آسر قلبي ولدمعي آسيل

21

****الفصل الواحد وعشرون******

اميره: بص بقا يا ااا
عادل:عادل اسمى عادل
تنظر اميره نظرة استهزاء لهما قائله اسمع انت وهو انا عليا هعمل مشكله كبيره فى البيت بين آسر واسيل هتخلى اسيل تبعد عن آسر وبعدها علطول انت هتخطف اسيل وساعتها انا هسيب جواب لآسر على انه بخط اسيل انها بتكرهه ومش عايزاه تانى وميدورش عليها
عادل: وايه المشكله اللى تخليه يقتنع ان بسببها ممكن تسيبه
اميره : ملكش دعوه دى شغلتى انا
عادل : لا انا لازم اعرف كل حاجه قبل ما انفذ اى حاجه
اميره: هخليها تفكر انه كان معايا فى الاوضه فهمت
ظل عادل وفاروق ينظران اليها نظرات شهوانيه فما يوجد فتاه شريفه محترمه ترضي بذلك على نفسها
اميره: مالك ياحيوان انت وهو بتبصولى كدا ليه
عادل: حيوااان!!!؟. امممم مضطر استحملك على مانخلص الحوار دا ينتهى بس
اميره: اخرص متنساش نفسك وتنفذ اللى قولتلك عليه بالحرف والا هخلى آسر والكل يعرف بوجودك هنا
عادل : بصي يا اموره انا روحى فى ايدك وانتى كمان روحك فى ايدى واللى انا عايزه انتى عيزاه يعنى مصلحتنا واحده يبقا تبطلى الطريقه بتاعتك دى
نظرت له اميره بتكبر وغيظ وذهبت الى المنزل اما عادل فمازال غضبا والشر يتطاير فى عينيه
فاروق : البت دى شايفه نفسها اوى
عادل: سيبك منها انا هعرف ازاى اربيها بس الحوار دا يخلص
فاروق: بس البت دى بجحه اوى بتقولك هتخلي اسيل تشوفها مع آسر فى اوضة النوم وهى معاه بس غريبه ازاى آسر هيوافق على كل دا
عادل : اخلص حوار اسيل والدور عليها
فاروق: لا كفايه عليك المزه الجامده بنت عمك وسيبلى انا دى اهو اكون طلعت بحاجه من المشوار دا
عادل : ههههههه اهى قدامك اشبع بيها بس اوعى تعمل حاجه الا لما موضوعنا ينتهى
فاروق:اوامرك يا معلم
*********************************************
وفى الصباح اجتمع الجميع فى المنزل على الفطار تفاجئت نورهان بدخول ياسين فرحت كثيرا وامتلا وجهها بالابتسامات المتبادله بينهم وبعد الفطار جلس ياسين وآسر يتحدثان بأمور العمل وايضا نورهان واسيل بالجهة الاخرى يتحدثان وكانت سعاد بجانبهم تراقب نظرات ياسين لنورهان واعجابه بها فتفهمت الامر لتجلس بجانب نورهان تغمزها وتسألها :ايه الحكاية يابت اخوى
نورهان بقلق: حكاية ايه!!!؟
سعاد:انتى هتستعبطى ايه حكايه الواد دا عماليبص ويتغمز فى ايه!!!؟
نورهان:واد ايه ياعمتى دا صاحب شركة سياحه كبيره وبيشتغل مع آسر جوز اسيل و كمان يبقا ابن عمته
سعاد: ايوووه ايوووه وكمان عرفتى كل حاجه عنه
نورهان: والله ياعمتى مافى حاجه هو بس اعجاب متبادل
سعاد : اعجاب!!!؟اعجاب من واحد غنى زى دا لايابتى دا عمره ماهيفكر فى حد من مستوانا دول آخرهم يتعچبوا بينا وبعدين يدوروا على اللى من مستواهم يتچوزوه
نورهان: ليه بتقولى كدا ياعمتى ما آسر اتجوز أسيل
سعاد: لا اسيل عندها كتير مش زينا
نورهان : لا ياعمتى  آسر لما اتجوز اسيل مكنش يعرف ان عندها اى حاجه وكان عارف انها فقيره جداا
سعاد: اممم شكلك وقعتى يابنت اخوى عموما لو فى حاجه هيدخل البيت من بابه
نورهان بقلق: ان شاء الله ياعمتى
ثم يقاطع حديثهم  آسر  قائلا عن اذنكم ياجماعه لازم اخد أسيل عند الدكتور : يلا يا أسيل
أسيل: حاضر
ثم يذهبا الاثنين الى الدكتور ليكشف عليها ويعرف آخر اخبارها
الدكتور : مدام اسيل حركى صوابعك لو سمحتى
اسيل: حاضر وتحرك اصابع يديها
الدكتور : تمام. آسر بيه حضرتك هتاخدها الغرفه التانيه هعملها اشعه ولو كويسه هفك الجبس ان شاء الله
آسر : تمام يا دكتور تعالى يا آسيل ثم خرجا الى الغرفه الثانيه ليقوم الدكتور بعمل اشعه على يدها
ثم يخرجا  الى غرفة الكشف  بانتظار الدكتور 
آسر: هو اتاخر ليه كدا !!؟
اسيل: مالك مستعجل ليه كدا !!؟
آسر : عايزك تفكى الجبس دا بقا
اسيل: لحقت تزهق منى
آسر: لا ياقلبي والله انا اجمل لحظه لما باكلك بايديا او بنيمك ويغمز لها او اغيرلك هدومك واسرحلك شعرك
تخجل اسيل كثيرا وتنظر الى الارض ولكن قاطعهم الدكتور بالاشعه
آسر: خير يا دكتور ايه الاخبار!!؟
الدكتور :الحمد لله تمام . كل شئ تمام نقدر نفك الجبس بس هنمشي على العلاج فتره وكويس جرح رجلها بقا كويس وبتقدر تمشي عليها كويس
آسربفرحه تغمر قلبه لاستعادة حبيبته معافاه  وترجع صحتها مثل سابق
الدكتور وهو يمسك جهاز صغير بالكهرباء لفك الجبس:يلا يا مدام اسيل نفك الجبس
اسيل : ايه دا لا انا خايفه
الدكتور : متخافيش يامدام مش هيوجعك
اسيل: لا انا خايفه يا دكتور
آسر:اسيل حبيبتى متخافيش وامسك آسر اسيل وهو يحتضنها وينظر فى عينيها وكان دكتور يقوم بعمله ويفك لها الجبس من على ذراعها وبعد ان انهى قال: مبروك يا مدام اسيل. فكينا الجبس ودراعك دلوقتى كويس الحمد لله
ابتسمت اسيل قائله: شكرا يادكتور
آسر: شكرا يادكتور تعبناك معانا
الدكتور : على ايه دا واجبى حمدالله على سلامتها
آسر : الله يسلمك يا دكتور يلا بينا ياأسيل  ومسك يديها وذهب الى البيت وتفاجئ الجميع عندما رأوا ان اسيل فكت يدها وتحسنت بشكل سريع بعد مراعاة آسر لها واهتمامه بها
وعندما دخلت اسيل جلست مع الفتيات والجده ونورهان يتحدثون وفى هذه الاثناء نادى ياسين على آسر وعمة نورهان ليطلب يد نورهان
ياسين : خاله سعاد انى بدى اتچوز نورهان بت اخوكى ولو فى قبول انى على استعداد اچيب والدى نزوركم فى البيت
سعاد: والله يابنى انت زين ومفيش فيك عيب انا بتحدت ويا ابو نورهان وامها وبعرفك
آسر: ياسين ابن عمتى راجل ومحترم وهييلها فى عينيه
سعاد :بعرف ياولدى . ربنا يقدم اللى فيه الخير
تذهب سعاد سريعا الى نورهان لتاخذها فى مكان لتخبرها بهذا الخبر السعيد
سعاد : احنا لازم نمشي من اهنه طالما اتقدم معدش ينفع نقعد اهنه تانى وكمان عشان يچيب ابوه وياچى يتقدملك قعدتنا اهنه ما هتخليه ياچى وكمان اكلم امك وابوكى
نورهان بفرحه :اللى تشوفيه ياعمتى
********************************************
فى شركة الشرقاوى بالقاهره يجلس مازن فى مكتبه يعمل ليرن هاتفه ليجدها آيات: الو حبيبي
مازن: روح قلب حبيبك
أيات: بتعمل ايه
مازن: فى المكتب عندى شوية شغل
ايات: هتتاخر !!؟
مازن: لا ياروحى ان شاء الله
ايات : عملالك مفجآه
مازن : بجد مفجآة ايه
آيات: وتبقى مفجآه ازاى !!!؟
مازن: ماشي ياقلبي
ثم يغلق الهاتف ليجد هايدى تدخل المكتب
غضب مازن قائلا: انتى ايه اللى جايبك هنا تانى
هايدى : مالك يا مازن انت اول مره تتعامل معايا كدا
مازن : لازم تتعودى منى بعد كدا على كدا عشان انا راجل متجوز وبحب مراتى جدا
هايدى : بقولك ايه انا عرفت انك متجوز اخت صاحب الشركه اللى لها تلت الشركه دى اللى طبعا حضرتك اتجوزتها عشان تكوش عليه وتبقا مازن بيه
اوك انا معاك نخلص سوا وتطلقها وناخد انا وانت الفلوس
صفعها مازن بقوه وامسك شعرها حتى كاد ان يتقطع فى يده وهى تصرخ ثم ازاحت يده من عليها بقوه وهى تهتف عاليا : انا ممكن اوديك فى داهيه دلوقتى واصوت والم الكل عليا واقولهم بيغتصبنى شعر مازن بالقلق وسريعا فتحت هايدى ازرار ملابسها ليظهر من جسدها الكثير واقتربت منه كثير وفى هذه الاثناء دخلت أيات وبيدها علبة بها هديه مزخرفه فخمه ولكنها انصدمت مما راته وظلت تنظر لمازن والدموع تنهمر من مقلتيها  حاول مازن انقاذ الموقف وان يمسك يدها ولكنها ازاحت يده سريعا وهى تقول ببكاء شديد قولتلى على اللى فات من حياتك وغفرتلك ووعدتنى وصدقتك بس النهارده كسرتنى
ثم ذهبت سريعا قبل ان تسمع منه اى اعتذار او مبرر
صفع مازن اميره صفعات متتاليه وجرها من شعرها حتى رماها خارج مكتبه