susulatan ka uli ng mga tula
gagawa ako ng mga bagong ala-ala
na maari kong yakapin
habang malakas ang ihip ng hangin
hindi ko tuloy maiwasan
na mapasok sa aking isipan
lahat ng ating mga usapan
sa masining pang paraan
tayo kung mag talastasan
hindi nila malaman hindi nila maintindihan
dahil tayong dalawa lang ang nagkakaintindihan
pumasok din sa aking isipan
kung paano mo ako samahan
habang ako ay nakikipaglaban
sa isa pang digmaan;
ikaw ang naging panangga
nang ako ay walang kadala-dala
ikaw ang aking nagsilbing armas
laban sa mundong marahas
binigyan mong buhay
ang mundo kong walang kakulay-kulay
dahil sa pagmamahal mong ramdam kong tunay;
sa paraan ng iyong pagsusulat,
naramdaman kong ako'y sapat
iyong mga salitang nang aakit
iyong ugali pang sobrang bait
para ko nang nasungkit
ang mga bituin sa langit
nang magkatotoo ang aking hiling
at ako'y tinawag mo na "akin"
kaya naman ngayon
hindi maiwasang mapatanong
naputol ba ang ating koneksyon?
ang linya na sa atin ay nagdudugtong?
at bakit parang kasalanan ko
na ako'y pinagbuksan mo ng pinto
hindi ko naman alam na hahatong sa ganito
nagkalayo na tayo
hindi na alam kung saan tumungo
pagkatapos daanan ng isang matinding bagyo
nagkaiba na ang ating mga punto
pati ang mundo na ating binuo;
naubos kaya ang ating tinta?
o baka naman may iba nang puntong pumagitna
ano na bang balita
nangungulila na ako sayo sinta
ikaw pa rin ang laman ng bawat talata
BINABASA MO ANG
Unexpected Miscellaneous | ✓
القصة القصيرةu n e x p e c t e d m i s c e l l a n e o u s // Isang antolohiya ng iba't ibang mga literary pieces tulad ng maiikling kuwento at ibang tula na biglaang naisulat ng aking pasmadong kamay at malikot na imahinasyon. // All Right Reserved 2019 sh...
