سكت بدر طريق كاملة مدواش حتى وصلو لفيرمة لقاو شي وحدين كيقادو معدات تصوير وديكورات، نزلو بنات كيقلبو بعينيهم..
صفاء: ديالمن هاد فيرمة؟؟ كان كيسحابلي عاديين لديالنا؟!
بدر: هادي مزرعة ديال غسان ورتها من جدو اب ماماه
اسماء: على دكر غسان فيناهو ؟؟
صفاء عينيها تحلو: ياااااه لماعز
مشات كتجري نقزات سور صغير ودخلت وسط لمعاز: باااااااع...الماعز كيردو عليها باااااع وكضحك مامسوقاش وهوما كينقزو فوق بعضياتهم، غسان سمع صداع وخرج من كوزينة هاز قرعة كشرب منها بانت ليه صفاء وسط ماعز خرج عينيه غايبدا يضحك وهو تجيه فكرة.
غسان عيط من فين واقف: جاهايرا
خرجات بنت فأواخر العشرينات ديالها طويلة بحال شي عارضة ولكن باين صدرها وطرماحة غير بعمليات تجميل: سييي أموري ميو...(وي حبيبي)
غسان: متبقايش تقولي هكاك لايفهمك شي حد غلط راك عارفة سيرتو صفاء هنا.
جاهايرا وجهها تبدل لونو ولكن تحكمات فاعصابها: اه نسيت واخة ...احم عيطتي ليا على شي حاجة
شاف فيها: وي مزيان عندك كاميرا شتي ديك بنت لهيه لي كتلعب مع لماعز صوريها وهي هكاك بعفوتها
جاهايرا جرات رجليها وهي ماعجبها حال وقفات قريبة من صفاء وبدات يتصورها حتى دخل أمير واسماء وهي توقف من تصوير ومشات عند غسان شدات فيه وكتوريه تصاور وهو كيبتاسم لعفوية صفاء فتصاور...
أسماء كتنغز فصفاء: والزمرة!! حبك كيخونك
صفاء وأمير دارو كيشوفو فين كتشوف اسماء، لقاوه كيضحك وهاديك معلقة فعنقو..
صفاء: بففف هادا هو لي لبارح كيسيفط فميساجات تال زوج صباح مخليني بلا نعاس
اسماء: بلاما تسرعي راه باينة هي لي لاصقة فيه
امير: شكون هادي مسكينة شبعانة عمليات التجميل
صفاء باش عرفتيها؟؟
امير: هانتي ضربي على قنانفها بزوجهم منفوخين بدقة باينة ماشي ناتيرال وعاد ترمتها باينة زايدة من شكلها كتبات، وحتى صدرها شفتو الفرقة كيكتبان ماشي عادية.
أسماء تعصبات: شو ق*** كتبوس فبدر
صفاء: راه غير سلمات عليه شو كيرجعات تعلق فغسان
امير: ياك نتي مباغاش غسان؟ اوى خليه ليها
صفاء: غيرت رايي بغيتو ياله غير ضد
أسماء زيدو نمشيو عندهم.
أنت تقرأ
إبن عمي السافل
Romanceقصة كاملة كتجنع فتاة متمردة تلتقي إبن عمها في ضروف كوميديية... قصة بالدارجة المغربية ابن عم موعود بزواج بنت عمو لي مفراسها والو وعاد غاتلاقى بيه فضروف كلها ضحك وسفالة لا أنصح لجمهور الناشئ... رقم #١ في قصص المغربية بتاريخ 06/08/2019 رقم #١ في قصص رو...
