيتا
الجده: مهتكترش عليكى يا ضنايا ولانچوم السما تكتر عليكى يابتى دا انتى من ساعة مادخلتى بيتنا فرحتينا ومليتى البيت فرحه وهنا وسرور والخير هايچى فى رچليكى بس ربنا يبعد الشر والشياطين بعيد عنيكى
أسيل: حبيبتى يا تيتا انا يكفينى دعائكم وحبكم ليا انتوا بجد اجمل حاجه حصلتلى واجمل نعمه ربنا انعم عليا بيها فعلا ربنا بيقطعها من مكان وبيوصلها من مكان تانى يعنى انا خسرت ماما وبابا وخسرت عمى وابن عمى بسبب جشعهم بس ربنا عوض عليا بعمى سليمان وعمى على. وبعمتى سميه وعمتى افكار وعمتى سناء وعوض عليا بولادهم يبقوا اخواتى وعوض عليا بآيات تبقى اختى وصاحبتى وسبب فى انى اكون بينكم دلوقتى
صحيح امال آيات فين لسه مخلصتش انا هطلع أشوفها .
************************************************
عند آيات فى الغرفه ارتدت آيات فستان باللون الزهرى من الستان الناعم واتركت العنان لشعرها لينسدل على ظهرها ووضعت بعض مساحيق التجميل  واضاءت نور الشرفه ووقفت بها تنتظر مازن وهى فى قلق شديد تفرك يديمها ببعضهما فى توتر وكان مازن امامها ينظر لها من هذه النافذه الصغيره ويتفحص جمالها فى حزن شديد واترك العنان لتفكيره وخياله انه الآن يقف بجانبها ليمسك خصلاتها التى تتطاير مع نسمات العليل ويبعدهم عن وجهها ويضع لها قبله على عنقها ومن ثم يقبل يديها الناعمتين التى يشعر بينهم بالدفئ والحنان ويقبل شفتيها ويغازلها.
فى غرفة آيات تطرق اسيل الباب لتدخل لآيات لتجدها تقف فى الشرفه
أسيل: ايه دا ايه دا ايه الحلاوه دى ؟.طيب لما انتى خلصتى منزلتيش ليه
آيات: كنت مستنيه مازن بدلته جهزتهاله هو قالى انه هاييجى على الفرح مقاليش انه هيتأخر كدا
أسيل: آسر واقف تحت مستنيكى والكل مستنيينك
آيات: هما خلاص هيمشوا ؟
أسيل: ايوه ماشيين
تهبط دمعه من عين آيات وتشعر بنغزه فى قلبها وكل هذا وحبيبها امامها يرى قلقها عليه ويتمزق قلبه على هذه الدموع التى تهبط على وجنتيها  تخرج آيات مع أسيل لتختفى عن نظر مازن ويستعدوا لركوب السياره لتسأل افكار سناء : علبة الدهب جبتيها والهدايا
سناء: اه جبت كل حاجه وحطيناها فى شنطة العربيه
افكار : اوعى تكونى نسيتى حاجه يا سناء
سميه: متقلقيش يا افكار انا خرجت معاها وحطينا كل حاجه فى. شنطة العربيه .
سميه: متقلقيش يا افكار فرح ابنك هيعدى على خير ان شاء الله انا عارفه ابنك بتعتبرى ياسين دا ابنك الكبير
تبتسم افكار قائله : طبعا مش انا اللى مربياه 
فتخرج اميره ترتدى فستان احمر قصير للغايه متفتح من جميع الجهات يكشف اكثر مما يستر فيشهق الجميع عند رؤيتها وينظرون لها نظرات اشمئزاز . فيقف آسر امامها يرمقها بعينيه نظرات غيظ وغضب ويهتف عاليا: ايه الزفت اللى انتى لبساه دا
اميره: ماله اللى انا لبساه !!!!!؟
آسر: لو انتى انسانه مستهتره للدرجه دى وبتحبي الناس تتفرج عليكى فدا يبقا فى مكان تانى مكان يشبهك ويشبه تصرفاتك انما هنا لا هنا تفضحينا
اميره ببرود اعصاب :اممممم قصدك ان البهايم اللى احنا رايحين عندهم مش هيفهموا الاستايل والموضه دى
آسر يزفر عاليا: اااااااااااااااميره
تنتفض اميره ولكنها تحاول الاتظهر ضعفها قائله : والله هو دا لبسي ولو مش عاجبك. اقعد
آسر: اقعدى ولا غورى فى داهيه ماهى امك كمان سابت البيت وخرجت لسيدات المجتمع وسابت ابنها يوم فرحه هى جت عليكى بس ياسين مش هيحس بنقص كلنا هنبقا حواليه انا مكان وائل وعمتك افكار وسميه وعمتك سناء مكان امه وآيات واسيل هيكونوا مكانك
اميره باستهزاء: امممم أسييييل مش دى النت اللى ملهاش اهل ولا لها اصل من فصل و جبتهالنا من الشارع عملتهالنا هانم .
آسر بغضب شديد ذهب ناحية اميرة ليضربها ولكن اوقفته. اسيل
اسيل :آسر انت هتعمل ايه
آسر: انتى مش سامعه بتقول عليكى ايه !!!؟
أسيل: هى مش بتقول عليا انا انا مسامحه المهم منتاخرش على ياسين عشان سبقنا بالعربيه وراح يجيب والده يلا بينا
آسر يهتف يزهق وغضب وصوت عالى يرج المكان : ماشي يا اميره هتخليكى مش هتيجى معانا ميشرفناش واحده زيك تكون فى وسط فرحتنا ومناخيرك دى انا هكسرهالك ولازم اندمك على اللى عملتيه دا وبكره افكرك
ثم ذهب الجميع الى بيت العروسه وعندما نزلوا اخرجوا كل الهدايا وظلوا يبحثوا عن علبة الءهب فلم يجدوها
افكار: فين علبة الدهب يا سناء مش لقياها
سناء: مش لقياها كيف انا دساها وسط الشنط هتلاقيها عندك بشنطه حمرا اكده
سميه : انا فاكره زين اننا حطيناها فى وسط الهدايا .
افكار : اهى مش موچوده المفروض كنتوا خلتيهوها فى ايديكم مش فى الشنطه يامرى تكون وقعت
سميه: لا ان شاء الله موقعتش انا متاكده
يرى آسر حيرتهم فيذهب اليهم ليسألهم قائلا : فى ايه مالكم قلقانين كدا ليه
افكار :المخبلين شكلهم نسوا علبة الدهب فى البيت
آسر: نعم . طيب طيب متقلقوش ادخلوا انتوا وانا هوصل لحد البيت واجيبها واجى
اسيل : ارجع معاك يا آسر !؟
آسر: لا ياحبيبتى خليكى انتى مع آيات ونورهان
أسيل: حاضر بس متتاخرش
آسر: حاضر ياقلبي يلا ادخلوا ومتقفوش كدا
ركب آسر سيارته وعاد الى البيت وفور دخوله الڤيلا سمع صوت صرخات تأتى من غرفة عمته سليمه فذهب سريعا نحوها وفور ما فتح الباب كانت اميره  رشت فى وجهه شئ جعله يدوخ قليلا وينام فقامت بنزع سترته وفتح ازرار قميصه وجعلته فى حاله مخجله ورشت على فمه سائل مسكروهى ايضا ارتدت ملابس عاديه ولكنها مزقتها ووضعت دموع مزيفه وارسلت رساله الى ايها ياسين وعمها سليمان تستنجد بهم وتخبرهم عن فعلة آسر التى دبرتها
ولكن الجميع كان منهمك فى الفرح .
اما آيات فكانت فى قمة قلقها واسيل تحاول ان تهدأها والجميع يقف بانتظار خروج العروسه
ثم وصلترساله الى آيات ان هاتف مازن متاح الآن فظلت تتصل به ولكنه لايجيب ثم فتحت التتبع لهاتف مازن فأشار الهاتف بوجود مكان هاتف مازن فى مكان قريب حددت آيات مكانه فعلمت انه فى البيت فظلت تتصل به وبآسر ولكن لا احد يجيب قلقت آيات كثيرا خصوصا انا آسر ايضا تاخر عليهم فاخبرت اسيل انها ستاخذ السياره بالسائق وتذهب الى البيت
آسيل: بس ممكن تحصل مشكله
آيات: لا مش هيحصل حاجه انا هروح اشوف آسر اتاخر ليه واشوف مازن جه ولا لا
أسيل: انا هاجى معاكى مش هينفع اسيبك لوحدك
آيات: طيب يلا
ثم نادت آيات على السائق لتركب السياره مع أسيل ويتجهوا الى المنزل . وفى الطريق
آيات بقلق: انا خايفه يكون حصلت مشكله بين آسر ومازن
أسيل باستغراب :ليه بتقولى كدا
آيات: أصل بصراحه مازن مش عند واحد صاحبه
أسيل: امال فين!!؟
آيات : مش عارفه هو انا صحيت الصبح ملقتوش ولقيته باعتلى رساله بيقولى انا نزلت القاهره ضرورى عشان فى مشكله حصلت فى الشغل عند آسر ولازم ألحقها ومتقوليش حاجه لآسر عشان ميقلقش
أسيل: غريبه مع ان آسر مكلم اللى ماسكين الشغل الصبح وكل حاجه تمام
اذداد قلق آيات قائله : ازاى امال مازن راح فين
أسيل: يمكن كان فى حاجه وراح ظبطها وجاى فى الطريق انتى عارفه الطريق مش سهل
آيات: طيب لو لسه جاى فى الطريق يبقا جهاز التتبع بيدينى ان فونه قريب ازاى
أسيل: طيب جربي ابعتيله رساله
آيات: ايوه هبعتله . ثم ارسلت له رساله مضمونها . مازن اتاخرت ليه برن عليك مش بترد من بدرى فبعد قليل رد عليها برساله قائلا: متقلقيش انا بس فونى بيفصل شحن والعربيه عماله تقف منى كتير مش عارف ليه خليكى انتى بس فى الفرح ومتشغليش بالك بيا
أسيل: ها قالك ايه !!!؟
آيات: انا قلقانه الكتابه دى مش طريقة كتابة مازن دى كلها اخطاء كأن حد مش عارف يكتب ثم وصلت الى المنزل وعند دخولهما لمحت آيات سيارة مازن تصف بجانب المنزل ولكن من بعيد كما يصفها دائما فانقبض قلبها أكثر وشعرت بخوف وقلق واشارت على السياره لتنظر أسيل نناحية اصبعها قائله: مالك فى ايه ؟
آيات: عربية مازن واقفه وهو بعتلى وقالى انه راكب العربيه وجاى وانها بتقف منه
أسيل: طيب تعالى بس نشوف آسر ونقوله
دخلت آيات سريعا وخلفها أسيل وكانت قد شعرت اميره باحد فى الخارج ونظرت من شباك الغرفه ورأتهم فظلت تصرخ قائله: لاااا لايا آسر حرام عليك مش معنى انك قولت انك بتحبنى وهطلق مراتك يبقا تعمل كدا لا يا آسر انت عايز تكسرنى زى ما قولت لاااااا
كان آسر قد أفاق على صوت اميره ونظر لها باستغراب ونظر لملابسه وهو لايتحمل وجع رأسه ولم يركز جيدا ولكنه كان يحاول ان يوقف صرخاتهابوضع يدع على فمها
وفى هذه الاحيان كانت آيات وأسيل سمعوا صوت اميره وكلامها فجريا الى باب غرفتها وفتحوه انصدمت أسيل وظلت تنظر له بصدمه وهو ينظر لها باستغراب يحاول ان يفهم الموقف ويتحدث ولكن اوقفته دموعها التى انهارت على وجنتيها  صمت دون اى حديث
وايضا آيات كانت فى صدمه مما رأته
جرت أسيل الى خارج المنزل سريعا ولكن عندما وصلت الى أمام المنزل فى الجنينه رات آيات شخص ملثم يضع شئ ليجعلها تفقد الوعى وآخر ينتظره فى سياره ولكنها لمحت سيارة اميره هى من يركبها ذلك الشخص واخذ بها أسيل وذهب
كان آسر قد ارتدى ملابسه وخرج فجرت عليه آيات لتخبره ما حدث .