حب بالإجبار (نهوة)

الجزء 22

ريم :
كعدت الصبح واني بحضنه . وخرت ايده وكمت رحت عالحمام ورجعت بدلت ونزلت للمطبخ اندك الباب ...
فتحت طلعت ام سليم ...
ام سليم : واخيراً .   ريم : صباح الخير .
ام سليم : اخذي جبت مسواك وشويه اكل حضري السفره واني رايحه اتمدد يلا . اخذتها منها وبديت اسوي اكل وقلت بصوت ناصي(صح بيت الف متر بس مو 9 نفرات يعيشون بي حيوكع على روسنه ياربي بقه احد ما اجه) .
ام سليم بعياط : شنو شنو شنو تطرديني من بيت ابني يالادب سز ؟
......................
مريم : كعدت الصبح شفت سليم ديبدل هدومه انتبهلي كعدت
سليم : صباح الخير حبيبي .    مريم بعصبيه : صباح النور .
اقترب عليه وهوه بس بالبنطلون ! سليم : شنو اللي مضوج حبيبي ؟
كمت من يمه وكتله بابتسامه كذابه : ماكو شي حبيبي .
درت ضهري وحاوطني من خصري .
سليم : حبيبي دايم عيونج تفضحج !
بهالاثناء وسمعنه صوت عياط .
سليم : هذا صوت امي خير شكو ؟ باوعلي
مريم : مادري روح قبلي راح البس حجابي والحكك .
نزل قبلي لبست حجابي ونزلت وراه .
...................
اسيل :
كعدت شفت روحي نايمه على صدر محمود بس شلون البارحه نمت عالكنبه شجابني هنا ؟ تجاهلت ورحت ابدل وتحممت خلصت واني ناسيه اطلع هدوم كلت اكيد نايم خلي اطلع !  فتحت الباب وشفته كاعد على طرف السرير سديت الباب فوراً ! 
محمود : صباح الخير .   اسيل : صباح النور بس جيبلي هدوم !
محمود : فتحي الباب وانتي اخذي .   اسيل : شكراً خليني هنا .
محمود : بلا لعب طلعي اريد ادخل .  اسيل : انطيني هدوم اطلع .
محمود : سهله حبيبي . سمعت صوت قفل الباب ينفتح بسرعه غطيت نفسي برداء الحمام الموجود يمي .  دخل عليه محمود
محمود وهو يتقدملها : صايره وكحه ؟ شنو حبيبي شبيج ؟
اسيل بخوف : هاا لا ماكو شي . بس اريد اطلع .
اجه عليها ووخر شعرها من يم راسها :متروحين بلا بوسه !
اسيل : ليش واضح مكفاك البارحه وهسه تكمل بيه .
محمود : لتحجين الغاز شنو ؟ قاطعنه نفس العيطه
محمود : انتضري اشوف شكو واجيج .
هزيت راسي معنى اي ! 
.............................
ريم :
ريم : خاله شبيج شكلت اني ؟
ام سليم بعياط : اي والله صدك لا كالوا تكتل الميت وتمشي بجنازته
سليم : شنو يمه شنو ميت شنو جنازه ؟
ام سليم : وينك وسام يمه مريتك تطردني تالي عمري !
وسام : يمه منو طاردج خير يابه ؟ ام سليم : مريتك ما غيرها تكلي بس انتي ناقصتنه بقة احد مجانه بعد !
وسام بعياط : شنو هذا الحجي ريم ؟ نزلت مريم مصدومه  ونور وسنا يضحكن .  ريم : والله مكايله شي الله يشهد كلشي ماكلت !
ام سليم : اي يمه اسفه اني جذابه ! تالي عمري طلعت جذابه روحوا لمرياتكم اني رايحه يمه .  محمود بعياط: خالتي شنو هالحجي شصاير ؟  ام سليم : شيخ شيخ اختك تطردني ترضاها شيخ ؟ كلبك ينطيها وحده بعمري تنطرد من بيت ابنها ؟
ريم ببجي : والله ما طاردتها والله العظيم .
وسام بعياط : بسس ريممم شتقصدين امي جذابه يعني ؟ انجبي وصعدي .   مريم : صدكوني ريم متسويها خاله يمكن فاهمه غلط ؟
سليم بعياط : بس مريم الرياجيل يحجون النساوين تنجب !
جتني ريم وحضنتني . ونزلت اسيل . اسيل : شكـ... قاطعها محمود
محمود : اسسسييللل صعدي للغرفه مو وكتج . وانتوا بس عاد كافي ريم تعتذرين منها يلا ! ام سليم : يمه مسامحتج مارايده شي منج روحي مبريه ! شالت جنطها وراحت للباب .
سليم : بمه رجعي هنا هذا بيتج مو انتي اللي تطلعين اللي غلط يطلع  . وباوع على ريم
ريم : صح شيخ ! ركضت على غرفتها ولحكتها مريم واسيل .
في الغرفه :
ريم ببجي : والله كلشي مكلتلها ..إهئ.. هيه مدري شبيها !
مريم : مصدكتج حبيبتي بس اني سليم هيج يسوي بيه ويعيط والبارحه كله هوه يم نور ! اسيل : مريم حالي من حالج البارحه نام ويه سنا ! ريم : بس بنات ..إهئ.. بس نتنافس بالهموم يعني !
مريم : خلي نروح يم بيبي والله محد ينصرنه غيرها بنات .
اسيل : اي حبيبتي ومحمود يوصلنه وسليم يفتح الباب النه ووسام يرحب بينه !  ريم بنضره غريبه : ننهزم ! سكتنه كلنا .
مريم : زين واذا دوروا علينا هناك ؟
ريم : جدي مينطي بينا مريم امشي والهوى بضهرج !
وبهاي الاثناء دخلت علينا سنا ونور !
سنا : انتن بس ولوا  واحنه نهزمكم ! هيه تحجي واني عيني على خدها المزوك ريم : يا حيوانه دتتصنطين علينا ؟
نور : ماحيوانه غيرج جايين نساعدجن ونخلص منجن .
مريم : ريم كافي خلي يهزمونه والله كريم بعدين .
نور : اليوم بالـ9  خلن حنطكم بره هسه وبعدين انهزموا سنا تشغل محمود واني اشغل سليم ووسام من الله يطلع هيج وقت !
كالوا هيج وراحوا ! ريم : بنات صدك خلي كل وحده تجهز جنطتها
رحت للغرفه افكر بالكالته وقررت اروح جهزت جنطتي
وخليتها وره البيت ولكيت جنطة ريم ومريم يم جنطتي !
.................
في الـ 9 مساءاً :
صارت بال 9 لبست هدومي وطلعت للحديقه وره البيت وشفت ريم وحدها . اسيل بهمس : وين مريم يول ؟. واجتنه مريم
مريم : كوه كدرت اطلع بلا حسهم يلا امشوا !
طلعنه واجرنه تكسي .
مريم : اخيرتوصل لمقر عشيرة البو صگر ؟
السائق : اي اختي تفضلوا !
ركبنه ووصلنه نزلنا .
فتنه للمطبخ شافتنه بيبي !
الجده :  هلا برويحاتي هلا نور البيت يمه ! باستنه وحده وحده
ريام : شتسوون هنا ؟. الجده : بالاول سلمي يمه !
ريم : جده اريد احجي وياج على انفراد ! اخذت بيبي وراحت
ريام : هههههههه شكلكم انطردتوا مو ؟ وفاتت ام ريام
ام ريام : هاي منو ؟ اسيل ومريم ؟ خطيه ريام فوك هنه الزوجات الثانيات تسوين هيج بيهن يمه مربيتج تذلين المذلول .
ريام : حقج يمه امشي نتعشى  . مريم ببجي : ياربي من باب هاي وامها علينه ومن باب بس يستلمونه الشيوخ يكتلونه خوش كتله !
اسيل بقهر : مريم صوجنه سوينه هيج ! اجتنه ريم ووراها بيبي
الجده بعصبيه : اللي سويتنه غلط وميليق بسمعه عشيرتنه ! بس دامجن مظلومات هناك روحوا لغرفجن واني احلها !
اخذت غراضي ولزمت مريم ورحت وياها وويا ريم نفس الغرفه .
وصلنه للغرفه غيرت ملابسي وتمددت ! مرت خمس دقايق واجتنه الشغاله جايبه العشة وانطته لريم !
ريم : يلا بنات تعالوا نتعشه ؟ اسيل : جايه ،تعالي مريم .
مريم ببجي : مالي نفس اكلوا انتوا واني حنام ! ملحينه عليها لان ندري نفسها مسدوده ! اكلنه ونزلت اني بعدوء دا اوصل الصينيه .
وصلت للمطبخ والمطبخ كلش اظلم حطيت الصينيه على المغسله واغسلها واحس بأيد تحاوطني من خصري وشفه محطوطه على رقبتي ! متت خوف اسيل : محمود ؟. ؟: هههههه
.............................
يتبع ...