حب بالإجبار (نهوة)

الجزء 11

هدني واني كبل لزمت مكان الكرصه وفركتها وعمتي لاحظت تعابير وجهي ... اسيل : الحمدلله دايمة ... عفت الميز داكوم جلب بايدي محمود وجرني وكعدني عالكرسي ...!
جدي : اموت واعرف بنيتي وليدي الرباج شنو معلمج الاحترام والاصول شني ... وين اكو مرية تكوم گبل رجالها ... خو اذا رجالها ولي عهد المشيخة تكوم وراه بخمس ايام انتي شني جدو ؟
بيبي : عيني انته هم على كيفك ويايها توها بسم الله بدت تتعلم وشحلاتها لبست حجاب ومستور وعين الله عليها تو الناس صبرك بعد متعيدها ...!  محمود ضرب الطاولة بايده : اعتقد جايين نتزوهر ممكن تسدون حلكم وتلتهون بالنعمه الكدامكم ...؟
محمود بصوت ناصي : وانتي اني الج بعدين صبريلي !
عرفت شينتضرني وشورايه ياربي ماضل بيه حيل كتل والله !
محمود : دايمة للكل ... شيخنا حروح للشغل اني ...
جدو : الله وياك ابو نمر بس ها من ترجع انطيك مهمه وليدي ...
محمود : تآمر يالشيخ استودعناكم ...!
كبل دغتني عمتي كالت طلعي وراه وتعلمي ...
عفت الطاولة كلت دايمة ورحت وراه وصل يم الباب وكف ...
محمود بغرور : تدرين لو مكايمة جان هسه اني جايبج سحل من شعرج من الطاولة لهنا ! نزلت عيني بالكاع : ليش على اقل شي تضربني وتحاسبني ؟  محمود يبتسم بطرق شفته : مالج حق تعاندين ولا تسالين ولا تعترضين ...!   اسيل : قصدك مالي حق اعيش ؟
محمود : تماماً وهسه مو وكتج صعدي للغرفه ويا ويلج وسواد ليلج تحاجين ولد عمامج ! طلع وسديت الباب وراه صعدت فوك لغرفته تمددت متت تعب ... انفتحت الباب شفتها ريم ومريم دخلوا عليه فرحانات ... مريم : ولج هلهلي بصوت ناصي حيجونه باجر همه واعمامهم يخطبونه ! كمت وبوستهم وباركلتهم ...
مريم : حبيبتتيييي يوم الالج ومن التحبي ... حنروح قبل ليجي احد ويشوفنه ماكو ولج باي ! راحوا ركض وسدوا الباب ...
كعدت عالجربـ(سرير)ـايه وحضنت رجلي وبديت ابجي ...
يمكن لان مجربت هاي الفرحة من يخطبني حبيبي ... وهم كلش اشتاقيت لامي كلش ... لو رنا شحجي ميته عليها ... ضليت ابجي ابجي ابجي الى ان نمت ... حسيت بايد تلمس وجهي وتلعب بشعري ونفس حار يجي على رقبتي ... فريت وفتحت عيني كلشي ماكو طلع حلم ... اشوف الساعه بـ8 وماكو محمود احسن ... رحت للحمام اغسل وجهي وعيني واطير النومة ورجعت وصفنت لان ماعندي شي اسويه ... فجأه واني صافنه انفتحت الباب وطبت ريام ...
ريام : اسيل ... مستحلة غرفة حبيبي بس عادي بعد كم يوم تنطردين منها ... !   اسيل : مالي خلكج لو سمحتي ...!
تتذكرين رشى ؟؟ (للعلم اللي ميتذكر رشى يرجع للبارت السادس )
اسيل : منين عرفيتها وانتي شنو ؟.
ريام : بلكي اني جنت موصيتها عليج ؟
اسيل بصدمة : اااااه ماوقعت توصل بيج درجة الحقاره لهنا ...
ريام : مشايفة شي حبيبتي انتي استمتعي بحياتج الباقيه حبيـ....!
قاطعنه دخول محمود وضل صافن على ريام ...
ريام : هلا بالشيخ نورت دارك ...
محمود : الهلا بيج يبنت العم بس نزلي دابدل ...
ريام : يدلل شيخنه الحلو ! ابتسملها وابتسمتله ونزلت ...
ضليت صافنه مادري شسوي مشتاقه لاهلي اريد احاجيهم واخاف اكله ويكتلني ...بدة يتقربلي واني صفنت عليه واجة وجنت كاعده عالجرباية دفعني وصار فوكايه ...
اسيل بخوف : ش...سويت بع...بعد ؟ 
محمود : ليش تباوعيلي هيج ؟ خير يا طير ؟
اسيل : ما اكلك لان ت..كتلن...ي ... محمود : احجي يا مرة ...
اسيل : ادري ... تكـ...تكتلني ! محمود : كلمتي متنعاد احجي !
اسيل : وخ...وخر من فوكاي حتى اعرف احجي ...
محمود بعصبيه: باعي اذا كلت احجي مرة لخ اجنزج والخلق ادم ...
اسيل بخوف : شيخ اطلب منك الامان قبل ماحجي ...
محمود بعصبية : الج الامان كولي ...
اسيل : مشتاقة لامي ولاختي واخواني امانه خليني احاجيهم ولو مرة انت مانعني من شوفتهم ... كام من فوكي واتصل على رقم وفتح سبيكر ... وانطاني التلفون ...!
الاب : هله بالشيخ نور النقال وداعت الخلقك ...
اسيل : بابا اني اسيل ... الاب : ولج مصخمة شنو ماخذته بدون حسه وتخابرين بي صخام الصخمج رجعي ...
اسيل : لا بابا يمي ... الشيخ ! الاب : وشرايده ؟ عيوني غوشت لان تجمعت بيها الدموع بس كتمت ... اريد امي !
امي : هله يمة شلونج بنيتي الحلوة شخبارج ؟
اسيل : ماما مشتاقتلج كلش ... يروحي اني زينة لتشيلين هم رنا شلونهة ؟. امي : ببيت رجلها بس حكلها تسلم عليج يرويحتي ...
اسيل : ماما ! الام : ياروح ماما ... اسيل : تعاليلي بيوم امي ...
الام : الله كريم بنيتي ... اسيل : يلا ماما باي حبيبتي احبج ...
الام : باي يروحي امنتج بيد الله ...سديت التلفون وانطيتهيا من شوقي وفرحي حضنته وكتله شكرا بعدين حسيت على روحي ووخرت بسرعة منه ... اسيل : والله والله مو بقصدي صدكني !
ابتسملي بطرف شفته : ماكو شي اسمة مو بقصدي اعتقد !
اسيل : اااه ... يعني فجاة هيج صار من فرحتي ...
مرد عليه بس ابتسم واخذ هدوم وراح يغسل واني فرشت حتى انام طلع من الحمام لاف المنشفة على بطنه درت وحهي بسرعة ورحت يم الباب دا انزل ...
محمود بعياط : ولج اذا علوتي خطوة من الباب اجنزج وعلي ...
اسيل بتوتر : شصار شنو ؟. محمود : عار شوفي نفسج شلابسه !
باوعت لكيتني لابسة بجامه وبدون حجاب ... شغله عاديه بالنسبه الي بس اله لا ... رحت عالقنفة وتمددت ومحسيت الة نايمة ...
كعدت الصبح شفت محمود ماكو نزلت صبحت عالكل وصبحوا عليه بضحكة الة بسمة ام ريام ... عمتي نهال : يمة هلا باسيلو شلونج يمرت الغالي ..!  اسيل : اني زينة بس مجرد اسيلو جانت حلوة ميحتاج تجيبين غير كلمة عمتي حبيبتي ! عمتي : شهالنكد من صباحيات ربج فرحي شويه ! ريام : على سيرة الغالي هوه وين ؟
هديل : رايح بالديوان وحايهم خطار باوعتلي وغمرت (تقصد الخطابين) ! بيبي : هالمرة الخطار على ريومة !
بسمة : لا عيني احنه نريد لو ولي عشيرة لو شيخ لو واحد حلو حضاري ...!  عمتي بشقة : اسم الله على اساميكم عيني على كيفكم
قاطعنه دخول جدي هالمرة وكال : اليوم هم بشرة خير الكل يتجمع بالصالة ... تجمعنه واخذت ريم ومريم وهديل وهنه كلش فرحانات واجة جدي وكال: بنياتي اجوي لكل وحذة 2 خطابة واحنه حايرين شنزوجكم اليوم اجوي 2 ثانين يبنات الغالي فـ حنعوف الموضوع بيد شيخنا محمود الي يآمر عليه يجرى بمي ذهب ...حجة وهوه ياشر على محمود ! محمود : بالنسبة الي الاثنين الاولئل احسن من هذول يشيخ وبقت يمك ! ريم ومريم يباوعون لبعض والدمعه بعينهم
الجد : دام هيج خلي الاسبوع الجاي الخطوبة !
محمود : تآمر شيخنه ...! اشوف محمود يباوعلي ومن اباوع على عينه اني لا ارادياً انزل عيوني وارجع اباوع الكاه بعدة يباوع مادري هاي صلافة لوجرأة ...اني بيا حال خطية ريم ومريم ...
ريام : شيخنه محمود يبو نمر عندي الك موضوع بي كطع رگاب اريد احاجيك بي ...
محمود : احجي منو لازمج ... ريام : يبو نمر ياريت على انفراد لو وية امي لو سمحت ! اشرلهة وراحت وراه ...
ريم ومريم صعدن بغرفتهم وصعدت اني وهديل وراهن ...
ريم : خيتي هوه شكعد بحظنه حتى هالشغلة تكعد. إهئ.
مريم : حروح اكللهم احساسي يكلي الاثنين الاخيرين احسن ..
هديل : انجبوا وكعدوا خلص مدام الاوائل فـ تحطون راسكم جوة رجلكم وتسمعون الچلمة ... منو كاللجن تحبن تايهات احنه ...
مريم بعياط وهيه تضرب روحها : يعني اموت واعرف انتي عدوتنه لو خيتنه وكفي بصفنه مرة ولج مرة بس مرايده اكثر ...
ريم : لو سمحتوا الكولنه حل دنكول عاشكين عاشگين يا قوم والله ...
هديل : من طبج مرض وعرض انتي وياها والخلاجن تحبوهم ...
مريم : ممعقولة انتي شكد كارهتنه .إهئ. الكيلنه حل فدوة !
اسيل : ماكو حل :( بس عسى ولعل نقنعهم سوة شكلتي؟
هديل : انتي هم تخبلتني قافلات على هذولاك ... هيج وسمعنه خطوات بالممر ...
اسيل : امي ولج هديل بسرعة لغرفتج غرفتي اي صخام بس لا سمعونه ...
يتبع ...