حب بالإجبار (نهوة)

الجزء 19

فتحت الباب وسمعت السيد يكول اعلنكما زوجاً وزوجه وضليت صافنه وابجي ! مسحت دموعي حاولت اقوي نفسي ابتسمت ودخلت للقاعه والعالم عيونها عليه مصدومه ! واشوف محمود يباوع عليه بصدمه وتعابير متتفسر مهتميت قويت نفسي وضحكتله وسويت نفسي ممتأثره ! خلص السيد محمود صاح على بنات اخذوا البنيه واني بسرعه لبست جاكيتي (اي نعم جاكيتي جيت بدون حجاب ولابسه بنطلون ) ركضت فتحت الباب وصرت بالطرمة
.............
مريم :
واني بالعرس شفت اسيل وخفت طلعت وطلع وراها محمود خفت عليها كلش !
سليم : خلص العرس نروح ؟ تذكرت خيانته واني منتضره الدليل عليه
مريم : ه..ها تمام امشي ! سليم : س لواعرف منين متعلمه هالتمام ارتاح ! ركبنه ومشه بالسياره واني طول الطريق ماباوع عليه ومن اتذكر عيني تنملي دموع وادير راسي حتى ليحس !
سليم : شصار حبيبي شبيج ويايه اليوم ؟ تره وراس امي وراسها مو اني حاط الصوره يم راسي ! زين حلف براس امه معقوله مو هوه لا اكيد مو هوه بس حتى ارتاح اريد اجيب مرته تكعد يمنه واشوف المن يميل ويفضل ! مريم : اريد تجيب نور يمنه اني وياك... ضرب برسك قوي بحيث تحركت من مكاني من قوته باوعتله بصدمه !
سليم بعياط: صار اكثر من مره انبهج تحطين اسمي ويا نور بجمله وحده !  سكتت ودرت راسي ! وره مشه وره دقيقة كتله
مريم : سليم اذا عندك معزه الي تجيبها بداعت كل شي حلو بينه.
سليم : سدي السيره ! مريم : لخاطري . بس كلي ليش ضجت سليم جيبها وخلص قابل شحيصير ! سليم : تردين اجيبها مو ؟
باوع بعيني بنضرات متتفسر ! هيزت واسي معنى اي
شفته يطلع فونه ويتصل : الو، تعالي ببيتي اليوم انتي وجنطة وحده بيها ربع هدومج ! وسده لاحظته مودعها استغربت.  وره خمس دقايق اجتني رساله على فوني
نور : مريم سليم اتصل بيه وكلي ارجعيلي ماكدر بلاج كتله ومريم بعدكم عرسان جدد تنقهر جبرني وضغط عليه عذريني ماكدر اكسر كلمة شيخ راح اجي بالبيت مالكم ! فكيت حلكي بصدمه وانتبهلي ..
سليم : شكو ؟. مريم : ها ماكو .. شي ... كتبتلها : عادي حبيبتي تعالي 😊! اريد اوكع بيها هالكلبه ! وراها دزتلي ڤيديو هوه جايبلها اكل وجاي وهيه مصورته بدون ميدري بدون صوت ! نور : هذا التصوير البارحه من اجاني . انصدمت بس الڤيديو ميصير بي فوتوشوب ضليت اباوع بصدمه ! سليم : للمره 2 شكو ؟
مجاوبت  جر تلفوني من ايدي وطبك السياره مالته على صفحة !
قرة الرساله وضحك بصوت عالي !
سليم : هيج الحجي. ماعندج ثقة بيه وهاي لاعبتها صح ! 
مريم : لالا مو هيج والله بس .. سليم : بس شنو ؟ تدرين اني المايوثق بيه ماله مكان بحياتي . ساق السياره !
مريم : ماتوقعت تكذب ملامحها جانت صادقة وحتني عالوتر الحساس والله ! جوابه جان انو مشة السياره كلش سريع
سكتت الى ان وصلنه !
.....................
ريم :
وره مطلعت اسيل ومريم رحنه اني و وسام ركبنه بالسياره ومشه
وسام : طالعه حلوه مثل كل يوم !  ريم بخجل : اشكرك !
وسام : ريم شنو رأيج نسافر ونغير جو من اللي ديصير ؟
ريم : لا وسام اله اتاكد اهلي بخير وننزوج يله مو هسه !
وسام : هسه احنه شنو لعد توم وجيري
ريم : كتلك ماعترف وماطلع من هالبلد اذا مو اهلي بخير !
محاوبني وكمل طريقه !
.......................
اسيل :
محمود بعياط قوي وصوت خشن : اسيييييلل !
مهتميت ركضت فتحت الباب وطلعت كمت اركض بالشارع واشوفه يركض ورايه بس هوه اسرع مني بحركة وحده جرني وسحبني من ايدي قبل ما اعبر للشارع ! جرني وركبني بالسياره وعيونه حمره صعدني وقفل الباب عليه وركب وكام يسوق بسرعه !
محمود بعياط : شلون هييج تطلعيين ؟
اسيل : ——! كام يسوق بسرعه اكبر : تتجاهليني مو ؟ والله الة اشوفج نجوم الضهر
اسيل بصوت ناصي : و.. وكف السياره ! كام يسوق اسرع قررت اسكت لان كلما حجيت شي يسوي عكسه الطريق كله ابجي جنت طول الطريق وصلنه لبيت بأطراف المدينه من كل ناحيه يمه غابه خفت حيل  نزل واجه عليه جرني من ايدي وشعري وفتحت قفل الباب ودخلني صعدني فوك بغرفه وشمرني بالكاع !
محمود : شكلج نسيتي منو محمود بس لأن تهونت الج بسييطه اسيل
.......................