باقي تلت يام للعرس داخل غسان بشانطتو للفيلا عند صفاء وهو مبتاسم بشر ناوي على خزيت قبل ملي وصل باب تحل بزربة، هز حاجبو لي كيبان من مورة نضاضر وقف مقابل معاها ولبتسامة مفارقاتوش صفاء تصدمت ملي شافتو خرجات عينيها واهة هكاك شافت فصدرو كيفاش تيشورت بيض مكروز على صدرو وكيبانو عضلاتو غايطرطقو خبطات عينيها لقاتو لابس سروال كحل وسبرديلة فلبيض ولكحل.
غسان: ألوووو والعمالة
صفاء: نعام أشنو كاين؟؟
غسان طلعها وهبطها لقاها لابسة ديباردور كيبين نص فصدرها وسروال دحين مكروز عليها دغيا خنزر. نبرة صوتو ولات جدية: فين غادة
صفاء: مع أسماء لعند لخياطة
غسان: وغادة بحال هاكا
صفاء رجعات دخلات للدار :لا راه نسيت دابة سمعت طوموبيل كيسحبني أمير دكشي علاش
غسان دخل مبان ليه تاحد فصالة وهو يتبعها لبيتها ياله غاتسد لباب دفعو برجلو ودخل حل فين كاينين حوايجها وجبد شوميز محلولة كمام وطويلة حتى الركبة.
غسان مطاها ليها: لبسي هادي
وخرج قبل مايشدها يدير فيها شي حاجة راه كيحبس راسو غير بزز هبط لقا مهدي وبدر كيفطرو
بدر: منين جيتي نتا
غسان: من اوطيل ههه
فهد: ههه سمعتك كتناقش مع صفاء على لبسها جاب الله شكون يقادها مع طريق
بدر: مالها لابسة فين غادة؟؟
غسان: قالت لك الخياطة
بدر حرك راسو: كدابة هاديك راه كلشي مقاد معندها باش تمشي لشي قنت لاهي لا ديك أسماء
أسماء داخلة مع لباب: مهدي حبيبي مال هاد ولدك كيدوي عليا؟!
مهدي: زين ديالي جا
بدر خنزر فباه: لواليييد
مهدي كضحك: هه مالك غرتي من شارف ديال باك؟؟
غسان:أسماء باقة مقصحة راسك مغتزوجيش معانا فنفس نهار
أسماء: أولا نتوما مزوجين غير غاديرو لعرس،(شافت فبدر) تانيا مبغاش نتزوج بشي حد يتحكم فيا وانا باقة صغيرة باغة نعيش حياتي ونخرج وندور ، إلا لكان مهدي نتزوجو داااابة هههه
بدر دفع لكرسي وناض هز سوارتو وخرج أسماء بقات غير كتشوف عرفات راسها قفراتها باينة فيه كاعي...
مهدي تنهد: تكايسي ابنتي ضربي وقايسي
غسان: أسماء فراسك بلا ملي كيجي عندي لخدمة كيدورو بيه لعارضات كيبغيو ياكلوه ونتي معفرة عليه ولكن عل اقل غير بشوية ..
صفاء نازلة مع هضرة ديال غسان: واهيا لمعفر وتعفر غير بشوية
اسماء تقلصات ولكن مبغاتش تبين: وياها وياها
دخل امير: سلام الأوحبة واجدين؟؟
غسان دفع كرسي ووقف درق امير على بنات وخنزر فيه: فين غادين؟؟
امير: نتا لا عند لخياط الخياطة نقافة ولا دقايقية على حساب اش قالت لك صفاء
صفاء كتندب موراه: سير الله يلقيها لك
غسان دار خنزر فيها: أعدى شي عندي هو لكدوب تاحد ماغايخرج
أنت تقرأ
إبن عمي السافل
Romanceقصة كاملة كتجنع فتاة متمردة تلتقي إبن عمها في ضروف كوميديية... قصة بالدارجة المغربية ابن عم موعود بزواج بنت عمو لي مفراسها والو وعاد غاتلاقى بيه فضروف كلها ضحك وسفالة لا أنصح لجمهور الناشئ... رقم #١ في قصص المغربية بتاريخ 06/08/2019 رقم #١ في قصص رو...
