دوروا منيح هزوت وياسين لكنهم ما لقوا أي شي...لحد م سمعوا صوت ضجة بالطابق الأرضي بالقصر
هزوت نظرات ياسين المرتعبة كانت بتطلب من هزوت أنه ما يتركه
وك صرلك فوق العشرين سنة عايش ومتعايش مع عفريت ومع عيلة عفاريت...هلأ صرت تخاف؟؟ اثبت
*حاضر وبلع ريقه بخوف
نازل اتأكد مين في تحت وراجع..خليك مكانك شو ما سمعت...
*مفهوم
وترك هزوت ياسين وراح يتفقد مصدر الضجة..ولما اختفى هزوت من قدام نظر ياسين تلفت ياسين برعب أرجاء الغرفة وسمع صوت خطوات تقيلة بتقرب اتجاه.
هزمت..مهزوم
لكن هزوت ما اكد وجوده ف عرف ياسين أنه اللي عم يقرب منه مش هزوت..قلبه مش مرتاح ومرعوب. .وبأي لحظة ممكن يفقد الوعي..
صوت الخطوات بتقرب منه بسرعة...قلبه دق أسرع وأسرع..غمض عيونه لما الخطوات صارت كتير قريبه منه. .وكان على وشك أنه يصرخ لو ما حط تميم ايده ع كتف ياسين
تميم!! صاح ياسين بهلع وبدون وعي
ولك أهدأ...طول عمرك جبان..انا مش عارف كيف سارة امنتك ع هيك عملية
*ك.ك.كيف عرفت بالموضوع!!
-م هي خبرتني أنك مش رح تكون صامد بالقصر..ف وصتني اني أجي أكون معك انت وهزوت
بلحظتها دخل هزوت وهو عم يلهث
ياس أنت...أنت بخير؟؟! وانصدم بوجود تميم
*مرحبا هزوت
-أهلا تميم...حسيت بنبض ياسين وهو عم يدق أسرع من مكينة الخياطة...قلت اكيد هالولد روحه رح تطلع من الخوف
*كيف سارة وكلته لهيك مهمة؟؟
-كيف عرفت ؟؟!
ابتسم تميم ابتسامة مصطنعة بعرف..سارة حكتلي عن الموضوع من قبل...يلا لازم نخلص قبل م تصير الساعة خمسة...موعد وصول بقية أفراد القبيلة..يا هزوت
*حاضر تميم
دوروا التلاتة على أي شي يفيدهم لحد م قعد تميم عالسرير الواسع بالغرفة المشعة.
وفكر.مع نفسه سارة.يعني انتي عارفة شو ورطتي الولد؟؟ حرام يضيع بين بني تميمة إذا لقطوه..بس انا وعدتك اني احميه هو والبقية...بس يلا ساعديني. إذا بدك نوصل للمرحلة الأخيرة...ساعديني
هو خلص تفكيره حس بوجود شيء تحت السرير ...
نزل عالارض ع ركبة وحدة ورفع جانب الغطا ت يشوف أيش في تحت السرير وأبتسم فجأة لما شاف الشئ اللي بدوياه. ..
ياسين..هزوت..لقيت غرضنا. .مد ايده تحت السرير لحد م مسك تميم صندوق خشبي اسود صغير شوي...
وطلعه بلحظتها كان ياسين وهزوت واقفين جنب تميم
حاول تميم فتح الصندوق لكن بالوقت االي فتح فيه الصندوق تحولت الغرفة المشعة إلى غرفة موحشة جدا..مظلمة...هواها بارد متل الثلج...
مسك ياسين بسرعة ايد هزوت ليشد هزوت ع ايد ياسين ويطمنه...
جسد ياسين كله بيرتعش. ..فكر هزوت وك صرلك طول عمرك عايش مع عفريت...ليش هلأ خايف؟؟!
ووصل التفكير لياسين لكن كل اللي حكاه ياسين
هزوت انتوا مختلفين...عمركم ما رعبتوني بهاد الشكل
ضحك هزوت وقال بعقله لياسين ما تقلق...ما حدا رح يسترجي يعمل أي شي..انا وتميم هوون معك..وأغلب بني تميمة بخافوا من تميم...لأنه مارد
*هزوت لا تتركني
-مش رح اتركك
الهوا صار كتير أبرد من قبل...ياسين بلش يدوخ. .هزوت قلقان على ياسين ومعصب وتميم بلش يعصب بزيادة...
طلع صوت مرعب من العدم بقول تميم..اطلعوا قبل م يصير شر
*مين انت؟؟!
-المفروض أنك بتعرف مين احنا
*احنا؟؟! ليش كم واحد منكم هون؟
-سبعة....بس يا تميم..اطلعوا قبل م يصير شر
*مش رح نطلع يا راج....
-يعني مصمم أنكم تضلوا؟؟!طب عالأقل هات الصندوق
ضحك تميم احنا والصندوق رح نطلع...يا راج
*كتير عنيد تميم...
-لسة ما بتعرفني منيح يا راج...لو ما أنك زوج اختي بس...لكنت حرقتك بأرضك. ..
*مين قالك اني خايف منك؟؟ حتى لو أنت كنت اخو مرتي. .ما بهمني
صاح فيه تميم اتقي شري يا راج....ما بدي أفتح مواضيع عائلية بهيك موقف....اتركنا بحالنا يا راج احسن لك...
*مو بيدي...السيد حاق وكلنا على القصر من زمان...وأمرنا أنه نضل نحرسه...
قاطعه تميم بعصبية مصطنعة السيد حاق رح ينتهي يا راج. ..
*شكلك رح تعلق مع بقية القبيلة يا تميم...
-راج....
وبلحظة غضب تلاشى تميم من قدام نظر ياسين..كان ياسين ع وشك أنه يفقد الوعي من المنظر..
اختفى تميم ورجع ع هيئته الأصلية...
وبعد دقيقة سمع ياسين وهزوت أصوات ضجة وحركة سريعة وصوت صراخ...
وبعد عشر دقائق اشتعلت نار رهيبة بالغرفة ..أتطلع ياسين على الحيط وشاف خيالات مرعبة. ..
وكل ثانية بتمر..حجم الظل الظاهر عالحيط عم يصير أضخم واضخم...وظهرت خيالات كتيرة بجانب الظل الضخم ...وكل م عم يزيد حجم الخيالات عم تزداد النار بالغرفة....
لحد م هدي كل شئ واختفت النار فجأة...وفقد ياسين وعيه لما اكتشف أنه هزوت مش موجود معه كهيئة بشرية..كان هزوت عم يقاتل مع تميم...
وبعد م انتهى كل شئ.. واختفت النار كان ياسين بعده فاقد الوعي...
رجع هزوت وتميم لهيئتهم البشرية...وشافوا ياسين على هاي الحالة. ..دخل هزوت لأفكار ياسين وقله
ولك يا رجل أثبت...ليش فقدت الوعي؟؟
*ما...ما قدرت...أقسم بالله لما ما لقيتك جنبي خف عقلي....و..و حسيت إني رح أموت..
-طيب يلا اوعى..اصحى يا زلمة...ضروري تصحى
وحس ياسين أنه في كف حامي ضرب خده وقام من الاغماءة متل المصروع وشاف تميم وهزوت جنبه
*أخيرا صحيت...خلص خلصنا عليهم
-تميم...يعني هلأ...فينا نرجع عالبيت ؟؟!
ضحك تميم على ياسين واتطلع على هزوت
نفسي افهم شغلة...ليش سارة اختارت ياسين؟
-شو عرفني
حمل تميم الصندوق وطلع ووراه ياسين وهزوت...اتجهوا لبيت ماري سيدرا. .
تميم؟! سألت ماري سيدرا أول م فتحت باب للبيت وشافت قدامها تميم
تميم الساعة أربعة الفجر
*بعرف بعرف...ممكن ندخل
تفاجئت بوجود ياسين وهزوت برفقة تميم..دخلوا اربعتهم لغرفة الضيوف
اخد تميم نفس عميق واتطلع بعيون ماري سيدرا بكل حب وابتسامة عريضة ع وجهه
كيفك؟؟
-بخير. ..تميم حبيبي شو جابكم؟ ؟وياسين شو عم يعمل هون؟!
*سارة عطت ياسين مهمة....وراح هو وهزوت ت ينفذوها بالقصر...بس طبعا انقذتهم باللحظات الأخيرة...
-بطلي العفريت أنت حكت ماري لتميم بحب
#ممكن تميم وماري نشوف شو بدنا نعمل بالصندوق قاطعهم ياسين بانفعال
*حاضر حاضر... رد تميم..مسك الصندوق مرة تانية وفتحه...
أوراق..بس أوراق
*طب تميم اقرأهم. .
-مكتوبين بالعبري...وفي كم طلسم بالروماني وبالفرعوني..
*طيب!!؟
-رح أقرأ..وأشوف لوين رح نوصل
وبلش تميم بقراءة الأوراق الموجودة. .وابتسم فجأة .
لقيتها...خلينا هلأ نرجع...والصبح بنحكي. ..
.................................
وبعد بيوم اجتمع ياسين مع تميم وهزوت وماري سيدرا..
اتفقوا ع خطة وبدأوا يحللوا كل شئ حكاه تميم..
واتوجه ياسين لمنزل ماهر..عمه الكبير. ..البيت اللي قاعد فيه حاق ...رغم انه بيت ماهر...
دخل ياسين وسلم على عمه وسأل عن حاق..وبعد ثواني ظهر حاق بعكازته ونظراته القاتلة...
وقعد ع كرسيه المعتاد...وبعد ربع ساعة دخل أبوه رأفت ودخلوا بقية أحفاد العيلة عشان يشهدوا اللي رح يصير...
كان ياسين مبتسم بقوة وكأنه عارف انه رح ينتصر...
كان متأكد انه هاي هي لحظة النهاية...
كان الجميع قاعد م عدا ياسين...كان حاطط أيده بجيبته والتانية كان ماسك فيها كاسة قهوة...
كلنا بنعرف انه ما حدا رح يضل عايش للأبد...تحديدا حاق
*بتقول السيد حاق قاطعه ماهر بعصبية
-لاء عمي...انا آسف...حاق وبس....المهم...جيت لهون اليوم وجمعتكم هون لتشهدوا نهايته لحاق. .
انا يا حاق..لقيت الطريقة اللي تخليك تلحق جدي عارف لكن قبل م ابلش بالطقوس.... بدي احكي شغلة...
شال ايده من جيبته وترك الكوب على طاولة صغيرة واتطلع بالجميع حاق لازم ينتهي اليوم قبل بكرا...لأنه هو مربوط بجدو عارف..متل م عرفنا انه سارة مربوطة بكنعان رابط دم...وكلنا مربوطين بعفاريتنا برضه برابط دم..وانضحك علينا من حاق....كل شي عمله كرمال بس انه يلقط الحجر الأسود...ويطلعه من جسم سارة لكن جسم سارة تشبع بالحجر...ولما حاق طلع الحجر من سارة..كان لسة في شوية بقايا...قدر من خلالها حاق انه ينزع الرابط اللي بينه وبين جدو عارف...عشان هيك لما توفى جدو عارف...حاق ما مات معه مع انه المفروض يموتوا سوا. ..لكن...للأسف كان الرابط مقطوع...
كمل تميم عنه واحنا...اكتشفنا طريقة....ت نرجع الرابط بين حاق وعارف...واليوم...نهاية حاق..
ضحك حاق بقوة وصار يصقف...
انتوا هيك اكتشفتوا الشيء اللي كنت مخبيه. .
كانت نبرته نبرة سخرية .
عمركم ما رح تفهموا ليش عملنا هيك....
بس بحركة سريعة طلع ياسين قطعة لونها اسود وسحب عكازة حاق بسرعة لدرجة انه حاق استوعب بعد بوقت...
حط ياسين القطعة ع الطاولة وبالعكازة كسر القطعة...
وصارت القطعة اشلاء والعكازة تحول لونها للون الفيروزي. .
شعر حاق بوقتها بضيق نفس وكأنه في حدا عم يخنقه..
ما حدا قدر يقرب عليه وكأنه صار في حاجز بينهم وبين حاق...وهاد الحاجز ظهر لحاله...
استمر حاق على هاي الحالة خمس دقايق لحد م استسلم جسمه..وارتخت عضلاته ..ولما انقطع عنه النفس اختفى الحاجز وقرب ماهر عليه وخبرهم انه مات خلص...
ولما سمع الجميع خبر موت حاق ...ابتسموا. .كأنهم كانوا بلعنة. .وهﻷ تخلصوا من هاي اللعنة ...
.................
أنت تقرأ
وريث الزعيم
Romanceلم تنتهي حكاية سارة تركي القصير الوريث... ما زالت ذكراها تصدح في كل الأمكنة... كلنا ما زلنا نشعر بالعجز بعدها.. رحيلها كان أشبه ببتر ذراع وارواحنا
