حب بالإجبار (نهوة)

الجزء الاول

مرحبا اني اسمي اسيل عمري 18 سنه بيضة طولي وسط عيوني خضر كبار وشعري طويل اهلي ممخليني اكمل اعدادي لان ميصير عدهم عيب !اعيش بعائلة من 6 افراد اني وماما وبابا و واخوية عمار (25) خاطب واخوية سلام(23)
مبين عليه يحب بس ميحجي واختي رنا (22) متزوجة !
حياتي عبارة عن خراب بحيث ما اعتبر عندي اب لان اللي حاكمنه هوه ابن عمي واذا يريد يضرب ابوية محد اله دخل بي ! وبالنسبة لبنات عشيرتنه همه والماكو سوة نكعد بوكت وننام بوكت ونتنفس باذن ونحجي باذن وكلشي عدنه بإذن ! جدي حارث جان ناهينة نطلع صوته بحضور اي رجال وناهينه نكوم والرياجيل كاعدة الة باذن باختصار اذا انتي بنية مراح تتمنين تكونين بهالعائلة وعمامي كلهم الهم سلطة علينه وابوية ولاجنه اب ميهمة ننضرب لو ننهان لا اصغر واحد من اخوانه وهم لان عنده البنات ميسوون شي وعدكم محمود ابنة لعمي تركي كلشي بيدة محد يوكف بعينه وكلبه قاسي هذا اللي ينغص عليه عيشتي !
.......................................................................
الصبح : جنت نايمة ومسترخية وماحاسة بالوقت وما اشوف الة احد يدغني ويدفع بية حتى اكوم اكيد هاي ماما !
اسيل : ماما فدوة خمس دقايق خليني نايمة !
الام : بنتي والله ابوج يكلب الدنيا على راسي والله !
حسيت بيها ماريدها تتأذى كمت وياها وسوت امي الريوك وامي سويت الجاي حطيته عالسفرة وصحت ابوية واخواني!
عالسفرة :
سلام : يابة مو علساس اليوم نروح للعمارة شصار ؟
الاب : اي ابني متغير شي تعال اخذني من الدوام ونروح !
عمار : ليش يابة شعدكم.؟ 
لاب : نشوف بنت عمتك متعاركة ويا رجلهة !
عمار : يصير خير يحتاج اجي ؟.   الاب : لا مايحتاج !
طبعاً اني وامي بكلبنه حجي ومتأكدة بس ميخلونة نحجي !
خلصنه فطور الكل راح لدوامه بس اني وماما ضلينه نلم ونسولف !
اسيل : ماما شبيهة عمتي وليش رايحيلها ؟
الام : بنتي بنت عمتج متعاركة ويا رجلهة (ابن عمي ابراهيم)
ورايحيلها !  اسيل : اول مرة اشوفهم يدافعون على بنت منه !
الام : بنتي ميدافعولها رايحين يقوون ابن عمج !
اسيل : ااااخ ماما اااخ حسبي الله !  الام : اششش ميصير بنتي!
كملنه لم وكعدت اتفرج تلفزيون لان كلشي ماعندي بعد !
انفتحت الباب عرفت بيها امي ملبست حجاب عفته !
اسيل: تعالي كعدي ماما !   ؟؟بعياط: كوووومي ولج !
يمة عرفت هذا محمود كلبي وكع كمت بسرعة بس حجاب ماكو شسويي !  محمود تقدملي وكف كدامي !
محمود بعياط :شلون تكعدين هيج بدون حجاب هاا ؟ انعل والديج بنت الك** !  اسيل : معبالي احد حيد...! قاطعني
محمود : بنت الك** مو اني طبيت ! جرني من ايدي وكعني بالكاع جسمي تكسر من دفعته الي شفت ماما تباوعلي وتبجي مابيدها حل !
واني ميته خوف منه !  اسيل : الله يخليك سامحني معبال!قاطعني
محمود : انجبي ولج يلا روحي لبسي حجابج وولي سويلي كهوة !
هزيت راسي حان يلزمني من زندي ويكومني ويجرني من شعري
محمود بعياط : من احجي وياج تردين حيوانه!  اسيل : صار !
رحت لبست حجابي واني ميته بجي والدموع بعيني اني مو محجبه كلش يعني اطلع كذلتي !
لبست حجابي ونزلت للمطبخ اسوي كهوة وابجي على حضي !
سويت وكلت لماما الله يخليج وديها اله ماتحمل يسويلي شي يوم !
ودتهة الة وحطتهة كدامة ! محمود : شنو ماعدهة ايد تجيبهة رجعيها وخلي هية تجيبها يلااا! امي سودة علية متكدر تحاجي جابت الكهوة واني وديتهة بس عدلت حجابي كدامه حتى ليضربني !
فتت حطيتهة كدامة ! اسيل : مح...محطيتلك شكر ...انت حط !
محمود : لج حطيلي اثنين يلا ! حطيتله جيلتين ورحت للمطبخ
شرب كهوته وصاح بعياط : اسيييييل ! كلبي وكف رحت شفت شبي هالمجنون !  اسيل : نعم ؟.  محمود : شيلي يلا وولي اني طالع !
اسيل : الله وياك ! وبكلبي كلت روحة بلة ودة وفراش بلة مخدة !
طلع وديت الكوب حطيته بالمطبخ غسلته ورحت ذبيت حجابي !
بعدين ...
.......................................................................
يتبع