صفاء حطات إيديها على جنابو هراتو: باقي فيك هرة؟؟
موطور مشا وجا: ديمك غاتقلبينا رايحي لرض
صفاء: باقي فك ههههه توحشتك والله شحال غاتبقا معانا هاد لمرة؟؟
بدر: للأبد
صفاء: كنهدر معاك بصح
بدر: ومالي كنهدر معاك بلعاني؟؟
صفاء بدات تغوت وناس لي دايزة وطوموبيلات كيشوفو فيهم وهي كضحك وفرحانة وحتى بدر فرحان ولكن فيساع جمع الضحكة
بدر: صفاء انا عارفاك مكتحمليش حليمة ولكن راه غانتزوجو دابة وخاصك تولفي عليها
صفاء: علاش غير قوليا واش ضروري؟؟
بدر: مقرية فاتحتنا وراك عارفة باباك راسو قاصح وانا معنديش مشكيل اصلا مكتهمني لا هي لا غيرها..
جات فبالو صاحبت صفاء معقلش على سميتها وبتاسم بلاما يشعر حرك راسو بحالة كنفض هاد الأفكار دخلو لفيلة وقفو قدام باب خرج رجل فاوائل خمسينات من عمرو شعرو كلو شيب ولكن بطريقة راقية وكيبان صغير ورشيق مشا بتخنزيرتو حتى قدام بدر وجرو فعناق رجولي، بدر مبادلوش لعناق ولكن بتاسم وحق على إيدو.
بدر: لواليد لباس علك؟!
مهدي اب صفاء: أودي ملي وليتي تسبق ختك على باباك مبقات هضرة
صفاء جات تجري تعلقات فيه: باباتي حبيبي مغيار ديالي ههه
مهدي عنقها وعينيه على بدر كيحاول يفهمو علاش عمرو رجع من موت ماماه أو واش كيلومو على موتها: دخلو دخلو راني موجد ليكم عشا فاعل تارك
صفاء: اه باباتي راه طباخ مااااهر
مهدي: كطنزي على باباك؟؟
صفاء: هههه وغير شوية ماشي بزاف
هربات دخلت كتجري وكتنقز فرحانة برجوع خوها وأهم رجال فحياتها مقابلينها.
بدر: واش مبغاتش دير عقلها؟؟
مهدي: خليها علك باقة صغيرة
بدر: راه لعام جاي لباك هادشي وباقة صغيرة وعاد دوبلات فسيزيام...
صفاء كانت بنت مرحة وعمرها تبدلات واخة لموت ديال مها متبدلاتش يمكن كتخبي حزنها مورة ضحكاتها وحبها للناس وفعل لخير ديما عزيز عليها ترسم بسمة على وجوه الناس، من بعد موت مها تدهور مستواها الدراسي سقطات فكاطريام وكتنجح غير بزز... على خطى امها طلعات آية فلجمال عينين لونهم زرق ولكن قريب بؤبؤ ديالها خيط داير فصفر هو كتحكم فعينيها مرة كيبانو خضر مرة كيبانو زرق شعرها بحال عسلي ناتيرال عندها صحبتها انتيم ملي كانو فقراء وهي معاشراها واخة مستواهم دابة لباس عليهم بسبب نجاح باباها وخوها فمشاريعهم، ولكن عمرها سمعات فحبها اسماء بنت طبقة متوسطة حروفها كحلين شعرها كحل ولكن عينيها زورق معرفاتش منين جابتهم بحكم هي يتيمة وغير مربية... ملي دخلو لكوليج اول مرة تصاحبو مع أمير لي كانو شي دراري شادينو كيعيروه وبغاو يضربوه، ساعة بنات تحماو عليهم بنتيف ولعضان صدمو دراري حتى هربو وخلاوهم.
أنت تقرأ
إبن عمي السافل
Romanceقصة كاملة كتجنع فتاة متمردة تلتقي إبن عمها في ضروف كوميديية... قصة بالدارجة المغربية ابن عم موعود بزواج بنت عمو لي مفراسها والو وعاد غاتلاقى بيه فضروف كلها ضحك وسفالة لا أنصح لجمهور الناشئ... رقم #١ في قصص المغربية بتاريخ 06/08/2019 رقم #١ في قصص رو...
