إبن عمي السافل

💥إبن عمي السافل💥 بقلمي: أريا ستارك جزء: 7

خارج من لماطار داير نضاضرو ولابس كاجوال تريكو كمام وسروال دجين كيقلب بعينيه على طوموبيلتو لي شرا وسيفطها بلباخرة حتى وصلات عاد قطع باش يجي، أعدى حاجة عندو هو أنه يتسنى شي حاجة ولا شي حد، غسان صاحب شركات الموضى والأزياء العالمية واخة كرفض يكون عارض وإنما هو لواجهة ديال لماركة ديالو العالمية ولي معروفة بإسمو الإيطالي إيمانويل عندو 25 سنة توفق فحياتو لمهنية دغيا ملي بدا كعارض على سن 15 سنة، من لي حقق حلمو وفتح شركة الأزياء رفض أنه يكون عارض واهتم بأعمالو وتوسيعها وفعلا لقا نجاح باهر رغم صغر سنه....رجل صارم ومرح فنفس لوقت كيتسيف دغيا وديما كيسبق إيدو عاد كهضر من بعد ... وصل لطوموبيل لي خرج منها سائق يرحب بيه ولكن معطاهش وقت دار جيهت لباب وقال: انا لي غانسوق يمكن لك تمشي
ركب فطوموبيل ومقابل شيفور من مرايا كدخل لي فاليز لطوموبيل غير سالا وهو يكسيري خلا غير لعجاج، مشا ديريكت اوطيل دخل وتلاح فسرير لفخم ديال سويت وايديه فيه زوج تيليفونات صونا لول وهو يجاوب: سيياو بيلا *اهلا أيتها الجميلة*
أنثى: ميا موري *حبيبي*
غسان بتاسم: إل ميو لايف (حياتي)
أنثى: توحشتك بزاااف
غسان: باقي حتى مدازت 24 ساعة
أنثى: وانا مالي شغلي شوف قررت تانا غانجي لمغريب
غسان وقف من لحركة:بصح؟؟ واش متأكدة من هاد قرار؟
أنثى: اه صافي عييت من لهروب جا لوقت باش نواجه مخاوفي
غسان: هانتي بديتي ديري ليا فيها دراما ديال افلام هندية
أنثى: هههههه حمار نتا غير لي بغا يضسرك
غسان: ههه ياله انا غانمشي ندوش وترتاح
أنثى: تسنا انا معيطة غير نسولك واش شفتيها تلاقيتيها؟؟
غسان عقد حواجبو: شكون هادي؟؟
أنثى: بلا قوالب وجاوبني شفتيها؟؟
غسان تنهد: لا مزال
انثى: اوكي أموريميو *حبيبي*
غسان: تي يامو إل ميو كوري
قطع معاها وجبد تيليفونو لاخر ودوز لابيل حتى جوبات بنت رجع شاف فتيليفون.
صفاء: ألو وا ألو واسمك ولحلاقم دويو
غسان: شكون تي؟؟
صفاء: مرت باك ونتا؟؟
غسان: اش هاد لق*** قادي فمك
صفاء: ولهيلا مقاد ومعكراه بلحمر و لابسة كسوة حمرة دكشي متناسق. ونتا اش لابس؟؟
رجع شاف فتيليفون لقا راسو مغالطش فنمرة: واش نمرة بدر هادي ولا غلطت
صفاء غلضات صوتها: هو هادا العشير واااافين
بدر نتر ليها تيليفون وجاوب: ألو سمحو ليا على هادشي راه ختي ضحكها باسل.
غسان بتاسم: قوليا هادي صفاء؟
بدر: غساااااان جيتي!!
كسمع صوت صفاء: شكون غساااان قول واشكون هاد غسان
بدر: تي ريحي وطلقي مني تاندوي
صفاء: واش غسان لي مع كابتن ماجد ههههههه
نقزات اسماء: عاد إليكم من جديد لعب حر خلق إثارة...
بدا كسمع الصوت كبعد وبدر كينهج: ديمهم هاد هربانات من شي سبيطار
غسان: هههه سعداتك مدور بك لحريم
بدر: ههه ختي وصحبتها مامحسوبينش....قوليا فينك؟؟ جي برك عدنا
غسان راني جيت ديريكت لأكادير باغي نفضي شي مسائل باش نقدر نحل لفرع عندكم انا
بدر: هي ماغنشوفك حتى لنهار لعرس
غسان: واش متأكد باغي تزوج ديك هنية؟
بدر: هههه حليمة سميتها
غسان: بحال بحال ههه
بدر: صافي تلاح تانتشاوفو راه هاد لمجنونات واقفين عليا باش تخرجهم
غسان: سيياو
بدر: سيياااو
تلاح فوق سرير وحل فيسبوك كيشوف فتصاورها وكيبتاسم: دابة عندي صوت وصورة فدماغي بقيت غير نشوفك فاص .... قرييييب قرييييب