إبن عمي السافل

💥إبن عمي السافل💥 بقلمي: أريا ستارك جزء: 9

فلاش باك نرجعو 11عام لور
مهدي: شوف لمحاسب عطاني دلائل كلهم بلاما تبقا تنكر
عصام أب ديال غسان: ومن بعد؟؟ أشنو زعمة غادخل خوك للحبس؟؟
مهدي: انا ماشي ولد لحرام
عصام كصفق: لا برافو داير فيها دراما هنا...من أخر اش باغي دابة لاش واجهتيني
مهدي تنهد: هادشي علاش لواليد الله يرحمو مكانش كيتيق فك، مهم غادي نعتابرك خديتي حقك بهاد لإختلاسات لي درتي وحتى فيلا غناخدها، ومن احسن تخرج من مغريب شوية راه شي ناس ناوين يدعيوك وعندهم دلائل يدخلوك للحبس.
عصام بقا واقف مصدوم: غاتجري عليا من داري وتاخد ليا رزقي؟!!
مهدي كغوت بأعصاب: راك ختالستي كتر من نص ديال تروة ديال باك وماقلتيش الشركة ديالي لي بديتها من زيرو وزايد ناصب على ناس كتر راه إلا بقيتي هنا كتر من 24 ساعة غادي تلقى راسك فلحبس.
فهاد الأثناء واقف قدام لباب غسان كتصنط ودموعو حابسهم حتى تزنك، طلع يجري ديريكت لواحد لبيت حل لباب ودخل يجري لسرير لقاها ناعسة وشعرها مخربق بتاسم ابتسامة طفولية وبدأ كهر ليها فرجلها شوية مشا لفطور محطوط حدا راسها وهز معلقة ديال زبدة وبشوية دارها ليها فيدها بشوية ومشا لنيفها وبدا كهر فيها فلول عوجات نيفها مرة تانية حكات وجهها بإيدها لفيها زبدة وفاقت مخلوعة لقات غسان كضحك وهي تبدا تبكي.
صفاء: هئ هئ حمااال حيوان تفو ألك
غسان: واش نتي مغتكبريش؟؟ غاتبقاي تهضري هاكاك؟؟
صفاء كتمسح وجهها ودموعها: بعد مني انا باااكة صغيلة
غسان: واسيري كبرري باش نتزوجو
صفاء: لا لا لا مبيتش لا نتا شليل
غسان جا عنقها وهي تبدا ضحك وباسها فحنكها: شوفي انا غنمشي مع بابا وغنسافرو، غادي نتوحشك ولكن غادي نرجع
صفاء بدات تبكي عوتاني وهي دخل ماماها كتسكت فيها: غسان اش درتي ليها مالها فيها ريحة زبدة؟؟
صفاء: لالا ماما عسان عايمسي ويحليني كوليه لااا
غسان جابت ليه لبكية وهو يخرج يجري باش مايبكيش قدامها حيت هو راجل، وهاد نهار كان آخر مرة يشوفها
نهاية فلاش باك

كان باقي كفكر فدكريات حتى خرج فشي حد ملي نزل راسو يشوف لقاها هو وبلا كيشوف واش كتخايلها ولا بصح حس بيها وركات على دراعو وكتشوف فدراعو، وهو يبتاسم ولكن دغيا جمعها، وكمالة راكم عارفينها...
دخل كلشي للدار صفاء هازة طالونها ونافخة حناكها: شكون هاد زمر لي يهزني ودير ليا هاد لحالة؟؟ هاا؟
بدر: قلنا لك ولد عمك
غسان مخنزر فيها: وراني واقف هنا!! تاحاجة متبدلات باقة مكبرتيش باقة مبرهشة
أسماء جات وقفات قدامو: شوف هداك لبوكوص صاحب كابتن ماجد منسمحش لك تعاير صحبتي ماشي حيت زوين وعندك بادر وديك لحية خفيفة كتحمق
صفاء جات هزات أسماء من قفاها ودوراتها: يالمكبوتة واش كتحامي مني ولا كتخطبي فيه؟؟ لخائنة الله ينعل مك
أمير داخل كيجري عند صفاء: أحبة ديالي شكون هداك بوكوص لي كان هازك ياكلبة ناري تزعطت فيه
صفاء نعتات ليه: راهوا موراك شوف معاه
غسان شاف فبدر: هادو صحابها؟؟
بدر: شتي موعاناة ديالي؟
اسماء: معاناة هي لي كنتي غاتلقا كون تزوج بهاديك
صفاء: هاااح فكرتيني فرحة فيها خاصنا نحتافلو
امير: بتحبي مين ياحليمة 💃💃💃💃
بداو كلهم كيشطحو وبدر غير كيضحك اما غسان عينيه على صفاء وكيفاش كتشطح وكتلوز حس براسو بدا كسخن وهو يبتاسم بمكر، شاف فبدر: هاني غانبدا لخطة
بدر: الله معاك
غسان جمع ابتسامة ورسم على محياه لغرور ولكعية ملي شافتو أسماء جاي عندهم وهي تمشي تخبات مورة امير: ماما داك لوحش قاصدنا
أمير: هز راسو بان ليه جاي عندهم وملاميحو ناوي على خزيت وكاعي، دار عند اسماء: زيدي نعلقو صفاء راه خوها يحامي منها اما انا راه يدار ليا من لور
اسماء: ياولد كلب نتا كرهتي
صفاء عاطياه بضهر: مالكم نتوما كتوشوشو
أمير عاق تبعاتو أسماء غادين وكيغوتو: صفاء الله معااك
مفهمت والو ياله غاتغوت عليهم وتبعهم وهو يشدها غسان من دراعها ودورها عندو جات عينيها فعينيه وقلبها بدا كضرب لواه، معرفت واش توتر ولا خلعة ولا حشمة...