ربع ايام قبل العرس
خارجة من لمدرسة وراسها محدور كتفكر حتى تلاحو عليها ايدين عنقوها وتعلقو فعنقها..
صفاء: واااازمر خنقتيني... اميييييييير طلاااااق
امير: ليش لحب زعلان؟
صفاء: راشقة لك حيت سالينا دابة متحانات بارح كنتي تقفقف
أمير كيقاد فحوايجو ومقابل مراية ديال طوموبيل: ومالك نتي معبسة؟؟ راك مغتسقطيش متخافيش
صفاء: ثامل لاخر من صباح ونتا مقابل طرماحتك مع ديك مرايا....عارفة مغنسقطش ولكن هاد الجهوي مدرت فيه تازفتة...انا باغة نتزوج ونكون ربة بيت
أمير: غاتكوني ربة لخرا على عينيك نتي مكتعرفي طبيبي لما لأتاي كاتخليه تاكتبخر ومقراج يتحرك ودار تشعل فيها لعافية
صفاء: وصافي وقعات مرة وحدة درتي لينا حالة
امير: يا بنت كلب سيفطتينا ليرجونص كانت الدار غاتحرق وكتخرجي فعينيك؟؟
صفاء: وجاني نعاس ولما مبغاش يطيب دغيا
امير: والله يحرق حباب مك ياكلبة باقة لحد الآن مكتعتارفيش بيه راه مشكل كبير وكنا غنموتو
صفاء هزات كتافها: وراه كاينة غير موت وحدة كلنا لها، واخة كنت متوقعاك تموت حيت معندك صحة ساعة صدمتيني فيك سبع رواح ياربي سلامة واحد يقول *أخيرا مات ياحليلي* عاتا طلع لينا من حيت لا ندري
أمير تلاح عليها كنتف فيها وكغوت:اااه أنوري لديمك من حيت لاندري كتجعرينيييي
جات بنت كتجري تلاحت عليهم طاحو بتلاتة فلأرض: طحبااات توحشتكم
أمير ناض وقف بزربة كيسوس فحوايجو: والله ينعل ز*** بوكم جملة خربقتوني تف تف تف
صفاء تلاحت على صاحبتها أسماء وبدات تهر فيها: ديييمك يااااا....طحبة......يا بنت الكلب....نهار لبس البيض... ديري معايا ضحك لبناية.... ليومة....نريش....ديمك
أسماء ملي كيهروها كتخصر لهضرة تلقائيا معروفة عليها: ز**** واااز**** تي زكاي واااااع والح****
أمير غايتسطا بضحك: باراكة عليها الموصيبة
صفاء ماناوياش طلقها حتى حسات بإيدين تحطو على كتافها وكرزو عليها هزوها من على أسماء وحطوها لرض، دورات وجهها وهي تخرج عينيها مامتيقاش..
صفاء: ببببببببدر واللهتا بدر يااااااااي
نقزات تعلقت فخوها من عنقو ولوات عليه رجليها بدر بدا كضحك من فعايلها الصبيانية وروحها المرحة لي ديما كتفكرو بالمرحومة ماماهم لطيفة، نفض هاد الأفكار ورجع شاف فيها شحال كبرات ربع سنين مشافها من غير ليزابيل فيديو، لي ماشي بحال الحقيقة ملامحها مغايرة بشرتها بيضة صافية، كيبانو ليه لون عينيها بوضوح دابة زورق مايلين لأخضر كيتسيفو تحت أشعة الشمس، ووجهها لمالئكي لي ملي ضحكات بانو غمازات ديال ماماه دغيا رمش عينيه يحبس لبكية لي محرجهاش من لي ماتت ربع سنين هادي.
أنت تقرأ
إبن عمي السافل
Romanceقصة كاملة كتجنع فتاة متمردة تلتقي إبن عمها في ضروف كوميديية... قصة بالدارجة المغربية ابن عم موعود بزواج بنت عمو لي مفراسها والو وعاد غاتلاقى بيه فضروف كلها ضحك وسفالة لا أنصح لجمهور الناشئ... رقم #١ في قصص المغربية بتاريخ 06/08/2019 رقم #١ في قصص رو...
