طلع نهار جديد على صفاء لي ديما خامرة ضربات شميشة فوجهها بغات تحرك كتحس بتقل فوق منها حلات غينيها مفزوعة وغوتات: واااااع باباااااا
أسماء فاقت مفزوعة ناضت تجري وهي طيح من فوق سرير لرض على مسعودة بدات كتحك فيها: سيري الله يزعزعك كيما زعزعتيني بهاد لخلعة
صفاء: ديمك مشبحة فوق مني انا سرير
دخل بدر يجري حيت سمع غواتهم صفاء جرات عليها لغطا مع لابسة ديباردور خفيف بلا سوتيان وشورط قصير، بدر وقف كيشوف فصفاء واسماء لي مشبحة فلرض و لابسة نفس بيجامة دصفاء فلون تيركواز علك عينيه مع رجليها طوال وهز راسو فيها لقاها مخرجة عينيها ومدرقة صدرها.
بدر حس على راسو ودار خنزر فصفاء: مال ديمك نتي كتغاوتي خلعتينا؟
صفاء: كنت كنسرح فلحبال الصوتية
بدر جا قدامها: غانجي نسرح لديمك دوك لعضام ونشوفو
صفاء: لالا شوف هانتا راه خلعاتني نسيت راها ناعسة معايا
بدر كيحاول مايشوفش فاسماء: ناعسة حداك ماشي معاك
اسماء: ناعسة معاها ولا حداها كلشي زوين أبب
بدر شاف فيها وهي تغمزو حرك راسو بتعب: مسالين قبكم نتوما، تجمعو دغيا غانمشيو لفيرما هاد ليوماين
أسماء: لا حنا مغادينش حيت خدامين
صفاء: شحال كتسمع زوينة هاد خدامين
اسماء: وياه كتحسي براسك عندك قيمة هههه
بدر بنبرة خادة: وااازمر جمعة رايكم ياله راه تما فين غاتصورو غسان راه تما
اسماء: اواه بين ليلة ونهار بدل رايو وصدقنا غادين لفيرما؟
صفاء: يابين ليلة ونهار بان عايبك وهيا لحسوة
اسماء: هههههه أشنو عيب لحسوة؟
صفاء: كيديرو فيها لحلبة بزاف كتقهرني كنولي نشم لحلبة فشعري
اسماء: بربي نتي مجاتش معاك لباس علك كنتي تكوني شمكار ديال درب بحالي
صفاء: بزاف علك هاد زين كامل شمكار
اسماء: مافيوزية ياااله
صفاء: اححح حبيتها
بدر بقا واقف كيشوف فيهم واش هادو بعقلهم ولا هو لي مسطي ولا اش واقع دغيا من موضوع لموضوع كيدوخو لي مايدوخش تفكر راسو: احم عندك ساعة نلقاكم لتحت، ولا ملقيتكومش نتلاقاو فلفيرما لاعرفتو كيديرو....اه ولا تصحابو راسكم مريكلين راني عطيت تعليمات تاحد مايديكم لشي قنت يعني لامجمعتوش ك*** ونضتو بربي منتسناكم
أسماء شافت فصفاء: واش خوك كيكمي شقوفة؟؟
صفاء: مكنضنش
اسماء: سكايري؟؟
صفاء: مرة مرة كيشرب ولكن ماشي مدمن
اسماء: كيدير لكالة؟؟
صفاء شافت فبدر لي حال عمو فيهم: اش غايكالي زعمة؟؟
اسماء ناضت وبركات حداها فسرير: لا زعمة واش مبلي حيت جاني بحالة مقطوع
صفاء عاودت شافت فبدر: مابانت ليا تاحاجة مقطعة
اسماء: قودي نتي كديري سكر والله
صفاء شافت فبدر: واش مقطع نتا؟؟
بدر شاف تاعيا وحدر راسو خارج : باقي ليكم 50دقيقة
صفاء: وصااافي عرفنا سااااعة
بدر غوت: 50 دقيقة
أنت تقرأ
إبن عمي السافل
Romanceقصة كاملة كتجنع فتاة متمردة تلتقي إبن عمها في ضروف كوميديية... قصة بالدارجة المغربية ابن عم موعود بزواج بنت عمو لي مفراسها والو وعاد غاتلاقى بيه فضروف كلها ضحك وسفالة لا أنصح لجمهور الناشئ... رقم #١ في قصص المغربية بتاريخ 06/08/2019 رقم #١ في قصص رو...
