حب بالإجبار (نهوة)

الجزء 14

اسيل : تمام تمام ... محمود :حروح اني هسه !
اسيل : خذ راحتك شيخ! محمود : يبعد الشيخ وعايلته وناسه ...
دنكت راسي ماعرف اجاوب ولا اعرف انطي تعابير مناسبه ...
محمود : صح مكايلها لاي بشر قبل بس (قرب راسه من راسي )
احبج (باسني ) دفعته بايدي ووخرت عنه ...
اسيل : شيخ هسه يدخل احد واحنه في غنى عن المشاكل ...
محمود : وشمسوي مرتي وكلتلها احبج ... ماعرف ارد عليه
اسيل: روح هسه تاخرت ... محمود : اشوفج بالليل ! ديري بالج على نفسج ...  كالها وطلع الخبل مصارلنه يومين سوة ...
صار العشة نزلت اكلت وصعدت شفت مريم تخابر خطيبه وتنبهة باجر يجي للمزرعة وراها خابرت ريم خطيبها واني حالي حال السنقل بيناتهم ... صار الصبح رحت غسلت وجهي وفرشت وبدات ولبست حجاب حتى انزل لكيته كاتبلي رساله : صباح الخير منتضرج بالملحق اللي بالبستان متجين الج احلى عقاب ... كتبتله : صباح النور شيخ مثل مكلت اليوم جمعه يعني نام وارتاح وبالنسبه للملحق ما اجي لان احنه مصارلنه يوم كامل بغير غرفه فـ لو سمحت شيخ لتطلب مني هيج طلب !
محمود : والله اني جايج! مرديت عليه وذبيت التلفون ورحت ابدل لبست هدوم انزل بيها وربم ومريم نايمات ... جان يدخل عليه ويكول طالعلج لسان ينرادله كص ...
اسيل : هششش يمعود نايمات عيب نكعدهن امشي برة ...
جرني من زندي ووكفني بباب الغرفه ... وحط ايدة يم راسي واللخ من يم جهة خصري ... اسيل : يمعود ليشوفنه احد امشي ...
محمود : وميشوفون بوستي اخذهة عسى ما كدام جدج انتي مقبلتي بمكان وحدنه بي جيت بالعلن ... قرب شفته على شفتي واني وخرت راسي بسرعه باسني من ركبتي !وخر عني فجأة وكال
محمود وهوه يباوعلي : تفضلي ريام خاف مدتشوفين زين !
طلعت ريام بالغرفة الوراه شلون شافها مادري هوه اني كدامها ومشفت ... ريام : ااااا ردت اطلع بس استحيت لان انتوا كاطعين المكان ف بقيت انتضر... قاطعها محمود : تمام هسه نزلي ...
ريام : بس بس ترة فهد شوية ويطلع ... ضرب محمود بايده على الحايط وعافني ونزل ... شبي هذا مزاجي كل شوية شي ...
نزلت تغديت بس هالمرة مكدرت اكعد يمه كعد يمة كريم عمي واني يم ريم ومريم وهوه ولا باوع عليه ولااهتملي بالجذب ...
ريم بصوت ناصي : تؤتؤتؤ عينج على محمود تنتضري يبصبص مو هااا هااا! اسيل : وج ريم لو ما العالم هنا جان ضربتج على حلكج ... مريم : عوفيها متتحمل الحقيقه شوفي هيه تحجي ويانه بس تباوع على حمووشي ... اسيل : عوفوني اكل ...
ريم : اكلي اكلي ... اكلي بنضراتج ... مريم ضحكت بصوت ناصي ... اسيل : اني خبله اذا كعدت يمكم بعد ... مريم : شكلج مزعلتة هااا ليش ؟
اسيل : شمدريني مو صاحي ساعة يتغزل وراها وخر مني ومحاجاني !
بيبي : يمة محمود شو بس تحك بايدك خطية اسيل كافي تحجين بي حيصير بالولد جرب وهوه شيخ قبايل ...
مريم وريم وعمتي وام محمود : هههههههههههه
اسيل : بيبي محاجية بي داحجي على الاكل ...
ريم :شيخنه سهلها خبلتنه باوع عليها مو اكلتك بعيونها اكل ...
كرصتها من فخذها وكامت تعيط بصوت ناصي ...
محمود بجديه : دايمة وعاشت الايادي !
مريم : لالا الوضع خطير شصاير بينكم ؟
ريم : ثولة كومي وراه وحاجي واحنه جايات وراج ...
راح ديغسل ايده كلت مادام عمي يبات وياه نفس الغرفه وعمي جوة خلي افاجأة فوك ... صعدت قبله وكعدت عالسرير منتضرته افتهم ليش زعلان نزعت شالي لان محد اكو بس هوه حيصعد وما اشوف اله الباب مفتوح وداخل هوه وفهد ! لمحني جان يسد الباب بوجه فهد وكله بس دقيقة فهد انتضرني جوة ... فهد : تدلل شيخ ...
كمت ابلع بريقي لان شكله صار ميطمن ...
محمود بعصبيه : بلة لو شايفج ... بلة لو شايف شعرج ؟ شتريدين اسيل ؟ (مو صوجه ابد صوجي اني ردت اصالحة واعرف ليش زعلان بس مو مال اعتذار خلي اطلع حجة واطلع منا ) اسيل : اني جايه اااه - اصيح عمي كريم وانت صرت كبالي ...
محمود يتقربلي ويحجي : يعني تنتضرين عمج هيج... بدون حجاب ورجل على رجل مو ونص سيقانج طالعه !
اسيل : ل...للا بس ! كمت ورحت اطلع من فتت من يمة لزمني من زندي : لتجين هنا بعد مفهوم ..!هزيت راسي بمعنى اي وطلعت اركض لغرفة ريم وشويه وابجي ...
مريم : شو جاية من وكت نسبة لوحدة دتصالح رجلها ...
اسيل بدت عيني تدمع ... ريم. : شنو تبجين شصار احجي ؟
اسيل : تدرون اول نضرة على اخوكم جانت صحيحة !
ريم +مريم: يا نضرة ؟
اسيل : باسني وحضني وشمني وتونس بيه وشمرني ...
مريم : متنجبين متنجبين احسنلج ...
ريم : زين شسوة ؟ اسيل : لتجيبولي سيرته بعد رجاءاً رجاءاً ... ريم +مريم : خلص منجيب ...  تمددت وغفيت صار العشى كعدتني ريم : كعدي جدي يريدج للعشى ...
اسيل بنعس : ماريد كوليلهم اكلت هسه حلويات قبل شوية ...
ريم : والله جدي ميقبل احد ناقص عالسفرة والله والله مداجذب ويزعل هماتين ف كومي لخاطري ...  اسيل : اففف مينام بهالبيت .
غسلت وجهي ولبست ونزلت كعدت نفس مكاني يم ريم بس هالمرة كبالي فهد وابن بسمه ... جدي : هذا اخر عشة النه اليوم هنا ان شاء من باجر بالسبعة كل واحذ ياخذ مجموعته وياه وينطلقون للمزرعة .
ابني محمود اريدك توصلني اني وجديتك وبسمة وبتها وعيني انت فهد توصل بنات عمك اسيل وريم ومريم وابن بسمة يمكم ....
وانتي هديل بابا ويا زوجج واخذي وياكم ام محمود وعمج كريم . الكل : يصير خير . كلش ضجت لان خلوا ريام وية محمود ... اني شداخربط ؟ وين اسيل القديمة التموت من شخص اسمه محمود وعلى كولتها منغص عيشتها ... كل هذا التفكير واني لازمة الشوكة واكلب بالاكل وافكر ... بيبي : يمة اسيل لا تاكلين لا تشربين بالريوك مكعدتي بالغدة كضيتيها سوالف وهسه شنو يمه يوجعج شي مريضة ؟
اسيل : لا بيبي الحمدلله زينه بس لام مجوعانه واكلت الضهر ...
فهد : مكلتي شي ... كضيتيها ضحك وية ريم ومريم ولا كلتي ...
اسيل : هاي دا اكل دا اكل ... اكلت لكمة
ريام : صدك حيكون حلو جو المزرعة النه خصوصاً هاي السنه ...
بسمة : فعلاً جنة محتاجيها ... ام محمود : اني شوية احس بدوخة يصير ماروح باجر ؟ اسيل : اني هم وعندي كم شغله ياريت اضل ويه عمتي ...! محمود : دايمة عاشت الايادي ...
الجد : يبة احنه غير نغير جو هناك تعالوا اصلاً البر يوخر الدوخة ... ام محمود : الله كريم ... ريم : كام محمود متكومين وراه ؟ اسيل : لا حترجع اسيل القديمة من اليوم نضرتي جانت صح على محمود مو بشر هذا مو بشر ...
بيبي : يمة اسول انتي مالج نية تاكلين ليش ما تراضين رجالج ييمة ؟
اسيل : مابيناتنه زعل حتى اراضي وما بينه رضة حتى ازعله فهمومها ... الجد : اسيل انتي منو مربيج مستحيل وليدي ...
تلكيها خالاتج هاي مو تربيتنه الرجال عدنه بعايلتنه شي مقدس ...
اسيل : عافيات حروح اسبح وانام ...
صعدت فوك لغرفة البنات واخذت اريد اسبح لباجر بعدين
يتبع ...