حب بالإجبار (نهوة)

الجزء 10

واني جنت كاعده وية بيبي وريام وشخص ما اعرفه ..
لابس لبس مال شيوخ شماغ ومدري ايش مبين من كرايبنه ...
؟؟؟: كالوا اسمج اسيل ؟ ونهوة محمود صح ؟
اسيل باحراج : اي نعم اسمي اسيل !
؟؟؟:اني اسمي الشيخ فهد ! مجاوبتيني نهوة محمود مو ؟
اسيل : اهلاً شيخ ! انـ! دا اكمل قاطعتني ريام
ريام : شوف هيه نهة عليها الشيخ محمود وندم تكدر تعتبرها هيج !
فهد : يندم ؟؟؟ شسالفه ؟ اسمع محمود يقاطعنه.
محمود : اي نعم نهوتي ... وانتي ريام اولاً اسمي الشيخ متصيحيلي باسمي ثانياً متحجين بكيفج فهمتي ؟
كام فهد على حيله : هلا بالشيخ نورت بس اني عادي داسال بنت العم ...! مجاوبه محمود ! بيبي : يمة شجرالكم عيب !
فهد استاذن وراح وية بيبي وشفت محمود يباوعلي بعين حمره ...
محمود : هاي شلابسه عيني تستغرضين ؟
اسيل : الحجاب وفوك راسي والدشداشه وعلى جسمي شلبس بعد ؟
ريام : شيخ هيج ناس ميفيد حجـ...! قاطعها محمود بعياط: انتي لتدخلين ! طلعي منا. !  طلعت وبدة محمود يتقربلي وجرني من زندي وصعدني فوك جر واني عالدرج اشوف ريام تباوعلي بحثد وتضحك ... فوتني للغرفه وسد الباب ...!
محمود بعياط : بنت الكل* متستحين نازله بدشداشه مفرعه مطلعة نص ايدج وسيقانج وهذا تسمي حجاب ؟ جاوبيني حجاب هذا ؟
هزيت براسي معنى اي .. جرني من شعري وكال
محمود : شعرج كله طالع بنت الك++ ! تتذكرين كتلج اكصة واني كد كلمتي ! اسيل بخوف وبجي : لالالالا والله ماعيدها شفت جنت اصلاً مالبس حجاب من هذدتني لبست بس وسط وهسه وعد وعد اضم كل شعري ! محمود : بنت العار الكل شافج !
لزمني من زندي وركعني بالحايط اذاني
محمود وهوه يكز على سنونه: بعدين شلون تحجين وية فهد هااا؟
اسيل بخوف : سالني وجاوبته والله بس ! جرني من شعري
اسيل : والله ماحجيت شي الله يشهد عوفني ...
محمود : باعي لج متحجين وياه مرة ثانيه كلبه !
هزيت براسي معنى اي ...
اتصلواعليه سمعته يكول كل الهلا تنورونه !
هدني وراح جوة اني ضليت اشوف غرفته ...
سودة وظلمة ميفتح شبابيك بس اضوية والحايط اونه اسود والاثاث اسود بجوزيرمابي اي لمسة من بنيه ...
صارت الساعة ب 10 نزلت اسوي وياهم ريوك عيب .
.............:............:.............:.......
نزلت شفت مرت عمي بسمة بالصاله وبيبي وعمتي وريم ...
اسيل : وين جدي ؟.    بيبي : تلكي بالديوان وياه فهد وعمج وخطار يتناقشون !  جنت رايده اروحله بس من سمعت هيج بطلت.
اسيل بتوتر : زين الشيخ وين ؟ بيبي : رجلج ؟. اسيل : محمود !
بيبي : جاييهم خطار بالديوان وديتناقشون ليش هيج اشتاقيتي لمحبوبج ؟.  اسيل : بيبي انتي تدرين هوه جابرني عليه !
ريام : جدة جدة.! بيبي : كولي بنيتي ام لسان ؟
ريام : جنت صاعده دانادي على ابو نمر واشوف اسيل بدونـ..!
احمر وجهي شلون تحجي هيج قاطعتها : بيبي شنو الاكل ؟
بيبي : خلي البنيه تكمل ... هيج جوعانه !  احمر وجهي ومعرفت شسوي ... حطوا الريوك وصاحوا النساء على طاولة والخدم ودوا الاكل بالديوان للزلم ! ورة الريوك جنة مجتمعين كلنه  دخل علينه فهد الكل لبس حجابة واحترموا !
فهد : ابشركم !    ام محمود (هناء) : خير وليدي شنو ؟
فهد : عمتي اجوي خطابة على ريم وان شاء تلحكها مريم وراها !
حطلع اني راحع للديوان اللهم اني بلغت !
رحت اباركلهن ويا اختهم صعدوا صعدنه وراهم فتحنه الباب شفناهم يبجون والدمعه بطرف عينهم ...
اسيل : رييم ... مريم ... شكو شصاير ؟
هديل : حبيباتي شنو ؟ اني اعرفكم تفرحن ؟
ريم : خية ..إهئ.. احنة عاشكات ! كعدت بحضني وتبجي ومريم وراها ساكته وتدمع ...
هديل بعصبيه : شنوو اذا يدري بيكم محمود والله لا ينعل سلفاسلفاكم
تخبلتن منين عرفتوهم ؟     اسيل : حبيبتي هديل على كيفج وياهن ترة مو حرام ولا غلط دامهم ممسوين شي غلط!
هديل : اسيل انتي تدرين اذا محمود عرف يموتهم ويغسل عاره ؟
شهقت لان مجنت ادري يكتلهم وتوصل هيج !
اسيل : زين هديل خلي نفتهم منهم منو اليحبون وشلون ؟
ريم : هوه ..إهئ.. مو غربه !
هديل : منو همه ولج منو ؟. مريم : بسام ابن عمنه اخو فرح و سليم ابن عمنه الثاني اخو بسام ! هديل : خايبات شسويتوا لو يدري !
اسيل : وليش ما خطبوكم اذا يحبونكم ؟.
ريم : على اساس بعد شهر ثنينهم ...أهئ... يجون !
هديل بعصبيه : املخكم هسه هاا اطلع دمايتكم ولجن مرهقات !
مريم ببجي : علساس انتي بعمرج محبيتي !
ريم ببجي : مو كلنه محظوظات مثلج نتزوج حبيبنه !
هديل بعياط : ولجن عليمن اني جاني حطبني على سنة الله ولجن عارات ! اسيل : بس بنات بس اذا سمعته احد غير !
ريم : اسيل انتي مبينه مجربه شعور الحب ساعدينه حسي بينه !
اسيل : بعمري ما حابه ولا متقربه لهالسوالف عاد اخوكم جان يومية مداهم بيتنه مرتين باليوم واخواني ميقصرون وابوي فوكهم !
مريم : ما اكدر اعوف بسام...إهئ... روحي بي شسوي !
هديل : اتصلوا بيهم كولولهم يخطبوكم خلال هالاسبوع عسى ولعل.
دزوا مسجات الهم وانتضروا رسالتهم وجوابهم ...
اسيل : اني حروح حتى لحد يشك بيـ...! انفتح الباب ودخل محمود
وجوهنه اصفرت من الخوف بس لا سامعنه لو شي ...
محمود : بنات عندي الجن خبر تكمزن من وراه !
هديل : خير خويه احجي ...! محمود : جوكم خطابة ريم ومريم !
شفتهم سون نفسهم فرحانات
ريم : بس دراستنه خوية لا ماقبل اني شيخ !
مريم : يبو نمر دخليك لتجيب طار زواجـ...! قاطعهم
محمود بعصبيه : وهوه من يمته والبنيه تختار تتزوج لولا ؟ شفناهم مناسبين قبلنه احنه ادرى بمصلحتجن ...! قاطع محمود صوت رسايل من الموبايل مال ريم ومريم ... خفنه وهدء الجو ...
حبيت اكسر الهدوء وحتى ليفكر بالمسج كلت ...
اسيل : اني حنزل اشوف بيبي عن اذنكم ...
محمود بتآمر : ومن تنزلين صبيلي غدة وحطي بالطاولة المشتركة.
رحت بدون ما انطي اشاره وانداريت داروح لزمني من زندي ودارني ... محمود بعياط : من احجي وياج تردين ...
اسيل بخوف وايدها ترجف : حاضر ! هدني ونزلت ومن اني عالدرج شفت ريام يم الباب معقوله سمعت ريم ومريم ! شافتني خزرتني ونزلت ! لا ماعتقد لان لو تدري جان فضحتهن !
نزلت صبيتله غداه وحطيته عالطاوله والكل نزل ونزل وياهم ...
كعدت بين ابو محمود وعمي ... اشوفه يخزرني ...
بيبي : وج اسيل شلون تكعدين بين رجالين وعايفه رجالج !
اسيل : بيبي هوه يم عمامي مو غربة اكيد !
محمود بصوت خشن ورجولي : تعالي هنا ! وهوه يقصد يمه !
كمت حولت وكعدت بينه وبين هديل ... مد ايده من جوه الطاوله على خصري ويكرص بي ويحصرة ... موتني وجع وماكدر اكله وخر ولا اعيط ... حطيت ايدي فوك ايده اريد اوخرها جلب اكثر متت ! شاورته : الله يخليك عوفني دتأذيني ... كرص بي اكثر ومتأكده هسه ورم خصري من الوجع !
محمود شاورني : حتى تعرفين تكعدين بنص الولد يا عار ...
يتبع ...