إبن عمي السافل

💥إبن عمي السافل💥 بقلمي: أريا ستارك جزء: 11

صونات مكانة فاقت صفاء وكلها متفائلة ليوم عندها أوديسيو باش تكون عارضة دخلات دوشات وقفات فلبيت لي فيه لحوايج تشوف أشنو تلبس، قررات على كسوة قصيرة فلغوز جمعات شعرها على شكل ديل حصان وهزات تيليفونها سيفطات مسج لحبها.
Safae: 7mara finek??
Asmae: nass kigoulo sbah khir
Safae: o 3la nti b7al nass ya kelba
Asmae: bssa7 lah ykhalik lia o khlass katfakrini be mostawaya hhhhh
Safae: dwi a ta7ba fineeek?? Ghant3atlo!
Asmae: kelba ana kanftar m3a 7obi Mehdi lta7t wanazli
صفاء بدات كضحك هزات صندالتها طالون فإيديها ونزلات تلاقات مع بدر هابط تاهو.
بدر: وايلي فايقة بكري و لابسة فين غادة؟؟
صفاء: عندي كاستينغ
بدر: باقة كديري دكشي ديال ى عارضات
صفاء: راه ياله بديت غير عام لي فات
أسماء بانت ليها صفاء وهي تجي تجري تعانقو وبداو كيمدحو فبعضياتهم جيتي زوينة لا نتي حسن لا هاد لبسة فنة..
بدر: صدعتو ليا مخي
اسماء: صباح الله
بدر خنزر فيها: كنشوفك كتر ماكنشوف لواليد، متجيش اسكتي هنا لا؟؟
صفاء: واو فكرة وااااعرة بابا بابا بابا بابا
مهدي: سمعتك سمعتك يا ربي سلامة صافي انا نعيط لباباك ندوي معاه
بدر خرج عينيه: واش نتوما مراض راني غير ضحكت
صفاء مشات عنقات باباها كتبوس فيه وبدر دار شاف فأسماء خنزر فيها وهي تخنزر فيه تاهي : واكولني
بدر ضحك باستهزاء: معنديش مع نوع ديالك كيديرو ليا حساسية
اسماء: داير بحال لعيالات فيك نكير
بزربة تحرك وشد ليها دراعها :بغيتيني نتبت لك بلا راجل؟؟
اسماء نترات ايدها منو: ههه مكنتزراش انا أودي تبت غير لراسك
صفاء: ياله أسماء غانتعطلو
مهدي: إنا شركة غانمشيو
أسماء جات تجري: عرفتي أمهيدي ديالي هاد شركة ديال واحد عارض مشهور سميتو إيميليو دخل لمغريب غير مؤخرا ودار شركات ديالو
بدر تكرشخ بالضحك: ههههههه دابة نتوما عاديين عند إيميليو؟؟هههههههه
صفاء: تهجرو على يامك، مال طاسيلتك هاكة
بدر: هههه الله ياربي مكرهتش نشوف وجهو ملي غايشوفك ههههههههه
اسماء: هاد خوك كون غير خليناه يتزوج بحليمة يستاهلها
صفاء: بتحبي مين ياحليمة
بدر خنزر فيهم وجا قاصدهم وهوما يعلقو هربانات وكل وحدة شادة صدالة دقال طالون فيدها وعيط جبد، ركبو فطوموبيل وبداو فنيقاشاتهم التافهة ...
اسماء: ياختي شفت شي تصاور ديال مول شركة ملي كان عارض بوكووووص
صفاء: وريني وريني، وعلاش حبس؟؟
اسماء: بدا صغير على 15 عام ودار لباس وحل شركات مبقاش باغي يبان فلواجهة، هاكي شوفي..
صفاء: شدات تيليفون غير شافت شخص واقف غير بلبوكسر ديالو عينيها غرغرو وقفات كتشوف فيه كيشبه فداك دري صغير لي كتفكر من طفولتها، مسحات عينيها دغيا وبدات كتجنزز فتصاورو: زعمة غايكون ليومة فكاستينغ؟؟
اسماء:ضروري قالك هو لي كعزل لعارضات، أجي من صباح وانا كنقلب على إنستجرام ديالك واش حيدتيه؟؟
صفاء جبدات تيليفونها: من صباح وانا كنضارب معاه ومع فيسبوك شي حد بيراطاهم جاتني بكية، شحال فيه ديال تيتيز دابة فين نمتع عويناتي؟؟