حب بالإجبار (نهوة)

الجزء 23

تذكير : اسيل :
واني دا اغسل الصينيه حسيت بايد تحاوطني وشفه محطوطه على رقبتي ! خفت كلش . اسيل : محمود ؟. ؟؟؟ : هههههههه .
....................
نور :
ورا مطلعن من البيت حاولت اغطي عليهم حاولت جذب انتباه سليم حتى يجي يمي !  رحتله للديوان شفته كاعد وحده
نور : شيخ سليم تسمحلي بدقيقه ؟ سليم : نور احجي وفضيها !
كعدت يمه وحطيت ايديني على صدره وحاولت احجي بمياعه
نور : يعني شيخ هيج تعوفني ؟ شكو تزوجتني لعد ؟
سليم : لو ما امي فلا اباوعلج اصلاً .
نور : شرايك شيخ تنام يمي مثل البارحه ؟
سليم : باعي يا بنت الناس اني نمت يمج حتى ارضي والدتي لان حلفتني وغير هالشي عوفيني بحالي وطلعي يلا  .
نور : اللي تريده شيخ ! عفته وطلعت خلي يولن يصير اللي يصير
...................
سنا :
حاولت الهي محمود بس هوه مو بالبيت اول ما يرجع اسويلي كم حركه والهي ! رحت سويت العشه وجتني ام سليم
ام سليم : باعي لج اذا دريت احد عارف اني متفقه وياج قسم اطردج ! دخلت علينه نور : خالة سنا ثقة بعدين انتي شسويتي هيه غلطت بحقج ! ام سليم : هسه هنه ولن ؟  نور : من زمان !
سنا : زين ليش منكول للشيوخ انو همه شردوا ويا رياجيل ؟
نور : انتي ثوله يعني ؟ وبيبيتها متشهد ان هيه جانت يمها ؟
ام سليم : متدرون اني شسويت قابل اني مثلجن !
نور : شسويتي ؟
...................
اسيل :
اسيل بعياط : انت منو حيوان وخر والله اذا دره بيك محمود يموتك
دفعته بقوه اقترب عليه والدنيا جانت نص ضويه شفت وجهه بس معرفته منو ! اسيل : وخر لا  اصيح والم عليك العالم !
؟؟؟؟: صيحي بكد متردين خال كاتم صوت !
اسيل : شتريد مني وانت منو ؟. ؟؟؟ : هههه حتشوفيني هوايه بعد ! اريدج الي !  اسيل : اني متزوجه يا حيوان !
؟؟؟ : حلو هيج اللعب يصير احلى ! حاوطني من خصري وبده يقرب عليه واني ادفع وابجي واصرخ وفجأة دفرته ورحت اركض لغرفتي !
..................
ريم : اني جنت متمدده ودخلت علينه اسيل تبجي ووجهها احمر
اسيل : بنات لخاطر الله ساعدوني ..إهئ.. !
ريم : شكو اسيل خير شصاير ؟
اسيل : واحد ..إهئ.. بالمطبخ ..إهئ.. طويل !
مريم : اهدي اسيل كلشي مدنفهم شنو ؟ 
اسيل : واحد باسني ..إهئ.. واني بالمطبخ ..و..وحاول ..
ريم : حاول شنو ؟.  اسيل : يغ ..!
مريم : كملي !    اسيل : يغتصبني ! كلتها وانفجرت بجي
بقن صافنات بوجه بعض وفاكات حلكهن !
مريم : منو هذا اسيل ؟.  اسيل ي ما..إهئ..مادري !
ريم : شنو مادري محد يكدر يفوت هنا اله وياه واحد من البيت لان حرس بره ونظام امني متطور ومحد يعرف كلمة السر غير اهل البيت !اسيل بعياط وبجي : اكلج مادري مادري اول مره اشوف وجهه . مريم بخوف: سوالج شي ؟ بعده هنا ؟ وينه هسه ؟
اسيل : حاوطني وباس رقبتي ..إهئ..بس مخليته يسوي غير هيج !
.................
سنا :
ام سليم : اني خليت ريام تدخل واحد للبيت وتشغل الكاميرات وبس تنزل مريم يغتصبها وبالكامريات نخلي يبين عبالك هيه الرايده !
نور : إفاااا عليج يا اخت امي والله هذا الشغل ! اجانه اتصال .
ام سليم : الو ها ريام ؟ شنووو ؟ حيوانه انتي غير تنبهي ؟ لا يا زماله على هالدكه وشلون هسه ؟ روحي روحي !
سنا : منو هاي ؟. ام سليم : البومه غلطان بالبنيه ورايح على اسيل عبالهم مريم !  نور : شلون بله وريام متعوف منو اسيل ؟
ام سليم : تكول الدنيا ظلمة وصارت بوجهنه وعبالنه هيه !
سنا بفرح : اي اي ميخالف سووا شغلكم بأسيل !
ام سليم : مادام الشغله تفيدج لازم تفيدينه !
سنا : انطيج التردي  !  ام سليم : حلوو ! انفتح الباب ودخل محمود
محمود : وين ريم؟.   ام سليم : يم رجلها بالغرفه لتزعجهم يمه !
عافنه وراد يصعد ضلينه نتلفت صاحت عليه نور !
نور : شيخ ابلغك خبر !  محمود : شكو ؟. نور : مرتك حامل !
ضليت اني وام سليم نباوع عليها شسوت هاي !
محمود بعياط وعصبيه : شنو هالحجي وشنو هالزفت هذا ؟
ام سليم بخوف: يعني نعتقد مو اكيد لان البنيه استفرغت قبل شويه !
محمود وهو يضرب على الطاوله : مو اي وحده استفرغت معناها حامل ! ام سليم تشاور سنا : سوي نفسج متخربطه !
سمعت كلامها وسويت اللي كالت عليه اجه محمود شالني ووداني للسياره
..................
مريم :
نامت اسيل بحضن ريم واني وريم كلش خايفات ونتلقت
مريم : شحنسوي هسه ؟
ريم : اكيد الكاميرات صورتهم نشوفها لجدي !
مريم : احنه نطفي كاميرات الغرف والمطبخ والصالات وره الساعه 12  نسيتي ! ريم : مسكينه لحد هسه ترجف ! بس مريم تدرين شغله اول ما اكلت هذا العشه نفسي كامت تلعب !
مريم : تلكين ريام خاله بي شي !   ريم : اي والله كولتج راس البلاوي ريام !  مريم : اني نعست حنام والصبح من وقت كعديني !
.....................
نور :
صارت الساعه ب 1:30 ودخل علينه سليم ياربي شلون بلوه
شاورت خالتي حتى تكله ينام يمها الى ان نلكه حل !
ام سليم : يمه وسام يصير تنام يمي اليوم ؟ مشتاقتلك وليدي !
وسام : اليوم يمه اليوم ؟ ام سليم : لا يمه هيج روح لمريتك انه اصلاً حنام ! ههههه والله بيها خير كامت وراحت لغرفتها وراح وراها وسام ! صارت الساعه ب 2 دخل علينا محمود ووراه سنا !
كمت بست سنا بالحذب وكتلها : لهي شكد متكدرين !
نور : سناوي حبيبتي ! انتي بخير ؟
سنا بدمع تماسيح : اني بخير بس .. بس اني مو حامل !
محمود : بلا لعي يلا كل وحده لغرفتها !
سنا : شيخ لخاطر كل شي عندك لخاطر امك نايم محتاجتك اليوم ! محمود : باعي لج اني حنام بس مو حباً بيج لان اسيل هسه نايمه وماحب افززها فهمتي امشي قبلي يلا ! اخذته وراحت
بقيت اني انتضر سليم ! رحت للديوان شفته غافي هناك !
كلت خلي البس هدوم مريم وانام عالكنبه واغطي وجهي !
رحت وسويت فكرتي ..
....................
يتبع ..