حب بالإجبار (نهوة)

الجزء 17

ريم :
اول ما عقدلنه السيد غصب عني شالني وسام ووداني لغرفته واني ادفع بيه واضرب ... وسام : حركة لخ منج ميصير خير ابد .!
ريم : وسام ماريد مو هيج الزواج بالغضب وبظروف محلوه اهلي بيها ديتعذبون واني هنا فرحانه معرسه !
وسام : مو احسن ما عايشه ويه غريب ولا انتي زوجته ولا خطيبته
ريم : ماشي احنا ازواج على ورق بس حالياً اعتبرك خطيبي بـ..
قاطعني بعياط وصوت حاد : يا ريم اعيدها لآخر مره انتي مرتي واني زوجج ..! سكتت ماعندي شي اقوله ميقتنع بأي شي بس اللي خايفه منه ديصير ! شفته وهو دينزع ساعته ويتقربلي ...
واني كاعد عالجربـ(سرير)ـايه وارجع ليوره عليها !
وصل الي ولزمني من زندي وقرب وجهه وكال : ولج اكره نفسي من ارفع صوتي عليج واضوجج بس انتي هالله هالله بيه لتعصبيني
ريم : ما..ماعصبك مم..ممكن شويه مجال اتنفس ؟
وسام : اني هواج تنفسيني مثل ما اتنفسج !
ريم : كلش مو وقتهة وخ... قاطعني ببوسه واني اضرب على صدره وادفعه ضل حوالي 30 ثانيه وخر مني دفعته وكمت من جواه وكام هوه هم وسام : يله المهم مراحت الليله بلاش 😉 وغمزلها ... راحت اخذت غطه ومخده وشمرتها عليه ...
ريم : شكلك حتنام عالقنفه ! وسام : من اول يوم مجنت متوقع !
.......................................................
اسيل : تمددت واني منتضره ولو خبر على محمود بعد هذيج المكالمه ماكو استحيت اتصل بي لو اراسله لان الدنيا كلش ليل ب 3  ومن باب اهلي مشتاقتلهم مالهم خبر ماما شصار بيها بابا اخواني اختي رنا وين بجيت من كثر الشوق ذبيت تلفوني وحاولت انام بس اني بعادتي من ما اكدر انام اسمع قصص قبل النوم 🙁 طلعتلي وحده وغفيت عليها ...
............................................
ريام :
ركبنه بالسياره ويه فهد اني وماما واخويه وبالي يم محمود وينه شو ماكو ومن باب خايفه عليه وضايجة فجأه واني دا اباوع بالمرايا شفت فهد يباوع عليه هذا الخبل معقوله متوقع مني اباوع عليه بس دقيقة بلكي اكدر استغله واكون قريبه من محمود ...
متأكده فهد يعرف كل اسرار محمود بلكي يحجيهم الي واحاول ارجعه لحبي ...
وأجتني خطة ...
كمت اباوع عليه بالمرايا ومن يباوع انزل عيني !
وهيج الى ان وصلنه طبك السياره ...
بسمه : يمه رجلي تموتني تعال اسندني يمه
علي : جيت يمه جيت ! راح علي يسند امي واني وراهم دخلت .!
فهد : خالتي انتي غرفتج فوك عاليسره ثاني غرفه وانت علاوي غرفتك كدام غرفة خالتي وريام عاليمين خامس وحده واني اول وحده عاليسار اذا احتاجيتوني وامي غرفتها جوه ! روحوا ريحوا ...
راحت ماما واخويه ضليت اني افكر بخطة
ريام : شيخ فهد ... مندليت غرفتي تكدر توصلني ؟
فهد : منال (الخادمه) وصليها على الغرفه مالتها هناك (وهو يأشر)
منال : حاضر ! اخذتني الشغاله واني مصدومه معقوله هيج يسوي بس بسيطة اعرف اللي ببالي يعني اعرف رحت للغرفه بدلت ونمت
..................................................................
اسيل :
كعدت الصبح لا رساله ولا مكالمه منه استغربت دزيتله مسج صباح الخير شلونك ؟
ونزلت اتريك واسوي لريم ومريم اكل عروسات جدد !
.............................................................
مريم : كعدت شفته نايم رحت غسلت وجهي وايدي وبدلت هدومي رحت دا اكعده انتبهت على شغله ...
شفت صورة لزواجه يم راسه كلش انقهرت هوه كايلي مجبور عليها لان عمه ومالها غير امها عايشه وياها مكايلي هيج ! شفته فتح عينه
سليم بأبتسامه : صباح الخير !  مريم بملامح متتفسر : صباح النور
كلتها وكمت من يمه ماشوفه اله لازم ايدي ...
سليم : هيه العروس هيج تصبح على رجلها ؟ وبده يتقرب
دفعته على كيف وكمت من يمه !
سليم : هااا شكو شصار تعاركنه بالاحلام البارحه جنتي فرحانه !
بدون قصدي راح نضري على الصوره اللي يم راسه وماشوفه اله ماخذها وفاتح عينه عليها !  مريم : ماكو شي .. مابيه بس خايفه ..
قاطعني : مريم تدرين اني شسوي بالجذاب سألي اهلج عليه وبعدين هاي الصوره مدري شجابها يمي صدكي لا شايف هيج صوره ولا حاطهه يمي تدرين بيه ماحب... قاطعته : شيخ شيخ شيخ شصار يعني عادي تره من حقك مرتك وعندك ذكرى حلوه وياها بيوم زواجكم وتفتخر بيها محد اله حق يعترض !
سليم : بالله العظيم لو غير احد وقاطعني الصمه على حلكه براشدي شنو هالحجي هذا من الصبح تذبيلي سم شنو اجذب عليج قابل داكلج مو اني الحاطهه ! الحمدلله اندكت الباب وقاطعتنه اسيل
اسيل : شيخ ، مريم  الريوك صار...
مريم : جاية ، رحت لبست شي على راسي ونزلت ،
......................................................................
ريم :
كعدت وشفته كاعد قبلي ومبتسم بوجهي ابتسمتله
ريم : صباح النور ،. وسام : صباحج خير مريتي !
داكوم جان يجرني من ايدي وسام : وين بوسه صباح الخير ،
ريم : لو سمحت اني كتلك ماعترف بالزواج لتلح ،
وسام : مو بكيفج هوه ومتعترفين متعرفيني انتي ، شودتعاي !
جرني لحضنه وشاورني : انتي ملكي اعترفتي او لا الكل يدري بهالشي ! قرب راسه على رقبتي ويبوس بيها فجأه يتصل عليه شخص ,
ريم : رد يجوز شي مهم ! وسام : منعول عشاير اليتصل ،
ريم : رد امانه ! رد عليه ومختصر اللي صار طالبيه بقضيه صايره
وسام : ريمتي تضوجين اذا رحت ؟ ريم : لا اني كتلك ماع...
وسام : باعي ريم وشيب ابويه وراس امي اذا عدتي هالكلمه وشاربي ولحيتي متتعده على خير مره ثانيه ! سكتت خفت منه
ريم : شيخ اني نازله ! مرد عليه بس اشرلي براسه ! لبست شي ونزلت !
..........................................................
ريام : كعدت اتريك سمعت فهد يكول لمنال اكويلي هدومي رايح لمحمود فرحت واخيراً سمعت خبر عنه
ريام : شيخ اني اكويلك اذا رايد منال دتسوي ريوك !
فهد : ماريد اكلفج ! ريام : مو عيب شيخ ! صعدت وكويتله دشداشه سوده وبيها تطريز مو الصدر بيجي ووياها عكال بيجي مخطط باسود وحطيتها عالجـ(سرير)ـبايه وصعد هوه !
فهد : مشكوره بنت العم ! بنت العم كال والله يا الله
ريام : ولو شيخنا ! فهد : هاي مضل شي تكدرين تروحين !
ريام : شيخ ديربالك على نفسك تمام ؟ ماوصيك !
فهد ضل يباوع عليه بنضرات : يهمج موضوعي ؟
ريام : اكيد شيخنه ! فهد : مشكوره بنت العم ،اكيد !
عفته ونزلت بس طبعاً ماعفت الدشداشه بدون جهاز تنصت !
حطيت بيها جهاز تنصت ونزلت ،
.....................................................
على السفره :
اسيل : كعدت اني ووره شويه اجتي اسيل مخنزره وراها سليم نفس حالها وكعدوا واحد مقابيل الثاني ورها بكم دقيقة نزلت ريم هم مخنزره ووراها وسام رافع حاجبه ضحكت كلش على اشكالهم وانتبهولي ! اسيل : كملوا الشغله مو يمكم !
وسام : شيخ طالبنه محمود اتصل علينه وكال تعال وجيب فهد وسليم وياك تجي مو ؟. سليم : الشغله بيها محمود اكيد جاي تعال ...
اخذه وراح وريم ومريم وحده تباوع عالثانيه !
مريم : اسيل واني كمت من نومي شفته حاط يم راسه صوره لعرسه هوه ومرته حاضنهه بالصوره وحاط الصوره يم راسه واكله يكول مو اني حاطهه وعصب عليه !
ريم : علساس احسن مني انتي اني كتله ممعترفه بالزواج كله وصدك مراح اعترف انصحج تسوين مثلي مريم !
اسيل : بنات اني شكول لعد ؟ ادز رساله لمحمود ميرد عليه بس هوه فانح موبايل (فتحت فوني مسحت الرساله ) !
مريم : لعد واهلي تطشرنه بكل مكان !
اسيل : يا مريم اني امي مشايفتها الي زمان واخويه وابويه واختي مادري بيها عايشه ولا ميته !
ريم : بنات شنو السالفه نتنافس عالتعاسه بس بنات ! اسيل تره انتي 19 مو 190 سنه واني وياج مريم بعمرها كافي عاد منريد شلعان كلب !  كعدنه ناكل خلصنه كل لمينه ورحنه نغسل الصحون
ريم : تره اني وريم عدنه طلعه بعد ساعه شويه ونرجع ...
اسيل : وين ؟. ريم : بعدين اكلج ! اسيل سامحيني !
اسيل : على شنو ؟. ريم : ولا شي بس سامحيني ...
بهالاثناء دخلت علينا بنيه اني وريم
البنيه : وينها هاي سراقة الرياجيل وينها ؟
........................................
يتبع