نوفيلا"هنا سعادتي"
ح(7)
مرت الأيام سريعآ، وزادت شهرة نبيل، وعلي
وأقبل عليهم الزبائن بكثره، فأصبح المكان لا يستوعب السيارات لضيقه.
علي: هنعمل إيه يابلبل عايزين نوسع الورشه شويه.
نبيل بتفكير: محل عمك لطفي لو اشتريناه، ندخله في الورشه تبقى حلوه أوي.
علي باستياء: بس ده راجل طماع، كان عارضه بسعر قليل جدآ؛ لأنه محتاج الفلوس، وأول ما سمع إن احنا عايزينه، رفع السعر للضعف علشان متأكد إنه الوحيد اللي ينفع للورشه هنا.
نبيل: مينفعش نتكلم عليه في غيابه ياصاحبي، وبعدين هو حر، وأدرى بحق حاجته، احنا بقى عجبنا السعر نشتري معجبش خلاص.
علي: طب هنعمل إيه هو عايز 120، واحنا معانا أنا وانت 50، هندبر الباقي منين؟
هنا سمعوا صوت العم صالح يدخل عليهم الورشه.
صالح: السلام عليكم.
نبيل وعلي بابتسامه وعليكم السلام، اتفضل ياعمي.
صالح :كنت قريب جيت أسأل عليك، وعلى والدتك، واختك ناقصها حاجه الفرح بعد يومين.
نبيل: ربنا يبارك في عمرك ياعمي والله حضرتك ونعم الصديق، احنا تمام في فضل ونعمه، ومنى كل حاجتها جاهزه.
صالح وهو يقف: طيب يابني الحمد لله ربنا يتم فرحتها على خير، بس يانبيل الورشه هنا بقيت صغيره أوي، ما توسعها شويه يابني.
علي باندفاع: ياريت لو بس عم لطفي بتساهل شويه.
لكزه نبيل بخفه وقال: ربنا ييسر ياعمي بعد فرح منى هشوف الموضوع ده مع عم لطفي.
صالح بتفهم: قولي يانبيل بصراحه انت معاك كام؟
نبيل بإحراج: احم أنا وعلي معانا 50 ألف.
علي مسرعآ: ممكن أتصرف في 10 كمان من والدي، ونردهم بعدين.
صالح: والمطلوب كام.
علي:120 ألف يعني لسه النص.
صالح: طيب أنا هعدي عليك يانبيل بعد العشا، ونروح للطفي هو كان صاحب والدك الله يرحمه، وأكيد هيعمله خاطر.
نبيل بتردد: بس ياعمي قاطعه صالح مبسش ولا حاجه، ها هتيجي معانا ياعلوه.
علي بضحك: أكيد يعني راشئ معاكم.
ضحكوا جميعآ وردد صالح: على خيرة الله.
بالفعل بعد الصلاة ذهبوا ومعهم المبلغ، وتفاجئوا بوجود المحامي عند الحاج عوض.
نبيل باندهاش: إيه ده احنا كنا لسه جاين نتفق، وناخد رأيك ياعم عوض.
لطفي بابتسامه: عمك صالح جالي العصر واتفقنا، علشان خاطر والدك هخليهم 110 بس، وهاخد اللي معاك والباقي هاته لما تفرج عليكم.
نبيل بامتنان: شكرآ ياعم لطفي وانت ياعم صالح مش عارف أوفيك حقك ازاي.
صالح: ياله بلاش تضيع وقت، الأستاذ عزت المحامي مش فاضي.
تمت كتابة العقد مناصفة بين نبيل، وعلي بناء على رغبة نبيل، رغم اعتراض علي.
وحين وضع نبيل المبلغ أمام عوض وقال دول 60 ألف ياعم عوض. وجد يد صالح تمد وتضع نقودآ وقال: كده 80 ياعوض، والباقي ربنا ييسرها عليهم، وتاخده فى أقرب وقت.
حدث هذا وسط اندهاش نبيل وعلي الذين حاولوا منع صالح عن هذا ولكن لم يفلحوا.
صالح: اعتبر ان الفلوس دي هتسدها لعوض، بس الفرق اني مش مستعجل، سدده أول، ووالد علي وبعدين أنا في أي وقت ياولادي.
نطق نبيل وعلي عبارات الشكر والإمتنان له.
مرت الأيام، وتم زفاف منى، وانتهت السنه الدراسيه، وطوال فترة العطله الصيفيه، رغم انشغال نبيل وعلي بتوسيع الورشه، وإنهاء عملهم، إلا أن نبيل دائمآ كان يتذكر شاهندا بشكل مستمر، مما جعله يسأل نفسه: إيه يانبيل هى ليه معلقه معاك كده، دي عمرها ما كانت طريقة تفكيرك، معقول أكون حبيتها؟! أيوه أنا فعلآ أعجبت بيها من أول ما سمعت كلامها لهند. بس أنا فين وهما فين؟ ثم تابع بحزن أكيد والدها هيرفض ارتباطنا لو اتقدمتلها.
عند شاهي لم بختلف حالها كثيرآ عن نبيل، فهي تشعر بافتقادها له. رغم عدم تحدثهم كثيرآ فنبيل شاب ملتزم، ويحافظ عليها.
لكن ما كان يؤرقها هو إلحاح شادي ابن خالتها بالإرتباط بها، وهى تشعر أن والدها يريد الموافقه، لكن لا يحب أن يكون غاصب لها.
مجدي بهدوء: ياشاهي ياحبيبتي انتي بنتي الوحيده، نفسي أطمن عليكي قبلةما أموت.
شاهى مسرعه: بعد الشر عنك يابابي، ربنا يبارك في عمرك.
مجدي: أنا عارف ان شادي طايش شويه، بس بكره الجواز، والمسؤليه يعقلوه، واهو ابن خالتك هيحافظ عليكي.
شاهي: بابا ياحبيبي شادي مش طايش شادي أخلاقه كده، دي تربيته، والده رباه على الطمع، وعدم تحمل المسؤليه إنه بتغير ده مستحيل. وبعدين يابابي أنا مش بحبه ولا متفاهمين أبدآ.
مجدي بقلة حيله: خلاص ياحبيبتي اللي تحبيه، أنا خارج رايح المعرض عايزه حاجه قبل ما أخرج حبيبتي.
شاهي بابتسامه:تسلملي ياروح قلب شاهي، أنا اللي هتجوزه لازم يكون شبهك، في رجولتك، وحنيتك، وصلة رحمك دي حتى عمتي ربنا يرحمها مش بتشيل صورتها من مكتبك، ولا محفظتك.
هنا ترقرقت الدموع بعين مجدي عند ذكر أخته التي يفتقدها كثيرآ، وكان ومازال يبحث عنها، ويتمنى أن تكون مازالت على قيد الحياه؛ فقد أخبر زوجته،وابنته أنها توفت كما أمره والده.
شاهي: أسفه يابابي الظاهر اني فكرتك بعمتو.
مجدي: أنا مش ناسيها ياشاهي علشان أفتكرها. ومسح دموعه وقبل أن يذهب قالت شاهي' بابي بعد إذنك هخرج أنا وهند نشتري شوية حاجات، الجامعه كمان يومين.
مجدي بهدوء: ماشي ياروحي متتأخريش.
شاهي: حاضر ياأحسن أب.
