إبن عمي السافل

💥إبن عمي السافل💥 بقلمي: أريا ستارك جزء: 38

بعد مرور تلت شهور
بدر فايق كيتكسل كيسمع صونيت شاف فساعة لقاها 12 ديال نهار وهو يخرج عينيه..
بدر: ناري نسيت نعس نجيب لبنت من لمطار
كسمع لخبيط فلباب وصونيط عرف لبنت جات سيرتو أن طيارتها وصلات مع تسعود صباح ناض دغيا لبس شورط نايك وتيشورط نيك كانو محطوطين حيت معول يلبسهم وناض يجري حل لباب.
بدر: سمحي ليا بزاااف بارح كانت عندي خدمة بزاف ونعست معطل مفقتش بألارم
اسماء:زايتشل هي مك ياراس طيطوارة بشااار كيجبدك وياله حاطة رجلك فهاد بلاد السعيدة
أسماء كانت كتعاير مع جار لي قاليها زايتشل هي بلاصداع عاطية بضهرها للباب سمعات بدر فاش هدر وفعلا جاها صوتو بحالو ولكن متيقاتش حيت هاد شهور كلها وهي كتسمع صوتو ولا تخايل صورتو دارت غاتشوف فدري لي سيفطها باباها تسكن معاه وتكمل قرايتها، دارت حتى كتلقا عينيها فعينين بدر خرجات عينيها وهي تسد عينيها وتنهدات: واش هاد لخرا غانبقا نتخايلو فينما مشيت..
بدر سمعها وهو غير كيشوفيها واش هي ولا غير كيتخايل عاودت حلات عينيها وباينة عليها صدمة هزات ايدها وبصبعها قاصتو فصدرو حس براسو رجع بحال اول نهار شافها وتزعط فيها.
اسماء: واش نتا بصح واقف قدامي
بدر خنزر: اش كديري هنا؟؟
اسماء بقات كتشوف فيه: واش بابا سيفطني عندك بلعاني؟
بدر عاق بلقالب لي دار ليه مهدي ورجعات بيه داكرة لشهر قبل ليوم.
بدر: واش منيتك امهدي
مهدي: راني باك حتارم راسك تقادو لكتاف؟؟
بدر: واش باغيني نتزوج بوحدة كتبغي واحد ومنساتوش وشهرين وهي كتبكي عليه واش بعقلك؟؟
مهدي: راني قلت لك بنت صاحبي وبغيت نعاونو نعاونها
بدر: علاش ألمانيا زعمة اش باغة تقرا لي ضروري تجي هنا
مهدي: شوف متبداش تفهم عليا قلت لك باها باغيها تكمل قرايتها برا ولكن كيخاف عليها وهاد هو دياني مايمكنش يخليها تعيش فبلاد خرا
بدر كضحك بلفقصة: هههه ولحل تزوجها بولدك واش شايط علك؟؟ ماباغيييش نتزوج
مهدي: هي باقي منسيتيش أسماء خطة ديالك مصدقتش
بدر تعصب قال بنبرة تهديد: مهدييي!!
مهدي: شوف فكر مزيان دير خير فلبنت وعاون باك يرد جميل لصاحبو ونيت ياك باغي أسماء تنساك ومايبقاش عندها أمل وااافق وهني راسك
بدر: هاد لوجيك ديالك مكدخلش لعقل
مهدي تعصب: هاسخط هارضى إلا متزوجتيش بيها
بدر ياله غايجاوبو بلا وهي تاخد تيليفون صفاء: بدر خوياااا توحشتك
بدر: تانا حبيبة خوها داك خاينة مهلي فيك؟؟
صفاء: وي وي خويا متبرزطش معايا بغيت غير نسلم علك قبل مانمشي نوجد راسي للخطبة
بدر: شكون غابتزوج؟؟
صفاء: نتا واقلة على مسمعت من هاد مكالمة ههههه ولكن مزيان نيت حتى اسماء راه خطبتها ليوم
بدر تصدم حس بألم فصدرو بحال قتلتيه: اه مبروك مهم هاني غادي قولي لواليد واخة على ديك ليقال غير شي سيمانة ونسيفط ليه توكيل..
صفاء: هههه باك غايزوجك زوينة هادي هههههه اوى مبروك علك
قطعات معاه تيليفون وصارت شافت فباباها وغسان مقابلينها وافين فمهم..
صفاء: مالكم راك بغيتوه يقول اه إوى هاوا وافق
غسان: بعد مرات كنتخلع منك
مهدي: إن كيدهن لعضيم ههههههه ولكن برافو علك هاحنا غانزوجوهم بزز منهم
صفاء: دابة كملات فرحتي ملي ختي تاهي غاتحقق لي كاتمنى..