آسر قلبي ولدمعي آسيل

30 والاخير

*****الفصل الثلاثون والاخير*****

ذهبت أسيل الى المنزل مع آسر لتجد الجميع بانتظارها للترحيب بها سلمت أسيل على الجميع ورحبوا بها ترحيب حار لعودتها سالمه ولكن كانت نظرة الخجل فى عين الجميع بسبب ما حدث لها من اقرب الناس إليهم احتضنتها الجده قائله: سمحينا يا أسيل يابتى والله ما كنا نعلم ان الشر والحقد دا كله فى قلبهم مكنتش اعلم انى بطنى تشيل شيطانه زى سليمه خابت تربيتى فيها مدة عمرها طماعه ومدة عمرى اقول البت دى دونا عن باقى ولادى قلبها قاسي حتى عليا بس  بس مكنتش اعلم ان قساها وحقدها للدرچه دى ولا انه هيطولك إكده
أسيل: انتى ملكيش ذنب ياتيتا الحاجه ومفيش حد هنا ليه ذنب فى اللى حصلي دا نصيبي وكان مقدر ليا انه يحصل وكمان كل واحد مسئول عن تصرفاته وعن اللى فى قلبه واذا كانوا هما الشر والسواد عمى قلوبهم فدا مش ذنبكم انتوا .
انتوا برده هتفضلوا اهلى اللى بحبهم وبيحبونى وبحس بالامان فى حضنهم وانا هنسي كل اللى حصل عشانكم
سميه: هو دا عين العقل يابتى ربنا يكملك بعقلك ويهديكى كمان وكمان ويعوضك ان شاء الله بالذريه الصالحه اللى تملى حياتك وحياة چوزك بالفرح والهنا
الجميع: آمين يارب
أسيل: آمين ياعمته يارب
سميه: ان شاء الله يا حبيبتى
ثم تنظر أسيل الى آيات ونورهان وهن يقفن بعيدا والدموع تملئ عينيهم من القلق وأيضا من فرحتهم بعودتها فتذهب إليهم أسيل تحتضنهم وتحاول طمأنتهم
وبعد قليل قام الجمبع باعداد العشاء وتناوله وذهب كل شخص الى غرفته ولكن آسر طلب من أسيل ان تصعد وحدها الى الغرفه وأخبرها انه سيصعد خلفها بعد ان يتأكد من ان ياسين سيوصل نورهان وعائلتها إلى المنزل  وفعلا صعدت اسيل الى الغرفه وفتحت الباب لتجد الورود تهبط عليا سريعا والغرفه مزينه بالورود الحمراء وترك لها فستان أحمر ناعم شديد الجمال وبجانبه ورقه مكتوب عليها " عايز أشوفك النهارده بالفستان دا . بحبك "ابتسمت وذهبت الى المرحاض لتجد البانيو ملئ بالمياه المعطره الدافئه والورود الحمراء تاخذحماما لتطهر من لمسات عادل لها التى كانت تشمئز كلما تذكرته وبعد ان انهت خرجت لتجفف شعرها وارتدت الفستان ووضعت بعض مساحيق التجميل البسيطه جدا ورفعت شعرها بشكل جميل وارتدت حذاء احمر عالى زاد من جمالها ووقفت تنظر الى نفسها فى المرآه فراته خلفها وشعرت به يمسك بيدها ويقبل عنقها وهى تبتسم له ولكنها تفاجئت به يضع سلسله جميله حول عنقها على شكل قلب ومعه مفتاح حديدصغير إبتسمت
وإلتفت له فقبل رأسها وإحتضنها قائلا:كنت هموت لو كان حصلك حاجه مكنتش هسامح نفسي ولا اقدر اكمل حياتى
أسيل: بعد الشر عنك . جميله اوى الهديه دى
آسر: الهديه دى ليها اكتر من معنى
أسيل: اكيد يكفى انها منك .
آسر : هى لها معنى تانى كمان هتعرفيه بعدين
أسيل باستغراب: مش فاهمه !!!!
آسر: دلوقتى تفهمى
أسيل:انا مش مصدقه انى رجعت لحضنك تانى انا كنت فاقده الامل انى اتخلص من عادل واهرب انا بعد كل اللى حصل دا لازم انتقم من عمى
  هما خدوا منى كتير خدوا منى كتير اوى يا آسر خدوا منى بابا وماما وحرمونى من حنانهم وخدوا منى برائتى وفرحتى زى اى بنت وخدوا فلوسي وكانوا عايزين يقتلونى ثم نظرت له والدموع تهبط من مقلتيها قائله:واخدوا طفلى منى انامش هسامح ومش هسيب عمى هو السبب فى اللى عادل عمله وهو السبب فى موت بابا هو السبب فى كل حاجه انا لازم ارجع مصر يا آسر
آسر: لا انا عايزك تفضلى هنا فى وسط عيلتك
أسيل: لا يا آسر انا لازم ارجع حقى وحق اهلى زى ما وعدت ماما لازم ارجع فلوس بابا وحقه من عمى
آسر:فلوس باباكى وكل امواله رجعتلك
أسيل باستغراب: رجعتلى !!!؟ازاى
آسر: من اول يوم كتبنا كتابنا فيه رحت لعمك وكلمته بكل احترام انه يرجعلك حقك
فلاش:..............
آسر :انا جاى اتكلم معاك بكل هدوء واحترام يا ترجع لبنت اخوك كل حقوقها يا إما عداوتك دى هتكون معايا انا
عم أسيل: وتطلع مين بقا بسلامتك ويخصك ايه فى بنت اخويا ولا هى رشحتك المحامى بتاعها وياترى المقابل ايه قصاد اللى انت بتعمله دا هاه باعتلك ايه دى شحاته وممنهاش اى فايده غير مجايب المصايب والعار
آسر يزفر عاليا : إخرص خالص لو مكنتش راجل كبير كنت خلصت عليك بنت اخوك أشرف منك ومن ألف زيك  انت راجل عديم القلب وعديم الشهامه راجل إنتهازى ووصولى استغليت اخوك لحد ما خلصت عليه واستغليت ضعف مراته وبنته لحد ما مراته ماتت من القهر على مصيرها ومصير بنتها وموت جوزها بدرى راجل معندكش اى . راجل !!!!؟لا انت مش راجل ولا تمث للمرجله باى شئ
عم أسيل: ماتحترم نفسك ياااض هى صيداك من. انهى قهوه ماهو لا مؤاخذه القهاوى مليانه ناس فلاسفه بلسان ونص زيك كدا بالظبط مش لاقيين لهم شغله ولا مشغله غير انهم يلبسوا ويتأنتكوا ويعملوا فيها بشوات ويقعدوا يتفلسفوا
آسر بضيق : انا لا من على قهوة ولا بتفلسف انا جاى اطالبك بحق اسيل وبكل هدوء
عم أسيل: وانا معنديش حق لحد وكفايه إن هى السبب فى العلقه إللى خدها ابنى وكان هيروح فيها ومن يومها وهو ديماغه لسع وبيدور عشان يلاقيها
آسر: ابنك دا انا اللى رنيته العلقه وياريتنى كنت خلصت عليه ساعتها وريحت البشر منه ومن قرفه
عم أسيل: انت يااض اللى ضربت ابنى ثم هم ليضرب آسر ولكن آسر كان اسرع فأمسك يده بشده كادت ان تنكسر وهتف بضيق قائلا: انا سايبك تتكلم من بدرى وتهلفط بالكلام عشان شكلك مش عارف انت بتكلم مين
عم أسيل: يعنى هكون بكلم مين !!؟
آسر :  هيوصلك ردى ثم ألقاه بكل قوته وتركه وذهب
وبعدها كان عم أسيل يجلس على احدى القهاوى فشعر بسلاحين بجانبيه فكان رجال آسر يحاوطونه يرتدون بدل سوداء ليهتف احدهم قائلا :قوم معانا من غير شوشره ولا صوت فقام عم أسيل وذهب معهم الى السياره وهويرتعش من الخوف واغموا عينيه حتى وصلوا الى مكان مظلم ودخلوا هذا المكان واجلسوه على الارض ثم ازاحوا من على عينيه الغمامه
ليتسائل عم أسيل قائلا:انافين وانتوا مين وعايزين منى ايه
ليهتف احد رجال آسر قائلا: هششش اخرص خالص لحد ما البيه ييجى وهو هيتصرف معاك ويرد على أسئلتك
عم أسيل باستغراب: البيه !!!!؟
وبعد دقائق يدخل آسر ليتفاجئ به عم أسيل ويهم واقفا
فيدخل آسر ويجلس على احد الكراسي ويضع ساق عل الاخرى وهو ينظر له بكل احتقار قائلا: ايه مالك مستغرب كدا ليه مش كنت عايز تعرف انا مين انا ياسيدى هعرف بنفسي انا آسر بيه الشرقاوى ابن المرحوم محمود بيه الشرقاوى صاحب أكبر سلسة لشركات السياحه فى مصر وباشاره منى اخلص عليك وارميك لكلاب السكك تاكل فى لحمك
عم أسيل باستغراب وخوف يملأ قلبه: آسر بيه !!!!!؟
وهى تعرفك منين أكيد اتوسلتلك عشان تقفلها وتجيبلها حقها اللى اللى هى مفكراه حقها دى كدابه كدابه يابيه حقها مكتوب باسمها ومعاه مبلغ كمان
آسر: اه دا باقي حقها اللى انت مكنتش تعرف عنه حاجه اللى انت ضحكت على والدها فيه اللى هو اخوك وقتلته عشانه يرجعلها . انت فاهم
عم اسيل: ياباشا انا معايا فلوس ونقدر نبقا شركا مع بعض
آسر: شركا امممم فى تجارة الحشيش ولا السلاح
عم اسيل: ايه !!!!!!!!!!؟
آسر: انت مفكرنى مش عارف حاجه انا عرفت كل حاجه من غير ماهى تحكيلى حتى وانا هجيب لها حقها بطريقتى
عم اسيل: ياباشا يا باشا دى كدابه دى سمعتها زى الزفت وكانت جيبالى مشاكل مع الناس زى ما انت عارف البت حلوه وكانت سايقه الدلال عالكل وعامله بلاوى وقولت أستر عليها واجوزها لابنى ويا باشا ....ولم يكمل حديثه حتى تفاجئ بعدة صفعات من آسر وهو يهتف بضيق عاليا اللى انت بتتكلم عنها دى تبقا مراتى ومش هسمحلك تنطق كلمه تانيه عنها هقطعلك لسانك انت فهمت ولا تحب افهمك بطربقتى
عم أسيل: مراتك !!!!!!!!!!!!!!!!!!!!!!!!؟
آسر: ايوه. مراتى  ثم يهتف عاليا لرجاله قائلا: عايزكوا تظبطوه وتمضوه على كل الاوراق دى ولسه ليك عندى مفجآه حلوه مستنياك هتعوض كل اللى عملته فى مراتى
عم أسيل: طيب استنى يابيه انت رايح فين نتفاهم
احد رجال آسر:متقلقش احنا هنتفاهم معاك 
ثم انهالوا عليه ضربا ومضوه وبعد ذلك القوه بداخل ورشته وبعد ان ذهبوا بدأ يفيق وقام من على الارض وجلس على احد الكراسي وهو يتوجع من الالم ويتذكر ما حدث ليتفاجئ بالشرطه تدخل عليه ينصدم ويعلم ان هذه المفجاه التى تنتظره على يد آسر ليتسائل  قائلا: فى ان انا معملتش حاجه
ثم يجد رجال الشرطه لفات من نبات الحشيش المخدره بكميات كبيره واسلحه ويأخذوه وتكتب له قضيه اتجار فى المخدرات والسلاح
باك: ...........
أسيل: انت يا آسر عملت كل دا
آسر : عشانك اعمل اى حاجه بس نسيت اهم حاجه مجتش على بالى انه كان ممكن عادل يوصلك هنا فكرة نورهان انه يعرفها مخطرتش فى بالى ابدا بس كويس له ان دا اللى حصل عالاقل هو مات وارتاح من اللى كنت ناوى اعمله فيه
أسيل: بالعكس هو راح لعذاب اكبر عند ربنا
آسر: اكيد ياقلبي . عموما مش عايزه تعرفى السلسله دى معناها ايه
أسيل: عايزه اعرف اكيد معناها ايه !؟
آسر: افتحى القلب
فتحت أسيل القلب لتجد صوره لوالديها تجمعهم معها وبالناحيه الاخرى صوره لآسر ابتسمت أسيل ليهمس آسر قائلا: عشان تحسي دايما ان هما جنبك وتفضل ذكرياتك الجميله بس قريبه منك وعشان دايما تحسي انى جنبك
أسيل: هديه جميله اوى يا آسر انت فعلا دايما فى قلبي وفى بالى وصورتك قدام عيني حتى وانت جنبي . بس مقولتليش المفتاح الصغير دا بتاع ايه!!!؟
آسر: دا بقا ياستى مفتاح خزنتك اللى فى البنك وفيها كل الاوراق اللى بتثبت ملكيتك لكل املاك ابوكى ودهب والدتك ودهبك كله وكمان حسابك فى البنك رجع زى ما كان
وكمان فى هدية تانيه
أسيل : تانى غير كل دا
آسر: احسن من كل دا الهديه دى بقا حلم ابوكى وامك وكنزك اللى هينفعك بجد.
أسيل:مش معقول يا آسر الكليه !!!؟
آسر : ايوه ياقلبى انا ظبط كل اوراقك ونقلتك هنا جنب عيلتك اللى بتحبك وبتحبيهم وجنبي هنا وشغلى هناك هيمسكوا مازن وانا همسك الشركات هنا وافضل جنبك ولما انزل القاهره هتبقي معايا اكيد
أسيل : آسر انا بجد مش عارفه اقولك ايه انا ....
آسر: هششش متقوليش اى حاجه انا اللى عندى كلام كتيييير اوى عايز اقوله
ابتسمت اسيل بخجل فحملها آسر قائلا:انا اكيد امى دعيالى عشان. يكون من نصيبي القمر دا ثمى يذهبان فى حديثهم الى عالمهم الخاص
*****************************************
اما فى غرفة مازن وآيات كان مازن يأخذ حماما باردا لينعش نفسه بعد يوم شاق ومرهق وخرج وهو عارى الصدر ويلف خصره بمنشفه وشعره مبلل ليجد آيات ترتدى قميص نوم جميل يظهر مفاتنها وجمالها ليهتف مازن قائلا بمزاح : اللهم صلى على النبي "ص" ليلتنا زى الفل تبتسم آيات بخجل قائله : اتلم يا زوز المدام حامل دلوقتى
مازن : يخربيت عسل شفايفك وهى بدلعنى ياقلب الزوز وروح الزوز.
آيات: امممم وبعدين
مازن : وبعدين ايه ايه انا هقولك وبعدين ايه خدى بس
تجرى منه آيات وهى تضحك عاليا
مازن: يا مجنونه انتى بتجرى ليه انتى حامل ابنى هيقع منك
تضحك آيات وتجلس على الفراش تتصنع غضب طفولى : انت ايه عرفك انه ابنك مش بنتك انت هتزعل لو بنوته
يجلس مازن بجانبها قائلا : ابدا والله ياريت تبقا بنوته جميله شكل مامتها بالظبط بس انا حاسس انه ولد مش عارف ليه
وفى الحالتين هبقا مبسوط كل اللى ربنا يجيبه حلو وزى العسل المهم انه منك انتى . بس انتى اسمعى كلامى عشان البيبي يطلع امور
آيات : فى ايه !!!!؟
مازن : هقولك اهوه
آيات : يا مازن ههههههههههههه
************************************************
وكفايه لحد كدا ونقفل الباب عليهم ونسيبهم فى عالمهم الخاص ونروح نشوف الحبيبه اللى على الفون
ياسين: كيفك  يا نورهان 
نورهان : الحمد لله ياياسين 
ياسين: انا معرفش اقول ايه انا مبعرفش اتحدت ويا اى بنت واصل
نورهان: لا اتكلم براحتك وانا هفهمك
ياسين: انتى وحشتنى اوى
نورهان: لا احنا قولنا تتكلم مش تكسفنى
ياسين : هههههههههههه انتى اتكسفتى انى آسف
نورهان: لا عادى بس اصل اول مره تقولها
ياسين: انا نفسي اقولك كلام كتير بس بخجل انا عمرى مما كنت ليا اى صداقه مع واحده قبل سابق
نورهان : ماهو دا اللى عاجبنى فيك  انك على طبيعتك ككدا مش بتلون كلامك وبتتكلم من قلبك .ياسين  ياسين رحت فين
ياسين : كملى معاكى بس حابب اسمع صوتك وانتى بتتحدتى عنى وهتقولى اللى عاچبك فيا . تعرفى يا نور انا كنت فاكرك مغصوبه عليا
نورهان: لا طبعا انا معجبه بيك جدا ومقتنعه بيك
ياسين وكانت الفرحه تملأ قلبه ولسانه: انا بحبك اوووى اوووى يا نور
نورهان: انا كمان
ياسين : انتى كمان ايه
نورهان: بحبك
ياسين : يابوووووووى
نورهان : حلو اسم نور منك اوى
ياسين :چد عاچبك انتى احلى نور لا انتى نوارة قلبي ونور حياتى من هنا وطالع مهقولكيش غير نور حياتى
ياسين: بس تعرفى انتى يوم الفرح كنتى كيف البدر مكنتش قادر اشيل عينى من عليكى
نورهان ،: بجد . على فكره انت كمان كنت حلو اوى وكنت معجبه بلبسك وتسريحة شعرك ووقفتك كدا راجل بجد
ياسين: تعرفي انا طول عمرى قوى وشديد فى حديتى مع اى حد الا انتى بلاقي نفسي چارك حاچه تانيه ولما بسمع صوتك بحس ان الدنيا كلها فتحت قدامى
نورهان: انا كمان بحبك تكون جنبي بطمن وبفرح جدااا
ياسين :يابووووووووى
نورهان: هههههههههههههههههههههههههههه
ياسين : هههههههههههههههه ضحنك كيف الناى وهو بيعزف
**********************************************
وفى صباح يوم جديد ينزل الجميع الى ساحة المنزل يجتمعوا للفطار ولكن تطلب منهم الجده الخروج ليفطروا بالارض وسط الفلاحين وبعد خروجهم ولعب البنات وضحكاتهم التى ملأت المكان تدخل سليمه واميره ويذهبوا ليلقوا بانفسهم تحت قدم اسيل امام الفلاحين يتوسلوها بان تسامحهم وترحمهم من نيران الفقر وعذابه فتبتعد عنهم اسيل فى خوف وترجع للخلف لتصتدم بآسر تجده فى ضهرها يقف ثم تشعر بالقوه فهو الآن فى ضهرها يحميها
فتتحدث معهم بنبرة إحتقار عما اوصلهم غرورهم وطمعهم اليه قائله: انتوا خسرتونى حاجات كتير واهم حاجه ابنى بس بسبب اللى انتوا عملتوه ريحتونى من عدوى وخلصت منه انتوا هتمشوا من هنا بس عشان خاطر ياسين ولو فكرتوا ترجعوا هيكون ياسين اول واحد يخلص عليكم
آسر : يلا ارجعوا مكان ما كنتم لحد ما اخلص كل اوراقكم وتغوروا من هنا  يلا ثم ذهبوا فى انكسار وخجل ولكن أخيرا سيتخلصوا من هذا العذاب والذل امام اهل القريه ليذهبوا الى ذل اكبر فى بلاد الغرب
وبعد قليل تدخل الحاجه مبروكه ومعها فاطمه تسلم على الجميع ويتبادلوا الحديث والتعارف وتهتف مبروكه بفرحه قائله: انا چيت اطمن على اسيل وكمان ادعيكم تحضروا خطوبة بتى الدكتوره فاطمه والدكتور زياد
اسيل: انا دا بجد حصل امتى دا
مبروكه: مسافة ما روحنا يابتى لقيته هيخبط على باب دارنا وهيقولى انا عايز بنتك  على سنة الله ورسوله
انا يابتى  مردش باب الحلال وهو راچل زين و محترم ونسبه يشرف
أسيل: مبروك يافاطمه مبروك يا ماما مبروكه فاطمه تستاهل كل خير
مبروكه: الله يبارك فيكى يابتى وعقبال ما افرح بعوضك ان شاء الله
الجميع : ان شاء الله
فاطمه: لازم تحضرى يا اسيل انتى بقيتى كيف اختى تمام  وانا هتشرف بيكم طبعا كلكم
اسيل: اكيد يافاطمه ان شاء الله نكون معاكى  كلنا واحنا اللى نتشرف ان العروسه القمر دى بتاعتنا
تبتسم فاطمه بخجل قائله : تسلمى يا اسيل يارب
مبروكه :هنستناكم تشرفونا يوم الخميس بعد صلاة  العشا ان شاء الله
آسر: هنكون كلنا موجودين ان شاء الله
مبروكه : يلا عن اذنكم
***********************************************
وبعد مرور ايام يوم الخميس فى بيت مبروكه تحضر لمراسم الخطوبه لتتفاجئ باحد يطرق الباب اذا بسائق سيارة آسر وبعض العمال يحملون الكثير من الهدايا والطعام والفواكه والملابس التى ملأت بيت مبروكه بالفرحه وايضا ملابس وذهب لفاطمه لتكون عروسا جميله لا ينقصها شئ فظلت تدعو لآسر واسيل وفى الليل حضر الجميع وكانت فاطمه جميله جدا وتمت الخطبه فى سلام وبهجه وفرحة الجميع
زياد: مبروك يا احلى عروسه انا فرحتى النهارده متتقدرليهاطمه بخجل: الله يبارك فيك يازياد انا كمان فرحانه جوى
زياد: فرحانه جوى
فاطمه: ايه معچباكش لغتى ولا ايه !؟
زياد : احلى شفايف بتنطق احلى واجمل كلام
تبتسم فاطمه خجلا .😍😍😍😍😄😄😄
***********************************************
وبعد مرور اربعة اشهر جاء اليوم الموعود لياسين ونورهان وليلة زفافهم
فى اجمل قاعه كانت تجلس نورهان بفستان زفافها الابيض فى قمة جمالها وايضا ياسين كان فى قمة اناقته
وتجلس آيات مع زوجها مازن وبطنها ممتلئه فهى الآن حامل فى خمسة اشهر
مازن: يلا نطلع نسلم عليهم
آيات : لا لا يا مازن انا مكسوفه شوف بطنى عامله ازاى
مازن: والله ياقلبي زى القمر
يلا يا آسر انت واسيل يلا يادكتور زياد هات فاطمه وتعالى نسلم على العرسان
همت اسيل لتقف ولكنها شعرت بدوار شديد فامسكها آسر
آسر : مالك ياحبيبتى فى ايه انا ملاحظ انك مش مظبوطه من بدرى وبقالك كام يوم تعبانه
اسيل : مش عارفه يا آسر بدوخ فجآه انسي يلا نطلع للعرسان  وهمت لتذهب ولكنها شعرت بدوار شديد كادت ان تقع وهنا صمم آسر ان يترك الفرح ليذهب بها الى المستشفى سريعا حاولت أسيل باقناعه بعدم الذهاب ولكنه لم يسمع اليها واخذها الى المستشفى سريعا لتكشف عليها الطبيبه وتخبرهم باجمل واسعد خبر بان اسيل حامل فكان خبر سعيد جعل آسر يظل يقبل أسيل امام الطبيبه دون وعى والطبيبه تضحك عليهم وعلى خجل اسيل
وظل آسر ينظر لاسيل من حين لآخرويقبلها حتى وصلوا الى قاهة الفرح وطمأنوا الجميع وصعدوا جميعا مع العائله والاحباب بجانب  العرسان لاخذ صوره تذكاريه وكان آسر يقف مقابلا لاسيل يحتضنها وينظر بعينيها وتلتقط الصوره على هذا الوضع والجميع ينظر لهم ويبتسم على حبهم
يهمس آسر قائلا: حب حياتى وفرحتى
أسيل: انت آسرقلبي ولدمعى أسيل

💕💕💕💕💕💕💕💕💕💕💕💕💕💕💕