حب بالإجبار (نهوة)

الجزء 18

ريم : هي هي هي انتي منو طلعي بره لا انده عليج العالم !
............................................
ريام :
سمعت صدمات بجهاز التنصت
فهد : محمود اسف سليم صارتله مصيبه بالعشيره راح يحلها جيتك اني و ووسام شرايد خويي !
محمود : متكصرون شلون حبدي ... شوفوا تتذكرون البنيه سنا اللي اني حابس ابوها ومالها احد ابد ؟ (البارت 8). فهد ،وسام : شبيها ؟
محمود : اني جنت بعلاقة وياها وهسه مات ابوها وابن عمها يريدها وهيه فاقده العذريه على ايدي ! وانتوا تدرون اني متزوجهه زواج عرفي ! شكلي حأكد الزواج ! ماكو غير حل !
فهد : شنو محمود شنو ؟ انت شيخ عشيره شلون تسوي هيج ؟ واسيل ادا تدري شتسوي هم جايبهه بنهوه هم تتزوج عليها ؟
محمود : ماراح اعاملها زوجة الي ولاتقربلها بس احسن ما تموت تعيش هيج !  وسام : محمود تدري اسيل شكد جانت متخبله عليك ؟ لو تدري بيك راجع متزوج شتسوي ؟
محمود : محد راح يدري بس زلم العشيره !
وسام : هذا الحل برأيك ؟. محمود : لا نخلي البنيه تموت !
فهد : بكيفك شيخ اليوم اجيب السيد ب 8 الليل !
محمود : خوش وجيب الزلم كلهم وقسم من البنات بس كون ميحجن وخابروا ريم ومريم يجون وحذروهم يكولون لاسيل !
رحت اركض لبست عبايتي ورحت لبيت الشيخ سليم ووسام واني بالطريق شفت وحده يم الباب تاكل شرار بس اني شايفتها يمكن مرت سليم
ريام : هي انتي ... انتي مو مرت سليم !
البنيه : اي خير شرايده ومنو انتي ؟ ريام : صديق مو عدو ! شرايج نتعاون وانتي تاخذين سليم واني اخذ محمود ؟
البنيه : هههههاااايييي وشلون نتعاون ؟
ريام : حنطيج معلومات دخلي بيها وخليها تعوفه هاي اللي حيصير (وكعدت تشرحلها شتسوي )
...........................................
البنيه : بنات الاوادم انتن طلعوا بره هذا بيت رجلي سليم !
اسيل : شدتخربطين طلعي بره يلا لا اتصل بالشرطه !
البنيه : اني مرت سليم هسه بره كلجن يلا !
ريم : والله محد متحرك منا احنه زوجات الشيوخ والنه حق نبقة !
البنيه : صدكتي نفسج عيني عيشي الدور !
مريم : شكوو شنو هذا العياط ؟ لحظة انتي شكلج م..مو غريب !
البنيه : عفية بالضبط اني نور مرت الشيخ !
مريم تغيرت ملامحها بين صدمه وحزن : اهلاً ! شو نور تغيرت نهائياً واحت حضنتها وكالت
نور : حبيبتي اني جاية انصحج بشي ضروري تسمعيني انتي مبيته طيبه مو مال يصير بيج هيج ...
مريم : شيصير ؟.   نور : حبيبتي سليم قبل بيج بس علمود يتقرب من عشيرتكم من البدايه مجان رايدج وهوه اجه كلي هذا الحجي ..تريدين دليل ؟
مريم ببجي وصدمه : ش..شن..شنو وبدت تبجي قوي !
نور : الصبح جان يمي مراح ويه وسام وهم هوه دائماً يحط صورتي يم راسه وميبعدها لان يحس نتفارك بس كلي تحملي شهرين واذبها (تقصد مريم)وبعدين اني شمدريني انتي تزوجتي منه كلشي جان سري ! مريم بدت تبجي قوي ! نور : حبيبتي سوي نفسج مسمعتي شي مني انتي تغيري بدون متعرفيه بالسبب واذا بعدج ممصدكه جان يمي الصبح خابري سألي شفت محمود وشوفي !
بسرعه لزمت فونها واتصلت بي
سليم : هله مرتي وروح... قاطعته
مريم : سليم شفت ...إهئ ...محمود ؟
سليم : دتبجين شنو ؟ ليش تبجين ؟
مريم : جاوبـ..إهئ..ـني !
سليم : لا والله صارتلي شغله ومكدرت اروح غير يوم ! وكع تلفونها من ايدها من الصدمه رجعت شالته وسدت المكامله بدون متودع
نور : شفـ... قاطعتها  اسيل : كلبه ام وجهين حقيره طبيتي تسبين وصوتج عالي وتكولين سراقة رياجيل تريديها تصدك مسرحيتج هيه مو ثوله مثلج يلا طلعي !  نور ضلت تباوع على مريم
نور : صدكيني مو هيج تجذب عليج حتى لتنقهرين هاج رقمي سجلي يمج وادزلج دليل اليوم ! سحبت فونها وكتبت رقمها ورجعت الفون لمكانه وطلعت.... انهارت مريم علينه
ريم : بابا لتصدكيها انتي مخبله طبت تعيط وتسب من جتج سوت مسرحية لتصدكين !  مريم : شمدريهه..إهئ..بزواجنه!
حضنتهه ورحت ابوسها واواسيها وفجأه اندك الباب !
فتحت ريم طلعتلنه ريام بيني وبين نفسي كلت كملت السبحه
ريام : وينها اسوله الثوله اللي متدري شصاير من وراها
اسيل : ماعدنه حيل نحملج طلعي بره بسرعه !
ريام : اليوم عرس محمود ! شنو سمعت صحيح عرس محمود ؟ دقيقة شدتكول هاي شنو اكيد لعبه منها
اسيل : هاي العابج الجديده ؟ ريام : طبج طوب لتصدكين !
اسيل بصدمة وقهر والبنات مصدومات : شيثبتلي ؟
ريم : انجبي ريام وطلعي والله نهايتج تقرب لو فتحتي حلكج تدرين شقصد !  ريام : لعد اسيل ليش ريم هيج خايفه اذا اني جذابه ؟
تعالي اليوم بعد نص ساعه على هذا العنوان وتاكدي بنفسج ! حروح اني وداعاً يالثوله كال يحبها كال ! وللعلم ريم ومريم يدرون وضامات عليج ! باي يحلوه ... راحت وسدت الباب اني ضليت فاكه حلكي من الصدمه مادري شكول وكمت ابجي وانهرت
اسيل بعياط وبحي : ليش ريم ليش اني اعتبرتح اختي وما بيوم اذيتج لو قهرتج ليش ريم ليش تضمين عليه شنو هيج اني لعبه عدكم اني ليش ..إهئ ..ليش هيه هاي الطلعه مالتكم ؟ حضنتني وكعدت تبجي
ريم : يعني شسوي اذا كتلج والله محمود يشنقني والله اسـ... دفعتها ووخرت منها وصعدت ابدل حروح للعرس !
ريم لحكتني : لتتخبلين اسيل محمود اذا شافج شيسوي اسيل !
مهتميت بدلت وطلعت شفت كدامي البيت !
وكفت كدام يدة الباب اسمع هلاهل وصفكات وغنة واني ابجي
ماكدر ... ماكدر افتح الباب واشوفه فرحان بوحده غيري ! ماكدر اموت بيومها ! فتحت وانصدمت حيل بالشفته ...
..................................
يتبع ...