حب بالإجبار (نهوة)

الجزء الثالث ...

فتحت شفتها امي كلتلي كومي كعدي سلام. رحت كعدته وحضرت لبسه وكويته وهو عالحاضر كام بدل حط عطر وسوة شعره وطلع واني وماما سوينه الاكل ورتبنه السفرة وصحنه الكل !
كعدنه ناكل او بالاحرى بس ابوية وعمار اني وماما ماكلنه !
الاب : وشنو هاي احنه ناكل انتوا تتفرجون !
مدينة ادينه بالجذب اني وامي تدرون ما النه كلمة بهالعشيرة !
خلصنه شلنه الاكل ورحت صبيت جاي وانطيت لامي وابوية وعمار شربوا كلهم بس اني لا لميت السفرة وخليت امي تصعد ترتاح واني اكمل ضليت وحدي نضفت الميز وشلت المواعين وغسلتهم وضميت باقي الاكل ولفيت راسي ونمت
.........................................................................
الصبح :
احس بايد تهزني فتحت عيوني شفتها امي حضنتها وصبحت عليها ونزلنه نسوي الريوك مثل كل يوم سويته واني مزوركة من البارحة وفطرنه وراحوا على شغلهم واني وماما ضلينه !
شفت فوني يرن طلعت رنا رديت بسرعة : هلو رنا
رنا / هلو اسيل ... ! اسيل : هلو رورو حبيبتي شلونج ؟
رنا : كلش مو زينه اسيل تعاركنه بالزايد وضربني !
اسيل : هههاااا شلون رنا شحسوين غير يموتوج لو يدرون !
رنا : مراح اسوي عيد ميلاد الي لان اكيد حيسوي زعله ويتعارك!
اسيل : ولج يا ميلاد شدتحجين انسي هالسالفة شحنسوي هسه ؟
رنا : مادررري !   اسيل : انهزمي رنا انهزمي !
رنا : شنو مخبلة انتي ؟    اسيل : مادري حالياً بس هالحل اكو !
رنا : بس !   اسيل : اذا متريدين تموتين وتصيرين عبرة روحي !
سدينه الخط وراحت وادري بيها حتض تفكر مكلت لامي حتى لتمنعها واني ادري بداخل رنا شكو لان بعد يوم عيد ميلادها واكيد حيروحون لبيتها ويشوفوها متعاركة يموتوها !
كملت رجعوا اهلي سويت غدة طبيعي واكلنه ونفس الشي بس بالعشة سوينه وكعدنن تعشينه وكمنه كل واحد راح لغرفته !
رنا اتصلت بيه رديت عليها !
اسيل : هلو رنا !   رنا بقلة حيله : وين اروح ؟
اسيل: روحي يم خالتي بيتهة قريب ومتنطي بيج ابد !
رنا : شوكت ؟؟؟       اسيل : هسه رنا هسه !
رنا : مخبله انتي اطلع وحدي وبين الزلم بالليل ؟
اسيل : اذا مردتي تموتين اكيد !    رنا : اسيل تعالي وصليني ادري اهلي نايمين محد حيلكفج وادا حياتي عزيزة عليج تجيني !
اسيل : بس رنا تد ...! قاطعتني !   رنا : حياتي اسيل حياتي !
اسيل : جايتج رنا اشوفج بشارع ... بعد ربع ساعة !
سديت الاتصال ورحت بدون صوت بدلت بس هالمره ملبست عباية مو كل مره اهلي يحكمون لبست بنطلون وبدي وجاكيت وبدون حجاب وحطيت مخدات وصفطتهة حتى عبالك اني نايمه بالغرفة ونزلت ! فكيت الباب وقفلته من بره ورحت بالشارع يصير كلش قريب على بيتنه فرق فرع شافتني وفكت حلكها شهكت
رنا : الااااه اسيل هاي شنو ؟.  اسيل : امشي وبلة كلام !
اخذنه تكسي وجانت الساعة 12 ونص ورحنه لبيت خالتي وطول الطريق ابو التكسي عينه عليه ! دكينه الباب بس اللي طلع هوه خالي !!!!! شافنه وشبعنة كتل ودخلنه جوة واتصل بمحمود واني ايدي ترجف ورنا هم ! فجاة اندك الباب فتحة خالي شفنه محمود ورجل رنا سوة اني متت خوف والله اجة محمود عليه وعينه حمرة
محمود : كح** شلون هيج تطلعين وبالليالي وين جنتي رايحة !
وماحجيلكم شصار بس انكتلت كتله كلش قوية فقدت وعيي بيها وكعدت بضربات قويه على وجهي واني ببيت ماعرفه يا ستار شسويت وعمامي وخوالي ملتمين ! محمود : كعدتي كح** ! هيج وضربني
وابوية : انتي لا بنتي ولا اعرفج ! تفف عليج ! كلبي انمرد
واخواني مقصروا ابد ! سلام : شحنسوي ؟
العم : نقتلها ونعسل عارنه ! طلع بايده مسدس ووجهة عليه !
محمود راح كمزعليه وكله : عمييييي خليني محترمك !
العم : محم... ود ... ماكو حل ثاني !
محمود : عميييي ابو عمار ! بنتك اني نهيت عليها هالكلبه ! وتشوف ايامها السود كدامها عمي ولا يهمك !  كمت اعيط : لاااااا لاااا كتلوني ولا تزوجوني لهذ لااااا.  هالمرة جرني لغرفة ضلمه وطلع شي من الكنتور مشفته شعل الضوة وشفته سوط ! يمة فزيت كلبي وكع ياربي :  الله يخليك لا لا اوكف محمود !
اجة وضل نص ساعة يضرب بالسوط جلدي انشك والدم بكل مكان وماكدر اوكف ! عافني هيج وطلع ! امي ورنا ماكو ولادارية عنهم !
..................................................................
الصبح :
اني جنت نايمه وما احس الا سطل مي مثلج بوجهي انجب فزيت واحنه بالشته وجسمي يموتني شفته محمود حرني من ايدي وصاح اخته ! لحظة اخته هنا يعني اني ببيتهم. ! اجتي اخته تبدلي ولبستني حجاب !  ريم : ليش اسيل ليش ؟. اسيل : وديت اختي لخالتي !
ريم : شنوو ؟ ولج هذول عبالهم منهزمين ويه ولد !
اسيل : بس كوليلي رنا وين ؟   ريم :—— !
اجتني ام محمود نزلتني مادري شكو شفت سيد كمت ارجف ووكعت بالكاع وجلبت بالحايط ماريد انزل وهمه يجرون بيه جوة نزلوني وكعدوني يم محمود وضلوا يسألوني قابله بس واكول لا وانضرب الى ان متت وكلت اي قابله وكلبي وكع !
يتبع ...