غسان واقف حدا جاهايرا وهي كتصور صفاء ومرة مرة تلوح شي كليمة لغسان وتزلع بضحك، وصفاء مامسوقاش كتصور وهو عينو غير عليها وكيفاش جا معاها لبيض كتبان بحال شي ملاك...شوية بان واحد دري عارض تاهو صدرو عريان ولابس غير شورط قصير ومشا وقف حدا صفاء.
غسان: اش هاد لق**** شكون هادا؟؟
جاهاريا: أموري هادا بابلو عارض لي كنا تافقنا عليه شهور هادي راه داخل فلمشهد لي غايكون فلواجهة ديال لمجلة
غسان عينيه على صفاء لي غير كضحك ودري كيدوي معاها: واش غايقيسها؟؟
جاهايرا شداها لفقصة: وي غايركبو بجوجهم فوق لعود وعاد...
غسان مخلاهاش تكمل لهضرة مشا عندهم وقف ديريكت بينو وبين صفاء وربع ايديه.
صفاء كتكركر: هههههه هاد لولد كقتل بضحك
غسان كيشوف فلولد على وجهو علامة استغراب ولكن مبتاسم: علاش كضحكك اش قال
صفاء: هههههه راني مفهمت والو سطاني بضحك واقلة شلح ههههههه
غسان رجع راسو لور وضحك حتى شبع: هههه دابة بابلو شلح؟؟
صفاء: ههههه هانتا شوف شوف
مشات عندو وقفات قدامو ونعتات بصبعها لراسها وكدوي بشوية: أناااااا صااافااااااء....(ونعتات ليه فراسو) ونتاااا؟
بابلو شاف فيها وبتايم: إل ميو نومي بابلو بابلو
صفاء تكرشخات بضحك: بليبليبلو هههههههه ناري قتلني ضحك اوف ياسيدي ربي
غسان: صفاء راه قالك إسمي بابلو
صفاء: ها جامايكا ها بابلو اش هاد سميات جايب لينا
غسان دار عند بابلو شرح ليه بلا ماغايدير تاشي مشهد معاها.
جاهايرا: ولكن خاصنا تصاور كوبل
غسان اوكي انا غنضبر لك
مشا غسان غير عليهم البنات كيخنزرو بعضياتكم.
جاهايرا: فراسك غسان كان حبيبي؟ (صفاء مجوبتهاش) وكان خاطبني (صفاء متحركاتش) وانا متأكدة بلا غانرجعو لبعضياتنا
صفاء هزات راسها فسما وغوبشات وجهها بحال مخلوعة وهي تهز كسوتها بيديها وبركة قفازي وهي كتغوت: عنداااااااااك.
جاهايرا تلاحت دغيا فلرض صفاء ناضت وقفات بحال ماوقع والو وساست كسوتها وكتعيب فيها: انا كنت حبيبتو لا كنت خطيبتو ... تسمعي ليا مخي انا ياله تمرمدي فتراب ولا بس
قلبات وجهها دغيا جا غسان: مال جاهايرا؟؟
صفاء: قالت لك بغات تكون هي وطبيعة واحد كنا واقفين صحة سلام وهي تلاح فلرض تشم تراب وتبوس لرض، واقلة مسكونة مسكينة ولا خبلة ومافراسهاش.
غسان شاف فيها بتشكيك:صفاااء اش درتي
صفاء: واللهما قصتها خدي قلت ليها عنداك والله راني كنحلف لك
جاهايرا واقفة مفقوسة: أخر يامي وليت نخدم مع براهش
صفاء: حشومة تقولي على غسان برهوش!! واخة رآها بصح ولكن متقوليهاش فاص كتجرحي ليه مشاعر ديالو
أنت تقرأ
إبن عمي السافل
Romanceقصة كاملة كتجنع فتاة متمردة تلتقي إبن عمها في ضروف كوميديية... قصة بالدارجة المغربية ابن عم موعود بزواج بنت عمو لي مفراسها والو وعاد غاتلاقى بيه فضروف كلها ضحك وسفالة لا أنصح لجمهور الناشئ... رقم #١ في قصص المغربية بتاريخ 06/08/2019 رقم #١ في قصص رو...
