Part 61
" ကိုကို စားလို့ကောင်းလား "
ကိုကိုကခေါင်းညိတ်ပြသည်။
" မေမေကိုယ့်တိုင်ချက်ထားတာ
ကောင်းရဲ့လား "
ကိုကိုကထပ်မံခေါင်းညိတ်ပြပြန်သည်။
" ကိုကိုဘာဟင်းစားဦးမလဲ "
ကိုကိုကခေါင်းညိတ်ပြသည်။
" ဘာဟင်းစားမလဲ မေးတာ
ဘာလို့ခေါင်းညိတ်ပြပြန်တာလဲ "
ကိုကိုကပါးစပ်ဟပေးသည်။ ကျွန်တော်ကိုကို့ကို ထမင်းခွံကျွေးနေရသည်။ ကိုကိုက ခွံမကျွေးရင်
မစားသလို အခုထိ စကားတစ်လုံးမှလည်း
မပြောသေးဘူး။ ကျွန်တော်ကိုကို စကားပြောအောင် မေးခွန်းတွေ တရစပ်မေး စကားတွေအများကြီးပြောနေပေမဲ့ ကိုကိုက ဘာတစ်ခွန်းမှပြန်မပြောပေ။
ကိုကို စိတ်မရှည်ပဲ ပြန်အော်အောင် မေးခွန်းတွေ တရစပ်မေးနေပေမဲ့လည်း ကိုကိုက ပြန်မအော်ပဲ ခေါင်းညိတ်ပြသည်။
" ကိုကို!... ကိုကိုဘာလို့စကားမပြောတာလဲ "
ကိုကိုထမင်းစားနေရင်းကထပြီး
အိမ်ပေါ်တက်သွားသည်။
" သားကြီးထမင်းစားနေတုန်း
စိတ်ညစ်အောင်မမေးပါနဲ့လား သားငယ် "
" ခါတိုင်းဆို ဒီအိမ်မှာ ကိုကို စကားသံတွေပဲ
ကြားနေရသည်။ တရစပ်စကားတွေပြော
ဂျီကျ ဆူပူပြီး အရမ်းရစ်တက်တဲ့ ကိုကိုက
အခုဘာစားချင်လဲမေးမရ ချက်တာပဲစားနေတယ်။ ဘာလို့ချင်လဲ ဘာသောက်ချင်လဲ ဘာလုပ်ချင်လဲ
ဘာဆိုဘာကိုမှ မပြောတော့ဘူး "
" သားကြီးနေချင်သလိုနေပါစေ သားငယ်
ပါပါးတို့လည်း သားကြီး စကားသံကိုကြားချင်ပေမဲ့ အခုတော့ အတင်းအကျပ်မလုပ်ပါနဲ့သားကြီး ကျန်းမာရေးအခြေအနေကို သားသိနေတာပဲ "
" ဟုတ်ကဲ့ ကိုကိုထမင်းစားပြီးပြီဆိုတော့ P'Yorch ကို ထမင်းထွက်လာစားခိုင်းလိုက်အုန်း P'Yorch လည်း ကိုကိုနဲ့ မဆုံအောင်နေနေရတာ
ပင်ပန်းလှပါတယ် "
သားကြီးအခြေအနေကောင်းသွားရင် Yorch လည်း သားကြီးကို ရှောင်စရာမလိုတော့ပါဘူး "
"Yorchကိုယ့်တိုင်က သားကြီးစိတ်ဒဏ်ရာရမှာဆိုးလို့ ရှောင်နေတာဆိုတော့ Yorch ညီမကို
ထောင်ချတာ လွန်သွားပြီလား "
" မလွန်ပါဘူး အဲ့လိုမိန်းမမျိုးက
သေဒဏ်တောင် ချသင့်တယ် "
သားငယ်လေးပြောပြီး အပေါ်တက်သွားသည်။ သားငယ်လေးရော့ ကျွန်မကိုရင်ထဲမှာ စိတ်ခုနေမလား
♥♥
ကိုကိုအိပ်ဖို့ အိပ်ရာအသစ်လဲပေးရင်း
မေမေက ကိုကိုညမအိပ်ခင် တိုက်နေကျ နွားနို့လာတိုက်သည်။ ကိုကို နွားနို့ သောက်ပြီး အိပ်ရာပေါ်လှဲအိပ်သည်။ မေမေကက ကိုကိုနဖူးကိုနမ်းပြီး GoodNight လိုပြောသွားသည်။ ကျွန်တော်ရေမိုးချိုးပြီး အိပ်ရာပေါ်လှဲလိုက်တာနဲ့ ကိုကို
ခါးကို တင်းတင်းကျပ်ကျပ်လာဖက်သည်။
" ဘာဖြစ်လို့လဲ ကိုကို "
ကိုကိုခေါင်းရမ်းပြပြီး ခါးကိုဖက်ထားသည်။
" ကိုကို ကျွန်တော်ကိုချစ်ရဲ့လား ကျွန်တော်ကတော့ ကိုကို့ကိုအရမ်းချစ်တယ် ဘယ်လောက်ထိ
ချစ်လဲဆိုတော့ ကျွန်တော်အသက်ထက်ပိုချစ်တယ် ကိုကိုက ကျွန်တော်ကြောင့် ဒဏ်ရာရသွားတာ ကျွန်တော်ကားမောင်းမဆင်ခြင်လို့ ကိုကို နှလုံးက အထိမခံနိုင်ခဲ့တာ အဲ့ကတည်းက ကျွန်တော်ဆုံးဖြတ်ခဲ့တာက ကိုကို့ကို စိတ်ချမ်းသာအောင်ထားမယ် ကိုကိုကိုကာကွယ်ပေးမယ်ဆိုတဲ့ အတွေးတွေပဲရှီတယ်။ ဒါပေမဲ့ ကျွန်တော်က အလကားကောင်ပဲ ကိုကိုကို မကာကွယ်ပေးနိုင်ဘူး "
ကိုကို ကျွန်တော်ပါးကို လာနမ်းသည်။
ကျွန်တော်လိုချင်တာ ကိုကိုရဲ့ စကားပြောသံ
ရန်တွေ့သံပါ ကျွန်တော်စိတ်မညစ်အောင်နမ်းတဲ့ ကိုကိုအနမ်းထက် ကိုကိုစကားပြောတာ
ပိုလိုချင်ခဲ့တာဖြစ်သည်။
