حب بالإجبار (نهوة)

الجزء 27

اسيل :
كعدت الصبح بطني تموتني هيه وراسي كلت لامي كالت خلي اخذج للطبيبه تفحصج قبلت بدلت ورحت بدون حجاب مثل ما جنت قبل ما ينهي عليه محمود ! وصلنه عمر ونزلت اني وامي .
نزلت وانتضرت دوري ولمن وصل دخلنه اني وامي كعدتني على الكرسي مال الكشف وحللت دمي وانتضرنه ! والطبيبه واضح عليها الخوف والقهر
الطبيبة : مبدئياً بنتي اريدج تكونين قويه مهما كانت النتيجه نكدر نغلبها بقوتنا وعزيمتنه واصرارنه عالعلاج ! باوعت لامي
اسيل : خير دكتوره شبيه ؟. الطبيبه : توصل التحاليل ونتاكد حجيه يكون احسن لو انتضرتينه بره ! طلعت امي وره 3 دقياق رن تلفوني
...................
ريم :
كعدت الصبح شفته ديبدل والجنط مال السفر متحضره
وسام : زين كعدتي هسه داريد اكعدج حتى نروح يلا !
ريم : يوووه شنو من بشر انت ! كمت كمت !
رحت غسلت وجهي وطلعت اخذ هدومي وافوت للحمام ابدل لزمني من ايدي ! وسام : وين رايحه ؟. ريم : ابدل !
وسام : اذا متبدلين هنا اني ابدل الج والله ! شنو مو رجلج اني !
ريم : هاي عاده حتى لو بعد 10 سنين ما ابدل كدام احد اني !
وسام : تغيرين عاداتج كدامي تره والله نقاش ثاني اني ابدل الج !
انداريت عالجهة الثانيه وبدلت خلصت جيت احط مكياج
وسام : ما نلحك امشي هسه بسرعه !
عفت كل شي من وراه ورحنه
*هسه عوفونه بعد شهر عسلنه هم تتدخلون بي 🙄😅*
...................................
مريم :
كعدت الصبح واني بملابسي الداخليه بس وبحضنه نايمه وهوه بالبوكسر بس مادري شنو جان شعوري بالضبط بس جنت فرحانه لاني صرت ملكه وهوه ملكي جذبتني ملامحه وهوه نايم حواجبه شفايفه  وشواربه ولحيته مديت ايدي اتلمس لحيته وهوه نايم وشواربه رغم الهاله المخيفه اللي حواليه بس من تتقرب اله تعرف حنانه ودفوه واني دالعب بلحيته شفت ابتسامه على شفته بسرعه سويت نفسي نايمه ! سليم : هههههه يعني معقوله هيه نايمه بس ايديها عجبها تلعب بلحيتي ؟ فتحت عيني بانزعاج كاذب
مريم : شبيك سليم ؟.  سليم : مابيه بس ايدج جانت تلعب بلحيتي وزعجتني واريد ازعجج مثل ما زعجتيني !
مريم : ماعيدها بعد اخر مره يلا حتى ننزل نتريك !
داكوم لزمني من ايدي وجرني لحضنه !
سليم : هذا الصبح احلى صبح بعمري كله ! باسني بسرعه وخرت منه وجريت اللحاف وكمت واني متغطيه بي !
سليم : ميحتاج تتغطين البارحه شفت كل شي !
مريم : سليم على هذا حجيك صدك حندم اني سلمتك نفسي كل وره من وره ضميري الحيوان !! سليم بعصبيه : حلو هيج لعد !
كام ولبس هدومه عرفت من ملامح وجهه عصب عليه !
رحت عليه حضنته وهوه يدفع بيه !
سليم : تره مريم اني مو صغير وهيج تتملعبين عليه تره اني عمري
28 سنة وانتي 18 !! مريم : لعد اله داعي تعيرني بالبارحه ؟
سليم : أعيرج ؟؟. مريم : سليم ماريد متعارك بعد لو سمحت خصوصاً بعد اللي صار ! سليم : انتي ندمانه سلمتي نفسج الي ؟
مريم : بالعكس فرحانه لان صرنه صدك زوجين !
مريم : صدك سليم كلش مشتاقه لأسيل خلي اخابرها مديت ايدي عالطاوله اخذ الفون جر ايدي.  سليم : ماقبل تحجين ويه هيج بنات !
مريم : الظاهر اني نسيت اشرحلك ، اسيل ممسويه شي انته وابن عمك فهمتوها غلط وظلمتوها للبنت اني البارحة جتني وحجتلي !
سليم : شلون ظلمناها ؟. 
مريم : (حجتله اللي صار ) سليم : زين محمود يدري ؟؟
مريم : برطمت حلكي ورفعت كتفي 🤷🏼‍♀️ بهاي الطريقة !
سليم : هم نكله ونشوف خابريها اذا تريدين حروح اكمل تبديل حتى اروح للديوان ! خابرتها وردت
......................
اسيل :
خابرتني مريم رديت عليها !
مريم : هلو اسو شلونج ؟. اسيل : مريضة شويه بطني وراسي واني هسه بالعياده ! مريم : خير سلامتج ؟ اسيل : تسمم غذائي بالاحرى ! الممرضة بصوت عالي : مبروك حبيبتي اسيل انتي حامل بالرفاه والبنين ! وكعت موبايلي من ايدي من الصدمه وماعرفت شرد !
اسيل : ان..اني ؟ الممرضه : اي عيوني !
اسيل : دكتوره بس اني اخر اتصال جنسي اول البارحه شوكت لحك يصير الحمل ؟.
الطبيبه : طبي ايمان خليني اتفاهم وياها (الممرضه ) !
الطبيبه : بنتي انتي متزوجة لو لا ؟ ماعرفت شنو ارد كلامها بسامير وبقلبي طبن ! اسيل : قبل يومين انف..انفصلت !
الطبيبه : حسب التقارير الطفل عمره 4 ايام تأكدي صار اتصال قبل هاي ال 4 ايام يجوز غطانين؟ تذكرت بعرس محمود وسنا صار !
اسيل بحزن : بله صار قبل 6 ايام ! ودنكت راسي !
الطبيبة : شكد عمرج ؟. اسيل :19 س..إهئ..سننه !
الطبيبة ماريد اظلمج بهيج عمر تعالي باجر نسويلج اجهاض !
كلامها انغرس بكلبي وفات حواه ودمره لقلبي وعشت بصدمه كلش قويه ومن كثر ما متحملت فقدت الوعي
..................
مريم :
لمن خابرت اسيل سمعت الممرضة تكلها انتي حامل ومبروك وبعدها سمعت طبه وفتحت سبيكر حتى اسمع زين سمعت كل محادثتها ويه الدكتوره وكلش انصدمت كلش شوكت انفصلت هيه ومحمود وليش طلكها ؟ شوكت وصلوا لهنا !
سليم بعياط : شنوو هاللحجي ؟؟؟ اجه وجر التلفون وشمره بالكاع !
سليم بعياط :والله اذا ماموتها شنو اجهاض ماعدنا بنات تجهض عرفيلي مكانها وين بسرعه  وكولي لمحمود!! لزمته من زنده
مريم : حبيبي سليم اهده شويه خليها هيه تكول لمحمود لان اذا سمع من عدنه عباله مو ابنه ويكتلها هيه والطفل حرام علينه !!
سليم : ماشي رايح اني اكول لمحمود !! 
مريم  بتحدي : سليم اذا كتله اعتبرنه متطلكين !!
سليم وعروقه طالعه : ليش تخليني اضربج براشدي افر وجهج فر !
مريم : اذا تعزني لتكله ! عافني وطلع مسكينه يا اسيل حظج بكل شي مكاعد !
يتبع ...