الفصل السابع :- (( فقط البداية ))
صرخت بفزع قائلة : اسبوع مين ده انا لا اعرفه ولا يعرفني ده ميعرفش اسمي حتي
هتف هو بمكر : لا انتي عرفاني كويس يا آيات
نظرت له باستنكار قائلة بغضب : عرفت اسمي منين يا بني آدم انت
تجاهلها وهو يتحدث مع والدتها قائلا بجدية طفيفة : خلاص يا امي ان شاء الله هتجهز في الاوتيل والفستان وكل حاجة عليا
اومات له ثرية قائلة بحنان : تمام يا حبيبي ربنا يبارك فيك
صرخت بهم قائلة بجنون : انتو بتغنوا وتردوا علي بعض ده معداش ساعة عارفينه مالك يا ماما
هتفت ثرية بجدية : انا موافقة
فلاش باك
كانت تطهو الطعام لتجد ان احد ما يطرق الباب
فتحت لتجده يقف امامها بشموخ قائلا : السلام عليكم
ثرية بهدوء : وعليكم السلام مين حضرتك ؟!
هتف هو بهدوء : انا ثائر الألفي واعرف حضرتك يا ثرية هانم وبنت حضرتك آيات ممكن تسمحيلي ادخل وانا هشرحلك كل حاجة
افسحت له الطريق ليدلف وهو يتفحص المنزل ف رغم بساطته إلا أنه أنيق..
اشارت له بالجلوس علي احد المقاعد قائلة بهدوء : اتفضل ممكن اعرف تعرفني منين انا وبنتي
تنهد وبدأ يسرد لها كل ماحدث لينهي حديثه قائلا بجدية : اما انا جاي ليه ف انا عايز اتقدم لبنت حضرتك وماتسألنيش ازاي لأني بعرف الشخصيات علي حقيقتها وعرفت كل حاجة عنها واحترامها ،، اليوم ده اكدلي كده وخلاني آجي لحضرتك وعايزة اعرف رأيك
ابتسمت هي بود قائلة : انا موافقة يا ابني عشان عارفة انك هتحافظ عليها وهتهدها شوية!!
ابتسم قائلا بهدوء : ماتخافيش وياريت ماتعرفش حاجة عن مقابلتنا دي
اومات له بهدوء ومن ثم نهض وانصرف بهدوء....
عودة
هتفت هي بغضب : يعني شوفتوا بعض وحددتوا واتفقتوا وقررتوا وانا هوا صح
ثرية برزانة : خلاص الفرح بعد شهر تكونوا اتعرفتوا علي بعض
*********
بعد خروجه من منزلهم وهو يتبادل معها نظرات الغضب والعناد والاستفزاز والبرود.....
وجد اتصال من يامن ليرد قائلا بتمهل : عملت مصيبة ايه يا يامن
هتف بغضب وجدية : انت فين
رفع حاجبة الأيمن للأعلي قائلا بدهشة : هروح علي البيت
كان صزت تنفسه العالي وغضبه واضح جدا ليهتف بغضب : هستناك في الڤيلا ويلا بسرعة ماتتأخرش
