إبن عمي السافل

إبن عمي السافل💥 بقلمي: أريا ستارك جزء: 2

💥صفاء شافت فيه باستفهام: علاش غانعتادر واش انا لي مصنوعة من لحجر ولا نتا كنسحب راسي دخلت فحيط(شدات راسها) راسي داخ عليا
شخص كيشوف فيها باستغراب وعاود خنزر وكرز على سنان : واش نتي لباس؟؟
صفاء بتاسمات: لباس حمد لله إسول فيك لخير نتا من عائلة لعروسة؟؟
شخص تمالك أعصابو وجاوبها: لا من عائلة لعريس
صفاء خرجات عينيها حيت مكتعرفوش ياعني كداب: هههههه وانا هي لعروسة هههه أجي أجي الكديديب عندي لك واحد لافير
ياله بلا يجاوب وهي تجي أسماء تجري هازة كنضورة: ساطة سربي راه غاتخرج دابة
صفاء جرات شخص لي واقف حداها ولكن متحركش وهي تاخد لكندورة من عند أسماء ورجعت عندو لاحتها عليه شدها ورجع خنزر فيها: شوف انا عارفاك ماشي من عائلة لعريس حيت أنا خت لعريس وكنعرف كلشي ألوغ عندك زوج اختيارات ياتلبس هادي ودير فيها عدول ولا نشوهك هنا قدام الناس.
شاف فيها وشاف فلكندورة وبتاسم لاحها عليها وحيد لافيست ديالو بشوية وعينين صفاء واسماء مقابلينو وهو مبتاسم بمكر، حيد كرافاطا لاحها فلرض وعينيهم متبعين كل حاجة كيديرها بدا كحل صدايف ديال قاميجة، صفاء تزنكات دورات وجهها لقات أسماء حالة فمها تعصبات: تي جمعي فمك لموت كتسارا
اسماء: مهم نتفرج وربي كبير واش داير لينا برايفت شو ونقول لا...أصلا لي مات على شبعة مات غازي
صفاء بصوت منخفض: أشنو غازي؟؟ زعمة لي غاز؟؟
اسماء دارت شافت فيها وخنزرات: دابة ملي شي حد كيقول متل قديم كيقولو (قالو الناس تبع كذاب تال باب الدار) دابة نتي غتسوليهم شكون هاد لي قالو؟؟
صفاء تخربقات: لا مغنسولش انا شغلي أصلا مكنديهاش فهضرت بنادم
أسماء خرجات عينيها فشخص لي من موراهم: ناري صدرو عريان ويلي منين ضبرتي على هاد تركي
صفاء مدارتش شافت فيه: لا كهضر بالعربية والله موحالش يكون تركي
شخص: اري ديك كنضورة
صفاء دارت غادة عندو حتى لقات صدرو عريان ومبتاسم ليها جنب وهاز حاجبو لاحت عليه لكندورة: ويلي ويلي على لماسخ ستر ستر راسك، شوف كتعرف تقرا القرآن ولا غير لفاتحة غير باش تزوجهم بلعاني؟
شخص شاف فيها باستفهام: شكون هادو
صفاء: واخويا وخطيبتو، ياختي بوكوص ولكن كولووووخو
أسماء شافت فيه: أجي كاين عدول ديال بصح نتزوجو؟؟
شخص شاف فيها وكضحك: لا بصحة
أسماء: اوكي على خاطرك وياله طلقونا بغيت نشوف دخلة ديال لعروسة.
صفاء شدات فدري وجراتو وهو تابعها مخليها دير لي بغات ديك بتسامة شريرة مافرقاتوش ومرة مرة كطلعها وهبطها  وركز على طرماحة وكزيد يبتاسم، وصلو لوسط القاعة بدات موسيقى هادية دخلات لعروسة بلباسها الأبيض، مغطين ليها وجهها جايبها باباها بكل تعجرف من من ليمن وماماها من ليسر، صفاء كتشوف فخوها لي اصلا مامسوقش وعينو على وحدة أخرى كل مرة يشوف جيهتها...دخلو ناس لبحال صالة كبيرة بركو لعروسة قادة ليها لبسة وعراو على وجهها، لقاعة كلها تفرقعات بضحك من لون شعرها لي على شكل قوس قزح فيه جميع الألوان.. بدر هو صفاء كيتسطا بضحك تادموعو نزلو، أما لعروسة بدات تبكي معرفتش علاش تاجابو ليها مرايا غير شافت ديك لحالة وهي تخنزر فصفاء وبتاسمات بتحدي وشدات فبدر وقالت وهي كتمتل لبكا:حبيبي منخسروش ليلتنا ياله نديرو كتب كتاب ومن بعد نقاد هاد لحالة لي دارو ليا
صفاء دفعات داك دري: هالعدول جا
بدر شاف فلعدول لي بادلو نضرات وهوما يتفركعو بزوجهم بضحك وتبعوهم الناس واخة معارفينش سباب.
بدر: ههههه نتا دابة هو لعدول
شخص خنزر: وي معجبتكش؟؟
بدر: ههههه كاين شي عدول يقول وييي
صفاء دفعات خوها ولعدول بركاتهم وجرات لعروسة من ايدها وكتقرص فيها ولوخرا كتشوى: سربيو راه الناس ضرهم جوع