وصلات لعشية البنات هوما وامير كانو كتفرجو شوية خرجو للجردة وجابو ليهم قهوة خرج عندهم غسان..
أسماء كتشوف فغسان مخنزرة حيت حرمها عليهم: نتا أخويا ساكن هنا؟؟
غسان شاف فيها وقلب وجهو: ديالمن هاد قهوة كحلة؟؟
صفاء: انا مبغيتش نعس بكري نبقا مجمعة
أمير شاف فأسماء: انا نجاوبك الحب دابة كيشتي غسان مشا برك فلوطيل حيت دارو كيدير ليها إصلاحات إوى عمي مهدي قاليه لا حقة ولواد نتا عائلة دابة تبرك معانا مجاتش تبقا فلوطيل اش يقولو علينا ناس وكدا
صفاء: شي حد يسكت هاد أخبار الساعة
غسان هاز طاسة لي فيها سكر وهز سكرة موقفها فوق كأس صفاء: بغيتي سكر
صفاء: اه زوج عفاك (بقات كتسنا وهو يمشي سكرة لفمو وجبد سكرة أخرى ولكن بقا هازها فوق من كأس كيعصب فيهة) واااخشييي
غسان غمزها: لا تال ليلة لعرس
صفاء تزنكات: تفو على ماسخ ياخزيت عطيني سكر نخشي راسي
سرات معاه بلا جات تكحلها عماتها غسان بدا يضحك: صافي نخليك نتي تخشيه غير بقاي على خاطرك
اسماء: والخرا حتارمو راسكم
امير: ملي نكبر بغيت نكون بحال غسان سافل خههه
اسماء: على نتا باقي غي كاتكبر؟! غسان خويا الله يرحم باك راعي للقلوب الضعيفة ونتي اصفاء جمعي كرك
صفاء: قاودي مالي اش قلت انا بغيت غير هداك(كتنعت فطاس ديال سكر لي شادو غسان بين يديه ولكن فحجرو)
غسان رجع راسو لور وكيضحك حيد سكر من تم جات عينها على معلم ديريكت واقف غير من هاد لهضرة هزات عينها فغسان وهو يغمزها: انا عارفك بغاه ولكن صبري تال لعرس
صفاء ناضت دفعات كرسي: مرض كيدير مبقيت باغة والو غانمشي نعس كاااع
أمير: ياله تمنية اصحبتي ريحي لرض
صفاء زادت كتخبط رجليها وهو يوقف غسان باقي كضحك: ا نمشي مع مرتي نوريها واحد شونتييو ديال نهار لعرس
أمير كيشوف فيه غادي: وحنا شنو نحكوه مع اقرب حيط تفو غير ز****
اسماء: نوض تقود تانتا شتك تحليتي
أمير: هابدر جاي انا غانمشي نيت ...ونتي بقاي تهربي فدري تايطير منك وتجي تبكي عليا
بدر كان جاي تلاقا مع أمير بركو يضحكو شوية وضرب دورة معاه دخلو لفيلا وخلا اسماء كتشوف ناضت تبعاتهم لقات امير غادي فحالو وبدر برك فطبلة لعشا..
اسماء: باقي لحال على لعشا لابغيتي تشرب قهوة برا فجردة
بدر خاشي راسو فتيليفون: لا شكرا
اسماء: واش كاعي من صباح غير كنضحك معاك
بدر: لا عادي مبقاش كيهم
أسماء بركات مقابلة معاه: بدر راك عارفني مبغاش نتزوج بكري واخة مغتمنعنيش من قراية ولكن مبغيت نربط راسي وانا صغيرة..
بدر: أسماء ختي صافي نساي موضوع زواج حيدتو من بالي
أسماء وقفات بزربة: ختي؟!! وليت ختك؟
بدر تنهد وهز راسو فيها بانو ليه عينيها مغرغرين قوى راسو وهضر: مابغيتي لاتزوجي لاتولي ختي إوا اش بغيتي حيت انا صافي هاد الفار ولمش لي لاعبين مبقاتش راشقة ليا عليها..
اسماء حابسة بكية: أشنو بغيتي تقول؟
بدر: ماكين منقول بلعكس لي بغيتيه نتي كنديرو ودابة هاني خليت لك حريتك ديري لي بغيتي وتانا نشوف مرا ديال زواج
أسماء نزلو دموعها: أشنو مغتسنانيش عام ولا عامين
بدر شاف فيها وفدموعها وكرز على إيدو قبضة: دابة اش بغيتي مني أسماء درت لي بغيتي وغانعطك تيقار علاش كتبكي علاش هاد افلام؟؟
اسماء دغيا مشات لصالون هزات صاكها وخرجات وردخات لباب بدر بقا كيشوف فلباب تنهد ورجع برك .
مهدي خارج من كوزينة: قصحتي معاها شوية راه باقة صغيرة
بدر خنزر: هادي أخر فرصة إلا مبغاتش غانرجع نسافر حتى نس هاد زمر ولا مانرجعش كاع..
ناض بدر من طبلة وطلع لبيتو بقا مهدي كيشوف فيه وتنهد وهو يهز تيليفون لصاحبو(اب أسماء)...
مهدي: ألو صاحبي لباس علك؟؟..... اش بان لك فديك شنيولة ديالك؟؟....
أنت تقرأ
إبن عمي السافل
Romanceقصة كاملة كتجنع فتاة متمردة تلتقي إبن عمها في ضروف كوميديية... قصة بالدارجة المغربية ابن عم موعود بزواج بنت عمو لي مفراسها والو وعاد غاتلاقى بيه فضروف كلها ضحك وسفالة لا أنصح لجمهور الناشئ... رقم #١ في قصص المغربية بتاريخ 06/08/2019 رقم #١ في قصص رو...
